Dagur - 15.09.1986, Page 11

tMinningarorð:
Sigurlaug Pétursdóttir
Sunnudaginn 7. september sl.
andaðist að Dvalarheimilinu
Hlíð á Akureyri Sigurlaug Pét-
ursdóttir 93ja ára að aldri. Hún
hafði stóran hluta sinnar löngu
ævi verið búsett á Akureyri. Hún
var Húnvetningur, en átti ættir
að rekja til Eyjafjarðar.
Hún fæddist að Ósi í Vindhæl-
ishreppi í Austur-Húnavatns-
sýslu 10. janúar 1893. Foreldrar
hennar voru Guðrún Guðmunds-
dóttir, sem misst hafði föður sinn
er hún var í móðurkviði en ólst
upp hjá móður sinni að Hara-
stöðum, og Pétur Björnsson,
Hörgdælingur, sem ungur fluttist
til elsta bróður síns, vinnumanns
á Keldulandi í Húnavatnssýslu.
Húsmóðirin á þeim bæ, Álfheið-
ur að nafni, tók Pétur undir sinn
verndarvæng og þar óx hann úr
grasi.
Pétur og Guðrún voru dugnað-
arforkar. Ungur að árum fór Pét-
ur til sjóróðra suður á land og
fljótlega eftir að þau giftust tóku
þau að stunda sjálfstæðan bú-
skap, fyrst að Ósi og síðan að
Tjörn á Skaga. Til marks um
vinnusemi Péturs sagði Lauga
mér (en svo var Sigurlaug kölluð)
að er fólkið á Tjörn fór á fætur
var Pétur oft að koma í land úr
sjóróðri og gekk hann þá til dag-
legra starfa með fólkinu við bú-
skapinn, en Pétur var útvegs-
bóndi. Mannmargt var í heimili
og á 22 árum eignuðust hjónin 13
börn, þar af komust 12 til fullorð-
insára og eru afkomendurnir
orðnir fjölmargir og víða dreifðir
um landið.
Fljótt eftir að Lauga fermdist
fór hún að vinna fyrir sér. Var
hún vinnukona í sveitum Húna-
vatnssýslu, m.a. var hún nokkur
ár vinnukona að Árbakka við
Skagaströnd. Árið 1921 var hún
ráðin vetrarstúlka hjá séra Gunn-
ari Benediktssyni í Saurbæ í
Eyjafirði.
Á sama tíma var vinnumaður
að Gnúpufelli Stefán Hólm Krist-
jánsson frá Kerhóli í Sölvadal
(nú í eyði). Pann vetur kynntust
þau og bundust tryggðaböndum.
Um vorið flutti Lauga til Akur-
eyrar og réðst sem aðstoðar-
stúlka hjá Jónínu og Karli
Schiöth í Lækjargötu 2. Fyrsta
vetrardag árið 1926 var haldin
brúðkaupsveisla í Lækjargötunni
í tilefni af giftingu Laugu og
Holla, en svo kallaðist Stefán
meðal ættingja og vina. Fyrstu
hjúskaparárin bjuggu þau hjónin
í leiguhúsnæði, m.a. á Eyrar-
landsvegi 29 í sambýli við Júníus
Björgvinsson bæjarverkstjóra og
konu hans Soffíu og var þar
stofnað til ævilangrar vináttu
allra fjögurra. Síðar fengu þau
íbúð leigða að Aðalstræti 16, sem
þau seinna keyptu og þar bjuggu
þau til þess tíma er þau brugðu
búi vegna aldurs. Frá 1975 hafa
þau dvalist að Dvalarheimilinu
Hlíð.
Stefán vann ýmis verkamanna-
störf og Lauga vann úti fram á
efri ár, lengst af hjá KEA, í
Mjólkursamlaginu og líklega
lengst í Smjörlíkisgerðinni. Hún
vann einnig sem ráðskona við
barnaheimilið Pálmholt í nokkur
ár og tel ég að þar hafi Lauga
unað sér best, innan um allan
barnahópinn. Síðustu árin vann
hún við ræstingar á Hótel KEA.
Laugu og Holla auðnaðist ekki
að eignast börn í þeirri orðsins
merkingu, að afkvæmi áttu þau
engin, en systurdóttur Laugu,
nöfnu hennar, Sigurlaugu Helga-
dóttur tóku þau í fóstur 5 ára að
aldri og ólu upp til unglingsára.
Og mörg voru þau börnin sem til
þeirra sóttu, því barngóð voru
þau með afbrigðum.
Lauga var fríð kona og ákaf-
lega vinnusöm. Ég kynntist henni
þegar hún var um sextugt og
vakti það strax athygli mína að
hún hljóp við vinnu, ef hún gat
því við komið. Hún var glaðvær
og blíð og vildi öllum gott gjöra.
Aldrei heyrði ég hana hallmæla
nokkrum manni, en hvöss gat
hún verið við þá sem henni mis-
líkaði við. Gekk hún þá jafnan
hreint til verks og kom framan að
viðkomandi. Hún var lítið gefin
fyrir víl og tók erfiðleikum með
jafnaðargeði. Á síðustu árum
hrjáði hana sjóndepra, sem
margir gerðu sér ekki grein fyrir,
því að í fyrstu lét hún hana ekki
aftra sér að fara allra sinna ferða.
Er sjóndepran ágerðist varð eig-
inmaðurinn hennar stoð og
stytta.
Þriðjudaginn 2. september átti
lítil frænka hennar afmæli. Til-
hlökkunin var mikil og hóf hún
daginn á heimsókn til Laugu og
Holla til að bjóða þeim í afmæl-
ið. Lauga var ákveðin í að heim-
sækja hana síðdegis. Eftir að
frænkan litla fór, lögðu gömlu
hjónin sig og Lauga sofnaði vært.
Erfitt er að átta sig á því hvort
hún komst til meðvitundar eftir
það. Hún andaðist rúmum fimm
sólarhringum síðar.
Gengin er einhver sú besta
kona sem ég hefi kynnst um
ævina.
Fyrir hönd fjölskyldu minnar
vil ég minnast hennar með þökk
og virðingu.
Ragnar Ásgeir Ragnarsson.
Vetrarstarf
Hjálpræðis-
hersins hafið
Um þessar mundir er vetrarstarf
Hjálpræðishersins að hefjast.
Viljum við vekja sérstaka athygli
á barna- og unglingastarfinu sem
undanfarin ár hefur verið mjög
blómlegt. Eins og áður fyrr hefst
barnastarf vetrarins með Barna-
viku og verða samkomur á hverj-
um degi kl. 18.00 frá mánudegi
15. sept. til laugardagsins 20.
sept. Sunnudagaskólinn er hvern
sunnudag kl. 13.30.
Á þriðjudögum kl. 17.00 eru
yngriliðsmannafundir fyrir
krakka á aldrinum 7-13 ára. í
kvöld hefjast æskulýðsfundirnir
og verða þeir á hverju föstudags-
kvöldi kl. 20.00. Þangað er allt
ungt fólk velkomið. Þá eru
almennar samkomur á hverjum
sunnudegi kl. 20.00. Einnigýmsir
aðrir fundir fyrir fullorðna.
Allt samkomu- og fundahald
er auglýst í Degi.
o Reykingar auka
hættuna á
<y\ £ |SD æðakölkun
og kransæða-
stiflu.
LANDLÆKNIR
Á AKUREYRI
INNTÖKUPRÓF
Inntökupróf í Myndlistaskólann á Akureyri fyrir
skólaáriö 1986-1987 verður haldið
dagana 17.-19. september.
Umsækjendur láti skrá sig í skrifstofu skólans
fyrir 15. september.
Allar nánari upplýsingar í síma 96-24958.
Almennu námskeiðin auglýst síðar.
Skólastjóri.
Framsóknarfélag Húsavíkur
heldur almennan
félagsfund
fimmtudaginn 18. sept. kl. 20.30 í Garðari.
Dagskrá.
1. Inntaka nýrra félaga.
2. Framboðsmál.
3. Bæjarmálefni.
4. Önnur mál.
Mætið vel og takið með ykkur nýja félaga
Framsóknarfélag Húsavíkur.
15. september 1986 - DAGUR -11
Allir í sólina
í vetur
Kanarí- og Madeirabæklingarnir komnir.
Bókanir í fullum gangi - Frábært verð.
FERÐASKRIFSTOFA
AKUREYRAR
RAÐHUST0RGI 3 • SÍMI 25000.
Harmonikuunnendur!
Aðalfundur
félags harmonikuunnenda við Eyjafjörð
verður haldinn sunnudaginn 21. september
kl. 20.30 í Lundarskóla.
Venjuleg aðalfundarstörf.
Önnur mál.
Stjórnin.
Húsavíkurkaupstaður
Útboð
Tilboð óskast í að byggja hliðarfærslu við drátt-
arbrautina á Húsavík.
Útboðsgögn eru til afhendingar á bæjarskrifstofu
Húsavíkur, gegn 1.000 kr. skilatryggingu.
Tilboð sem berast, verða opnuð föstudaginn 26.
sept. kl. 11 f.h. að viðstöddum þeim bjóðendum sem
þess óska.
Bæjartæknifræðingur.
DALVÍK I
m Sjúkraliða vantar
að Dalbæ, heimili aldraðra Dalvík
Nánari upplýsingar gefur forstöðumaður eða
hjúkrunarforstjóri í síma 61379 eða 61378.
Viljum ráða smiði eða
laghenta menn strax
Húsnæði á staðnum.
Trésmiðja Fljótsdalshéraðs,
sími 97-1700.
Verkamenn óskast
til starfa hjá Pósti og síma, Akureyri.
Hafið samband við Jón Snorrason eða Hrein
Sverrisson í síma 26000.
Það kemst
tilskilaíDegi
Áskrift og auglýsingar © (96) 24222^^