Dagur - 26.08.1989, Blaðsíða 7

Laugardagur 26. ágúst 1989 - DAGUR - 7
poppsíðan
Umsjón: Valur Sæmundsson
Ný hljómsveit á Akureyri:
Akureyrskt tónlistarlff
afskaplega dapurt“
í spjalli um tónlist, erlenda ferðamenn og fleira
Rögnvaldur hóf feril sinn í tónlist meö hljómsveitinni Sýkkklunum. Þessi mynd af Sýkkklunum var tekin í mars 1982
og er Rögnvaldur trúlega annar frá vinstri. Karl Örvarsson söngvari er hins vegar í forgrunni.
- segja
Fyrir tilviljun heyrði ég af ungum
mönnum sem eru aö reyna aö burð-
ast viö aö vera í hljómsveit. Þetta
þóttu mér mikil og merkileg tíðindi
og fór því á stúfana til aö reyna aö
finna út hvaö þarna væri á seyði.
Mér tókst að króa tvo drengi af á
kaffihúsi og eftir nokkurt þóf viður-
kenndu þeir aö standa fyrir þessum
ófögnuði. Ég notaöi tækifærið og
spjallaði dultiö viö kauöana með
það fyrir augum aö leiöa lesendur
Dags I allan sannleika um hvað þaö
er sem þeir eru aö fást við. Þetta eru
heiðursmennirnir Rögnvaldur Bragi
Rögnvaldsson, sem kunnur er af
veru sinni í hljómsveitinni Lost, og
Kristján Ingimarsson sem er frægur
fyrir margt, meöal annars af
útvarpsstöðinni Ólund, sem hann
kom á laggirnar. En að öllu kjaftæöi
slepptu, þá er best aö snúa sér aö
því sem okkur fór á milli.
Ég byrjaði á því að spyrja Rögga
að því hvort hljómsveitin Lost væri
hætt störfum. „Já, rétt er þaö, Lost
eru hættir," svaraði hann og
aðspurður um ástæöur þessa sagði
hann aö tímaskortur hefði gert þaö
aö verkum aö hjómsveitin hafi verið
lögö niöur. „En við hættum í mesta
bróðerni, það voru engin illindi í
þessu,“ sagði Röggi og bætti við að
þetta hafi þurft að koma fram vegna
þess að hljómsveitarmeðlimir viti
ekki allir að hljómsveitin sé hætt.
Kristján Pétur söngvari dvelst nefni-
lega erlendis og hefur ekki frétt af
þessu. Enda fannst Rögga það
alveg tilvalið að senda Kristjáni
Pétri eintak af Degi til að upplýsa
hann um málið. Mikill er máttur
Dags...
- En nú hef ég hlerað það að
Lost hafi eytt páskunum í hljóðveri.
Á að gera eitthvað með þær upptök-
ur?
„Jú, við tókum upp fimmtán lög
um páskana og meiningin er að
gefa megnið af þeim út á snældu
einhvern tímann í náinni framtíð."
- Nú voruð þið um langan tíma
nánast eina hljómsveitin í bænum
sem starfaði eitthvað og hélt tón-
leika. Hvernig fannst þér viðtökurn-
ar sem Lost fékk?
þeir Kiddi og Röggi
„Mér fannst við fá mjög góðar við-
tökur og er afar ánægður með þær.
Líka þegar við spiluðum fyrir sunn-
an þá fengum við mjög góðar við-
tökur,“ sagði Röggi að lokum. Þá er
nefnilega hægt að hefja seinni hluta
viðtalsins, enda var Kiddi orðinn
óþolinmóður þegar hér var komið
við sögu.
- Segið mér piltar, hvað er þetta
fyrirbrigði sem við ætlum að fara að
tala um?
„Eftir því sem best er vitað, þá er
þetta nýjasta hljómsveit bæjarins,
stofnuð 9. ágúst. Auk okkartveggja
erenginn í hljómsveitinni, hins veg-
ar notumst við við leiguhljóðfæra-
leikara. Þráinn Brjánsson sér um
áslátt, fiðluleikara erum við búnirað
fá, það er Rebekka Þráinssdóttir og
Þorsteinn Skjóldal er ryksugu-
fóðrari." voru upplýsingarnar sem
ég fékk.
- Hvaðerryksugufóðrari.ef mér
leyfist að spyrja?
„Það er leyndarmál, það kemur í
Ijós þegar við höldum tónleika,"
svöruðu þeir og voru ófáanlegir til
að upplýsa nokkuð um hlutverk
ryksugufóðrara.
- Þið minntúst á tónleika. Eru
þeir í bígerð?
„Við ætlum að halda tónleika
þann 2. sept., á afmæli Rögnvaldar.
Við erum ekki búnir að fá húsnæði
ennþá, þannig að fólk verður bara
að fylgjast með auglýsingum til að
fá að vita hvert það á að mæta.
Tónleikarnir verða haldnir jafnvel
þótt við verðum að spila úti undir
berum himni,“ sögðu þeir ákveðnir.
- Má ég gerast svo djarfur að
spyrja hvað hljómsveitin heitir?
„Hljómsveitin heitir Lúnaskro-
spýjan," sagði Kiddi án þess að
blikna og var lengi að koma mér í
skilning um hvernig ætti að skrifa
orðið. „Annars vorum við búnir að
velta fyrir okkur fleiri nöfnum eins og
t.d. Markús kvíddu engu, Döðlu-
Hannes, Smíddu dlvan og fleirum,
en Lúnaskrospýjan varð fyrir val-
inu,“ var svarið og ég sá næstum
eftir að hafa spurt. Ekki batnaði það
þegar þeir báðu mig um að auglýsa
eftir þvottavél með engri tromlu.
Þeir ætla nefnilega að geyma hljóð-
færin sín í henni. Ekki fékk ég nein-
ar aðrar skýringar á þessu en ósk-
inni er komið á framfæri hérmeð.
- Hvernig tónlist leikur Lúna-
skrospýjan?
„Þetta er má segja popprokkað
pönkreggí með þjóðlagaívafi,"
svöruðu þeir og bættu við að fólk á
öllum aldri ætti að hafa gaman af
tónlistinni, auk þess sem hljóðfæra-
skipanin væri bæði fágæt og fjöl-
breytt. Aðspurðir um helstu áhrifa-
valda í tónlistinni nefndu þeir Bubba
Morthens og hljómsveitina They
Might Be Giants, auk þess sem
Röggi nefndi þjóðlagasveitina Hrím.
- Hvernig finnst ykkur gróskan
vera í akureyrsku tónlistarlífi?
„Akureyrskt tónlistarlíf er afskap-
lega dapurt, í tveimur orðum sagt.
Hljómsveitir eru allt of ragar við að
koma út úr bílskúrnum og láta heyra
í sér. Það er svona 20 manna hópur
sem hefur haldið þessu uppi undan-
farin ár. Annars erum við bara
ánægðir með að Drykkir Innbyrðis
skuli vera að koma úr felum," fannst
þeim. Auðvitað spurði ég þá hvaða
hljómsveitir ísienskar stæðu fremst-
ar í dag og í Ijós kom að þeir voru
sammála um Risaeðluna, Langa
Sela, Bless, Daisy Hill Puppy Farm
og Bubba Morthens. Þetta fannst
þeim vera rjóminn. Kiddi nefndi líka
Síðan skein sól, en Rögnvaldur var
ekki mjög hrifinn af þeim.
- Hvað finnst ykkur um erlenda
ferðamenn?
„Þeir eru fleiri á sumrin en á vet-
urna,“ var samdóma álit þeirra
kumpána.
- Víkjum að öðru. Hvernig og
hvenær byrjuðuð þið að fást við
tónlist?
Röggi: „Ég byrjaði fyrir 7-8 árum í
hljómsveitinni Sýkkklunum. Þar
voru einnig menn eins og Þráinn
Brjánsson, en við erum einmitt að
fara að starfa saman aftur núna
eins og ég minntist á áðan. Söngv-
ari Sýkkklanna var svo Karl Örvars-
son. Þessi hljómsveit var mjög góð
miðaö við hvað meðlimir hennar
kunnu iítið.“
Kiddi: „Ég byrjaði á Viðarstauk,
hljómsveitakoppni í M.A. fyrir um
tveimur árum.“
- Nú er þetta tiltölulega ung
hljómsveit. Eruð þið komnir með
einhver lög á lager?
„Já, við erum búnir að semja
slatta af lögum fyrir tónleikana
okkar. Við verðum með a.m.k. 10
frumsamin lög. Þar á meðal eru
nokkur sem okkur þykja líkleg til
vinsælda, Karl Úlfar, Týndur bíll og
Járnbrautarstöð: 2 metrar.
- Nú já. Um hvað fjalla svo text-
arnir?
„Þeir fjalla um Karl Úlfar, týndan
bíl og járnbrautarstöð.“
- Ekkert nánar?
„Tja, Karl Úlfar er maður sem
smíðar höld í strætisvagna. Hann
er dáinn núna ásamt Guðbjörgu
frænku sinni.“
- Jæja piltar, eitthvað að lokum?
„Við viljum bara hvetja fólk til að
fylgjast með því hvar tónleikarnir
verða haldnir og mæta á staðinn.
Við viljum líka skora á fólk að kaupa
miða í forsölu til að koma í veg fyrir
troðning."
- Ætlið þið að borga söluskatt af
tónleikunum?
„Onei, það ætlum við ekki að
gera. Ef fólk fer eitthvað að hreyfa
sig, þá verður því umsvifalaust hent
út. Hvað ágóðann af tónleikunum
varðar, þá ætlum við að hirða hann
sjálfir,“ sögðu þeir og glottu. En við-
talið varð ekki lengra, (það er að
vísu haugalygi, það var mun lengra,
en ekki prenthæft nema að hluta)
og vil ég þakka þeim félögum kær-
lega fyrir spjallið.
Þessi mynd ertekin á Viðarstauk 1986. Annar bekkur U er þarna að syngja Iðnaðarbankaauglýsinguna og syngur .Kristján greinilega manna hæst (lengst
til hægri). Hann var hins vegar ekki farinn að láta að sór kveða í tóniistinni 'fyrir alvöru á þessum tíma.