Dagur - 18.11.1987, Side 10

'foiWMf-'WðMittT
Aðalfundur
Knattspyrnudeildar KA
verður þriðjudaginn 24. nóvember
kl. 20.30 í KA-heimilinu.
Félagar fjölmennið +
KA Knattspyrnudeild
Verkstjórnarfræðslan
á Akureyri
Námskeið Verkstjórnarfræðslunnar á Akureyri um
verktilsögn og vinnutækni, verður haldið að Galta-
læk, fimmtudag og föstudag.
Stjórnun II.
I. hluti. Verktilsögn og vinnutækni.
19.-20. nóvember.
Farið er m.a. yfir skipulagða verktilsögn, móttöku nýliða og
starfsmannafræðslu, þjálfunarskrá og verkþjálfagreiningu, vinnuvist-
fræði og líkamsbeitingu við vinnu. Hvemig má á sem skemmstum tíma fá
vel hæfan og virkan starfsmann til samstarfs.
Skráið þátttöku á skrifstofu Verkstjórafélags Akureyrar og ná-
grennis á milli kl. 14.00 og 17.00 í síma 25446 eða hjá Árna B.
Arnasyni, í síma 21249 eða 27300.
Útboð
Sjj V/ÆW Eyjafjarðarbraut eystri
Tl um Kaupang
upr'Ar^niM Vegagerð ríkisins óskar eftir tilboðum f
VEGACjERDIN ofangreint verk. Lengd vegarkafla 3 km,
fyllingar 35.000 m3, burðarlag 8.000 m3.
Verki skal lokið eigi síðar en 15. ágúst
1988.
Útboðsgögn verða afhent hjá Vegagerð
ríkisins á Akureyri og í Reykjavík (aðal-
gjaldkera) frá og með 17. þ.m.
Skila skal tilboðum fyrir kl. 14.00 þann 8.
desemþer 1987 á sömu stöðum.
Vegamálastjóri.
AKUREYRARBÆR
Takið eftir —
TILSJÓN
Hafirþú áhuga á mannlegum samskiptum, áhuga
á að öðlast reynslu í vinnu með börnum og ungl-
ingum, áhuga á fjölbreyttu og gefandi starfi sem
auðveldlega er hægt að vinna með skóla/vinnu
þá vinsamlega hafðu samband við Félagsmála-
stofnun Akureyrar í síma 25880 og fáðu nánari
upplýsingar.
Við leitum að fólki til að sinna tilsjón-
arstörfum með börnum og unglingum.
Viðkomandi þarf að vera a.m.k. 20 ára.
Félagsmálastofnun Akureyrar.
Sigurður Björnsson, bæjarfulltrúi Sjálfstæðisflokksins:
Deilur um byggingu
verkamannabústaða
í Ólafsfirði
Undanfarið hafa talsverðar
hræringar verið í kringum bygg-
ingu verkamannaíbúða í Ólafs-
firði. Átök hafa verið í bæjar-
stjórninni og tilfinningahiti í
þeim sem hagsmuna hafa haft að
gæta. Það er líklega löngu orðið
tímabært að almenningur hafi
beinan aðgang að umræðunni.
Að vísu hefur umræðan í bæjar-
stjórn verið opinská en fundi
bæjarstjórnar sækja fáir og veru-
lega skortir á að upplýsingar af
þeim vettvangi komist óbjagað-
ar til almennings.
í fyrravetur stóð núverandi
meirihluti sjálfstæðismanna
frammi fyrir því í fyrsta skipti að
leiða vinnu við gerð fjárhagsáætl-
unar, þ.e. fyrir yfirstandandi fjár-
hagsár bæjarsjóðs. Og kostirnir
sem við stóðum frammi fyrir voru
harðir. Þegar búið var að gera
upp rekstrardæmið voru eftir til
að ráðstafa í fjárfestingar tvær
milljónir króna. Mörg brýn og
mikilvæg mál biðu á hinn bóginn
úrlausnar. Höfnin var efst á blaði
með framkvæmdir upp á 20 millj-
ónir króna. Hlutafjáraukning í
Útgerðarfélagi Ólafsfjarðar
vegna mikilla endurbóta á togar-
anum Ólafi bekk ÓF 2,4 millj-
ónir króna. Gatnagerð kostar
ótaldar milljónir og lengi hefur
verið vanrækt að ljúka gerð gang-
stétta við þær götur sem búið er
að malbika. Hér er eingöngu fátt
talið en útgjaldahliðin komin upp
í nokkra milljónatugi og pening-
arnir sem við höfðum til skipta
tvær milljónir króna. Hvernig
sem á málið er iitið hlutum við að
standa frammi fyrir niðurskurði
og vali milli verkefna. Endanleg
niðurstaða var að sýna raunsæi
og gætni í lántökum. Lántökurn-
ar voru miðaðar við vexti og
afborganir af eldri lánum. Aðal-
áherslan var svo lögð á fram-
kvæmdir við höfnina, enda gátu
þær ekki með nokkru móti beðið
og aðrar fjárfestingar voru í lág-
marki og margir mjög mikilvægir
málaflokkar skornir niður öðrum
sleppt. T.d. var hlutafjárframlag
til Útgerðarfélags Ólafsfjarðar
skorið niður um helming og
fylgdu því talsverð vandræði fyrir
fyrirtækið.
Við þessar aðstæður þurfti að
ákveða fé til byggingar verka-
mannabústaða. Bygging slíkra
íbúða er fjármögnuð með láni úr
Byggingasjóði ríkisins, framlagi
úr bæjarsjóði og framlagi kaup-
anda. Framlag bæjarsjóðs mun
vera 8,5% af fullfrágenginni íbúð
með lóð og á ekki að endur-
greiða. Þessu til viðbótar er
bæjarsjóður skyldugur til að
kaupa með fullum verðbótum
þessar íbúðir ef eigendur þeirra
óska þess. Þetta óafturkræfa
framlag og þó sérstaklega kaup-
skyldan valda því að ýmsir líta
verkamannabústaðakerfið horn-
auga. Með því er verið að mis-
muna fólki og nota til þess fé sem
ella rynni til sameiginlegra þarfa.
Þá hefur kaupskyldan oft valdið
minni sveitarfélögum miklum
vanda.
Önnur atriði mæla með bygg-
ingu verkamannabústaða, sér-
staklega sá tilgangur þeirra að
bæta kjör lakast setta fólksins í
þjóðfélaginu. Almenna íbúða-
lánakerfið er líka lítils megnugt
um þessar mundir og loks má
nefna að litlar sem engar íbúða-
byggingar hafa verið undanfarin
ár og byggingariðnaðurinn því
langsoltinn.
Niðurstaða meirihluta bæjar-
stjórnar var sú að heimila stjórn
verkamannabústaða að kaupa
tvær íbúðir og ákvað stjórnin að
kaupa þær notaðar. í upphafi árs-
ins höfðu einnig verið keyptar
tvær íbúðir þannig að keyptar
hafa verið fjórar íbúðir á árinu.
Þarna voru teknar tvær
ákvarðanir sem ollu deilum. Ann-
ars vegar að leggja einungis fé til
fjögurra íbúða, en gerð hafði ver-
ið krafa um að kaupa sex og svo
það að kaupa íbúðirnar notaðar.
Einn byggingarverktaki Tréver
hf. átti óseldar íbúðir í raðhúsi og
framkvæmdastjórinn Skíðdal
Gunnlaugsson hefur blandað sér
í þetta mál af miklum krafti.
Hans þáttur er sér á parti og ekki
allur fagur.
Hins vegar olli það nokkrum
áhyggjum að um þær tvær íbúðir
sem til ráðstöfunar voru, voru
þrjár umsóknir. Fljótlega heltist
einn umsækjandinn úr lestinni
þannig að hægt var að fullnægja
báðum umsóknunum sem eftir
voru.
Þannig var staðan fyrri hluta
sumars en þá gerðust þau tíðindi
að umsækjendurnir tveir höfn-
uðu íbúðunum og óskuðu jafn-
framt eftir því að fá nýjar íbúðir
keyptar. Jafnframt kom sú krafa
fram á ný að keyptar yrðu tvær
íbúðir af Tréver hf. Að vandlega
athuguðu máli var niðurstaða
meirihluta bæjarstjórnar sú að
ekki væri hægt að verða við þess-
um kröfum. Bæði voru tvær not-
aðar íbúðir óseldar og í útboði
sem stjórn verkamannabústaða
hafði gert s.l. vor kom fram til-
boð frá Akk hf. og Hauki Sigurðs-
syni um nýbyggingu sem var með
lægra verði pr. fermetra en
nýbyggingartilboð Trévers hf.
Við þessa ákvörðun sat svo fram
til hausts en seinni hluta sumars
komu fram fleiri umsóknir um
íbúðir í verkamannabústöðum og
var það fólk sem þá sótti tilbúið
að kaupa þær eldri íbúðir sem til
voru. Áð mínu mati breytti þetta
stöðunni talsvert. Þær tvær íbúðir
sem til voru dugðu ekki til þess
að veita öllum úrlausn. Því var
það að bæjarráð ákvað í sumar-
leyfi bæjarstjórnar að gefa fyrir-
heit að útvegaðar yrðu fjórar
íbúðir á næsta ári. Þannig yrði
stefnt að því að útvega til verka-
mannabústaðakerfisins alls átta
íbúðir á þessu og næsta ári.
Þessi ákvörðun hefði undir öll-
um eðlilegum kringumstæðum
átt að nægja því margur hefur
mátt þola meiri nauð en þá að
komast inn í nýtt fullbúið hús-
næði innan árs frá því að sótt er
eftir slíku. En eftir að þessi
ákvörðun var tekin hefur komið
berlega í ljós að allt þetta þref
hefur staðið um meira en leysa
húsnæðisvandamál. Síðustu vik-
urnar hefur gengið mikið á og
linnulaus þrýstingur verið á
meirihluta bæjarstjórnar að veita
leyfi fyrir tveim íbúðum til við-
bótar og að kaupa þessar íbúðir
af Tréver hf. enda gætu þær fljót-
lega verið tilbúnar.
Meirihluti bæjarstjórnar hefur
nú látið undan þessum þrýstingi
og hefur heimilað kaup á tveimur
íbúðum til viðbótar. En í ljósi
þeirra tilboða sem verktakar
gerðu í smíði nýrra íbúða s.l. vor
væri verið að mismuna þeim gróf-
lega ef gengið væri til samninga
við annan þeirra án tillits til
útboðsips nema að nýtt útboð
væri gert og jafnræðis gætt.
Stjórn verkamannabústaða lét
fara fram útboð á ný, gætti að
vísu ekki jafnræðis, en engin til-
boð bárust. Báðir þeir aðilar sem
buðu fyrr á árinu sendu hinsvegar
inn orð um að þeir væru tilbúnir
til að byggja eða selja íbúðir. Að
þessari niðurstöðu fenginni ósk-
aði meirihluti bæjarstjórnar eftir
því við stjórn verkamannabú-
staða að kaupum á þessum
tveimur íbúðum yrði deilt á milli
þeirra verktaka sem tilboð áttu
s.l. vor. Þá þykir þeim sem að
minnihluta bæjarstjórnar standa
þetta vera svo dæmalaus ósvífni
að fulltrúi minnihlutans og starfs-
maður Trévers hf. segir af sér í
stjórn verkamannabústaða og
stjórnin vísar málinu til bæjar-
stjórnar þar sem það er nú.
Meirihluti Bæjarstjórnar
Ólafsfjarðar er ásakaður um
margt. Hringlandaháttur og pólit-
ískar og persónulegar ofsóknir
eru meðal þess sem við höfum
verið vænd um. Þetta er fráleitt.
Ástæðan fyrir tregðu meirihlut-
ans til að leggja fé til allra þessara
íbúða er eingöngu fjárhagslegur.
Frekja einstakra byggingaverk-
taka verður hins vegar ekki
þoluð. Við sjálfstæðismenn í
bæjarstjórninni munum reyna að
gæta sanngirni við útdeilingu
verkefna til verktaka og auðvitað
reyna að bjóða sem allra mest út
af þeim verkefnum sem á dagskrá
verða. Þannig er öllum gefið
jafnt tækifæri.
Skflfð getraunaseðlinum fyrir
nóvember sem fyrst.
Dregið verður um hljómtækjasamstæðu
að verðmæti 98.000 kr. 15. desember.
Einungis skuldlausir áskrifendur
geta tekið þátt í getrauninni.
Ert þú áskrifandi?
Dagur Akureyri, sími 96-24222
Dagur Húsavík, sími 96-41585
Dagur Reykjavík, sími 91-17450
Dagur Sauðárkróki, sími 95-5960
Dagur Blönduósi, sími 95-4070