Dagur - 23.05.1989, Qupperneq 7

68’? j" ífiíiití .£> \'J.fÁ’**\** Jjij*-' '*S' — *
Þriðjudagur 23. rfiai 1989 - DÁóUR - 7
íslandsmótið í 1. deild:
Grimmir Þórsarar
unnu góðan sigur
á Víkingum 1:0 - Kristján skoraði í sínum 100. leik
„Yið ætlum ekki að standa í
neinu fallströggli,“ sagði Þórs-
arinn Kristján Kristjánsson
eftir að hafa skorað sigurmark
liðs síns í 1:0 sigri yfir Víking-
um á malarvelli Þórs á sunnu-
daginn í fyrsta leik 1. deildar í
knattspyrnu árið 1989.
„Reyndar verðum við varla í
neinni toppbaráttu en þetta var
mikilvægur sigur í hinni hörðu
baráttu í deildinni," bætti hann
síðan við broshýr á svip enda var
þetta hans 100. leikur í 1. deild
og ekki amalegt að skora í
blómaleik.
Það var einkum rokið sem setti
svip sinn á þennan leik á Þórs-
vellinum og áttu liðin í erfiðleik-
um að hemja knöttinn á malar-
vellinum. Jafnræði var með lið-
unum og áttu bæði liðin ágæt
marktækifæri.
Það var Júgóslavinn Micic hjá
Víkingum sem fékk tvisvar sinn-
um gullið tækifæri til þess að
koma liði sínu yfir en brást boga-
listin í bæði skiptin. Á 15. mínútu
brást rangstöðugildra Þórsara og
Micic fékk boltann óvaldaður á
vítateig en lélegt skot hans fór
langt yfir. Á lokamínútu hálf-
leiksins fékk hann enn betra
tækifæri er stungusending
Trausta Ómarssonar splundraði
Þórsvörninni. Micic lék knettin-
um nokkur skref og átti einungis
Baldvin markvörð eftir en skotið
fór rétt yfir.
Þórsarar snéru strax vörn í
sókn og Hlynur Birgisson komst
á auðan sjó og vippaði yfir
Guðmund í markinu en þá kom
Sveinbjörn M. Jóhannesson og
bjargaði meistaralega á mark-
línu. Þórsarar fengu ekki einu
sinni að taka hornspyrnuna því
Óli dómari flautaði þá til leik-
hlés.
Þórsarar léku með vindinn í
bakið í síðari hálfleik og voru
öllu aðgangsharðari upp við
mark andstæðinganna en Víking-
ar. Bæði Tanevski og Birgir
Karlsson áttu góð skot á markið
en rétt fram hjá. Þeir röndóttu
reyndu að láta boltann ganga en
allar sóknir þeirra stoppuðu á
þeim Nóa og Kostic í vörninni.
Á 35. mínútu kom síðan sigur-
mark Þórsara. Hár bolti barst inn
að vörn Víkinga og þeim mis-
tókst að hreinsa frá. Knötturinn
barst til Kristjáns Kristjánssonar
í miðjum vítateignum og hann
náði að skjóta lágum bolta í
markhornið. Guðmundur hafði
hendur á knettinum en það dugði
ekki til og inn sigldi boltinn og
tryggði Þórsurum þrjú dýrmæt
stig.
Bestu menn Þórs í þessum leik
voru varnarmennirnir Luca Kost-
ic og Nói Björnsson. Kostic batt
vörnin vel saman og Nói var
sterkur að vanda. Birgir Karlsson
átti einnig góðan leik á miðjunni
og var sívinnandi. Þorsteinn
Jónsson kom vel frá sínum fyrsta
1. deildarleik og á örugglega eftir
að bera meira á honum í framtíð-
inni. Hlynur átti góða spretti
frammi, en týndist þess á milli. í
heild á Þórsliðið hrós skilið fyrir
góða baráttu og er þetta móralskt
mikilvægur sigur fyrir lið sem
spáð var falli fyrir tímabilið.
Víkingarnir hafa innan raða
sinna marga ágæta einstaklinga
en þeir virtust ekki ná vel saman
að þessu sinni. Aðalsteinn var
góður á miðjunni og Júgóslavinn
Micic var ógnandi í framlínunni en
í heild virkaði liðið ekki mjög
sannfærandi og verður þetta
örugglega erfitt tímabil fyrir
Hæðargarðsliðið.
Lið Þórs: Baldvin Guðmundsson,
Luca Kostic, Birgir Karlsson, Nói
Björnsson, Kristján Kristjánsson (Axel
Vatnsdal 90. mín.), Þorsteinn Jónsson,
Ólafur Þorbergsson (Sveinn Pálsson 78.
mín.), Júlíus Tryggvason, Valdimar
Pálsson, Hlynur Birgisson, Bojan Tanev-
skí.
Lið Víkings: Guðmundur Hreiðars-
son, Ámundi Sigmundsson, Sveinbjörn
M. Jóhannesson, Unnsteinn Kárason,
Atli Helgason, Atli Einarsson (Jón
Oddsson 80. mín.), Trausti Ómarsson
(Björn Bjartmarz73. mín.), Andri Mart-
einsson, Aðalsteinn Aðalsteinsson, Gor-
an Micic, Halldór Árnason.
Dómari og línuverðir: Óli P. Ólsen,
Gunnar R. Ingimarsson og Egill Már
Markússon. Óli dæmdi ágætlega, en sam-
vinnan við línuverði var ekkert sérstök.
Áhorfendur: 450

Kristján Kristjánsson fagnar hér marki sínu gegn Víkingum. Hlynur Birgisson getur ekki leynt kæti sinni cn Vík-
ingarnir eru svo sannarlega ekki í vígahug fyrir aftan þá. Á innfelldu myndinni sést Guðmundur Hreiðarsson gera
örvæntingarfulla tilraun til að verja skot Kristjáns. Myndir: KL
Jafiitefli í Krikanum
- FH-KA 0:0 í slökum leik
KA og FH deildu með sér stig-
um í fyrstu viðureign liðanna í
1. deildinni í knattspyrnu á
þessu vori þegar liðin mættust í
Hafnarfirði í gærkvöld. Lið
FH var mun sprækara í leikn-
um, skapaði sér betri færi en
náði ekki að nýta þau. Spil
þeirra var mun betra en norð-
anmannanna en hafa verður
þó í huga að þetta er í fyrsta
sinn á vorinu sem lið KA kem-
ur saman á grasi. Styrkur FH í
gærkvöld skýrist því af æfingu
þeirra á grasinu.
Gauti Laxdal kom inn á sem varamaður í síðari hálfleik og stóð sig vel.
Frá upphafi leiksins lá heldur
meira á KA-vörninni. Pálmi
Jónsson lék fallega framhjá varn-
armönnum KA á II. mínútu og
skaut góðu skoti á markið en
Haukur varði. Aftur var Pálmi á
ferðinni fjórum mínútum scinna
en þá brást honum skotlistin og
boltinn sveif yfir slána. Vart er
hægt að segja að meira hafi kom-
ið út úr Pálma í leiknum því í
seinni hálfleiknum fann hann sig
engan veginn í sókninni og gerði
mörg mistök.
Þegar 17 mínútur voru liðnar
af leiknum kom eini góði mark-
möguleiki KA. Þá kom langur
bolti framan af velli inn fyrir vörn
FH þar sem Stefán Ólafsson tók
við honum en varnarmenn FH
brutu gróflega á honum og
sluppu með skrekkinn. Sveinn
Sveinsson dómari, taldi sig ekk-
ert sjá athugavert við brotið en í
mörgum tilfellum hefði verið
dæmt víti fyrir brot sem þetta.
í síðari hálfleik var betra spil
hjá KA en sóknir FH voru oft
þungar. Strax á 51. mínútu varð
hrapalegur misskilningur milli
sóknarmanna FH þar sem bæði
Hörður Magnússon og Pálmi
Jónsson ætluðu að skalla boltann
á mark.
Hörður var aftur á ferðinni á
75. mínútu, átti þá gott skot að
marki en boltinn fór í varnar-
mann KA og small í þverslánni.
Fátt markvert gerðist eftir þetta
fyrr en laust fyrir lok leiksins þeg-
ar Hörður Magnússon slapp inn
fyrir KA-vörnina en skaut af
löngu færi og átti Haukur ekki í
vandræðum með að verja.
í heild má um leikinn segja að
FH-ingar hafi verið óheppnir að
ná ekki marki en að sama skapi
geta KA-menn vel við unað mið-
að við æfingu liðsins á grasi. Með
meiri samæfingu getur liðið átt
eftir að smella vel saman. JÓH
KA:
Haukur Bragason, Steingrímur Birgisson, Stcf-
án ólafsson (Gauti Laxdal 61. mín.), Halldór
Halldórsson, Antony Karl Gregory, Jón Grétar
Jónsson, Þorvaldur örlygsson, Jón Kristjánsson
(Árni Hermannsson 76), Arnar F. Jónsson, Örn
Viöar Arnarson, Bjarni Jónsson.
FH:
Halldór Halldórsson, Guöni. Hilmarsson, ólaf-
ur Jóhannesson, Birgir Skúlason, Björn
Jónsson, Höröur Magnússon, Guöm. Valur Sig-
urðsson (Guðm. Magnússon 55), Pálmi
Jónsson, Þórhallur Víkingsson, Ólafur Krist-
jánsson, Kristinn Gíslason.
Úrslit
Úrslit leikja í 1. deildinni.
Þór-Víkingur 1:0
KR-ÍA 1:3
FH-KA 0:0
ÍBK-Valur 0:0
Fram-Fylkir í kvöld