Dagur - 14.01.1987, Side 1

Skípasmíðaverkefni úr landi:
Nýr togari
til Dalvikur
Útgerðarfélag Dalvíkinga hf.
hefur gert samning við skipa-
smíðastöð í Noregi um smíði á
togara fyrir fyrirtækið. Samn-
ingurinn er háður samþykki
yfirvalda og er málið til með-
ferðar hjá Fiskveiðásjóði. Ef
af smíðinni verður er í samn-
ingnum gert ráð fyrir að skipa-
smíðastöðin taki togarann
Björgvin upp í kaupin, en
hann var keyptur þaðan árið
1974.
Samningur um kaupin var
undirritaður í desember en eins
og áður segir er hann háður sam-
þykki yfirvalda og banka vegna
lánafyrirgreiðslna. „Ég veit ekki
um neitt sem getur stoppað þetta
og á því von á jákvæðu svari á
næstunni,“ sagði Valdimar
Fasteignaskattur:
Líflegar
umræður
Bragason framkvæmdastjóri
ÚD.
Togarinn sem um ræðir verður
undir 400 tonnum að stærð og 50
metra langur. Hann mun verða
með tækjum til heilfrystingar
bæði á bolfiski og rækju en vegna
aðstæðna á mörkuðum er gert
i áð fyrir því að aðallega verði um
að ræða frystingu á grálúðu og
karfa.
Áætlað kaupverð togarans er
um 260 milljónir og er þá búið að
draga frá niðurgreiðslur norska
ríkisins sem nema um 15% af
heildarverði skipa. Skipið á að
afhenda á öðrum ársfjórðungi
ársins 1988.
Um ástæður þess að ekki var
gerður samningur við innlenda
skipasmíðastöð sagði Valdimar
að númer eitt væri að erfitt væri
að losna við eldri skip af skipa-
skrá nema með þessum hætti. „í
öðru lagi þá er norska ríkið með
niðurgreiðslur á lánum til fiski-
skipa sem nýtast okkur. Þetta eru
peningar sem íslenskar stöðvar
geta ekki keppt við,“ sagði Valdi-
mar. ET
Þessir eitilhressu menn voru að dytta
ánægðir með veðrið.
trillu þegar Ijósmyndari Dags kom aðvífandi og tók þá tali. Þeir voru
Mynd: RI>B
I gegn um tíðina hafa jafnan
orðið fjörugar umræður í
hæjarstjórn Akureyrar um
álagningu fasteignagjalda.
Svo varð einnig í ár. Tillaga
meirihluta bæjarstjórnar, um
að lækka álag á fasteignaskatt
af íbúðarhúsnæði úr 0,575 í
0,55 en hafa óbreytt álag á
fasteignagjöldum að öðru
leyti, var samþykkt með 7
atkvæðum meirihlutans gegn
engu. Fulltrúar minnihlutans
sátu hjá við atkvæðagreiðsl-
una. Til að gefa lesendum
Dags örlitla innsýn í þessar
árlegu umræður, birtum við
hér útdrátt úr málflutningi
bæjarfulltrúanna.
Sjá bls. 3
Menntamálaráðherra
sýnir rauða spjaldið!
Sverrir Hermannsson mennta-
málaráðherra vék fræðslu-
stjóra Norðurlands eystra,
Sturlu Kristjánssyni úr starfi í
gær fyrirvaralaust. Sturlu var
gert að taka pokann sinn sam-
dægurs. Sigurður Helgason
deildarstjóri í menntamála-
ráðuneytinu kom norður í gær
með uppsagnarbréfíð upp á
Sjómannadeilan:
Malin tóku nýja stefnu
á Alþingi i gær
Sjómannadeilan snerist í hring
á Alþingi í gær. Ljóst var að
frumvarp ríkisstjórnarinnar
yrði ekki samþykkt að svo
stöddu. Sáttasemjari og deilu-
aðilar munu fá einhvern frest
til að komast að samkomulagi
um þau tvö ágreiningsefni sem
ósamið var um. Þorsteinn
Pálsson tók til máls seint í
gærdag, nýkominn frá París og
öllum á óvart vildi hann vísa
frumvarpinu til þingnefndar og
láta málið í hendur sáttasemj-
ara og samningamanna.
Þorsteinn sagðist ekki hafa
fengið að fylgjast með málinu í
París en Steingrímur Hermanns-
son sagði hins vegar að fullt
samráð hefði verið haft við Þor-
stein. Þetta er ekki í fyrsta sinn
sem Þorsteinn segist hafa verið
útundan varðandi ákvarðanir í
ríkisstjórninni. Hann sagðist hafa
heyrt það á fulltrúum sjómanna
að þeirra forysta væri tilbúin til
að ganga til samninga og taldi
rétt að veita þeim nokkurra sól-
arhringa frest. Búist var við að
sáttasemjari myndi boða til fund-
ar strax í gærkvöld.
í samþykkt Farmanna- og
fiskimannasambandsins var laga-
setningu mótmælt og skorað á
Alþingi að skipa þrjá alþingis-
menn í sáttanefnd til aðstoðar við
lausn deilunnar. Ýmsir þingmenn
töldu þessa hugmynd ákjósan-
Iega leið í málinu.
Steingrímur sagði að þó frum-
varpið hefði verið lagt fram hefði
hann hvatt deiluaðila til að setj-
ast niður á meðan og reyna enn
að ná samkomulagi. Hann vildi
að samkomulagsleiðin yrði farin,
en þá yrðu samningar að nást á
næstu dögum því annars væru
markaðir í hættu. Hann sagði
málið enn í höndum sáttasemj-
ara, en frumvarpið færi fyrir
nefnd sem myndi fjalla um það.
Stjórnarandstaðan vildi hins
vegar að frumvarpið yrði dregið
til baka eða að Alþingi vísaði því
frá. Deiluaðilar yrðu að fá að
ræðast við án þess að hafa laga-
frumvarpið hangandi yfir sér. En
næsta skref í deilunni virðist því
vera hjá sáttasemjara og fulltrú-
um sjómanna og útvegsmanna.
SS
vasann og eftir stuttan fund
þeirra Sturlu á Fræðsluskrif-
stofunni gekk Sturla á dyr.
Uppsagnarbréfið er dagsett
laugardaginn 10. janúar. Sturlu
er gefið að sök að hafa „snið-
gengið fyrirmæli ráðuneytisins
varðandi fjármálalega umsýslu í
fræðsluumdæminu og ítrekað
brotið trúnaðarskyldu þá er á
yður hvílir sem starfsmanni ráðu-
neytisins“ eins og segir í bréfinu.
Jafnframt er vísað til bréfs
menntamálaráðherra til Sturlu
dagsett 21. ágúst s.l. þar sem
honum var veitt áminning vegna
trúnaðarbrots í starfi.
Sturla Kristjánsson vildi í gær-
kvöld ekki tjá sig um mál þetta
og sagði.að það yrði að hafa sinn
gang. Degi er kunnugt um að
fræðsluráð Norðurlands eystra
sendi Sverri Hermannssyni bréf í
september s.l. þar sem vítur hans
á fræðslustjóra voru harmaðar og
rök færð fyrir því að fræðslustjóri
væri þar röngum sökum borinn. í
bréfinu fer fræðsluráð þess á leit
við menntamálaráðherra að hann
dragi víturnar á fræðslustjóra til
baka.
Á fundi sem skólastjórar og
yfirkennarar á Norðurlandi
eystra héldu í lok nóvember,
ásamt formönnum skólanQfnda
og fræðsluráða var kosin 5 manna
nefnd til að ganga frá greinargerð
til þingmanna varðandi ástand
skólamála í umdæminu. í grein-
argerð þessari er lýst fullum
stuðningi við störf fræðslustjóra
og annarra starfsmanna fræðslu-
skrifstofunnar. Rök mennta-
málaráðherra fyrir uppsögn
Sturlu virðast því engin vera.
Mikil reiði ríkir meðal skóla-
manna vegna uppsagnar Sturlu.
Fræðsluyfirvöld í kjördæminu
munu halda fund um málið í dag
og ljóst er að þau standa heils
hugar að baki Sturlu. Þá munu
fræðslustjórar annarra umdæma
funda um málið í dag og jafnvcl
má búast við að einhverjir kolleg-
ar Sturlu muni segja upp störfum
í mótmælaskyni.
í fréttum Ríkisútvarpsins í
gærkvöld sagðist menntamála-
ráðherra hafa tekið þessa
ákvörðun án samráðs við ráð-
herra og þingmenn Sjálfstæðis-
flokksins, en þess má geta að
Sturla er flokksbundinn sjálf-
stæðismaður.
„Menntamálaráðherra virðist
þurfa að „slátra“ einum undir-
manni á ári. Hann komst upp
með að reka framkvæmdastjóra
Lánasjóðsins í fyrra en nú hefur
hann gengið of langt," sagði
skólastjóri á Norðurlandi eystra í
samtali við Dag. „Þetta er hrein
og klár valdníðsla og hrikalegur
afleikur pólitískt séð.“
Frekari tíðinda er að vænta af
máli þessu í dag. BB.