Dagur - 12.06.1990, Blaðsíða 1
Akureyri, þriðjudagur 12. júní 1990
109. tölublað
73. árgangur
LACOSTE
Peysur • Bolir
HERRADEILD
Gránufélagsgötu 4
Akureyri • Sími 23599
Laxá í Aðaldal
gefur tóninn fyrir sumarið:
Nítján punda lax
strax á öðrum degi
„Mér sýnist að byrjunin lofi
góðu. Hér fengust 18 fiskar í
gær og á vaktinni í morgun
fengust 12. Jú, ætli við verðum
ekki að kalla þetta ágæta
byrjun,“ sagði Gunnar Láms-
son, einn úr byrjunarhollinu í
Laxá í Aðaldal en áin var
formlega opnuð í fyrradag.
Stóru laxarnir létu ekki á sér
standa því strax í gærmorgun var
landað 19 punda laxi úr Kistu-
kvísl að austan. Ekki segir Gunn-
ar að löndunarmennirnir hafi lát-
ið mikið yfir baráttunni við fisk-
inn en að vonum voru þeir
ánægðir með byrjunina.
Ágæt byrjun í flestum laxveiði-
ám er veiðimönnum ánægju-
efni. „Jú, auðvitað finnst öllum
þetta lofa góðu og menn eru
bjartsýnir á veiðitímabilið fram-
undan ef ekkert kemur óvænt inn
í. En hafa verður í huga að til
beggja vona getur brugðið og
aðstæður geta gjörbreyst á
skömmum tíma. Sem stendur er
Laxáin vel á sig komin og ekki í
líkingu við það sem hún varð
þegar á leið síðasta sumar, hvað
sem kann að gerast á næstu
vikum,“ sagði Gunnar. JÓH
Maxím Gorkí og Kazak-
stan koma á morgun:
Mikið fjör á 40 ára aftnæli Pálmholts
Dagheimilið Pálmholt á Akureyri, hvar margur pottormurinn og mörg stúlkan hafa verið vistuð meðan mamma og
pabbi voru að vinna, er 40 ára. Kvenfélagið Hlíf á Akureyri hóf rekstur barnaheimilis á Pálmholti ofan Akureyrar
fýrir fjörutíu árum, en árið 1971 gaf kvenfélagið Akureyrarbæ barnaheimilið og hefur hann rekið það síðan. Á dag-
heimilinu, eins og það er nú kallað, eru 34 börn á aldrinum tveggja til sex ára í tveimur blönduðum deildum. í
hádeginu í gær grilluðu krakkarnir pylsur fyrir foreldra sína og tóku lagið og síðdegis í gær litu forráðamenn Akur-
eyrarbæjar inn í afmæliskaffi sem þar var veitt.
Landeigendur byrjuðu að
vanda á fyrstu vaktinni í Laxá en
á seinni vaktinni á sunnudag tóku
aðkomnir veiðimenn við. Gunn-
ar segist vera í fyrsta sinn í opn-
unarholli í Laxá í Aðaldal og því
sé ekki að neita að nokkur
spenna liggi í loftinu þegar rennt
er fyrir lax eftir langan vetur.
Orkuverð á íslandi 1989:
Raforkuverö til heimilisnota
lægst hjá Rafveitu Akureyrar
Yerð á raforku til heimilisnota
var í árslok 1989 lægst hjá Raf-
veitu Akureyrar, eða 6,11
krónur á kílóvattstund. Reyk-
víkingar bjuggu við næsthag-
stæðasta raforkuverðið (6,28
kr/kWh) og þá komu Akur-
nesingar (6,39). Hæsta raf-
orkuverðið var hins vegar frá
Rafmagnsveitum ríkisins
(8,10) og á Reyðarfírði (8,09).
Þessar upplýsingar koma fram
í skýrslu frá Orkustofnun um
orkuverð á íslandi 1989. Ef við
Miklar hafnarframkvæmdir á Dalvík:
Vamargarður við Dalvíkur-
höfii byggður í sumar
í sumar eru fyrirhugaðar fram-
kvæmdir við Dalvíkurhöfn fyr-
ir um 26 milljónir króna vegna
byggingu nýs varnargarðs eða
grjótgarðs norðan núverandi
norðurgarðs hafnarinnar, sem
auka mun til muna athafna-
svæði við höfnina.
Ákveðið var að ganga til samn-
inga við heimamenn um þessar
framkvæmdir, og munu Jarðverk
hf. og Bifreiðastöð Dalvíkur
vinna verkið samkvæmt tilboði
sem hljóðar upp á 25,795 milljón-
ir króna, sem eru 84,57% af
kostnaðaráætlun Hafnamála-
stofnunar. Ekki verður unnið í
sumar við uppfyllingu að lokinni
grjótgarðsvinnunni, en að henni
lokinni eykst athafnasvæði við
höfnina um 15.000 m\
Grjótnám vegna þessara fram-
kvæmda er fyrirhugað í landi
Sauðaness norðan Dalvíkur, en
þessa dagana er unnið að því að
ræsa landið vegna mikillar bleytu
þar svo hægt verði að koma
vinnutækjum á staðinn. Af hálfu
bæjaryfiryfirvalda er nú unnið að
deiliskipulagi vegna þessa nýja
svæðis að tillögu hafnarnefndar,
og er gert ráð fyrir að hægt verði
að leggja það fyrir Bæjarstjórn
Dalvíkur seinna í sumar eða
haust til umræðu og afgreiðslu.
Eimskip hefur nú þegar lagt
fram umsókn um ca. 2.000 m2 lóð
á hinni nýju uppfyllingu þar sem
fyrirtækið hyggst reisa vöru-
skemmu, en Skipadeild Sam-
bandsins hefur fengið húsnæði
þrotabús Fóðurstöðvarinnar til
umráða, og að sögn Kristjáns
Ólafssonar forstöðumanns Skipa-
afgreiðslu Sambandsins kemst
afgreiðslan í það húsnæði eftir
um mánaðartíma að öllu forfaila-
lausu. Umrætt húsnæði er í eigu
Kaupfélags Eyfirðinga. GG
lítum á aðra kaupstaði á Norður-
landi þá var raforkuverð til
heimilisnota 7,20 kr/kWh á
Siglufirði, 7,39 kr. á Húsavík og
7,81 kr. á Sauðárkróki.
Raforkuverð til húshitunar var
hins vegar lægst í Hveragerði en
það var einnig hagstætt á Siglu-
firði 1,76 kr/kWh. Akureyringar
og Húsvíkingar eru þarna í hærri
kantinum. Rafmagn til húshitun-
ar kostaði 2.31 kr/kWh á Akur-
eyri og 2,39 kr. á Húsavík.
Iðnaðurinn býr við hagstætt
raforkuverð á Akureyri sam-
kvæmt þessari skýrslu. Miðað er
við stórar vélar, 2500 stunda
nýtingartíma og ekki er tekið til-
lit til fastagjalds sem er hjá flest-
um veitum eða mismunandi
ákvæða um ákvörðun afltopps.
Verðið í árslok 1989 var 4,88 kr/
kWh á Akureyri og var það að-
eins lægra í Reykjavík og á Akra-
nesi. Verðið var á hinn bóginn
hátt á Siglufirði, Húsavík og
Sauðárkróki eða 6,41-6,54 kr.
í skýrslunni er einnig getið um
verð á öðrum orkugjöfum og þar
er skrá yfir verð á húshitunar-
orku. Hitaveita Húsavíkur er þar
lægst á blaði og verðið er einnig
hagstætt á Dalvík, Ólafsfirði og
Sauðárkróki en á Akureyri er
verð á húshitunarorku í hærri
kantinum. SS
Rútur í startholum
Það má búast við að verði líf
og fjör á Akureyri á morgun,
en fyrstu skemmtiferðaskip
sumarsins eru væntanleg inn á
Pollinn. Bæði skipin eru skráð
í Sovétríkjunum og heita Max-
ím Gorkí og Kazakstan. Um
borð í því síðarnefnda eru 450
manns en Gunnar M. Guð-
mundsson, framkvæmdastjóri
Sérleyfísbíla Akureyrar, hafði
ekki fengið endanlega tölu um
fjölda farþega í Maxím Gorkí
þegar Dagur hafði tal af hon-
um í gær.
Skipin eru væntanleg til Akur-
eyrar eftir hádegi á morgun með
um klukkustundar millibili. Þau
hafa stuttan stans á Akureyri, en
tíminn er hins vegar vel nýttur og
er fólki m.a. boðið upp á skoðun-
arferðir austur í Mývatnssveit.
Gunnar og hans fólk höfðu nóg
að gera í gær við að skipuleggja
rútuferðir austur fyrir farþega
skipanna. Gunnar sagði fjarri því
að rútufloti Sérleyfisbíla Akur-
eyrar annaði eftirspurn á slíkum
álagstímum. „Ég er með bíla alls
staðar af Norðurlandi og einn-
ig nokkra bíla að sunnan,“ sagði
Gunnar. Hann sagði þetta við-
ráðanlegt á þessum tíma árs, en á
álagstímum í júlí væri erfiðara að
koma slíkum stórflutningum í
kring. óþh
Norðlensk tjaldstæði:
Allt iðjagrænt í Ásbyrgi
- Vaglaskógur opnaður um næstu helgi
Straumur ferðamanna á helstu
tjaldstæði norðan heiða er víð-
ast hvar hafínn eða í þann veg-
inn að hefjast. Sem kunnugt er
kom Norræna í fyrsta sinn til
landsins í síðustu viku og þessa
dagana eru útlendir „túrhest-
ar“ að dreifast um landið. Þá
er landinn í startholunum með
sínar „græjur“ og eltir sólina
uppi. Eins og veðrið hefur ver-
ið að undanförnu hafa Norð-
lendingar ekki þurft að leita
Iangt yfír skammt í þeim elt-
ingaleik.
Dagur fór á stúfana á helstu
tjaldstæði og innti eftir gangi mála.
Tjaldstæði í Vaglaskógi verða
opnuð um næstu helgi en að sögn
Sigurðar Skúlasonar, skógar-
varðar, hefur mikil bleyta tafið
fyrir. Hins vegar var verslunin í
Vaglaskógi opnuð um síðustu helgi
og nokkur fjöldi fólks hefur kom-
ið við í skóginum og skoðað
aðstæður.
Tjaldstæðin í Ásbyrgi voru
opnuð í byrjun júní og hefur ver-
ið töluverð umferð ferðamanna,
jafnt innlendra sem erlendra.
Gróðurinn í Ásbyrgi tók vel við
sér eftir veturinn og allt orðið
iðjagrænt að sögn landvarða.
Tjaldstæðin í Vesturdal verða þó
eitthvað seinna á ferðinni.
Landverðir í Reynihlíð, sem
hafa Dimmuborgir m.a. á sinni
könnu, létu vel af sér. Ástand
gróðurs er vel í meðallagi og
tjaldstæðin í góðu ástandi.
Þeir forráðamenn tjaldstæða
sem blaðið hafði samband við
voru yfirleitt mjög ánægðir með
aðsókn síðasta sumars og áttu
von á öðru eins í sumar, svo
framarlega sem sólin héldi sig á
norðlægum slóðum. -bjb