Dagur - 25.01.1989, Page 6

6 - DAGUR - 25. janúar 1989
Þór og KA bcrjust á Sanavellinum. Þessi völlur hefur veriö keppnishæfur mun fyrr en aðrir malarvellir í Eyjafirði og það er krafa knattspyrnumanna að
fá sambærilegan völl áður en Sanavöllurinn verður lagður niður.
Staðan í knattspymu-
vaUarmálum Akureyringa
- Hermann Sigtryggsson, Sigurður Arnórsson og Stefán Gunnlaugsson
ræða um nýjan malarvöll, gervigras, yfirbyggðan völl o.fl.
Knattspyrnumenn á Akur-
eyri og víðar á Norður-
landi velta því nú fyrir sér
til hvaða ráða verði gripið
nú þegar ljóst er að Sana-
völlurinn verður lagður
niður og notaður undir
fyllingu vegna fram-
kvæmda við Fiskihöfnina á
Akureyri. Sanavöllurinn
hefur verið keppnishæfur
mun fyrr á vorin en malar-
vellir KA og Pórs og þar
hafa farið fram æfingamót
með þátttöku knattspyrnu-
liða á Norðurlandi. Þannig
hafa félögin náð að stilla
aðeins saman strengi sína
fyrir íslandsmótið þótt
ekki sé hægt að bera að-
stöðuna saman við gervi-
grasvöllinn í Laugardal,
sem félög á Suðvesturlandi
hafa aðgang að allan ársins
hring. Hver er æskileg
framtíðarskipan vallar-
mála? Gervigras? Yfir-
byggður malarvöllur? Eða
eru Norðlendingar dæmdir
til að dragast aftur úr í
knattspyrnuíþróttinni?
Til að ræða þessi mál leituðum
við til Hermanns Sigtryggssonar,
æskulýðs- og íþróttafulltrúa
Akureyrarbæjar, Stefáns Gunn-
laugssonar, formanns knatt-
spyrnudeildar KA, og Sigutðar
Arnórssonar, formanns knatt-
spyrnudeildar Þórs. í upphafi er
þó vert að grípa niður í grein
Benedikts Guðmundssonar sem
birtist í Degi 22. nóvember 1988.
Þar leggur hann til að gervigras-
völlur komi í stað Sanavallar og
að honum verði staðið með eftir-
farandi hætti:
„Að sveitarfélög á svæðinu frá
Húsavík til Ólafsfjarðar komi sér
saman um gerð eins vallar sem
yrði fjármagnaður af sveitar-
félögunum öllum, í hlutfalli við
íbúatölu þeirra og iðkendafjölda.
Staðsetning þess vallar þætti mér
eðlilegust á Akureyri vegna
staðsetningar, fjölda iðkenda og
þeirrar aðstöðu sem fyrir hendi
er þar. Þá geri ég ráð fyrir að
Akureyrarbær sæi alfarið um
rekstur vallarins."
Benedikt telur þrjá staði koma
til greina í bæjarlandinu, malar-
velli Þórs og KA og Akureyrar-
völlinn. Hann telur Akureyrar-
völl heppilegasta kostinn því
hann er miðsvæðis. Þá segir hann
völlinn aðeins vera í notkun í 90
daga á árinu, á þeim tíma séu
spilaðir 25-30 leikir og notkunar-
tíminn því um 3.000 mí'nútur sem
er sami mínútfjöldi og Þór og KA
eyða í knattspyrnuæfingar á einni
viku. Á Akureyrarvelli er líka
gott vallarhús með bað- og gisti-
aðstöðu.
Staðsetning malarvallar í
athugun hjá skipulagsstjóra
Hvar eru vallarmálin á vegi stödd
í bæjarkerfinu? Hermann Sig-
tryggsson svarar þeirri spurn-
ingu:
„Nú er verið að kanna hugsan-
lega staðsetningu malarvallar
sem kæmi í stað Sanavallarins. í
leiðinni er það haft í huga að sá
völlur geti í framtíðinni orðið
gervigrasvöllur. Þetta mál er hjá
skipulagsstjóra núna.
í sambandi við gervigrasvöll
verður að hafa það í huga að
hann verður að byggja mjög vel,
bæði undir- og yfirlag, og enn
hafa rannsóknir ekki skilað þeim
niðurstöðum sem við getum
algjörlega byggt á. Við höfum
leitað eftir upplýsingum á
Norðurlöndunum og í Færeyjum
er t.d. ekki um upphitaðan völl
að ræða, en það kæmi alls ekki til
greina að hafa óupphitaðan
gervigrasvöll á íslandi. Vanda-
málin varðandi ís og snjó yrðu
þau sömu eftir sem áður.
íþróttaráð hefur safnað að sér
miklum upplýsingum um gervi-
grasvelli og við höfum fengið
ýmis sýnishorn, en gervigras er
mjög mismunandi. Framleiðend-
ur eru margir og hver reynir að
koma sinni tegund á framfæri, en
við höfum ekki getað fengið
áreiðanlegar upplýsingar um það
hvaða tegund er best, eða hentar
best hér.
Trúlega væri best að koma
þessum velli upp í tengslum við
íþróttamannvirki eða skóla. En
stofnkostnaður er mikill og ef
gervigrasvöllur er svo til ein-
göngu notaður fyrir knattspyrnu
þá er ekki víst að nýtingin verði
mjög góð. Hins vegar mætti
búast við aukinni aðsókn eftir að
aðstaðan væri komin upp.“
„Eins og hvert
annað hjóm!“
- Benedikt Guðmundsson segir
það góðan kost að breyta Akur-
eyrarvelli í gervigrasvöll, enda
þurfi, samkvæmt skipulagi, hvort
eð er að kosta miklu við það að
færa hann sunnar. Stendur það til
að færa Akureyrarvöll?
„Ég held að menn vilji ógjarn-
an missa grasvöllinn, en það er
rétt að samkvæmt skipulagi
bæjarins er gert ráð fyrir að færa
völlinn vegna Glerárgötunnar.
Þá mætti hugsa sér að í leiðinni
yrðu settar upp hlaupabrautir
með tartanlagi og eins og völlur-
inn stendur núna er ekki pláss
fyrir sex brautir. Ég veit hins veg-
ar ekkert um það hvort ráðist
verði í þessar framkvæmdir í
náinni framtíð.
Það er afar erfitt að gera
nokkrar spár eða áætlanir hjá
Akureyrarbæ vegna þess að fjár-
hagsáætlun hvers árs ræður þessu
algjörlega. Mér finnst það mjög
miður, en það er staðreynd að
hér þýðir ekki að gera neina
framtíðarspá í íþróttamálum.
Fyrst og fremst er ekki pólitískur
vilji til að fara eftir þeim. Það er
ekki unnið skipulega að því að
afla fjár til þess að hrinda fram-
kvæmdaáætlunum af stað. Það
hafa verið gerðar nokkrar fram-
kvæmdaáætianir en þær hafa orð-
ið úreltar sama ár og þær hafa
Sigurður vill fá gervigras á Akureyr-
arvöll, Hermann vill tæplega fórna
honum og Stefáni líst best á vallar-
stæði við Leirurnar. Mynd: tlv
orðið til. Við verðum algjörlega
að haga okkur eftir því sem til er
af peningum hvert ár og vilja
bæjarstjórnar á hverjum tíma.
Þannig hefur áætlanagerð bara
verið tímaeyðsla og eins og hvert
annað hjóm!“
Mikill stofn- og
rekstrarkostnaður
- í ljósi þessa mætti ætla að
hyggilegt væri að taka upp sam-
starf við önnur sveitarfélög á
Norðurlandi um byggingu gervi-
grasvallar, eða hvernig líst þér á
þá hugmynd?
„Hún er auðvitað góð, en ég
held að við verðum fyrst að hafa
samvinnu um þetta innanbæjar.
Við þurfum að ná samstöðu um
staðsetningu og ég held að það sé
ekki svo auðvelt mál. Síðan get-
um við farið að ræða við ná-
grannasveitarfélögin. En ég er
hlynntur slíkri samvinnu.
Varðandi Akureyrarvöllinn þá
hefur framtíð hans verið í
umræðunni árum saman og hvað
gervigrasið áhrærir þá höfum við
safnað heilu bunkunum af pruf-
um og upplýsingum. Þeirri hug-
mynd hefur verið varpað fram að
efna til ráðstefnu eða hóp-
umræðu um þessi mál í vetur.
íþróttaráð fór til Reykjavíkur sl.
I sumar og kynnti sér gervigras-
I völlinn þar, uppbyggingu og
rekstur. Þetta er geysilegt fyrir-
tæki.
Upphitunin myndi líka setja
strik í reikninginn hjá okkur.
Meðan Reykvíkingar borga inn-
an við 10 krónur fyrir mínútulítr-
ann þurfum við að borga yfir 100
krónur. Þetta dæmi eitt setur
mann eiginlega alveg út af laginu,
kostnaðurinn við upphitunina.
Hæð yfir sjávarmáli skiptir líka
máli í þessu sambandi og meðal-
hiti á hverjum stað. Það er því
ljóst að bæði stofnkostnaður og
rekstrarkostnaður er mjög mik-
ill.“
„Hægt með
samstilltu átaki“
Hermann talaði um það að
aðstaðan hefði batnað mjög hjá
KA og Þór með tilkomu eigin
félagssvæða, en greinilega yrði
þó meira að koma til. Hann sagð-
ist ekki telja það óeðlilegt að
Akureyrarbær væri aðili að mal-
arvelli og síðan gervigrasvelli í
framtíðinni, en því miður virtist
hann lítils megnugur í dag.
„Við verðum að halda vel á
spöðunum ef við ætlum að vera
með í samkeppninni. Með sam-
stilltu átaki ætti þetta að vera
hægt, en mér finnst að bærinn og
bæjarbúar verði að koma sér
saman um lausn áður en leitað
verður eftir frekara samstarfi."
Að lokum ræddum við um yfir-
byggða velli og taldi Hermann þá
hugmynd frekar fjarlæga. Hann
sagðist þó hafa séð íþróttahús í
Finnlandi með 70 x 100 metra
gólffleti þar sem knattspyrnu-
æfingar færu fram. Gólfið er
steypt en tartanábreiða er lögð
yfir það. Yfir sumartímann er
húsið síðan nýtt undir ráðstefnur
og fleira. í slíkum húsum þarf að
vera hátt til lofts og vítt til
veggja, eins og gefur að skilja, og
þá er ljóst að ekki er um ódýra
byggingu að ræða.
„Eina vonin að við eigum
betri knattspyrnumenn
að upplagi“
Næst skulum við huga að skoðun-
um Sigurðar Arnórssonar, for-
manns knattspyrnudeildar'Þórs,
á vallarmálum á Akureyri. Hann
var fyrst beðinn að lýsa núver-
andi aðstöðu Þórsara.
„Við erum með einn grasvöll
og einn malarvöll. Síðan verður
sáð í annan grasvöll í vor, en
hvenær hann kemst í gagnið veit
ég ekki. Þá erum við með lítið
æfingasvæði, grasblett sem ekki
er í fullri stærð. Malarvöllurinn
okkar er mun síðar tilbúinn á
vorin en Sanavöllurinn. Ef að
hann fer og ekkert kemur í stað-
inn þá er endanlega búið að
kippa fótunum undan því að
knattspyrnan hér verði jafnfætis
því sem hún er í Reykjavík. Það
er einfalt mál.
Ég er þá að tala um annan mal-
arvöll til að byrja með. Ef hins
vegar ekkert kemur í staðinn þá
er eina vonin sú að við eigum
betri knattspyrnumenn að upp-
lagi en sunnanliðin, sém er
kannski ekki óeðlilegt að ætlast
til! Annars drögumst við aftur
úr,“ sagði Sigurður, enda skapar
æfingin meistarann.
Hann sagði að aðstöðumunur
norðan- og sunnanliða væri orð-
inn mikill og nú væri kominn tími
til að bæjaryfirvöld riðu á vaðið
og segðu frá hugmyndum sínum,
í stað þess að hrópa úlfur, úlfur á
hverju hausti. En yfir í gervigras-
ið.
Uppblásin tjöld yfir
knattspyrnuvelli
„Það er ljóst að gervigrasvöllur á
vegum bæjarins kemur aldrei á
annað hvort svæðið (Þórs eða