Dagur - 18.11.1987, Síða 16

Akureyri, miðvikudagur 18. nóvember 1987 I
KA-
Nudd - Sauna - Ljósabekkir - Nuddpottur.
Opnunartími: Mánud.-föstud. frá kl. 8.00-23.00
Laugard. og sunnud. kl. 10.00-19.00.
Munið morgun- og helgartímana.
ATH. Opið fyrir alla.
'i6. Tímapantanir í símá 23482

Fiskveiðistjórnun:
„Tilbúinn að líta á
sérstöðu þessara staða“
- segir Halldór Ásgrímsson vegna ummæla Arthúrs Boqasonar
„Eg er tilbúinn að líta á sér-
stöðu þessara staða. Ég hef
hins vegar ekki orðið var við
það að Landssamband smá-
bátaeigenda sé tilbúiö að hafa
sérstakar og allt aðrar reglur á
þessum stöðum en öðrum,“
sagði Halldór Ásgrímsson
sjávarútvegsráðherra í samtali
við Dag.
Tilefni ummæla ráðherrans eru
ummæli Arthúrs Bogasonar for-
manns L.S. í mánudagsblaði
Dags, þess efnis að tillögur ráðu-
neytis um veiðistjórnun muni
kippa fótunum undan útgerð
báta undir 6 tonnum og þar með
Asgrímsson vegna
um áhrif á Grímsey og fleiri staði
undan atvinnu á stöðum eins og
Grímsey og Bakkafirði.
Arthúr sagði að af tillögunum
mætti ráða þá skoðun ráðuneytis
að netaveiðar báta undir 6
tonnum, til dæmis í Grímsey,
væru ekki stundaðar í atvinnu-
skyni.
„Þetta er auðvitað bara útúr-
snúningur hjá Arthúri Bogasyni
eins og margt sem hann lætur frá
sér fara. í tillögunum er gert ráð
fyrir því að þeir sem hafa stundað
þessar veiðar á undanförnum
árum og aflað sér reynslu, flytjist
upp í flokkinn fyrir ofan 6 tonn
og fái þar með rétt til að stunda
netaveiðar og ákveðinn kvóta.
Eflaust má deila um það hvaða
viðmiðanir á að nota en eitt af
því sem kemur til greina er að
aðilar frá þessum stöðum hafi þar
meiri rétt en aðrir,“ sagði
Halldór.
Hann sagðist harma það að
fulltrúi smábátasjómanna í ráð-
gjafanefndinni, Arthúr Bogason,
skyldi leggja á það áherslu að
vekja tortryggni og gera ráðu-
neytinu upp skoðanir. „Hann
hefur ekki sýnt því nokkurn
áhuga að hafa samstarf í málinu
og ég held að hann þjóni með
þessum vinnubrögðum illa hags-
munum sinna umbjóðenda. Þetta
mál verður ekki leyst með skæt-
ingi,“ sagði Halldór. ET
Innlendur skipaiðnaður:
Deilt um hækkun taxta
í framhaldi af ummælum
Kristjáns Ragnarssonar fram-
kvæmdastjóra Landssambands
íslenskra útvegsmanna á aðal-
fundi sambandsins fyrir
skömmu, þar sem hann sagði
að á einu ári hefði útseld vinna
aðila í innlendum skipaiðnaði
hækkað um 75% eru samtök
aðila í þessum iðnaði nú að
vinna að úttekt á málinu.
Kristján sagði að eðlileg hækk-
Flugleiðir:
Flytja 100.000.
farþegann
—til Akureyrar á næstunni
„Það stefnir í það í fyrsta
skipti í sögunni að við flytjuin
100 þúsund farþega á leiðinni
Akureyri-Reykjavík-Akureyri
á einu ári,“ sagði Gunnar
Oddur Sigurðsson svæðisstjóri
Flugleiða á Akureyri þegar
hann var spurður um ferða-
mannastraum á þessari leið.
Gunnar sagði að nú færi í hönd
tími pakkaferðanna og þær
alltaf jafn vinsælar. „Þróunin síð-
ustu mánuði og ár er sú að fólk
ferðast meira með flugi en það
gerði. Sem dæmi um aukningu
ferðuðust 18,8% fleiri í septem-
ber s.l. en í sama mánuði í fyrra.
Mest er umferðin til Akureyrar
á fimmtudögum og föstudögum
en til Reykjavíkur á sunnudög-
um.“
Á veturna er ferðum á þessari
leið fækkað. Ástæðan er að á
sumrin eru erlendir ferðamenn
stór hluti farþega Flugleiða. Um
helgar bæta Flugleiðir þó við
ferðum eftir þörfum. Gunnar tók
sem dæmi síðasta helgi, en þá
voru á fimmtudegi farnar fimm
ferðir og á föstudegi sex. „Það
gengur að vísu erfiðlega að bæta
við ferðum á þessum dögum því
flotinn okkar er þá fullnýttur,"
sagði Gunnar að lokum. VG
un hefði verið um 20% en sú
hækkun sem orðið hefði væri
afleiðing af því að fyrir einu ári
hafi álagning á útsölutaxta verið
gefin frjáls. Þetta væri helsta
ástæða þess að viðhaldsverkefni
streymdu nú úr landi.
Það eru Samtök málm- og
skipasmíðastöðva og tvö aðildar-
félög þess, Félag málmiðnaðar-
fyrirtækja og Félag dráttarbrauta-
eigenda sem vinna að könnun-
inni. Hún fer einkum þannig
fram að safnað er saman staðfest-
um tölum um útselda vinnu í
Noregi, Danmörku og Þýska-
landi.
„Það er fjarri öllu lagi að þess-
ar staðhæfingar Kristjáns standist
enda gerir hann ekki minnstu til-
raun til að rökstyója þær á neinn
hátt. Það er alveg ljóst af þeim
upplýsingum sem við höfum
fengið að í þessum löndum sem
útgerðarmenn horfa svo mjög til,
lenda þeir í mun hærri útsölu-
töxtum,“ sagði Ingólfur Sverris-
son framkvæmdastjóri Félags
málmiðnaðarfyrirtækja í samtali
við Dag. Ingólfur sagði að í
íslenskum fyrirtækjum væri verð
á útseldri tímavinnu 6-700 krónur
en í fyrrnefndum samkeppnis-
löndum væri verðið 12-1300
krónur.
„Það hefur vissulega orðið
launaskrið í þessum fyrirtækjum
eins og öðrum en það er ósannað
mál að það sé meira en annars
staðar. Þar sem við höfum kann-
að þetta þá er hækkunin á bilinu
30-35%.
Okkur er farið að leiðast þess-
ar fullyrðingar um að það borgi
sig að sigla öllum flotanum til
útlanda og leggja innlendan skipa-
iðnað niður og þess vegna vilj-
um við upplýsa menn urn það
hvers þeir mega vænta þar ytra,“
sagði Ingólfur. ET
Hún var heldur sein og þurfti að kaupa eggin á nýju háu verði í gær.
Mynd: TLV.
Eggjasöluæðið:
Vikuskammtur
á 90 mínútum!
„Þetta var nú meira kaupæð-
ið,“ sagði Laufey Pálmadóttir
hjá KEA í Hrísalundi í gær
þegar blaðamenn bar að garði
til að forvitnast um eggjasölu
en eins og kunnugt er hækk-
uðu þau um 400% í verði um
síðustu helgi. „Þessu mátti
líkja við sannkallaða stórút-
sölu,“ sagði hún.
í fyrradag þegar verslunin opn-
aði Íd. 09.00 voru til á lager í
Hrísalundinum um 20-30 kassar
af eggjum en í hverjum kassa eru
20-30 kíló af eggjum. Laufey
sagði að þessar birgðir hefðu
klárast fyrir klukkan 10.30 um
morguninn. „Það fóru flestallir
með nokkra bakka af eggjum út.
Sumir fóru meira að segja með
heilu kassana," sagði hún. „Það
sem seldist á þessum tíma er
venjulegur vikuskammtur."
Laufey sagði að KEA hefði að
vísu selt egg á góðu verði fyrir
hækkun þannig að eggjasala þar
hefði alltaf verið góð en nú eru
hillur verslunarinnar aftur orðnar
fullar af eggjum á nýja verðinu
sem er 199 krónur kílóið. VG
Umferðarmiðstöð í burðarliðnum:
Sérleyfishafar stofna félag
Sérleyfishafar á leiðum til
Akureyrar eru um þessar
mundir að ganga frá stofnun
félags um rekstur umferðar-
miðstöðvar. Að sögn Þorleifs
Þórs Jónssonar, starfsmanns
atvinnumálanefndar, sem stað-
ið hefur í viðræðum við sér-
leyfishafana er fyrirhugað að
umferðarmiðstöðin verði til
húsa að Hafnarstræti 82, þar
sem Öndvegi er nú.
„Sennilega verður ekki farið út
í það að Norðurleiðir og Sérleyf-
isbílar Akureyrar flytji starfsemi
sína fyrr en í janúar, enda er ekk-
ert vit í þvf að vera að flytja í nýtt
húsnæði og fá yfir sig jólatraffík-
ina á sama tíma,“ sagði Þorleifur.
Hann sagði að þetta húsnæði
hentaði mjög vel fyrir starfsem-
ina enda væri þar íyrir hendi
afgreiðsla þriggja sérleyfishafa.
Litlar breytingar þarf því að gera
til að koma þarna á aukinni starf-
semi, einna helst þarf að endur-
bæta bögglageymsluna.
Bæjarlögmaður er nú að lesa
yfir drög af stofnsamningi og
samþykktum fyrir hið nýja félag,
sem að öllum líkindum kemur til
með að heita Bifreiðastöð
Norðurlands, en það er þó ekki
endanlega ákveðiö. Ekki er held-
ur búið að ganga frá samningum
við KEA, sem er eigandi hússins
Hafnarstræti 82, en að sögn Þor-
leifs hefúr kaupfélagið sýnt skiln-
ing á málinu.
Hann sagði að tilgangurinn
með stofnun umferðarmiðstöðv-
ar væri að bæta þjónustu við far-
þega sem vilja ferðast með sér-
leyfisbílum og auka hagræð-
inguna. Nauðsynlegt væri að hafa
gott húsnæöi við báða enda. í
Reykjavík og á Akureyri, enda
væri þjónustan alltaf að aukast.
Atvinnumálanefnd hefur lagt
til að Akurcyrarbær veröi hlut-
hafi í félagi þessu en bæjarráð
ákvað að fresta afgreiðslu máls-
ins uns nánari útlistun á fyrirtæk-
inu lægi fyrir. SS