Dagur - 22.11.1988, Page 15

22. nóvember 1988 - DAGUR - 15
Benedikt Guömundsson:
Gervigrasvöll í stað SanavaJlar?
- Hugleiðing um stöðuna í vallarmálum Akureyringa þegar Sanavöllurinn heyrir sögunni til
Þær fréttir bárust nú á haustdög-
um að Sanavöllurinn „Wembley
okkar Akureyringa“ yrði notaður
undir fyllingu vegna fram-
kvæmda við Fiskihöfnina, og
þetta væri síðasta árið sem félög-
in hefðu afnot af honum. Þetta
var að vísu engin ný frétt, og um
það bil eitt ár síðan forráða-
mönnum félaganna var tilkynnt
hvað stæði til. Þetta er að sjálf-
sögðu áfall fyrir Akureyrarfélög-
in, þar sem Sanavöllurinn hefur
verið orðinn keppnishæfur allt að
tveimur mánuðum fyrr en malar-
vellir félaganna. Þessi völlur hef-
ur því verið sú aðstaða sem félög-
in á Akureyri hafa notast við og
gert það að verkum að liðin hafa
komið sæmilega undirbúin til
leiks að vori. Það hafa ekki bara
verið Akureyrarfélögin sem not-
ið hafa góðs af vellinum, einnig
félög úr nágrannabyggðunum.
Komið hefur verið á mótum milli
liða af svæðinu frá Húsavík til
Ólafsfjarðar og hefur þetta orðið
fastur liður í undirbúningi lið-
anna fyrir komandi keppnistíma-
bil.
Tímabært að huga að
framtíðarskipan
þessara mála
Samkvæmt ofanskráðu er þetta
liðin tíð og tímabært fyrir for-
ráðamenn bæjarfélaga, og íþrótta-
félaga að fara að huga að fram-
tíðarskipan þessara mála. Þar
með er ég kominn að kjarna
málsins, sem er lagning gervi-
grasvallar. Ætla má að einstök
sveitarfélög séu ekki í stakk búin
til að fjármagna gerð gervigras-
valla þess utan eru þau það fá-
menn að nýting vallanna yrði
mjög léleg auk þess sem rekstur
þeirra yrði ofviða fámennum
sveitarfélögum. Ég hef velt fyrir
mér hvernig mætti leysa þetta
vandamál og hallast ég einna
helst að eftirfarandi lausn:
Að sveitarfélög á svæðinu frá
Húsavík til Ólafsfjarðar komi sér
saman um gerð eins vallar sem
yrði fjármagnaður af sveitarfé-
lögunum öllum, í hlutfalli við
íbúatölu þeirra og iðkendafjölda.
Staðsetning þess vallar þætti mér
eðlilegust á Akureyri vegna stað-
setningar, fjölda iðkenda, og
þeirrar aðstöðu sem fyrir hendi
er þar. Þá geri ég ráð fyrir að
Akureyrarbær sæi alfarið um
rekstur vallarins.
Kostnaður á bilinu
25-35 milljónir
Kostnaður við gerð gervigrasvall-
ar liggur á bilinu 25 til 35 millj.
kr. eftir því hve mikið þarf að
leggja í ýmsa undirbúningsvinnu
og aðra aðstöðu sem fyrir hendi
þarf að vera til að mynda vallar-
hús með baðaðstöðu o.fl. Hvar
ætti síðan völlurinn að vera stað-
settur í bænum? Því er til að
svara að fyrir mér koma aðeins 3
staðir til greina í bæjarlandinu
okkar og það er, á öðrum hvor-
um malarvelli félaganna þ.e.a.s.
KA eða Þórs eða á Akureyrar-
vellinum, sem ég tel vænlegasta
kostinn þar sem endalaust væri
hægt að deila um hina tvo staðina
og eðlilegast væri að hafa hann
miðsvæðis í bænum og öll rök
mæla sterklega með því. Skulu
hér nefnd nokkur þeirra:
Akureyrarvöllurinn
notaður í 3 mánuði
Akureyrarvöllur er í notkun frá
20. júní til 20. sept. ár hvert, auk
þess sem hlé verður um og yfir
Benedikt Guðmundsson.
verslunarmannahelgina á ís-
lensku knattspyrnunni í viku til
hálfan mánuð. Það segir manni
að völlurinn er í notkun 90 daga á
ári og á þessu tímabili eru spilað-
ir um 25 til 30 leikir eða u.þ.b.
3ja hvern dag fer fram leikur sem
stendur í 95 til 100 mínútur með
öllu það þýðir 3000 mínútna
notkun á ári. Til gamans má geta
þess að æfingatími meistara-
flokksliðanna hér í bæ er um 90
mínútur í hvert skipti 4 sinnum í
viku auk æfinga allra annarra
flokka sem æfa ca. 70 mínútur að
meðaltali 2 til 3 sinnum í viku og
ná því á einni viku sama mínútu-
fjölda við æfingar, og notkunin er
á öllu sumrinu á Akureyrarvelli.
Gervigras á
Akureyrarvöllinn
Þetta gefur tilefni til að ætla að
athuga ætti möguleikana á því að
nýta þessa aðstöðu mun betur en
gert er. Þarna er mjög gott vallar-
hús með baðaðstöðu og síðast en
ekki síst með góða gistiaðstöðu
fyrir 30 til 40 manns að minnsta
kosti og mun ég koma nánar að
því síðar í þessum hugleiðingum
mínum. Til að gera góðan gervi-
grasvöll þarna þyrfti að skipta um
jarðveg í vallarstæðinu sem fyrir
hendi er þar undir er' góður
grunnur og stutt ofan á fast. Alla
aðra aðstöðu sem þarna er, svo
sem hlaupabrautina ætti jafn-
framt að lagfæra, útbúa kastvelli
á moldarvellinum og atrennu-
brautir norðan og vestan við völl-
inn, þannig að frjálsíþróttaað-
staða yrði fyrsta flokks, en á því
hefur verið skortur undanfarin
ár. Samkvæmt eldra skipulagi
sem ég veit ekki hvort er í gildi,
þá átti að færa völlinn til suðurs,
þannig að stúkan yrði fyrir miðju
vallarins. Það yrði dýrari fram-
kvæmd og á engan hátt nauðsyn-
leg ef þarna yrði gervigrasvöllur.
Betri nýting
á mannvirkjum
Ekki þarf að fjölyrða um hversu
miklu betri nýting fengist af þess-
um mannvirkjum sem fyrir eru ef
gervigrasvöllur yrði staðsettur
þarna það sýnir reynslan frá
Reykjavík, þess utan myndu
leysast ýmis önnur vandamál sem
íþróttaráð stendur frammi fyrir
t.d. vegna átroðnings í íþróttahús
bæjarins frá knattspyrnuáhuga-
mönnum á vetrum þegar aðrar
íþróttir sem miklu meiri rétt hafa
á tímum í húsunum verða að
draga saman vegna átroðnings
knattspyrnuáhugamanna, þó veit
ég að ástandið er betra í ár en oft
áður, en það er eingöngu vegna
þess að yngstu iðkendunum hefur
verið vísað úr húsi. Sem áður
sagði þá er nýtingin mjög góð á
Sanavöllurinn heyrir brátt sögunni til en spurningin er því hvað kemur í stað-
inn fyrir hann?
gervigrasvellinum í Reykjavík og
enginn vafi á að svo yrði einnig
hér.
Upphitunarmöguleikar
takmarkandi þáttur
Auðvitað má gera ráð fyrir að
það verði tímabil sem útiloka
iðkun vegna snjóa og kulda, þar
sem upphitunarmöguleikar eru
takmarkandi þáttur vegna þess
hve lítið vatn er hægt að fá en
það vandamál má leysa að hluta
með kyndingu vatnsins. Jafnvel
er hugsanlegt að liafa yfirbreiðslu
á vellinum auk hitunar svo ég
nefni eitthvað. Það er ekki ein-
göngu knattspyrna sem hægt er
að stunda á vellinum, ég sé fyrir
mér bandyiðkendur stunda íþrótt
sína þarna, en sú íþrótt á vaxandi
fylgi að fagna í framhaldsskólum
bæjarins, auk þess mætti athuga
hvort hægt væri að stunda tennis
á vellinum um sumartímann.
í dag eru samgöngur milli þétt-
býlisstaða á svæðinu frá Húsavík
til Ólafsfjarðar nokkuð góðar og
eiga eftir að batna með tilkomu
jarðganga í Múlanum. Akstur frá
þessum stöðum til Akureyrar
tekur u.þ.b. eina klst.
Sífellt betri samgöngur
Með bættum samgöngum fækkar
jafnframt lokunardögum vegna
snjóa sem gerir það að verkum
að æfingar væri hægt að stunda
inni á Akureyri nánast hvenær
sem er. Það mætti hugsa sér að
félögin frá þéttbýlisstöðunum hér
í grenndinni kæmu um helgar og
æfðu á vellinum til skiptis frá
föstudegi til sunnudags. Ég
nefndi það fyrr að gistiaðstaða
væri fyrir hendi í vallarhúsinu, og
gætu gist þar með góðu móti 30
til 40 manns. Ekki þyrfti að kosta
miklu til að koma upp smá eldun-
araðstööu sem væri þægilegt að
liafa líka. Þetta gæfi ennfremur
möguleika á keppnum milli höf-
uðborgarsvæðisins og lands-
byggðarinnar jafnvel erum við þá
í stakk búin að fá erlend lið til
leiks þegar ekki er hægt að spila í
þeirra heimalandi. Þetta hefur
verið gert og vísa ég þar til heim-
sóknar Watford, Luton Town og
fleiri liða til Reykjavíkur.
Hvernig á að leysa
vanda félaganna
Gaman væri nú að heyra skoð-
anir forráðamanna bæjarfélaga
og íþróttafélaga á þessum
málum, ég hef heyrt að Iþrótta-
ráð Akureyrar hafi tekið þetta
mál upp, en hver er staða mála í
dag og hvað hafa menn hugsað
sér að gera til lausnar vanda
félaganna á æfingaraðstöðu yfir
vetrarmánuöina? Það væri alveg
oröið tímabært að gera upp hug
sinn í þessu máli, og helst ætti að
stefna að því að vinna alla undir-
búningsvinnu að verkinu í vetur
og næsta sumar með það fyrir
augum að leggja gervigrasið
næsta haust, alla vega ekki síðar
en haustið 1990.
Benedikt Guðmundsson.
(Millifyrirsagnir eru blaðsins.)
Velkoinnir aftur:
Guðs englar smáir
- b.h. skrifar frá Kaupmannahöfn
Enn eru nokkrir dagar til
aðventu. Þrátt fyrir það er jóla-
undirbúningurinn hafinn, þótt í
smáum stíl sé. Einn og einn
kaupmaður á Strikinu hefur
laumast til að setja smátilkynn-
ingu í gluggann, einkum til barn-
anna, að allur sé nú varinn
góður, jólin séu aðeins einu sinni
á ári. Én skyldi Einar Holböll,
póstmeistara, hafa rennt grun í,
að hugmynd hans um sérstakt
jólamerki, sem hann fékk og
framkvæmdi í fyrsta sinn árið
1904, yrði milljónum manna um
víða veröld fyrsti jólaboðinn og
um leið gleðigjafi þeim mörgu
sjúku og sáru, sem notið hafa
ágóðans af sölu þeirra?
Danska jólamerkið kom út fyr-
ir fáeinum dögum. Að þessu
sinni er það teiknað af 59 ára
gamalli listakonu, Ruth Christ-
ensen. Það sýnir tvo engla, sem
færa gullna stjörnu upp á himin-
hvelfinguna. Hugmyndina að
jólamerkinu hefur Ruth sótt í
alkunnan sálm eftir Grundtvig,
sem hefst á orðunum: „Velkomn-
ir aftur, Guðs englar smáir.“ En
englarnir, þeir eru handalausir.
Það er listakonan einnig. Aðeins
11 ára gömul hjólaði hún fyrir
járnbrautarlest og missti báða
handleggi um olnboga. Ótrauð
hélt hún samt út á listabrautina,
tók próf frá listaháskóla og hefur
Höfundur jólamerkisins, hin handa-
lausa listakona, Ruth Christensen.
síðan fengist við grafík, málun og
auglýsingateiknun. Hún hefur
einu sinni áður teiknað danska
jólamerkið, árið 1982.
Það var árið 1904, sem fyrsta
danska jólamerkið kom út. Éinar
Holböll, póstmeistari, átti hug-
myndina að útgáfu þess og það
hefur komið út á hverju ári
síðan. Víða um heim hafa menn
farið að dæmi Dana og gefa út
jólamerki og verja ágóðanum til
líknarmála.
1 Danmörku eru rekin fjögur
meðferðarheimili fyrir ágóðann
af sölu jólamerkisins. Þessi heim-
ili eru fyrir börn og unglinga, sem
eiga við vandamál að stríða, á
heimili og í skóla. b.h
Danska jólamerkið 1988.