Dagur - 23.09.1989, Page 8

8 - DAGUR - Laugardagur 23. september 1989
- segir Arnar Guðlaugsson þjálfari hjá Völsungi
Það var ekki haldin nein sigurhátíð hjá Knattspyrnudeild Völs-
ungs að afloknu keppnistímabili sl. laugardagskvöld. Ljóst var að
meistaraflokkslið félagsins var fallið í þriðju deild. Liðið sem fyrir
þrem árum varð íslandsmeistari annarrar deildar og komst því upp
í fyrstu deild, ásamt KA sem varð í öðru sæti. Liðið lék í fyrstu
deild árið eftir og einnig í fyrrasumar. í fyrra í fyrstu deild, næsta
sumar í þriðju deild. Hvað er um að vera? Dagur kallaði í Arnar
Guðlaugsson sem var þjálfari liðsins síðari hluta keppnistímabils-
ins í fyrrasumar og aðstoðarmaður Ivans Varlanov, þjálfara liðs-
ins í sumar, og Arnar skoraðist ekki undan að svara nokkrum
spurningum um fótboltann.
Arnar er fæddur og uppalinn Reykvíking-
ur og spilaði handbolta og fótbolta með
Fram á árum áður.
- Varstu íþróttafrík?
„Ég mundi segja það, hvað boltann varð-
aði. Það var alveg sama hvaða bolti það var,
að ég hafði áhuga. Ég var á kafi í þremur
greinum þar til ég var 18 ára að ég varð að
skipta og þá varð ofaná að vera í fótbolta á
sumrin og handbolta á veturna, en sleppa
körfuboltanum. Á þessum árum var ekki
eins stíft æft og í dag en samt sem áður urðu
alltaf árekstrar á miili bæði vor og haust,
hvenær ætti að hætta í handbolta og byrja í
fótbolta, og svo öfugt. Við vorum nokkrir
að basla saman í báðum þessum greinum og
þetta var sígildur farsi á vorin og haustin, en
þetta var allt leyst friðsamlega."
Arnar lék með unglingalandsliðinu í fót-
bolta og síðan tugi leikja með meistara-
flokki. Hann flutti til Húsavíkur 1972 og lék
tvö sumur nteð Völsungum, sem þá voru í
annarri deild, en fór aftur suður 1974 og
léjc þá eitt sumar með Fram.
20 leikir í röð án taps
- Viltu nefna minnisstæð dæmi um gengi
Framliðsins á þessum árum?
„Við náðum mjög góðum árangri á þessu
tímabili í kringum 1970, m.a. man ég að við
spiluðum 20 leiki í röð án þess að tapa. Við
urðum Reykjavíkurmeistarar mörg ár í röð
og tvisvar í öðru sæti á íslandsmóti, og 1970
varð Fram bikarmeistari í fyrsta sinn.“
Arnar átti ekki síður góðu gengi að fagna
í handboltanum. Hann lék með unglinga-
landsliðinu og meistaraflokki Fram sem
varð þrisvar Islandsmeistari, síðast vorið
1972. Arnar flutti til Húsavíkur oc lék með
Völsungum næsta vetur en þá var tekinn
upp þráðurinn og spilað í þriðju deild og
unnu Völsungar hana með miklum yfirburð-
um um vorið. Haustið eftir hélt Arnar
áfram að leika með Fram og var þá valinn í
landsliðið og lék með því þrjá leiki.
Haustið 1978 fer Arnar norður á ný og nú
til Akureyrar þar sem hann var ráðinn
handboltaþjálfari hjá Þór, og ætlaði að
síarfa sem slíkur í einn vetur, en svo fór að
þeir urðu sex og auðvitað var hann meira og
ininna á kafi bæði í handbolta og fótbolta.
Arnar er kvæntur Bergþóru Ásmunds-
dóttur sem var einnig mjög liðtæk í hand-
knattleik bæði mcð Fram og Völsungi.
Bergþóra er frá Húsavík og þangað flytja
þau 1985. Nú eru börn þeirra orðin þrjú,
Ásmundur sem er 17 ára, Guðlaugur 11 ára
og Elva Björg sem er tveggja ára. Synirnir
eru farnir að láta að sér kveða á fótbolta- og
handboltavöllunum. Ásmundur hefur leikið
með meistarflokki í sumar og um áramótin í
fyrra lék liann með unglingalandsliðinu. í
sumar lék Guðlaugur með fimmta flokki.
Nokkuð sáttur við árangur
yngri flokkanna
íþróttaafrekaskrá Arnars og fjölskyldu gæti
orðið talsvert löng cf allt yrði tínt til og það
var víst meninginn að ræða um stöðu Völs-
unga í fótboltanum. Arnar hefur starfað við
þjálfun, bæði í handbolta og fótbolta á
Húsavík síðan 1985. Síðustu dagana hefur
hann hoppað um á öðrum fæti með hækjur
og þrælsnúna löpp. - Varstu fyrir slysi við
þjálfarastörfin?
„Nei, við erum nokkrir félagar sem stund-
um fótbolta okkur til gamans og heilsubót-
ar. Við köllumst F. F. United en það
útleggst sem Fræknir félagar. Ég snéri mig á
æfingu en svona hlutir gerast á ólíklegustu
augnablikum, og það kom enginn nálægt
mér svo ég get ekki kennt neinum um þetta.
Já, ef við snúum okkur að fótboltanum
hjá Völsungi þá hefur gengið heldur brösu-
lega hjá meistaraflokki. Er ég tók við liðinu
á miðju tímabili í fyrrasumar var þegar búið
að ráða sovéskan þjálfara, Ivan Varlanov,
fyrir þetta keppnistímabil en ég hef verið
honum svona innan handar í sumar. Sjálfur
hef ég verið að þjálfa þriðja, fjórða og
fimmta flokk og er nokkuð sáttur við árang-
ur yngri flokkanna. Þriðji flokkur er í þriðja
sæti í sínum riðli. Það bitnaði svolítið á
þriðja flokki að nú erum við með annan
flokk í fyrsta skipti og lánuðum menn úr
þriðja flokki upp í annan. Fjórði flokkur var
í öðru sæti í sínum riðli og fimmti flokkur
vann sinn riðil, komst í úrslit og lenti þar í
sjötta sæti, sem ég tel viöunandi. Auðvitað
viljum við fara alla leið én ef ég á að vera
sanngjarn held ég að þetta verði að teljast
gott.“
Vantar þá sem eru á toppnum
„Ef við lítum á stöðu meistaraflokksliðsins
eins og hún lítur út fyrir mér. Árið sem liðið
komst upp í fyrstu deild voru aðkomumenn
fengnir til að hjálpa uppá. Annar flokkur
var ekki til og þar af leiðandi ekki verið að
þjálfa nýja leikmenn fyrir meistaraflokk-
inn, og þetta er ástand sem við erum að taka
út í dag. Við erum að gjalda fyrir þá stefnu
sem tekin var fyrir nokkrum árum síðan, að
vera ekki með lið í öðrum flokki. Þetta þýddi
það að við misstum stráka sem hættu en
hefðu getað orðið mjög góðir, en á móti
vorum við að fá menn að, sem alltaf kostar
eitthvað. Þetta var orðið svo slæmt í fyrra
að á tímabili voru sjö, af ellefu sem byrj-
uðu, aðkomumenn. Það sér náttúrlega hver
maður að þetta getur ekki gengið. I sumar
erum við að byrja með annan flokk og
árangurinn hjá honum verður að teljast
nokkuð góður, þeir unnu tvo leiki og eru
allir á fyrsta ári í öðrum flokki, þannig gð
þeir eiga framtíðina fyrir sér þessir piltar.
Ástandið í meistaraflokki nú stafar af
þeirri stefnu sem var uppi þegar annar
flokkur var lagður niður. Við erum ein-
göngu með heimamenn í liðinu í dag, eldri
leikmenn sem eru að dala og yngri leikmenn
sem eru að koma upp, en okkur vantar þá
sem eru á toppnum. Þeir ungu eru ekki
komnir á toppinn og hinir eru fallandi
stjörnur, en þeir voru góðir.“
Vil byggja upp heilsteypt lið
heimamanna
- Hvernig er hljóðið í ykkur að afloknu
þessu keppnistímabili? Urðuð þið fyrir von-
Arnar ásamt konu sinni Bergþóru Ásinundsdóttur og liörnuni þeirra þrcnuir, Ásmundi 17 ára, Guðlaugi 11 ára og Elvu Björg 2 ára. Mynd: IM
Laugardagur 23. september 1989 - DAGUR - 9
brigðum með úrslitin?
„Auðvitað urðum við fyrir vonbrigðum
en hljóðið í okkur er náttúrlega ekkert
slæmt. Við sem erum búnir að standa lengi
í þessu vitum að þetta gengur í bylgjum og
það er ekki hægt að búa við eilífa velgengni.
En við vitum það líka að svona slæmt gengi
varir ekki endalaust. Við hljótum að snúa
þessu við og horfum fram á bjartari tíma.
Það sem Völsungur stendur frammi fyrir
núna, í sambandi við meistaraflokk, er að
taka ákvörðun um hvort eigi að byggja upp
heilsteypt lið heimamanna, taka sér tíma í
það og vera kannski tvö þrjú ár í þriðju
deild. Eða hvort það á að setja stefnuna
strax á aðra deild og gera þá ráðstafanir til
að fá einhverja leikmenn til að styrkja liðið.
Persónulega finnst mér að við eigum að
byggja upp heilsteypt lið því þessi stefna; að
kaupa sér lið, getur aldrei skilað árangri ef
til lengri tíma er litið.“
Hef lært heilmikið af Varlanov
- Nú hafið þið tekið upp nýja stefnu í þjálf-
aramálum, ekki satt?
„Jú, og ég tel að það hafi skilað sér á
margan hátt mjög vel. Ég sé stórar framfarir
hjá yngri mönnunum, en eins og allir vita er
erfitt að kenna gömlum hundi að sitja og
það verður alltaf erfitt að breyta þeim sem
eldri eru. Yngri mennirnir hafa mikið lært
og eru mun betur spilandi en áður. Persónu-
lega finnst mér að það hefði mátt vera meiri
kraftur í boltanum hjá þjálfaranum, en
hann hefur þetta auðvitað eftir sínu kerfi frá
Sovét. Þessi kraftur og harka sem fylgir fót-
boltanum hér er séríslenskt fyrirbrigði.
Æfingar liðsins byggjast mikið á boltaæfing-
um og spili, hann vill hafa fínt spil og láta
boltann ganga en ekki setja þetta ofurkapp
á hörkuna, eins og margir hafa gert. Ann-
arrar deildar keppnin er rosalega hörð og
við höfum kannski verið að tapa á því að
vera ekki nógu harðir af okkur.“
- Ivan Varlanov kom til Völsungs í
febrúar sl. og er ráðinn til tveggja ára.
Hvaða árangri telur þú að störf hans hér
skili?
„Ég held að það sé engin spurning að
ráðning þessa manns hefur það að segja að
okkar yngri flokkar eiga að koma mun betur
undirbúnir til þeirra eldri en þeir hafa gert.
Ég er búinn að vera viðloðandi fótbolta frá
því að ég man eftir mér en í sumar er ég
búinn að læra heilmikið sem ég var ekki
með á hreinu áður og öðruvísi æfingar en
hafa tíðkast hjá okkur.“
- Hafa tungumálaerfiðleikar ekki gert vart
við sig í samskiptum við þjálfarann?
„Jú, það er svolítið vandamál með tungu-
málið og ég held að sumir hverjir segist
skilja þó þeir skilji ekki, menn játi bara og
geri svo eins og þeim finnst sjálfum en séu
ekki allir tilbúnir til að viðurkenna að þeir
séu ekki alveg með það á hreinu hvað er að
ske. Yfirleitt hefur þetta þó gengið ágæt-
lega.“
Meiri stuðningur annars staðar
- Hvernig er mórallinn gagnvart fótbolta-
mönnunum hér eftir fallið í þriðju deild?
„Ef við eigum að tala um móralinn í kring
um þetta er kannski best að byrja á þeim
tíma þegar liðið stóð sig sem best í annarri
deild. Þá kom upp svolítill meðbyr í bænum
en þó fannst mér alltaf vanta að hugurinn
fylgdi með. Það var svona óbeint verið að
hnýta í menn, þannig að mér hefur fundist
stuðningurinn almennt hjá bæjarbúum ekki
hafa verið nógu mikill. Það er kannski
frekja að fara fram á þetta en maður finnur
það annars staðar að þar er meiri stuðningur
við liðin. Þetta þarf ekki alltaf að vera í
formi peninga heldur þessi andlegi stuðn-
ingur, og að menn finni það að það sé tekið
til þess sem þeir gera vel. Þá finna þeir til
ábyrgðar og standa sig vel, fyrir sitt félag og
sinn bæ. Og ég held að það sé mikils virði
fyrir hvert bæjarfélag að eiga íþróttamenn
sem standa sig vel.“
- Á vellinum hafa stuðningsmenn
aðkomuliða stundum yfirgnæft heimamenn,
hvernig virkar þetta á liðið?
„Það virkar auðvitað mjög illa, því þeir
sem eru að leika hverju sinni eru bara
venjulegir strákar og ef þeir finna engan
stuðning á bak við sig á einn eða neinn hátt
þá fara þeir jafnvel að láta sér á sama standa
um úrslitin, fyrst öllum öðrum virðist vera
sama. Menn þurfa að finna hjá sér hvöt til
að standa sig vel vegna þess að þá er tekið
eftir því og mönnum kannski hampað örlít-
ið. En þegar illa gengur, að þá séu menn
ekki skammaðir og rakkaðir niður, heldur
fái þeir smááminningu um að gera betur.
Afskiptaleysi hefur slæm áhrif á lið.“
- Gengur ver að afla fjár fyrir knatt-
spyrnudeildina þegar illa gengur á vellin-
um?
„Það gefur auga leið. Þegar illa gengur
vill fólk kannski sem minnst af því vita, en
þegar vel gengur er strákunum hampað
óspart og öllum öðrum, serm eru að stússast
í kringum knattspyrnuna. Ég man þetta vel
frá því í gamla daga þegar það var misjafnt
gengi hjá Fram, stundum sat maður einn í
klefanum eftir tapleiki og enginn vildi við
mann tala, en þegar vel gekk var fullur klef-
inn og maður komst varla í bað. Þetta. er
svona allsstaðar.“
Það þarf að hlúa að krökkunum
- Komu þér á óvart þau úrslit sem urðu hjá
liðunum á Norðurlandi eftir keppnistima-
bilið?
„Nei, í sjálfu sér ekki. Það kom einna
helst á óvart hvað Leiftur hefur orðið neðar-
lega, ég hélt að þeir myndu standa sig mun
betur en þeir gerðu. Það var kannski ekki
reiknað með að KA yrði íslandsmeistari en
þetta er alveg frábært hjá þeim og þeir eiga
heiður skilinn fyrir hvað þeir hafa komið vel
út úr þessu. Þórsararnir eru kannski heldur
slakari en ég átti von á, en það var þó kær-
komið að þeir skyldu ekki falla.“
- Manstu skemmtileg atvik frá sumrinu?
„Því miður eru kannski fáar mjög
skemmtilegar minningar frá sumrinu. Þó er
búið að vera gaman af og til, ég væri ekkert
í þessu annars. Hins vegar gæti þetta verið
skemmtilegra með betra gengi.“
- Verða miklar breytingar á liðinu eftir
þetta sumar?
„Það er erfitt að segja um það á þessari
stundu. Sjálfsagt eru þeir eldri orðnir nokk-
uð þreyttir og hugsa sér gott til glóðarinnar
að leggja skóna á hilluna. Hins vegar held
ég að það væri mjög gott fyrir þessa yngri
sem eru að koma, að þeir reyndu héldu
svona aðeins lengur í hendurnar á þeim.
Menn eru að taka út stöðuna þessa dagana
og svo verður að safna liði, leita hefnda og
reyna að standa sig betur.“
- Hvernig finnst þér aðstaða til íþrótta á
Húsavík?
„íþróttaaðstaða er nokkuð góð. Við höf-
um nýtt og glæsilegt íþróttahús sem nýtist
fullkomlega fyrir innigreinarnar. Það er
helst að það vanti fleiri tíma, því það er þeg-
ar komið í ljós að það mætti nýta fleiri tíma
en fyrir hendi eru. Útiaðstaða til knatt-
spyrnuiðkana er ágæt, þó vantar tilfinnan-
lega æfingasvæði á grasi, því þessi keppnis-
völlur þolir ekki það álag sem er af þeim
æfingum sem þurfa að fara fram á grasi. En
það er f undirbúningi að útbúa æfingasvæði.
Mér sýnist að Völsungur og Húsvíkingar
eigi mjög efnilega unglinga á mörgum
sviðum. Það þarf að hlúa að þessum krökk-
um og búa þannig í haginn að þau geti
stundað það sem þau hafa áhuga á. Þá veit
ég að árangurinn veöur góður og að við
komum til með að eignast afreksmenn.“
IM