Dagur - 23.11.1987, Blaðsíða 16

Hafið þið reynt
okkar þjónustu? cpedsSmyndir
Hafnarstræti 98 - Akureyri Sími 96-23520.
Forsetakosningar:
Vigdís gefur
kost á sér
Frú Vigdís Finnbogadóttir,
forseti Islands, tilkynnti á
föstudag aö hún hyggst gefa
kost á sér til endurkjörs viö
forsetakosningarnar, sem fram
fara næsta sumar.
í fréttatilkynningu til fjölmiðla
vegna þessarar ákvörðunar segir
m.a.:
„Peim tilmælum hefur verið
beint til mín að ég gefi kost á mér
við forsetakjör sem fram á að
fara á komandi sumri, fyrir kjör-
tímabilið 1988 til 1992. Ég hef
ákveðið að verða við þessum til-
mælum.“
Fæst grænt Ijós á
smíði Hríseyjarferju?
Afgreiðslu
fjárlaga
beðið
Nú liggja fyrir frumdrög að
nýrri ferju fyrir Hríseyinga.
Slippstöðin á Akureyri hefur
unnið þessi drög eftir hug-
myndum Hríseyinga og er nú
beðið eftir fjárveitingu til
smíði ferjunnar en gert er ráð
fyrir að skipið kosti um 50-70
milljónir króna.
Ekki verður ljóst fyrr en
afgreiðslu á fjárlögum fyrir 1988
er lokið hvort Hríseyingar fá
grænt ljós á smíði nýrrar ferju.
Ferjumál heyra undir samgöngu-
málaráðuneyti og leggur ríkið
Hríseyingum til ferjuna í staðinn
fyrir veg en Hríseyingar sjá svo
um að reka skipið.
Flutningur með Hríseyjarferj-
unni hefur stóraukist á síðustu
árum. Bæði hafa fólksflutningar
aukist og einnig vöruflutningar
en til marks um þetta sagði Guð-
jón Björnsson, sveitarstjóri í Hrís-
ey að á fyrstu 10 mánuðum þessa
árs hafi ferjan flutt 40.000 manns
og 3.200 tonn af vörum. Guðjón
sagði að út frá aukningu á fólks-
flutningum frá árinu 1984 mætti
gera ráð fyrir að 50.000 manns
verði fluttir með ferjunni milli
lands og eyjar á næsta ári.
„Ferjan er okkar aðaltengill
og ef við getum ekki annað flutn-
ingum t.d. á fólki þá kemur það
niður á ferðamannaflutningum
sem er slæmt þar sem ferðamanna-
iðnaður er í uppbyggingu hér í
eynni. Ef við flytjum ekki allar
vörur í eyna þá erum við að
dempa niður athafnalífið. Því
þurfum við á stærri ferju að
halda,“ sagði Guðjón Björnsson.
JÓH
Jafnvel hörðustu andstæðingar sælgætis bráðnuðu og þáðu nammi hjá Hófí
- Hólmfríði Karlsdóttur - fegurðardrottningu, en hún var að kynna
Marabou sælgæti í Hrísalundi á laugardaginn. Fólk hópaðist að stúlkunni og
að sögn bragðaðist sælgætið afar vel. Ekki spillti fyrir að fá undursætt bros
í kaupbæti. Mvnd. R^B
Inflúensa:
Asíu-flensan
ekki alvarleg
- fyrirtæki sýna áhuga á
bólusetningu starfsfólks
„Bólusetning við flensu á
okkar vegum stendur ekki í
sambandi við neina ákveðna
inflúensu sem við vitum um.
Það er árvisst hjá okkur að
bjóða eldra fólki og sjúkling-
um bólusetningu og fer gerð
bóluefnisins í hvert sinn eftir
því hvaða stofnar hafa verið í
gangi úti í heimi,“ sagði Ólafur
H. Oddsson héraðslæknir þeg-
ar hann var spurður um þessi
mál.
Talað hefur verið um í fréttum
að von væri á svokallaðri Asíu-
inflúensu. í bóluefni eru þrír
stofnar inflúensu. Einhverjir
þeirra er nú í gangi í Asíu en eru
ekki taldir mjög alvarlegir og því
engin ástæða til ótta. Vegna
bættrar skráningar um allan heim
verða bóluefni sífellt betri.
Ólafur sagði að venjulega
mætti eiga von á inflúensufaraldri
í mars á hverju ári. Héðan í frá
yrði bólusett gegn flensu í
nóvember á hverju ári til öryggis.
Við spurðum Ölaf hvort mikið
væri um að fyrirtæki bæðu urn
bólusetningu fyrir starfsfólk sitt
og sagði hann svo vera. „Við höf-
um aftur á móti dregið úr þeim
því stundum er ekki til nóg
bóluefni og viljurn við frekar að
Akureyri:
Vélfryst skautasvell
- Bylting í aðstöðu skautafólks
Nú hafa Akureyringar svo
sannarlega skotið Reykvíking-
um ref fyrir rass í skautaíþrótt-
inni. Á báðum þessum stöðum
hefur aðstöðuleysi háð íþrótt-
inni og háværar umræður um
vélfryst skautasvell hafa bloss-
að upp á undanförnum árum.
Skautafélag Akureyrar hefur
nú fest kaup á búnaði til að
frysta skautasvell á svæði
félagsins á meðan málið er enn
á umræðustigi í Reykjavík.
Ástæðan fyrir ofangreindu
orðalagi liggur að sjálfsögðu í því
að um áratugaskeið hafa þessi
bæjarfélög háð íshokkíkappleiki
sem hafa verið mjög skemmtileg-
ir og spennandi. Síðastliðin tvö
ár hefur þessi keppni legið niðri,
Skautafélag Akureyrar hefur fengið búnað til að vélfrysta skautasvcll og
mun þetta valda straumhvörfum í skautaíþróttinni á Akureyri. Mynd: tlv
enda æfingaaðstaða skautafólks
lítil sent engin og algjörlega háð
duttlungarfullri veðráttu. Nú eru
úrbætur fyrirsjáanlegar á Akur-
eyri.
Ingólfur Ármannsson hefur
lengi fylgst með skautaíþróttinni.
Aðspurður sagði hann að nú væri
verið að koma vélfrystibúnaðin-
um fyrir á svæði Skautafélagsins.
Hann sagði að hér væri um að
ræða vél í sérútbúnum gámi og á
þaki hans væri loftkælibúnaður.
„Þessi búnaður verður síðan
tengdur við leiðslurnar sem lagð-
ar voru í plötuna þegar hún var
steypt í fyrra. Við vonumst til að
þessu verði lokið um næstu mán-
aðamót og þá verður hægt að
prufukeyra svellið,“ sagði Ingólf-
ur.
Hann sagði að skautaíþróttin
hefði verið í lægð að undanförnu
vegna aðstöðuleysis, en sem
kunnugt er þurfti að flytja
skautasvæðið um set og er upp-
bygging á nýja svæðinu nú langt
komin. Hann sagðist eiga von á
því að skautaíþróttin fengi byr
undir báða vængi og yrði vinsæl
almenningsíþrótt, eins og t.d.
sund og skíðaíþróttir. SS
þeir sem þurfa þess heilsu sinnar
vegna fái það. Við skiljum að
fyrirtæki hafi áhuga á þessu því
það er dýrt fyrir þau ef starfsfólk
veikist.“ Ólafur sagði að mestur
þrýstingur væri frá þeim sent
standa einir t.d. bændum og væri
reynt að verða við óskum þeirra
án tillits til heilsufars eða aldurs.
Hjá bændurn veltur öll starfsemi
á einum manni og því slæmt ef
þeir veikjast. Hann sagðist efast
um að fullfrísk ung manneskja
fengi bólusetningu, færi hún fram
á það hjá heimilislækni. VG
Laufabrauð:
Mikil aukning
í sölu til
Reykjavíkur
Jólin nálgast óðum og þeim
fylgir á allflestum heimilum
laufabrauðsgerð. Flestir láta
sér nú lynda að kaupa kökurn-
ar útflattar og skornar þannig
að einungis á eftir að skreyta
þær og steikja. Hjá Brauðgerð
KEA og Brauðgerð Kristjáns
Jónssonar á Akureyri er laufa-
brauðsvertíðin byrjuð.
„Við erum jú aðeins byrjaðir
en aðalvertíðin verður þegar fer
að nálgast mánaðamótin," sagði
Páll Stefánsson hjá KEA. „Við
höfum skorið á bilinu 10 - 20 þús-
und kökur á ári og reiknum með
svipuðu magni nú.“
Páll sagði að hver fjölskylda
tæki á bilinu frá 30 - 40 kökur og
allt upp í 100 kökur. Sömuleiðis
væri mikið um að margir tækju
sig saman við laufabrauðsgerð-
ina.
Snorri Kristjánsson hjá Brauð-
gerð Kristjáns sagði að þeir væru
byrjaðir af fullum krafti. Þeir
selja bróðurpartinn af yfir 100
þúsund kökum til Reykjavíkur
og sagði Snorri að aukning í sölu
þangað hefði verið jöfn og þétt.
„Burtfluttir Norðlendingar vilja
fá laufabrauð og greinilegt er að
þeir hafa smitað út frá sér því
mun fleiri eru farnir að steikja
laufabrauð. Við höfum einnig
selt til Vestmannaeyja, Vest-
fjarða og töluvert á Snæfellsnes,“
sagði hann. VG
Laufabrauði pakkað.