Dagur - 10.11.1987, Blaðsíða 2

2 - DAGUR - 10. nóvember 1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 560 Á MÁNUÐI
LAUSASÖLUVERÐ 55 KR.
GRUNNVERÐ DÁLKSENTIMETRA 400 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉS PÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, KRISTJÁN KRISTJÁNSSON (íþróttir),
PÁLL B. VALGEIRSSON (Blönduósi vs. 95-4070), STEFÁN SÆMUNDSSON,
TÓMAS LÁRUS VILBERGSSON, VILBORG GUNNARSDÓTTIR,
ÞÓRHALLUR ÁSMUNDSSON (Sauöárkróki vs. 95-5960),
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Sundraður flokkur
í sárum
Þá hafa alþýðubandalagsmenn kosið sér nýjan
formann. Svo sem margir höfðu spáð, hafði Ólafur
Ragnar Grímsson betur í baráttunni við Sigríði
Stefánsdóttur og sigraði reyndar með nokkrum yfir-
burðum. Þótt formannskjör sé að baki bendir fátt til
þess að illdeilur innan Alþýðubandalagsins séu úr
sögunni. Það kom best í ljós við kosningu í fram-
kvæmdastjórn og miðstjórn flokksins á sunnudag,
að Alþýðubandalagið er ennþá klofinn flokkur —
flokkur tveggja arma. Armarnir tveir, Ólafs-armur
og Sigríðar-armur vildu hvor um sig neyta aflsmun-
ar í kosningunum. Sáttaleiðin var ekki reynd enda
talin ófær.
Þótt helstu andstæðingar Ólafs Ragnars bæru sig
mannalega eftir að úrslit lágu fyrir, óskuðu nýja for-
manninum alls velfarnaðar og þar fram eftir götun-
um, er ljóst að sú von alþýðubandalagsmanna, að
út af landsfundinum gengi samstíga hjörð Allaballa,
er brostin. Þungar ásakanir hafa verið látnar falla á
báða bóga og þær gleymast ekki svo glatt. And-
stæðingar Ólafs Ragnars gleyma ekki tossaseðlun-
um sem dreift var í öllum kosningum; í alþýðu-
bandalagsfélögum um allt land svo og á landsfund-
inum sjálfum. Þótt margir hafi verið tilbúnir til að
leggja niður vopn og fylkja sér að baki hins nýja for-
manns eftir að úrslit lágu fyrir, eru aðrir sem alls
ekki sætta sig við þessa niðurstöðu. Þar er Hjörleif-
ur Guttormsson alþingismaður fremstur í flokki.
Hann gekk af fundi eftir að úrslit í formannskjöri
voru ljós og lét svo ummælt að alþýðubandalags-
menn hefðu kosið umdeildasta manninn í forystu-
sveit flokksins til formanns. Hjörleifur klykkti út
með því að segja að kjör Ólafs Ragnars væri gífur-
legt áfall fyrir Alþýðubandalagið.
Að mörgu leyti er afstaða Hjörleifs Guttormsson-
ar skiljanleg. Það verður seint sagt um Ólaf Ragnar
Grímsson að þar fari maður sátta. Honum tókst
ætlunarverk sitt þrátt fyrir það að svokallað flokks-
eigendafélag Alþýðubandalagsins ynni gegn hon-
um ljóst og leynt. Það er afrek út af fyrir sig. En
hann er varla það sameiningartákn sem alþýðu-
bandalagsmenn voru að vonast eftir og þurfa svo
sannarlega á að halda.
Sér við hlið hefur Ólafur Ragnar síðan nýkjörinn
varaformann, Svanfríði Jónasdóttur. Hún vakti
mikla athygli á sínum tíma fyrir einarðar árásir á
samvinnumenn á Dalvík og gegnir nú varafor-
mannsembætti í flokki sem á hátíðarstundum vill
kenna sig við félagshyggju.
Þess er vart að vænta að Alþýðubandalagið rísi á
næstunni upp úr þeirri öskustó sem það hefur verið
í um alllangt skeið. Til þess hefði flokkurinn þurft á
traustri og samhentri forystu að halda. Sú von hefur
brugðist og því er Alþýðubandalagið enn um sinn
sundraður flokkur í sárum og breyting þar á er ekki
fyrirsjáanleg. BB.
Úlafsfirðingar óhressir með breytta áætlun Flugfélags Norðurlands:
Telja þjónustu við Olafs-
fjörð minni en veríð hefur
- „Síður en svo minni þjónusta,“ segir Sigurður Aðalsteinsson
Sem kunnugt er var ákveðið í
vor að fella niður flug Flugfé-
lags Norðurlands á flugleiðinni
Olafsfjörður-Reykjavík yfir
sumartímann. í haust var flug
tekið upp að nýju en nú með
breyttum hætti. I stað þess að
flogið sé að morgni frá Olafs-
firði til Reykjavíkur og heim
aftur síðdegis er nú millilent á
Akureyri í bakaleiðinni. Þess-
ar breytingar hafa sætt gagn-
rýni Ólafsfirðinga sem telja að
Áfengissalan:
Sterku vínin
streyma enn
Alltaf eru Islendingar að bæta
á sig. Þeir drekka meira í dag
en í gær, meira í ár en í fyrra.
Heildarneyslan fyrstu 9 mán-
uði ársins var 2.344.952 lítrar,
eða 604.969 alkóhóllítrar.
Sambærilegar tölur fyrir síð-
asta ár eru 2.271.778 lítrar, eða
576.813 alkóhóllítrar. Aukning
á milli ára nemur því 3,22% í
lítrum talið og 4,88% í alkó-
hóllítrum talið.
Nú svelgja menn sterku vínin
sem aldregi fyrr. í lítrum talið
jókst viskíneyslan um 4,64%,
rommdrykkja um 15,70%, neysla
á vodka jókst um 16,07%, á
koníaki um 18,95%, á bitterum
um 33,39% og á gini um 54,44%.
Á móti þessu hrapaði neyslan á
sjenever og alíslensku brenni-
víni.
Þessar tölur segja aðeins til um
sölu áfengis hjá ÁTVR á íslandi.
Fríhöfnin, áhafnir skipa og flug-
véla standa utan við þessar tölur.
Mikið hefur verið talað um auk-
inn ferðamannasfraum og eflaust
hefur mun meira áfengi borist til
landsins með þessu móti en áður.
Þá eru það léttu vínin. Neysla
þeirra virðist nokkuð jöfn, hvít-
vínssalan eilítið minni og rauð-
vínssalan dálítið meiri en í fyrra.
Hins vegar hefur sala á freyðivíni
aukist til muna, eða um 20,46%,
en í heildina er söluaukningin
mun minni í léttvínum en í þeim
sterkari, enda íslendingar samir
við sig hvað drykkjusiði varðar.
SS
með þessu sé verið að minnka
þjónustu við þá.
„Við teljum að þjónustan við
okkur hafi minnkað með þessu.
Auðvitað er það betri þjónusta
að geta komist hingað í einu flugi
frá Reykjavík í stað þess að milli-
lenda. Slíkt gefur augaleið,“ sagði
Valtýr Sigurbjarnarson bæjar-
stjóri í Ólafsfirði.
Valtýr sagðist vera á þeirri
skoðun að rökrétt sé að fella nið-
ur flug yfir sumarið en þá verði
að hafa þjónustuna yfir veturinn
eins góða og nokkur kostur er.
Sú spurning var lögð fyrir
Sigurð Aðalsteinsson, fram-
kvæmdastjóra Flugfélags
Norðurlands hvort félagið hafi
með þessu minnkað þjónustuna
við Ólafsfirðinga með millilend-
ingu á Akureyri.
„Nei, síður en svo. Þjónustan
hefur frekar aukist ef eitthvað er.
í fyrra flugum við þrjár ferðir í
viku frá Ólafsfirði til Reykjavík-
ur og í einni ferðinni millilentum
Starfsemi gæsluvalla á Akur-
eyri hefur tekið mið af reglum
sem leikvallanefnd setti árið
1973 og þóttu góðar á sínum
tíma en eru nú orðnar úreltar.
Þuríður Sigurðardóttir kynnti
drög að nýjum starfsreglum á
fundi félagsmálaráðs nýverið
og munu þær reglur væntan-
lega verða gefnar út og taka
gildi um næstu áramót.
„Við setjum þessar reglur upp
á svipaðan hátt og reglugerðir
fyrir dagvistir og dagvistun barna
í heimahúsum. Annars vegar eru
þetta reglur varðandi dvöl barna
á gæsluvöllum og hins vegar
starfsreglur fyrir starfsfólkið,"
sagði Þuríður og gat þess að hér
væru töluverðar breytingar á
ferðinni frá fyrri reglugerð.
Hún sagði að reglur frá Hafnar-
við á Akureyri og í hinum tveim-
ur flugum við beint á Ólafsfjörð
aftur. Núna millilendum við í öll-
um ferðum á Akureyri og þar
með fá Ólafsfirðingar út úr þessu
bættar samgöngur við Akureyri.
Auk þess kemur þetta flug inn
í áætlun Akureyri-Siglufjörður
sem þýðir að nú getur fólk komist
í áætlun á milli Ólafsfjarðar og
Siglufjarðar," segir Sigurður.
Millilendingar tíðkast mikið á
flugleiðum flugfélaganna allra.
„Þó að það sé ekki æskilegt þá
finnst okkur að það megi bjóða
fólki upp á eina millilendingu. í
þessu tilfelli er bæði hagkvæmara
fyrir okkur að millilenda á Akur-
eyri og þar að auki sameinum við
Ólafsfjarðarflugið við áætlun til
Siglufjarðar. Jafnframt þessu öllu
höfum við lækkað fargjald milli
Akureyrar og Ólafsfjarðar um
helming og því vil ég ekki segja
að þjónustan við Ólafsfirðinga
minnki,“ segir Sigurður Aðal-
steinsson. JÓH
firði, Reykjavík og Kópavogi
hefðu verið hafðar til hliðsjónar
en ýmsar breytingar hafa orðið á
gæsluvöllum og starfsemi þeirra í
gegnum árin og því nauðsynlegt
að færa reglugerðina í nútíma-
legra horf.
Gæsluvellirnir eru eitt af fjór-
um dagvistarformum á Akureyri
og þessar nýju reglur tengjast
stefnumótun félagsmálaráðs í
dagvistarmálum. „Þessar reglur
eru gerðar til þess að það sé sem
best samband á milli barna, for-
eldra og starfsfólks á gæslu-
völlunum,“ sagði Þuríður.
Á Akureyri eru nú starfræktir
10 gæsluvellir og þar af eru 8
þeirra opnir árið um kring. Frá
15. maí til 14. september eru vell-
irnir opnir frá kl. 9-12 og 14-17,
en frá 15. september til 14. maí
eru þeir opnir frá kl. 13-16. SS
Akureyri:
Nýjar starfsreglur
fyrir gæsluvellina
• Ailtfyrir
öryggið
Muna ekki allir eftir mislukk-
aða drættinum í lottó? Sá er
þetta ritar var að vísu búinn
að gleyma honum, enda vann
hann ekki neitt í það skiptið,
en sl. laugardag rifjaðist
hann heldur betur upp. Þann-
ig var að viðkomandi stopp-
aði í sjoppu einni við þjóðveg
nr. 1, hvar lottókassa er að
finna. Eftir langa bið eftir
afgreiðslu var farið að svip-
ast um eftir afgreiðslufólkinu
og viti menn: Afgreiðslu-
stúlkurnar stóðu við lottó-
kassann og seldu grimmt. En
það sem vakt athygli var að
þær létu kassann ekki lesa
útfylltu seðlana sem fólkið
kom með, heldur pikkuðu
þær allar tölurnar inn
sjálfar!!! Eins og nærri má
geta var afgreiðslan einstak-
lega fljótleg.
# Hvertþeirra
viltu?
Nokkrir félagar voru á leið
eftir Skagafirðinum á dögun-
um. Allt í einu óku þeir fram á
hrossastóð eitt mikið. Ein-
hver hafði orð á því að það
væri nú í lagi að fá eins og
eitt þeirra í frystikistuna.
Hvert þeirra viltu? spurði
bílstjórinn og bjó sig til að
aka á mikilli ferð inn t hrossa-
hópinn. Sá kjötþyrsti vildi
ekkert ræða meir um málið.
# Lapþunnt
hvítvín og
snittur
Óánægju gætir nú hjá ýms-
um starfsmönnum bæjar-
stofnana á Akureyri vegna
skemmtana, sem ýmsum
starfsmönnum bæjarins hef-
ur verið boðið til en öðrum
ekki. Mál þetta er nokkuð
óvenjulegt og tengist það 125
ára afmæli Akureyrar á
dögunum. Yfirmönnum
bæjarstofnana á Akureyri var
falið að gera starfsmönnum
dagamun vegna 125 ára
afmælis bæjarins. Tvennt
orsakaði þetta. í fyrsta iagi
höfðu margir bæjarstarfs-
menn lagt á sig mikið erfiði til
að afmælið gæti heppnast
sem best. í öðru lagi var
tilefnið einfaldlega afmælið
sjálft.
Starfsmönnum einnar bæjar-
stofnunar var t.d. boðið í mat
í Sjallanum á skemmtikvöldi
Ingimars Eydal - en reyndar
greiddu þeir hluta kostnaðar-
ins úr eigin sjóði. Aðrir
bæjarstarfsmenn fengu
ýmist ekki neitt eða þá „lap-
þunnt hvítvfn sem kláraðist
strax og eina eða tvær snittur
á skrifstofunni," eins og einn
orðaði það.