Dagur - 21.02.1989, Side 14

14 - DAGUR - 21. febrúar 1989
Bílavír og tengi
ÞÓmWRHP.
Varahlutaverslun
Við Tryggvabraut • Akureyri • Sími 22700
Minning:
Ý Hulda Jónsdóttir Laxdal
Fædd 26. apríl 1905 - Dáin 26. janúar 1989
Útför Huldu Laxdal, fyrrum hús-
freyju að Meðalheimi á Sval-
barðsströnd, var gerð frá Akur-
eyrarkirkju 1. febrúar sl. Hún
lést á Fjórðungssjúkrahúsinu á
Akureyri 26. f.m.
Hulda fæddist 26. apríl 1905 í
Hrísey. Hún var önnur í röðinni
af 10 börnum Jóns Bergssonar frá
Hæringsstöðum í Svarfaðardal og
Þorgerðar Jörundsdóttur frá
Hrísey, sem lengst af bjuggu í
Ólafsfirði.
Systkini Huldu voru Auður f.
24.01 1904, Pálína f. 04.04 1907,
Jörundur f. 30.03 1908, Torfi f.
15.02 1911 og Cecilía f. 26.07
1914, sem öll eru látin. Ennfrem-
ur Guðmundur f. 14.01 1912
búsettur í Ólafsfirði og Þorsteinn
f. 09.01 1918, Sveinn Cecil f.
22.08 1919 og Margrét Guðrún f.
24.02 1922 öll búsett í Reykjavík.
Fjögurra ára gömul fór Hulda í
fóstur til föðurbróður síns Bergs
Bergssonar og konu hans Odd-
nýjar Bjarnadóttur að Skeggja-
brekku í Ólafsfirði. Mun þar
mestu hafa um ráðið að þau hjón
voru barnlaus. Hulda ólst upp
hjá fósturforeldrum sínum við ást
og umhyggju og mun snemma
hafa reynst heimili þeirra góður
liðsauki því að bráðger var hún
til munns og handa.
En mikið sagðist Hulda hafa
saknað systkina sinna og pabba
og mömmu og að það hefðu verið
sínar sælustu stundir í æsku þegar
hún fékk að heimsækja þau.
Samband Huldu við systkini sín
og foreldra var alla tíð náið og
kærleikar miklir á báða bóga.
Fimmtán ára fluttist Hulda
með fósturforeldrum sínum að
Garðsvík á Svalbarðsströnd. Þar
FLUGLEIDIR
Aðaffundur Flugleiða ht.
Aðalfundur Flugleiða hf. verður haldinn þriðjudag-
inn 21. mars 1989 í Kristalsal Hótel Loftleiða og hefst
kl. 13.30.
Dagskrá:
1. Venjuleg aðalfundarstörf skv. 10. gr. samþykkta félagsins.
2. Tillaga um útgáfu jöfnunarhlutabréfa og breyting á 4. gr. samþykkta því til
samræmis.
3. Breytingar á samþykktum félagsins:
a) Tillaga um breytingu á 4. gr. samþykkta félagsins, um heimild til
stjórnar til að hækka hlutafé með áskrift nýrra hluta.
b) Tillaga um breytingu á 10. gr., um að frestur til boðunar aðalfundar
verði minnst 2 vikur.
c) Tillaga um breytingu á 6. mgr. 9. gr., um að fellt verði út ákvæði um
takmörkun á meðferð atkvæða í félaginu.
d) Tillaga um breytingu á 4. gr. 3. mgr., 3. málsgreinin orðist svo: „Til
frekari hækkunar hlutafjár þarf samþykki hluthafafundar. Ákvæði
2. mgr. 17. gr. samþykkta gilda um tillögur um hækkun hlutafjár.'1
e) Tillaga um að aðalfundur sé lögmætur, ef hann sækja hluthafar
eða umboðsmenn þeirra, sem hafa yfir að ráða meira en helmingi
hlutafjárins (11. gr.).
Tillögur um að samþykktum Flugleiða um aukinn meirihluta við
atkvæðagreiðslur, um breytingar á samþykktum, verði breytt til
samræmis við ákvæði hlutafélagalaga, sbr. 76. gr. hlutafélagalaga
(4. gr. og 17. gr. samþykkta).
f) Tillaga um að 2. mgr. g. liðar 5. gr. falli niður.
Dagskrá og endanlegar tillögur munu liggja frammi á skrifstofu félagsins hlut-
höfum til sýnis 7 dögum fyrir aðalfund.
Aðgöngumiðar, atkvæðaseðlar og fundargögn verða afhent á skrifstofu félags-
ins, hlutabréfadeild á 2. hæð, frá og með 14. mars n.k. frá kl. 09.00 til 17.00.
Hluthafar eru vinsamlegast beðnir að vitja fundargagna sinna fyrir kl. 12.00 á
fundardegi.
Stjórn Flugleiða hf.
kynntist hún eftirlifandi manni
sínum, Jóni Laxdal frá Tungu en
þau giftust 19. maí 1924. Fyrstu
árin bjuggu þau hjón á föðurleifð
Jóns að Tungu en hófust jafn-
framt handa um að byggja upp og
rækta jörðina Meðalheim þangað
sem þau fluttu 1930. Að Meðal-
heimi fluttust með þeim hjónum
auk dætranna Guðnýjar og
Oddnýjar sem fæddust í Tungu,
móðir Jóns, Guðný og fóstur-
foreldrar Huldu en þrjú hin síð-
astnefndu áttu heimili sitt þar á
meðan þau lifðu.
Jón og Hulda bjuggu myndar-
búi í Meðalheimi í 26 ár, aðalbú-
greinar þeirra voru mjólkurfram-
leiðsla og kartöflurækt. Tvær
mannvænlegar dætur bættust við,
Þorgerður og Hulda Hlaðgerður.
Eina dóttur misstu þau hjón í
frumbernsku. í Meðalheimi var
gott að koma, þar virtist alltaf
bjart og hlýtt. Húsbændurnir
voru að vísu sístarfandi. Auk
bústarfanna hafði húsbóndinn
trúnaðarstörf á hendi fyrir sveit
sína og húsfreyjunni virtist aldrei
falla verk úr hendi. Eflaust hefur
henni stundum fundist of fáar
stundir gefast til áhuga- og tóm-
stundastarfa, sem í hennar tilfelli
voru hannyrðir og þá oftar en hitt
af listrænum toga spunnar. Af
ýmsu sem prýddi heimilið varð sú
ályktun dregin að drjúgar hafi
henni reynst næturnar. En þrátt
fyrir annir var nóg hús- og hjarta-
rými hjá Huldu og Jóni og heimili
þeirra var alla tíð rómað fyrir
gestrisni.
Árið 1956 ákváðu þau hjónin
að bregða búi og selja jörðina.
Dæturnar voru þá flognar úr
hreiðrinu nema sú yngsta og
höfðu haslað sér völl annars
staðar. Guðný var gift Þórólfi
Jónssyni bókhaldara á Húsavfk,
Oddný Halldóri Ólafssyni úrsmið
á Akureyri og Þorgerður Lúther
Gunnlaugssyni bónda í Veisuseli
í Fnjóskadal. Ákvörðunin um að
selja jörðina mun ekki hafa verið
með öllu sársaukalaus en hávaða-
laust gekk salan fyrir sig og í
framhaldi af því keyptu þau
hjónin íbúð að Brekkugötu 33 á
Akureyri.
í íbúðinni í Brekkugötu
bjuggu Hulda og Jón sér fagurt
heimili með yngstu dótturinni
sem þá var aðeins 10 ára gömul.
Afi minn Jón, faðir Huldu bjó
þar hjá þeim sín síðustu æfiár.
Verkahringur Huldu var nú ekki
eins stór og hann hafði verið í
Meðalheimi en hún hélt áfram að
vera sístarfandi, tók m.a. að sér
sauma og starfaði fyrir Sjálfs-
björgu félag lamaðra og fatlaða.
í Brekkugötunni var oft gest-
kvæmt og glatt á hjalla. Ég kom
þar oft og þar kynntist ég Huldu
best. Hún var mannkostakona
enda hafði hún hlotið góða eigin-
leika í vöggugjöf. Hún var fríð
sýnum, greind, listfeng, háttvís
og hæversk. En umfram allt var
hún einstaklega viðmóts- og
ávarpshlý og næm á tilfinningar
annarra. í viðræðum var hún
skemmtileg og fræðandi en jafn-
framt góður hlustandi. Að hugs-
uðu máli lagði hún jafnan gott til
mála, var 'gagnorð, aldrei
margmál og vel voru leyndarmál
hjá henni geymd. Skopskyn
hennar var næmt, en vandlega
gætti hún þess að beita því ekki
niðrandi um náungann. Vinur
var Hulda í raun og samferða-
mönnum sínum gerði hún marg-
an greiðann, sem fjarri var skap-
lyndi hennar að flíka.
Á árinu 1980 ákváðu Hulda og
Jón að draga saman seglin og
keyptu sér íbúð að elliheimilinu
Hlíð á Akureyri. Þar bjuggu þau
saman í sjö ár við gagnkvæma
umhyggju hvors annars og áfram-
haldandi heimsóknir ættingja og
vina uns kraftar Huldu voru
þrotnir og hún flutti sig yfir á
sjúkradeild heimilisins. Starfs-
dagur hennar var orðinn langur.
Barnabörn Huldu og Jóns eru
14 og barnabarnabörnin eru orð-
in 15.
Á sjúkradeildinni sat Jón
Laxdal við hlið sinnar ástkæru
eiginkonu öllum stundum þar til
yfir lauk.
Nú býr hann einn í íbúð þeirra
í Hlíð og hefur margs að sakna
en ljúfar minningar um góða
konu munu létta honum missinn.
Um leið og ég kveð mína
elskulegu móðursystur og skila
kveðju frá bræðrum mínum en
öll þökkum við henni fyrir sam-
fylgdina, votta ég Jóni Laxdal og
dætrum þeirra Huldu og hans,
börnum og barnabörnum mína
innilegustu samúð.
Hólmfríður Snæbjömsdóttir.
Styrktarsjóður við
Kristnesspítala
Á undanförnum árum hafa vel-
unnarar Kristnesspítala spurt
mikið um sjóð á hans vegum til
að gefa í og ánafna en slíkur
sjóður hefur ekki verið til á veg-
um spítalans.
Nú hefur verið stofnaður við
Kristnesspítala styrktarsjóður og
er hlutverk sjóðsins að styrkja
hvers konar starfsemi við spítal-
ann og bæta aðstöðu sjúklinga
með því að leggja fram fé til
kaupa á tækjum og öðrum bún-
aði fyrir spítalann. Ekki er þó
heimilt að leggja fram fé eða lána
spítalanum til að standa straum
af venjulegum rekstrarútgjöldum
hans.
Tekjur sjóðsins eru gjafir og
áheit, einnig ágóði af fjáröflun til
spítalans í heild eða einstakra
deilda sem þá njóta þess fjár sem
þær afla eða er ánafnað. Einnig
verða seld minningarkort til fjár-
öflunar fyrir sjóðinn. Minningar-
kortin verða til sölu í Bókval og á
skrifstofu Kristnesspítala.