Dagur - 07.01.1987, Side 2

2 - DAGUR - 7. janúar 1987
_s/iðtal dagsins.
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SfMI: 24222
ÁSKRIFT KR. 480 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
GESTUR E. JÓNASSON, GESTUR KRISTINSSON
(Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
RÚNAR ÞÓR BJÓRNSSON, STEFÁN SÆMUNDSSON,
ÞÓRHALLUR ÁSMUNDSSON (Sauðárkróki vs. 95-5960 hs. 95-5729)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Jeiðari.____________________________
Varhugaverðar
hækkanir
í kjarasamningunum sem gerðir voru í desemb-
er er gengið út frá því að verðlag á árinu verði
stöðugt. Þær hækkanir á opinberri þjónustu sem
tilkynnt hefur verið um að undanförnu gera það
tvímælalaust að verkum að forsendum kjara-
samninganna er stefnt í voða.
Stjórn Landsvirkjunar ákvað á fundi sínum
þann 30. desember s.l. að hækka gjaldskrá fyrir-
tækisins um 7,5%. Ríkisstjórnin hafði áður beint
þeim tilmælum til stjórnar Landsvirkjunar að
halda hækkuninni innan við fjögurra prósenta
markið. Ólafur Ragnar Grímsson fulltrúi Alþýðu-
bandalagsins svo og fulltrúar Sjálfstæðisflokks-
ins í stjórn Landsvirkjunar sáu sér ekki fært að
verða við þeim tilmælum.
Þessi ákvörðun hefur valdið miklum vonbrigð-
um innan ríkisstjórnarinnar og í verkalýðs-
hreyfingunni. Það vekur sérstaka athygli að þeir
pólitískt kjörnu aðilar sem mynduðu meirihluta
við ákvörðun um gjaldskrárhækkun Landsvirkj-
unar hafa með afstöðu sinni ögrað þeim flokkum
sem völdu þá til þessara starfa. Sjálfstæðismenn
í stjórn Landsvirkjunar ganga með samþykkt
sinni þvert á vilja ríkisstjórnarinnar. Ólafur
Ragnar Grímsson samþykkir gjaldskrárhækkun-
ina á sama tíma og flokksbróðir hans, Ásmund-
ur Stefánsson forseti ASÍ, segir þessa hækkun
stefna forsendum kjarasamninganna í hættu og
að bráðabirgðalög hafi verið sett af minna
tilefni. Ásmundur hefur bent á að að í samning-
unum sé gert ráð fyrir því að gengi verði haldið
stöðugu og því hljóti Landsvirkjun að hafa hag
af því, með allar sínar erlendu skuldir, að samn-
ingarnir haldi.
Þessi hækkun á gjaldskrá Landsvirkjunar er
afdrifarík og kemur til með að hafa keðju-
verkandi áhrif um land allt, þar sem allar rafveit-
ur landsins þurfa að hækka gjaldskrá sína til
þess að mæta hærra heildsöluverði.
En fleiri hækkanir hafa orðið á nýja árinu.
Afnotagjöld síma og Ríkisútvarpsins hækkuðu
um 10%, bensínlítrinn hækkaði um krónu og
flestar hitaveitur og rafveitur landsins hafa
hækkað gjaldskrána um 5-10% eða eru um það
bil að hækka. Jafnframt má búast við hækkun á
annarri opinberri þjónustu á næstunni, svo sem
da^vistargjöldum.
Utlitið er því ekki gott í upphafi ársins. í kjara
samningunum var boginn spenntur til hins ítr-
asta og út frá því gengið að verðlag héldist
stöðugt. Ef þessar hækkanir eru forsmekkurinn
af því sem koma skal, bresta forsendur kjara-
samninganna fyrr en varir. Og þá er fjandinn
laus. BB.
Norman Hanson Dennis er
fæddur í bænum South
Shields, stutt frá Newcastle í
Englandi, þann 4. maí 1954.
Hann flutti til Akureyrar síð-
astliðið haust og kennir á blást-
urshljóðfæri við Tónlistarskól-
ann á Akureyri. Hann hefur
farið víða um lönd á hljóm-
leikaferðum en er svo hrifínn
af Akureyri að hann vill hvergi
annars staðar vera.
- Norman, hvernig líkar þér á
Akureyri?
„Mér líkar mjög vel hérna og
hér vil ég setjast að til frambúð-
ar. Konan mín kom hingað rétt
fyrir jólin með tvö börn okkar og
henni finnst hlýrra hér en í Bret-
landi. Veðurfarið á Bretlandi er
rakt og vindasamt á veturna og
það er oft mjög kalt vegna
rakans. Mér líkar vel við veður-
farið og loftslagið á íslandi. Ég
skil ekkert í að fólk hérna í bæn-
um er að kvarta yfir að hér sé
kalt, mér er ekki kalt. Það sem
kom mér skemmtilega á óvart
þegar ég kom fyrst til Akureyrar
voru brekkurnar, mér líkar vel
við þær.“
- Hvernig er héraðið sem þú
kemur frá, þarna í Norður-Eng-
landi?
„Þar er mikið atvinnuleysi
núna, annars eru þar mörg náma-
Norman Hanson Dennis, tónlistarkennari við Tónlistarskólann á Akureyri.
„Mér líkar einstaklega
vel víð Akureyri
- Norman Hanson Dennis, tónlistarkennari
fyrirtæki og skipasmíðastöðvar.
Landið er frekar flatlent og ólíkt
íslandi. Hér er líka miklu betra
andrúmsloft en í mikið iðnvædd-
um löndum eins og Bretlandi."
- Hvernig hljóðfæri kennir þú
á?
„Ég kenni aðallega á trompet
og básúnu, auk þess kenni ég
tónheyrn. Það hafa ekki verið
neinir tungumálaörðugleikar
milli mín og nemendanna því
enskukennsla er mjög góð á ís-
landi. Ég reyni að leggja mig all-
an fram um íslenskunámið því ég
held að nauðsynlegt sé fyrir
útlendinga að læra málið vel ef
þeir ætla að eiga heima hérna.
Mér finnst íslenskan samt mjög
erfitt mál.“
- Hindrar það þig í að læra
málið hversu góð enskukunnátt-
an er hér?
„Já, að vissu leyti. Ég get oft-
ast gert mig skiljanlegan þó ég
kunni ekki íslensku. Ensku-
kennsla hlytur að vera á mjög
háu stigi á Islandi. Ég bið fólk um
að tala ekki ensku við mig því ég
er að læra íslensku. íslenskan er
ólík öllu sem ég hef áður heyrt,
það eru varla til orð sem eru lík
enskunni. Ég verð að læra hvert
orð fyrir sig.“
- Hvernig gengur börnunum
og konunni að aðlaga sig breytt-
um aðstæðum?
„Konan mín kom 21. des. með
börnin og það var jólagjöfin mín.
Það fyrsta sem krakkarnir gerðu
var að fara út að leika sér í snjón-
um í tvo klukkutíma. Við erum
vön snjó en ekki eins miklum og
hérna, þar er kannski snjór tvo
daga á ári. Fólkið heima er ekki
vant snjó og snjódekk á bíla eru
t.d. óþekkt fyrirbæri. Það er
algengt að ökumenn leggi bílum
sínum því þeir eru að öllu leyti
vanbúnir til vetraraksturs.“
- Hvernig byrjaði áhugi þinn á
tónlist?
„Þegar ég var sjö ára byrjaði
ég að Ieika á trompet hjá Hjálp-
ræðishernum. Þegar ég var tólf
ára fór ég í gagnfræðaskóla og
þar hélt ég áfram tónlistarnámi.
Ég varð atvinnuhljóðfæraleikari
sextán ára gamall en þá fór ég að
leika með lúðrasveit á vegum
breska hersins í herlúðrasveit.
Við æfðum stíft alla daga frá
klukkan átta á morgnana til fjög-
ur eða fimm á daginn. Þegar ég
var á átjánda ári fór ég í fram-
haldsnám við „Royal Military
School of Music“ í London. Þar
lærði ég í eitt ár og fékkst m.a.
við hljómsveitarstjórn, samningu
tónverka og fræðilega iðkun tón-
listar. Þetta var ekki langur tími
en þetta var mjög strangt nám og
engin frí gefin allt árið.“
- Fékkstu aldrei leið á tónlist-
inni?
„Nei, mér þótti of vænt um
tónlistina til að fá leið á henni, ég
var bara 18 ára gamall þarna. Ég
fór að leika með herlúðrasveit-
inni The Royal Greenjackets um
þetta leyti sem fastráðinn hljóð-
færaleikari. Það fyrsta sem við
gerðum var að fara til Þýskalands
til að leika við ýmis hátíðleg tæki-
færi. Við spiluðum líka talsvert í
Frakklandi og Belgíu.“
- Hvert er hlutverk herlúðra-
sveita?
„Það er tvíþætt. í fyrsta lagi að
leika við ýmis tækifæri sem tengj-
ast hernaði, t.d. á minningardög-
um, þjóðhátíðardögum og
afmælum. í öðru lagi er hægt að
leigja lúðrasveitina til að spila
fyrir einkaaðila á samkomum
o.s.fr. Við þurftum því að ferðast
mikið, einkum um Þýskaland til
að spila á bjórhátíðum.
Ég get nefnt sem dæmi að við
fórum til Bandaríkjanna og spil-
uðum fyrir Alexander Haig,
hershöfðingja. Lúðrasveitin fór
líka til ríkisins Oman við Persa-
flóa þar sem við lékum fyrir sold-
áninn. Hann hafði komið sér upp
lúðrasveit við hirðina og réði
okkur til að koma einhverju lagi
á hana. Soldáninn gaf okkur arm-
bandsúr með skjaldarmerki sínu,
en mitt týndist því miður. Að
dvölinni í Oman lokinni fórum
við til Kýpur þar sem við vorum í
tvo mánuði á vegum Sameinuðu
þjóðanna. Frá Kýpur fórum við
beint til Bonn og lékum fyrir v,-
þýska þingið."
- Hvenær hættirðu að spila
með þessari lúðrasveit?
„Fyrir þremur árum varð
lúðrasveitin og samkoma sem
hún lék á fyrir sprengjutilræði
írska lýðveldishersins, IRA, í
London. Þá missti ég sex af félög-
um mínum, það var hörmulegt.
Ég var ekki staddur þarna þegar
þetta gerðist, þá væri ég varla lif-
andi. En ég er bjartsýnn og trúi á
lífið sem mér finnst vera of stutt.
Ég hafði ákveðið nokkru áður að
snúa inn á aðra braut í tónlistar-
starfinu. Ég lék með ýmsum góð-
um mönnum áður en ég kom
hingað en nú hef ég hugsað mér
að leggja fyrir mig kennslu ein-
göngu.“
- Hvernig tekur fólk þér hérna
á Akureyri?
„Mjög vel. Allir eru mér og
mínum góðir og vinsamlegir. Ég
vissi ekkert um ísland áður en ég
kom hingað, hélt eiginlega að hér
byggju eskimóar í snjóhúsum. Ég
get sagt sem dæmi að ýmsir urðu
til að víkja að okkur smákökum
fyrir jólin því við höfðum ekkert
bakað. Svo vorum við boðin í
mat. Ég hef prófað að borða svið
og mér finnst þau góð en börnin
mín hlaupa í burtu þegar þau sjá
svið borin á borð.“
- Hvernig finnst þér tónlistar-
skólinn hérna?
„Hann er mjög góð og vönduð
stofnun og kerfið sem liggur þar
til grundvallar er hentugt. Börnin
hjálpa mér til að læra málið. Ég
vinn mikið með Roari Kvam við
að þjálfa blásarasveit skólans. Ég
get ekki sagt annað en að ég sé
ánægður með samstarfsfólkið,
nemendurna og aðstöðuna."
EHB