Dagur - 22.04.1987, Qupperneq 3

og gera þá eitthvað í því að
breyta því. í þessu sambandi má
benda á að það er allt of sjaldgæft
að menn séu ráðnir upp á þriggja
mánaða reynslutíma, þar sem
menn setjast niður að þeim tíma
liðnum og spyrja: Er ég eins og
þið vilduð hafa mig, eða er starf-
ið eins og ég vildi hafa það? Þetta
er bara látið sigla sinn rólega
sjó.“
- Ef við víkjum aftur að flutn-
ingnum norður. Hvernig gekk til
dæmis að fá húsnæði?
„Ég var mjög heppinn. Leigu-
húsnæði er hér af mjög skornum
skammti og ég var heppinn að
detta niður á frábærlega
skemmtilega íbúð og líður vel
það sem af er. Ég er einn á ferð-
inni þannig að það var engum
vandkvæðum bundið að flytja og
mér sýnist þetta allt vera eins og
sagt er á ensku: So far, so good.“
- Segðu mér meira af þessu
starfi þínu. Eru einhver stór mál
á döfinni varðandi ferðamanna-
þjónustu og atvinnuhætti á Akur-
eyri?
„Eitt af mínum verkefnum
verður að spá í Hlíðarfjallið og
möguleika þess og einnig orlofs-
húsabyggðina í Kjarnaskógi sem
menn hafa verið að velta fyrir
sér. Þetta eru framtíðarverkefni
sem verða tekin fyrir þegar fer
aðeins að grynnka á bunkanum.
Þegar iðnsýningin er frá getur
maður farið að snúa sér að orlofs-
húsahverfinu, en mér sýnist Hlíð-
arfjallið þurfa vinnu strax.“
- Hvernig þá?
„Það þarf að ganga frá
rekstrargrundvelli þess þannig að
vel sé. Það eru mjög margir þætt-
ir sem þar þarf að skoða og eru
ekki að öllu jöfnu athugaðir. Það
þarf t.d. að vega og meta hvað
Hlíðarfjallið gefur Akureyring-
um óbeint með öllu því fólki sem
kemur hingað á skíði. Það er
mjög erfitt að meta þær tekjur
sem koma af þeim tvöföldu eða
þreföldu áhrifum sem eru af
komu ferðamanna til bæjarins.
Annars vegar þarf að skoða
þennan efnahagslega þátt og hins
vegar félagslega þáttinn. Ég held
að hann sé feikilega sterkur,
t.a.m. það fyrirbyggjandi starf
sem hann gerir í sambandi við
unglingamál og annað. Sem stað-
ur fyrir unglingana til að fá góða
útiveru og stunda heilbrigðar
keppnisíþróttir á veturna. Þetta
er mjög sterkt atriði og þáttur
sem verður að taka tillit til þegar
fjárveitingar og annað er skoðað
í þessu sambandi.“
- Þetta er lítt kannað mál.
Segðu mér meira um þessi
óbeinu áhrif.
„Já, það getur verið dálítið
flókið að mæla þetta, en masters-.
ritgerðin mín fjallaði einmitt um'
margföldunaráhrif af eyðslu
erlendra ferðamanna. Við getum
talað um þrenns konar áhrif af
eyðslu ferðamanna. Þú hefur
þessa beinu eyðslu, þegar ferða-:
.maðurinn kemur hingað, stopp-
ar og fer inn á veitingastað. Það
eru frumáhrifin. Næstu áhrif eru
þegar veitingamaðurinn fer og
kaupir meira kjöt hjá kjötkaup-
manninum vegna þess að salan
hefur aukist. Síðan eru afleiddu
áhrifin þau, að vegna þess að
kjötkaupmaðurinn seldi meira
fer hann kannski með konunni út
að borða á veitingastaðinn. Þetta
ferli verður allt að skoða. Spurn-
ingin er hvað verður mikið eftir í
samfélaginu.“
- Það væri fróðlegt að heyra
meira um þetta en rýmið er lítið.
Segðu mér þó að lokum, hvað er
meiningin að gera í Kjarnaskógi?
„Þetta er langtímaplan um að
byggja upp orlofshúsahverfi sem
gæti nýst sumar sem vetur og er
hugsað fyrir aðila utan Akureyr-
ar. Við vitum að það er mikið um
það að fyrirtæki í Reykjavík eigi
íbúðir í bænum sem standa meira
og minna auðar. Ef hægt væri að
fá þetta allt saman inn í svona
hverfi, þar sem eitthvað væri við
að vera, þá myndi losna töluvert
af íbúðarhúsnæði í bænum.
Einnig væri meiningin að laða að
fleiri til þess að eiga orlofshús á
þessu svæði. En mig langar til að
geta þess að lokum að það er eitt
sem vantar í allri ferðamanna-
umræðu á Akureyri. Það er sagt:
Komið og heimsækið Akureyri,
þetta er fallegur bær. Það er satt,
en þú getur ekki horft á fegurð-
ina nema dagstund. Hvað á að
gera? Það þarf að vera eitthvað
fyrir ferðamanninn að gera eftir
að hann er kominn hingað. Þetta
þurfum við að skoða vandlega.
Ég er til dæmis hissa á því að eng-
inn af trillukörlunum skuli hafa
látið detta sér það í hug að taka
menn á sjóstöng hérna út á Poll
og auglýsa það vel. Ameríkaninn
sem aldrei hefur migið í saltan
sjó rnyndi falla fyrir því að fá að
skreppa á handfæri og þótt hann
veiddi ekki nema einn þorsk yrði
það besti þorskur sem hann hefði
veitt.“
- Þá segjum við þetta lokaorð-
in Þorleifur, þakka þér fyrir.
„Mín var ánægjan.“ SS
Siöasti vetrardagur
Dansleikur
Hljomsveitin Helena fagra
leikur fyrir dansi til kl. 03.00.
★
Snyrtilegur klæönaður.
us tr>
22. apríl 1987-DAGUR-3
Síðasti
vetrardagur
22. apríl kl. 20.30.
Fimmtud. 23. apríl.
Sumardagurinn fyrsti
kl. 20.30.
Föstud. 24. apríl.
kl. 20.30.
Tryggið ykkur
miða í tíma.
MMIÐASALA
SlMI
96-24073
lEIKFéLAG AKURGYFtAR
Er þér annt
um líf þitt
og limi
Skátamessa
sumardaginn fyrsta
Skátar eldri og yngri.
Safnast verður saman í göngugötunni kl. 16.00 á
sumardaginn fyrsta og gengið þaðan til kirkju.
Lúðrasveit Akureyrar leikur sumarlög frá kl. 16.00.
María Gunnarsdóttir varaskátahöfðingi predikar.
Mætum öll hress og kát. Gleðilegt sumar.
Skátafélagið Klakkur.
Fyrirtæki
Einstaklingar
Framleiðum allar stærðir
og þykktir plastpoka
M.a.: Heimilispoka ★ Haldapoka ★
Ruslapoka ★ Iðnaðarpoka
KOPOKINN
Óseyri 1, sími 96-22211 ■ 600 Akureyri
Sölustjóri: Pöntunarsími 96-26888.
Eigandi: Sjálfsbjörg Akureyri
Stefnufesta og stöðugleiki
Notum kosningaréttinn tilað
auka áhrif landsbyggðarinnar