Dagur - 06.06.1989, Blaðsíða 9

8 - DAGUR - Þriöjudagur 6. júní 1989
íþróttir
Þriðjudagur 6. júní 1989 - DAGUR - 9
Knattspyrna/4. deild:
Æskan fór létt
með Neistann
-3:0
Æskan heimsótti Neistamenn
á Hofsósi um helgina og átti
ekki í miklum erfíðleikum að
fara með þrjú stig þaðan yfír
sýslumörkin. Reyndar urðu
mörkin ekki nema þrjú en
hefðu getað verið fleiri miðað
við gang leiksins.
Ásgrímur Reisenhus var áber-
andi hjá Æskumönnum og skor-
aði hann fyrsta og þriðja mark
gestanna. Þess á milli laumaði
Sigurður Skarphéðinsson knett-
inum einu sinni í mark heima-
manna. Úrslitin voru því 3:0 fyrir
Æskuna.
Æskan mætir TBA á Akureyri
á morgun miðvikudag og má
búast við hörkuleik því TBA hef-
ur enn ekki tapað leik og Æskan
verður að sigra í leiknum til þess
að eiga möguleika á því að vera í
toppbaráttunni.
Hvöt vann UMSE-b
í baráttuleik
- 1:0
Hvöt sigraði UMSE-b 1:0 í
baráttuleik á laugardaginn.
Sigurmark heimamanna kom á
89. mínútu og var þar Axel
Rúnar Guðmundsson að verki.
Heimamenn voru mun sókn-
djarfari í leiknum en eins og oft
áður virtist þeim fyrirmunað að
skora hjá andstæðingunum.
Reyndar léku varnarmenn
UMSE-b ágætlega og börðust af
miklum krafti.
En rétt fyrir leikslok komst
Axel Rúnar einn inn fyrir og
tókst að renna knettinum í mark
Eyfirðinganna. Þar með hefúr
UMSE-b tapað báðum leikjum
sínum og er það nokkuð sem
ekki var búist við fyrir tímabilið.
Hvatarmenn hafa misst marga
menn vegna meiðsla og var þetta
því mjög mikilvægur sigur fyrir
Blönduósingana. Þeir verða því
að öllu óbreyttu í toppbaráttunni
í sumar.
Markaregn
á Akureyri
- 10 mörk í leik
TBA og HSÞ-b
TBA lagði HSÞ-b í miklunt
markaleik á Akureyri á laugar-
daginn. Skoruðu voru 10 mörk
í leiknum og sáu badminton-
drengirnir um að setja 7
þeirra. Leiknum lauk því með
7:3 sigri heimadrengja.
Það voru reyndar HSÞ-b
drengirnir sem skoruðu fyrsta
markið og var þar Viðar Sigur-
jónsson að verki. Sigurpáll Arni
Aðalsteinsson jafnaði fyrir TBA
og hann átti eftir að skora 4 mörk
áður en yfir lauk. Stefán Guð-
mundsson kom gestunum yfir eft-
ir varnarmistök en eftir það var
leikurinn heimamanna. Pétur
Bjarnason skoraði tvö mörk fyrir
TBA og Halldór Jóhannsson eitt.
Síðan sá Sigurpáll Árni um að
innbyrða sigurinn með því að
lauma inn þremur mörkum í síð-
ari hálfleik.
Það verður ekki hægt að segja
annað en hið nýja Akureyrarlið
byrji vel og verða þeir sjálfsagt
erfiðir viðureignar í sumar.
Núll á Króknum
- í leik Tindastóls og Einherja
Tindastóll og Einherji gerðu
markalaust jafntefli á Sauðár-
króksvelli sl. laugardag í afar
slökum leik. Leikið var á
þungum grasvelli í norðvestan
gjólu, fyrir framan óvenju
marga áhorfendur, sem fengu
ekki mikið fyrir sinn snúð.
Miðað við gang leiksins þá var
markalaust jafntefli sanngjörn
úrslit, þar sem liðin náðu ekki
að skapa sér hættuleg mark-
tækifæri.
Tindastóll lék undan vindi í
fyrri hálfleik og var þar af leið-
andi meira í sókn. Einherjamenn
vörðust vel og ætluðu greinilega
ekki að tapa stigi á Króknum. Þó
að leikmenn Tindastóls hafi verið
meira með boltann, tókst þeim
ekki að klára sóknirnar sem
skyldi. Hættulegasta færið var
góður skalli frá Eysteini Kristins-
syni undir lok fyrri hálfleiksins,
en markvörður Einherja varði
vel.
Seinni hálfleikur byrjaði líkt
og sá fyrri, tiðindalítill með
afbrigðum. Leikurinn fór að
mestu fram á miðjunni og var
mikið um hörð návígi. Fljótlega
fór því að bera á óþarfa hörku,
þar sem leikmenn hugsuðu meira
um að rífast en að spila knatt-
spyrnu. Einherji skapaði sér fá
hættuleg færi í seinni hálfleik,
þrátt fyrir að leika undan vindi.
Eina umtalsverða færi Tindastóls
var hjólhestaspyrna Eyjólfs
Sverrissonar, rétt yfir markið.
Tindastóll lék ekki sannfær-
andi og hefur sýnt langt um betri
leiki í vor. Bestu menn Tinda-
stóls voru Björn Björnsson og
Eysteinn Kristinsson og Gísli Sig-
urðsson í markinu var öryggið
uppmálað. Einherjamenn börð-
ust af hörku í leiknum og þeirra
langbesti maður var Njáll Eiðs-
son.
Góður dómari leiksins var
Eyjólfur Ólafsson og línuverðir
voru Eysteinn Guðmundsson og
Páll Leó Jónsson. -bjb
1. deild kvenna:
Þór og KA töpuðu
Bæöi Akureyrarliðin urðu að
bíta í það súra epli að tapa
leikjum sínum í 1. deildinni í
kvennaknattspyrnu um helg-
ina. KA tapaði fyrir IA á
Skipaskaga 5:0 og Þórsarar
töpuðu 3:0 fyrir Stjörnunni í
Garðabæ.
KA-stúlkurnar stóðu í Skaga-
stúlkunum í fyrri hálfleik og þá
sáust ágætis leikkaflar hjá báðum
liðum. En um miðjan fyrri hálf-
leik náðu heimastúlkurnar foryst-
unni með marki Ástu Benedikts-
dóttur. Rétt fyrir leikhlé bætti
síðan Halldóra Gylfadóttir einu
marki við fyrir ÍA.
Leikurinn var varla hafinn í síð-
ari hálfleik er Ásta bætti við öðru
marki fyrir þær gulklæddu og eft-
ir það var engin spurning um
leikslok. Þær Jónína Víglunds-
dóttir og Margrét Ákadóttir
bættu við tveimur mörkum og
lokatölur urðu því í A 5 en KA 0.
bæði leikjum sínum
Sóknarmenn Þórs ekki á
skotskónum
Leikur Þórs og Stjörnunnar var
jafn framan af en framherjar
Þórs voru ekki á skotskónum að
þessu sinni. Þær fengu ágæt tæki-
færi til þess að skora í mark
þeirra bláklæddu en tókst það
ekki í eitt einasta skipti.
Stjörnustúlkurnar voru hins
vegar með vel reimaða skó og
tókst þeim þrisvar sinnum að
koma tuðrunni í netið hjá Evu í
Þórsmarkinu. Kristín Þorvalds-
dóttir skoraði fyrsta mark Stjörn-
unnar, Hrund Grétarsdóttir bætti
öðru marki við og Guðrún V.
Ásgeirsdóttir skoraði síðasta
mark leiksins. Það mark .var sér-
lega glæsilegt; þrumuskot af
löngu færi í slána og inn og átti
Eva ekki möguleika á því að
verja það skot.
Næstu leikir Akureyrarliðanna
eru hjá Þór gegn ÍA á laugardag-
inn en KA spilar ekki fyrr en
mánudaginn 19. júni gegn Þórs-
urum.
Völsungurinn Unnar Jónsson og Stjörnumaðurinn Valdimar Kristófersson
berjast hér um boltann í leiknum á laugardag. Mynd: im
}------
Knattspyrna/2. deild:
Jaftit á Húsavík
Jónas misnotaði vítaspyrnu!
Völsungur og Stjarnan skildu
jöfn 1:1 í miklum baráttuleik í
2. deildinni í knattspyrnu á
Húsavík á laugardaginn.
Hörður Benonýsson skoraði
mark heimamanna en Arni
Sveinsson jafnaði úr víti fyrir
gestina í síðari hálfleik.
Stjörnumenn byrjuðu leikinn
af miklum krafti og hreinlega óðu
í færunum á fyrstu mínútunum.
En hetja Völsunga í þessum leik,
markvörðurinn Haukur Eiðsson
sá til þess að knötturinn færi ekki
inn fyrir marklínuna.
Smám saman komust heima-
menn meira inn í leikinn og á 25.
mínútu náði Hörður Benonýsson
að skora laglegt mark. Hann lék
á eina þrjá varnarmenn Stjörn-
unnar og skoraði síðan með fal-
legu skoti fram hjá Jóni Otta
Jónssyni markverði þeirra.
Arni Sveinsson jafnaði fyrir þá
bláklæddu snemma í síðari hálf-
leiknum úr víti sem dæmt var á
Hauk í markinu fyrir að brjóta á
Sveinbirni Hákonarsyni. Eftir
markið hljóp mönnum kapp í
kinn og Ágúst Guðmundsson
dómari missti leikinn dálítið úr
höndum sér. Hann tók síðan til
þess bragðs að lyfta gula spjald-
inu tvívegis og fengu þeir Hörður
og Unnar Jónsson að sjá þann lit
hjá Ágústi. Hins vegar fékk Árni
Sveinsson rautt fyrir að sparka í
Hörð Benonýsson eftir að þeir
tveir höfðu lent í samstuði.
Undir lok leiksins gerðist dálít-
ið sem hefur ekki sést í háa herr-
ans tíð. Jónas Hallgrímsson
brenndi af vítaspyrnu! Hann hef-
ur tekið yfir 30 spyrnur án þess að
mistakast og það hlaut að fara að
koma að því. Jón Otti í markinu
átti ekki í miklum erfiðleikum að
verja frekar lausa spyrnu Jónas-
Knattspyrna/2. deild:
Knattspyrna/3. deild:
Mísjafiit gengí norðanliða
- KS og Dalvík unnu en Kormákur og Magni töpuðu
Þórir Áskelsson og félagar hans í 2. flokki Þórs mæta Valsmönnuni í kvöld kl. 20.00
á Þórsvellinum. Þetta eru tvö af sterkustu 2. flokks liðum landsins og er vel þess virði
að sjá leikinn.
Knattspyrna/2. flokkur:
Þór-Vaiur
í kvöld
- kl. 20.00
Þór og Valur, tvö af sterkustu
2. flokksliðum á landinu, mæt-
ast á Þórsvellinum í kvöld kl.
20.00. Leikurinn er' liður í
Islandsmóti 2. flokks og gæti
ráðið úrslitum hvort liðið verð-
ur á toppnum. Nú er 74 ára
afmæli Þórs og af því tilefni
verða kaffiveitingar í leikhléi í
Hamri, hinu nýja og glæsilega
félagsheimili Þórsara.
Fólk er hvatt til að mæta og sjá
þessi sterku lið mætast. Þórsarar
unnu fyrsta leik sinn mjög örugg-
lega 4:1 gegn Stjörnunni og Vals-
arar eru núverandi Reykjavík-
urmeistarar og má því örugglega
búast við hörkuviðureign á Þórs-
vellinum í kvöld kl. 20.00.
KA-liðið í 2. flokki mætir KR í
Reykjavík á sama tíina.
ar.
Leiknum lauk því með 1:1
jafntefli og geta líklegast bæði lið
vel við unað. Stjörnumenn áttu
reyndar hættulegri tækifæri en
voru mislagðar fætur upp við
mark heimamanna. Vöísungar
brenndu af vítaspyrnu en áttu
minna í leiknum sjálfum. Ekki er
hægt að segja annað en mótið
byrji ágætlega fyrir Völsunga og
verður gaman að sjá hvort áfram-
hald verður á þessu góða gengi.
HJ/AP
sem varamaður þegar tuttugu
rnínútur voru til leiksloka og
skoraði sigurmark sinna manna
eftir að hafa verið inn á í einungis
nokkrar mínútur. En í fyrri hálf-
leik varði Sigurvin vítaspyrnu frá
heimamönnum og Dalvíkingar
höfðu því þrjú stig með sér að
austan.
Það var lítið varið í fyrri hálf-
leik og var boltinn oftar í háloft-
unum en niðri á leikvellinum.
Nokkurt jafnræði var með liðun-
um í þeim hálfleik en knattspyrn-
an var ekki mikið fyrir augað.
í síðari hálfleik komu Dalvík-
ingar mjög ákveðnir til leiks og
sóttu stíft að marki Reyðfirðing-
anna. En það var ekki fyrr en
Tómas kom inn á að hlutirnir
fóru að gerast og markinu hefur
þegar verið lýst. Sem sagt 1:0 fyr-
ir Dalvík og mikilvæg stig í
Eyjafjörðinn.
Magni Iá á Seyðisfirði
Magnamenn töpuðu 1:0 fyrir
Huginn á Seyðisfirði. Mönnum
ber ekki saman um hvort þetta
hafi verið sanngjörn úrslit og
segja Norðlendingar aðra sögu
en Austfirðingar. En það var
Arnar Unnarsson sem setti mark
Seyðfirðinganna á 25. mínútu
fyrri hálfleiks, en Huginsmenn
höfðu átt skot í slá og annað í
stöng nokkru áður.
Mikil barátta einkenndi leikinn
og var nokkur harka í leiknum í
síðari hálfleik. En heimamönn-
um tókst að verjast ágangi Gren-
víkinga og sátu því stigin þrjú eft-
ir á Seyðisfirði.
Á Eskifirði sigraði Þróttur
heimamenn 1:0 í hörkuleik.
Úr leik KS og Kormáks í 3. deildinni í knattspyrnu sem lauk með stórsigri KS 7:0.
Mynd: Ásgrímur
Sigurbjöm kjálkabrotínn
- verður frá í sex vikur
Heil umferð var leikin í 3.
deildinni um helgina. Þar vek-
ur mesta athygli stórsigur KS-
manna á Kormáki 7:0 og
greinilegt að Siglfirðingar ætla
sér upp í 2. deild aftur. Dalvík
marði Val á Reyðarfirði 1:0 og
Magnamenn töpuðu á Seyðis-
firði 1:0. Síðan vann Þróttur
N. Austra með einu marki
gegn engu á Eskifirði.
KS var í miklum ham gegn
Kormáki frá Hvammstanga á
föstudagskvöldið. Leikurinn fór
fram á Siglufirði og fengu heima-
menn að sjá mörk í öllum regn-
bogans litum. Mark Duffield
þjálfari KS setti þrjú mörk, Óli
Agnarsson tvö, Hlynur Eiríksson
eitt og Hafþór Kolbeinsson eitt.
Hafþór átti stórleik og lagði upp
sex markanna og skoraði síðan
það sjöunda sjálfur.
Tæpt hjá Dalvík
Varamaðurinn Tómas Viðarsson
og markvörðurinn Sigurvin Jóns-
son voru hetjur Dalvíkinga í
leiknum gegn Valsmönnum á
Reyðarfirði. Tómas kom inn á
Sigurkarli Aðalsteinssyni er margt annað til lista lagt en að klippa hár. Hér
sýnir hann takta með TBA gegn HSÞ-b um helgina. Mynd: kl
Eskfirðingar komu á óvart í
leiknum en fyrir fram hafði verið
búist við því að Þróttur myndi
vinna örugglega. Á þessum úr-
slitum sést að það verður barist
til síðasta blóðdropa í deildinni
og ómögulegt að spá um úrslit
þegar upp verður staðið í haust.
Sigurbjörn Jakobsson kjálkabrotn-
aði gegn Víði.
Sigurbjörn Jakobsson knatt-
spyrnumaður úr Leiftri varð
fyrir því óhappi að kjálka-
brotna í leik í 2. deildinni gegn
Víðismönnum á laugardaginn.
Þetta þýðir að Sigurbjörn
verður frá keppni í a.m.k. sex
vikur.
Sigurbjörn lenti í samstuði við
markvörð Víðissliðsins og brotn-
aði illa beggja vegna og var að
sjálfsögðu fluttur á sjúkrahús þar
sem gert var að meiðslum hans.
Þetta er mikið áfall fyrir Leift-
ursliðið því Sigurbjörn er einn af
máttarstólpum liðsins.
Eyjólfur Sverrisson var ekki á skotskónum
gegn Einherja.
NORÐURLANDARÁÐ
Aðalritari forsætisnefndar
Norðurlandaráðs
Forsætisnefnd Norðurlandaráðs auglýsir lausa til umsókn-
ar stöðu aðalritara forsætisnefndar Norðurlandaráðs (Nor-
diska rádets presidiesekreterare).
Norðurlandaráð er samstarfsvettvangur þjóðþinga og
ríkisstjórna Norðurlanda og eru þar samþykkt tilmæli til
ríkisstjórna landanna um málefni varðandi samstarf þjóð-
anna.
Milli þinga Norðurlandaráðs, sem að jafnaði eru haldin
árlega, stýrir forsætisnefndin daglegum störfum þess og
fara þau fram á skrifstofu hennar í Stokkhólmi, þar sem
starfslið er 30 manns. Starfið þar fer fram á dönsku,
norsku og sænsku. Skrifstofan hefur samkvæmt samningi
milli Norðurlanda stöðu alþjóðlegrar stofnunar.
Aðalritari forsætisnefndar er yfirmaður skrifstofunnar og
stýrir því starfi, sem þar fer fram, bæði innan skrifstofunnar
og gagnvart ráðherranefnd Norðurlanda, en í henni eiga
sæti fulltrúar ríkisstjórna landanna.
Aðalritarinn er ritari á fundum forsætisnefndar og formaður
nefndar þeirrar, sem í eiga sæti skrifstofustjóra lands-
deilda Norðurlandaráðs, og sem undirbýr fundi forsætis-
nefndar. Aðalritarinn er forsætisnefndinni til aðstoðar um
erlend samskipti.
Forsætisnefndin æskir þess að sem flest norræn ríki eigi
fulltrúa meðal yfirmanna skrifstofunnar.
Um laun og kjör gilda sérstakar norrænar reglur, sem að
hluta til eru samsvarandi þeim, sem gilda um opinbera
starfsmenn í Svíþjóð. Aðalritarastöðunni fylgir embættis-
bústaður.
Leitast er við að ráða konur jafnt sem karla til starfa við
skrifstofuna.
Samningstíminn er fjögur ár og hefst 1. janúar 1990. Rík-
isstarfsmenn eiga rétt á leyfi frá störfum meðan á samn-
ingstímanum stendur.
Nánari upplýsingar veitir aðalritarinn Gerhard af Schultén
í síma 90468 143420 og Snjólaug Ólafsdóttir, skrifstofu-
stjóri íslandsdeildar Norðurlandaráðs, í síma Alþingis, 91
11560.
Umsóknum skal beina til forsætisnefndar Norðurlanda-
ráðs (Nordiska rádets presidium), og skulu þær sendar til
skrifstofu forsætisnefndar Norðurlandaráðs (Nordiska
rádets presidiesekretariat), Tyrgatan 7, (Box 19506), S-
10432 Stockholm, og hafa borist þangað eigi síðar en
mánudaginn 10. júlí 1989.
XVÆR
Ástarsögurnar frá
Snorrahúsi njóta '
sívaxandi vinsælda.
Nú koma út tvær
bækur mánaðarlega
Tilbod tilnýrra áskrifenda!
Útgáfan hefur ákveðið að bjóða nýjum áskrifendum
eina bók ókeypis um leið og þeir gerast áskrifendur.
Þeir geta valið úr eftirtöldum bókum.
Spennusögunokkurinn:
Morðið í Tauerngöngunum, Þeir dauðu drekka ekki
Síðasta bónin, Líkið stjórnar leiknum.
Ástarsöguflokkurinn:
Hrakfallabálkur, Ómótstæðilegur karlmaður
Sjúkrahúsið í frumskóginum, Indíánaprinsessan.
SNORRAHÚS
Pósthólf 58 • 602 Akureyri • -s? 96-24222