Dagur - 17.09.1986, Page 11

17. september 1986 - DAGUR - 11
Héraðsfundur Eyjafjarðarprófastsdæmis:
605 messur sungnar
á árinu 1985
- Aðalmál fundarins „vígð og óvígð sambúð“
Héraðsfundur Eyjafjarðarpróf-
astsdæmis 1986 var haldinn í
Akureyrarkirkju 7. september
og hófst með guðsþjónustu.
Séra Vigfús Þór Arnason préd-
ikaði, en fyrir altari þjónuðu
séra Hannes Örn Blandon og
séra Þórhallur Höskuldsson.
Kirkjukór Akureyrarkirkju
söng undir stjórn Jakobs
Tryggvasonar.
I messulok setti prófasturinn
séra Birgir Snæbjörnsson fundinn
með ávarpi. Þar rakti hann m.a.
helstu breytingar sem orðið hafa
á þjónustu presta sl. héraðsfund-
arár. Séra Bjartmar Kristjánsson
lét af starfi prófasts 15. júní og
prestsþjónustu 31. ágúst. Séra
Helgi Hróbjartsson sagði lausu
starfi sínu í Hríseyjarprestakalli í
ágústlok og hvarf til starfa í Afr-
íku. Þakkaði prófastur störf
þeirra í héraðinu og bað þeim
blessunar.
Séra Hannes Örn Blandon,
sem þjónað hefur Ólafsfjarðar-
prestakalli tók 1. september við
Laugalandsprestakalli að afstað-
inni lögmætri kosningu. Umsækj-
andi um Ólafsfjarðarprestakall er
einn, Svavar Alfreð Jónsson frá
Akureyri. Enginn sótti um Hrís-
eyjarprestakall.
Miklar breytingar hafa orðið
meðal annarra starfsmanna kirkj-
unnar. Þakkaði prófastur ágæt
störf á liðnu héraðsfundarári og
bauð nýja liðsmenn velkomna til
starfa.
í prófastsdæminu voru sungnar
605 messur á árinu 1985, skírð
voru 348 börn, fermd 375 og 2861
tekinn til altaris. Hjónavígslur
voru 110 og greftranir 161.
Nýráðinn æskulýðsfulltrúi í
Hólastifti Pétur Björgvin Þor-
steinsson ávarpaði fundinn. Var
hann boðinn velkominn til starfa.
Aðalmál fundarins var „Vígð
og óvígð sambúð". Fyrri frum-
mælandi séra Jón Helgi Þórarins-
son fjallaði í fyrstu um hjóna-
bandið frá trúarlegu og siðferði-
legu sjónarmiði, en vék síðan að
þróun þessara mála hér á landi og
lýsti áhyggjum sínum af því hve
hjónavígslum fækkaði. Hann
ræddi um breytta þjóðlífshætti og
leitaði skýringa á því hvers vegna
hjónabandið er nú ofið úr mun
færri þáttum en áður var, svo að
segja má að það hvíli nú nær ein-
göngu á tilfinningaþættinum og
varanleiki þess undir því kominn
hvort tilfinningaböndin héldu.
Séra Jón Helgi ræddi um fjöl-
skylduvernd og nauðsyn þess að
hlúa að heimilum og styrkja
þannig hjónabandið.
Einstaklingshyggjuna taldi séra
Jón mikinn meinvald, sem bitnaði
á nútíma hjónaböndum ásamt
þeirri frjálsræðishugsjón sem ylli
því að menn firrtu sig félagslegri
ábyrgð.
Þá nefndi séra Jón Helgi ýmsar
félagslegar skýringar á því að æ
fleiri kysu nú óvígða sambúð.
Varpaði hann fram til umhugsun-
ar, hvort kirkjan og kirkjunnar
menn þyrftu ekki að fræða meira
en gert er um skyldur og ábyrgð í
hjónabandi.
Síðari frummælandinn Ásgeir
Pétur Ásgeirsson héraðsdómari
fjallaði um hjónabandið frá hlið
löggjafans, en fyrst og fremst um
réttaráhrif óvígðrar sambúðar, er
hann skilgreindi sem varanlegt
samlíf karls og konu án þess að
formleg hjónavígsla hefði farið
fram.
Ásgeir kynnti lögin um réttindi
og skyldur hjóna nr. 20 frá 1923
og ákvæði almannatryggingalaga
og barnaverndarlaganna frá
1981, og önnur ákvæði laga sem
varpa ljósi á viðfangsefnið. Þá
dró ræðumaður fram þau atriði í
lögum sem settu óvígða sambúð
jafnfætis hjónabandi, en sýndi
einnig fram á hvar skildi á milli,
svo sem varðandi framfærslu-
skyldu, lífeyrisréttindi, erfðamál
og fjárskipti við sambúðarslit. í
því sambandi gat hann um
nýmæli í lögum, sem taka eiga
gildi um næstu áramót þess eðlis
að ágreining um eignaskipti skuli
eftirleiðis reka fyrir skiptarétti.
Þá fór ræðumaður nokkrum
orðum um það hve erfið og við-
kvæm mál sambúðarfólks gætu
orðið. Hann lýsti áhyggjum sín-
um af því hve slitum á óvígðri
sambúð fjölgaði mikið. Það væri
áberandi á sama tíma sem sér
virtist draga úr hjónaskilnuðum.
Ásgeir lagði áherslu á að sam-
búðarfólk gætti þess vel að hafa
allt sitt á hreinu. Að lokum lýsti
Ásgeir þeirri skoðun sinni að þau
sem lifðu eins og hjón ættu skil-
yrðislaust að taka vígslu í hjóná-
band.
Að loknu máli framsögumanna
las Júlíus Júlíusson safnaðarfull-
trúi Siglufirði ljóð eftir Guðrúnu
Svövu Svavarsdóttur á áhrifamik-
inn hátt. Ljóðaflokkurinn heitir:
„Þegar þú ert ekki“. Þar lýsir
skáldkonan hjónabandi sínu og
skilnaði eftir 16 ára hjónaband.
Að lokum svöruðu framsögu-
menn fyrirspurnum og spunnust
af líflegar og fróðlegar umræður.
Þá fluttu safnaðarfulltrúar
fréttir úr sóknum sínum. Kom
þar greinilega í ljós að mikið er
að gerast í málum kirkjunnar í
byggðum Eyjafjarðar og margir
kirkjuvinir inna af höndum fórn-
fúst starf.
Séra Þórhallur Höskuldsson
skýrði frá héraðssjóði og héraðs-
nefnd. Ákveðið var að tekjur
héraðssjóðs af sóknargjöldum
þessa árs skuli vera 1%.
Undir liðnum önnur mál bar
margt á góma. Nokkrar tillögur
komu fram m.a. eftirfarandi, sem
samþykkt var samhljóða: Hér-
aðsfundur Eyjafjarðarprófasts-
dæmis haldinn á Akureyri 7.
september 1986 samþykkir eftir-
farandi: Með hliðsjón af synjun
ráðherra um að hækka álagning-
arprósentu sóknargjalds og í
fyrsta sinn reyndi á fyrr á þessu
ári (sbr. 3. gr. laga nr. 80/1985)
beinir fundurinn því til kirkju-
þings að þegar verði hafin endur-
skoðun á fjármálatengslum ríkis
og kirkju með þá stefnumörkun
að leiðarljósi að efla fjárhagslegt
sjálfstæði kirkjunnar gagnvart
ríkinu.
Fundi lauk með ritningarlestri
og bæn. 24 fulltrúar sátu fundinn
og 11 gestir. Fundarmenn þágu
ágætar veitingar í boði sóknar-
nefndar Akureyrarkirkju. Um
kvöldið áttu fundarmenn ánægju-
legar samverustundir á heimili
prófastshj ónanna.
Birgir Snæbjörnsson.
A söluskrá
Fjólugata: Tilboð óskast í einbýlishús, til endurbyggingar
vegna bruna.
Háhlíð: Endaíbúð í raðhúsi, með bílskúr.
Þórunnarstræti: 6 herb. sérhæð 149 fm ásamt bílskúr,
herb. og sameign á neðri hæð.
Hafnarstræti: 2ja herb. íbúð, laus strax.
Hafnarstræti: íbúðarhús 3 hæðir og rishæð, grunnflötur
ca. 70 fm. Mögulegt sem einbýlis- eða tvíbýlishús, með
plássi fyrir verslun eða léttan iðnað á jarðhæð.
Gránufélagsgata: 2ja herb. íbúð.
Hjalteyrargata: 3ja herb. íbúð ásamt 90 fm verkstæðis-
húsnæði.
Hrísalundur: 2ja herb. íbúð á 4. hæð.
Smárahlíð: 2ja herb. íbúð á 3. hæð. Snyrtileg íbúð.
Tjarnarlundur: 2ja herb. íbúðir, afh. 1. okt. og 1. nóv.
Reykjasíða: Einbýlishús á einni hæð ásamt bílskúr.
Langahlíð: Eldra einbýlishús, hæð og kjallari, eign á góð-
um stað.
Sólvellir: 4ra herb. íbúð á 3. hæð, hugsanleg skipti á
stærri íbúð.
Mánahlíð: íbúðarhús á tveimur hæðum, 146 fm x 2. Á efri
hæð er 6 herb. íbúð en á neðri hæð er 2ja herb. íbúð,
bílskúr og geymslur. Ástand húss mjög gott.
Geislagata 12: Tveggja hæða hús, ásamt verkstæðis-
húsnæði (bakhúsi). Húseignin er seld sem ein heild, eða í
þrennu lagi.
Símsvari tekur við skilaboðum
allan sólarhringinn.
Fasteignasalan hf opið frá
Gránufélagsgötu 4, . . _ _ .
efri hæð, sími 21878 0-7 e.h.
Hreinn Páisson, lögfræðingur
Guðmundur Jóhannsson, viðskiptafræðingur
Hermann R. Jonsson, sölumaður
Offsetfjölritari til sölu
Lítið notuð Roto 625 ofsetfjölritunarvél til söiu.
Hentug fyrir skóla, stofnanir og félagasamtök.
Uppl. í símum 96-26511 og 26987.
Alþýðuflokksfélag
Akureyrar
heldur fund í Strandgötu 9 annað kvöld fimmtudag
18. september kl. 20.30.
Fundarefni:
Inntaka nýrra félaga.
Kosning fulltrúa á flokksþing
Alþýðuflokksins.
Önnur mál. Stjórnin.
Kjördæmisþing Alþýðu-
flokksins í Norðurlands-
kjördæmi eystra
verður haldið að Stórutjarnaskóla, dagana 20. og
21. september.
Þingið hefst á laugardag kl. 13.00. Gestir verða Árni
Gunnarsson og Jón Baldvin.
Stjórn kjördæmisráðs.
Barnaskóla Akureyrar
vantar starfsmann til að annast vistun 6-8 ára
barna.
Um er að ræða hlutastarf.
Upplýsingar gefur skólastjóri í síma 24449 og
yfirkennari í síma 24172.
Skólastjóri.
Starfsfólk
Viljum ráða starfsfólk til afgreiðslustarfa sem
fyrst. Hafið samband við eiganda, ekki í síma.
Verslunin Garðshorn,
Byggðavegi 114, Akureyri.
Heildverslun óskar að ráða röskan og ábyggileg-
an mann til
lagerstarfa
sem fyrst.
Umsóknir sendist á afgreiðslu blaðsins fyrir 27.
sept. merktar: „Lager“.
Útibússtjóri
á Hauganesi
Kaupfélag Eyfirðinga óskar eftir að ráða útibús-
stjóra að verslun félagsins á Hauganesi. Viðkom-
andi þarf að geta hafið störf sem fyrst.
Umsóknareyðublöð fást hjá starfsmannastjóra og
í afgreiðslu fjármáladeildar KEA Hafnarstræti 91,
Akureyri.
Skriflegum umsóknum ber að skila til Áskels Þór-
issonar, starfsmannastjóra KEA, Hafnarstræti 91,
602 Akureyri eigí síðar en 23. september.
Kaupfélag Eyfirðinga.