Dagur - 24.10.1986, Blaðsíða 6

6 - DAGUR - 24. október 1986
Leikfélag
Akureyrar
Marblettir
eftir hina og þessa
Frumsýning föstudaginn
24. okt. kl. 20.30.
2. sýning laugardag
25. okt. kl. 20.30.
Barnaleikritið
Herra Hú.
10. sýning sunnud. 26. okt. kl. 15.00.
Enn er hægt að
kaupa aðgangskort
Miöasala í Ánni, Skipagötu er opin
frá kl. 14.00-18.00, sími 24073.
Símsvari allan sólarhringinn.
■■■■«*■■■■■■■■■■■■■■
Grattan
pöntunarlisti
Haust- og
vetrarlisti
1986 kominn.
Umboð Akureyri
sími 23126.
Verð kr. 200.00
+ póstkrafa
ATH!
listanum ekið heim
innan Akureyrar.
Véismiðjan Vík hf.
Grenivík auglýsir
Tökum að okkur:
Vélaviðgerðir ★ Járnsmíði ★ Álsmíði.
Viðgerðir á heimilistækjum.
Sala á járni og áli.
Upplýsingar í síma 96-33216 á kvöldin hjá Jakobi
Þórðarsyni í síma 96-33113.
Takið eftir
Ýtuvinna ★ Jarðvegsskipti ★ Fyllingarefni
Sparið tíma fé og fyrirhöfn.
Til leigu 26 tonna jarðýta í flest verk. Útvegum einnig önn-
ur tæki t.d. traktorsgröfu, beltagröfu, dráttarbíla, einnig allt
fyllingarefni. Tökum að okkur stór sem smá verkefni. Vanir
menn, góðar og afkastamiklar vélar.
Hringdu og fáðu upplýsingar.
Friðrik Bjarnason, heimasími 26380, bílasími 985-21536.
Guðmundur Kristjánsson, heimasími 23349, vinnusími
22333.
Kaupskip hf.
Hefjum siglingar til Englands, Hollands,
Belgíu, Þýskalands, Danmerkur, Svíþjóðar
og Noregs í næsta mánuði.
Upplýsingar á skrifstofu Kaupskips.
A TH! Höfum frystivörur jafnt og aðrar vörur.
Kaupskip hf.
Strandgötu 53, Akureyri. Sími 96-27035.
Leikfélag Akureyrar:
Frumsýnir Marbletti í kvöld
í kvöld frumsýnir Leikfélag
Akureyrar Marbletti eftir
Bengt Ahlfors, Kristján frá
Djúpalæk, Pétur Einarsson og
fleiri. Hér er um að ræða
sambland af revíu og kabarett
sem Bengt Ahlfors er upphaf-
lega höfundur að, en verkið er
mjög staðfært upp á ísland og
íslensk málefni þar sem skop-
ádeila á fínnsk vandamál
stendur okkur ekki mjög
nærri. Leikstjóri er Pétur Ein-
arsson.
„í þessu verki eru vandamálin
leyst í eitt skipti fyrir öll. Karl-
mönnum er boðið upp á nokkrar
lausnir á jafnréttisvandamálinu,
en þeir hafa orðið undir í barátt-
unni. Nú geta þeir fundið aftur
leiðir til að verða ofan á. Hér er
líka endanlegt uppgjör við ’68
kynslóðina, svo fátt eitt sé nefnt.
Svo er upplýst hvað í rauninni er
að gerast í norrænni samvinnu,
kynning á störfum Norðurlanda-
ráðs. Raunir Berta litla koma
líka við sögu og tiplað er á vanda-
málum sem koma upp í rúminu,"
sagði Pétur Einarsson.
Hann sagði að 1. atriðið væri
byggt á sannsögulegum atburð-
um sem áttu sér stað í Sam-
komuhúsinu, en vildi að sjálf-
sögðu ekki upplýsa það nánar.
Blaðamaður leit inn á æfingu og
sá nokkur sjálfstæð og laustengd
atriði, sungin og leikin. Þótt gam-
anið og sprellið væri í fyrirrúmi
má búast við að sum atriðin þyki
nokkuð snörp ádeila. Greinilegt
var að þeir Pétur og Kristján hafa
verið að heimfæra atriði upp á
atburði sem hafa verið að gerast
undanfarið í íslensku þjóðlífi.
Þeir eru líka þýðendur að texta
Bengts Ahlfors, þar sem hann er
notaður. Sum atriðin eru svo
bundin Finnlandi að bein þýðing
kemur ekki til greina. Áhorfend-
ur mega búast við kostulegum
uppákomum.
Pétur Einarsson sér einnig um
leikmynd og hannar búninga
ásamt Freygerði Magnúsdóttur,
þannig að hlutur hans í verkinu
er gríðarlega stór. Ingimar Eydal
„Raunir Berta litla koma líka við sögu.“
og Aðalheiður Þorsteinsdóttir sjá
um undirleik og Ingvar Björns-
son lýsingu. Úrvals leikarar taka
þátt í sýningunni. Skúli Gauta-
son, Inga Hildur Haraldsdóttir
og Einar Jón Briem, sem gert
hafa mikla lukku í Herra Hú.
Sunna Borg, Marinó Þorsteins-
son og síðan liðsauki frá Svíþjóð,
María Ámadóttir. Öll bregða
þau sér í margs konar gervi.
Herra Hú hefur gengið mjög
vel og verður sýndur áfram á
sunnudögum, en áætlað er að
sýna Marbletti á föstudögum og
laugardögum. Og í kvöld má
búast við spennandi frumsýn-
ingu. SS
Neyðaróp:
Passíukórinn vantar karlaraddir
Passíukórinn á Akureyri, undir
stjórn Roars Kvam, hóf sitt 15.
starfsár nú í haust, með æfingum
á verkinu Gloria eftir Vivaldi.
Það verður flutt á tónleikum
Kammersveitar Tónlistarskólans
í desember.
Það er áhyggjuefni hversu
fámennur kórinn hefur verið
undanfarin ár. Það veldur erfið-
leikum við val á verkefnum og
álagið á hvern og einn kórfélaga
verður mjög mikið. Þetta á sér-
staklega við um karlaraddirnar
og er nú svo komið að algjört
neyðarástand ríkir í kórnum. Því
er hér með skorað á sem flesta að
koma til liðs við kórinn, ella mun
starf hans óhjákvæmilega leggj-
ast niður. í vetur mun Páll
Jóhannesson annast raddþjálfun
kórfélaga. Það er því kjörið tæki-
færi fyrir áhugasamt fólk að fá til-
sögn í raddbeitingu. Einnig er til
athugunar að halda námskeið í
undirstöðuatriðum í nótnalestri,
ef næg þátttaka fæst.
Margir hafa sett fyrir sig
æfingatíma um helgar og hefur
kórinn því tekið upp nýja æfinga-
tíma og æfir nú á mánudögum kl.
20-22 í Samkomuhúsinu og á
fimmtudögum í Tónlistarskólan-
um á sama tíma.
Passíukórinn endurtekur neyð-
aróp sitt og skorar á söngglaða að
koma til liðs við hann. Allar upp-
lýsingar gefa stjórnandi (s.
24769) og stjóm kórsins, en hana
skipa: Arnheiður (s. 25784), Sól-
veig (s. 26557), Auður (s. 24812),
Borghildur (s. 24204) og Svana
(s. 22052).
Vi 11 ibráöarkvöld
í Smiðjunni
Um helgina verður efnt til villi-
bráðarkvölda í veitingahúsinu
Smiðjunni á Akureyri og er
óhætt að segja að vei sé vand-
að til veislu.
Villibráðarkvöldin verða í
kvöld og á sunnudagskvöld og er
boðið upp á sérstakan matseðil
sem samanstendur af landpaté
með cumberlandsósu, villtu fugl-
aseiði með fjallagrösum og ost-
astönglum, köld rjúpnabrjóst
með týtuberjasultu og hreindýra-
steik sem borin er fram með
rosmarinsoðnum kartöflusneið-
um og waldorfsalati.
Hallgrímur Arason í Smiðj-
unni sagði að ekkert væri til spar-
að að gera þessi villibráðarveislu
sem veglegasta. „Við höldum
verðinu þó niðri og verð þessara
girnilegu rétta á villibráðamat-
seðlinum er aðeins 1500 krónur,“
sagði hann. Þess má svo að lok-
um geta að hægt verður að fá
aðra rétti af matseðli hússins
bæði kvöldin, og Þorvaldur Hall-
grímsson er nú mættur á ný í
Smiðjuna og leikur tónlist fyrir
matargesti.