Dagur - 26.06.1990, Qupperneq 11

tóniist
Þriðjudagur 26. júní 1990 - DAGUR - 11
21. júní hélt Háskólakórinn tón-
leika í Akureyrarkirkju. Söng-
stjóri kórsins var Guðmundur Óli
Gunnarsson, en hann tók við því
starfi á síðastliðnum vetri.
Háskólakórinn er einn þeirra
kóra íslenskra, sem ætíð er til-
hlökkunarefni að eiga kost á að
hlýða á. Kórinn hefur mjög
gjarnan verið óragur við að halda
út á ótroðnar brautir og reyna sig
við óvenjuleg verkefni, svo sem
nútímaverk, þar sem ofið er sam-
an ósamhljómum, nýstárlegri
hljómasetningu, óþægilegum
tónbilum, taktbreytingum af
ýmsu tagi, óvenjulegri raddbeit-
ingu og flóknum styrkleikasveifl-
um ásamt fleiru, sem tónskáldum
og útsetjurum nú á dögum kemur
í hug í leit sinni að tjáningarmáta
og leið til þess að draga fram í
verkum sínum hughrif og túlkun
þess, sem um er fjallað í til dæmis
Háir tónar - háleit markmið
- tónleikar Háskólakórsins í Akureyrarkirkju
textanum, sem sunginn er.
Það er langt frá því að vera
vandalaust að flytja verk af þessu
tagi og það er líka engan veginn
sama, hvernig farið er með þau.
Þau eru oft viðkvæm eins og
blóm, slungin saman af mikilli
natni og kröfuhörð á áheyrendur
ekki síður en flytjendur.
Háskólakórinn hefur á að
skipa góðum söngvurum með
ferskar raddir og hefur jafnan
haft við stjórnvölinn hæfa menn
og vel skólaða. Kórinn hefur líka
iðulega sýnt, að hann er vel fær
um það, að takast á við verkefni
af því tagi, sem rætt var um hér
að framan. Svo var einnig á þess-
um tónleikum í mörgum tilfellum
- en því miður ekki öllum.
Sérstaklega glæsileg var frammi-
staða kórsins í flutningi á
íslensku þjóðlögunum Ég veit... í
útsetningu Atla Ingólfssonar og
Móðir mín í kví, kví í útsetningu
Jakobs Hallgrímssonar. Útsetn-
ingarnar báðar eru fínlegar og
natnislega unnar og meðferð
kórsins var í samræmi við það.
Ánægjulegt var einnig að hlýða
á flutning kórsins á þjóðlögum í
útsetningum eftir Hjálmar H.
Ragnarsson og Árna Harðarson,
sem báðir eru fyrrverandi stjórn-
endur kórsins. Pá var „Suite de
Lorca“ eftir Enjojuhani Rauta-
vaara afar forvitnilegt verk. í því
dregur tónskáldið ýmis brögð úr
pússi sínu og fellir þau inn í verk-
ið á áhrifamikinn hátt. Gott hefði
verið að eiga þess kost aö heyra
þetta verk endurtekið og mætti sá
háttur gjarnan vera á tónleikum,
þegar um nýstárleg og flókin verk
er að ræða.
Á tónleikunum í Akureyrar-
kirkju flutti Háskólakórinn
nokkur alþekkt lög. í þessum
lögum gerði kórinn tilraunir til
þess að lita flutninginn á ýmsan
veg. Allvel tókst til í laginu Land
míns föður, þar sem nýstárleg
markering gaf þessu gamalkunna
lagi talsvert nýjan svip, og all-
bærilega í Hver á sér fegra föður-
land, þar sem meðal annars var
beitt snoturlega afslætti á tals-
verðum styrk. Miklu lakar tókst
til með lögin Hvað er svo glatt og
Úr útsæ rísa ísiands fjöll. Sér í
lagi var hið síðarnefnda beinlínis
illa flutt og miklu ot' „forserað".
Annað, sem tókst verulega
miður, var Ave verum eftir
Edward Elgar. í þessu verki virt-
ist kórinn aldrei komast á strik
heldur vera óákveðinn og hik-
andi svo til allt verkið á enda.
Nýstárlegt atriði á söngskránni
var Valse, verk fyrir talkór og
slagverk eftir Ernst Toch. Talkór
er aðlaðandi form kórverka, sem
miklu of lítið hefur heyrst hér á
landi. í þessu verki komst kórinn
sæmilega frá verkefni sínu, en
því miður ekki meira en það. Þó
var skemmtilegt að hlýða á það
og ljóst, að hér er á ferðinni verk,
sem er vel þess virði að við það sé
glímt og því náð að fullu.
Þó að hér hafi verið að ýmsu
fundið - og hefði reyndar mátt
fleira til tína og þá einnig til lofs -
stendur óhaggað, að tónleikar
Háskólakórsins voru, þegar á
heildina er litið, hinir skemmti-,
legustu. Þeir færðu áheyrendum í
Akureyrarkirkju andblæ nýrra
hluta og eftirtektarverðra, sem
unnendur tónlistar almennt mega
ekki loka eyrum fyrir, heldur
verða að kynna sér, þegar tæki-
færi gefast.
Haukur Ágústsson.
Guðmundur Ármann í liam í vinnustofu sinni á Akureyri.
Myndlist:
Guðmundur Ármairn sýnir í Svíþjóð
Guðmundi Ármanni, mynd-
listarmanni á Akureyri, var
fyrir nokkur boðið að halda
grafíksýningu í Svíþjóð. Boðið
kom frá Tidaholms Konsthall,
sem er í bænum Tidaholm.
Tidaholm (Tíðarhólmi) er lítill
bær í vesturhluta Gautlanda,
nálægt einu stærsta vatni Sví-
þjóðar, sem heitir einfaldlega
Vatten. Tidaholm er meðal ann-
ars vagga sænska bílaiðnaðarins
og þar var ein fyrsta og stærsta
eldspýtnaverksmiðja heims.
Þessa sögu geymir og segir
Tidaholms Konsthall í dag og
jafnframt eru listsýningar þar
fastur liður á dagskrá.
Sýning Guðmundar Ármanns
verður opnuð 7. júlí næstkom-
andi og stendur hún yfir fram að
2. september. Á sýningunni
verða 25 dúkristur, flestar unnar
á árunum 1989 og 1990. SS
Endurskoðun íyrirtækjaskatta
Fjármálaráðherra hefur skip-
að nefnd til að endurskoða
skattlagningu atvinnufyrir-
tækja og peningastofnana.
Nefndinni er ætlað að skoða
skattlagningu fyrirtækja í Ijósi
samkeppnisstöðu þeirra gagn-
vart erlendum keppinautum.
Sérstaklega verður tekið mið
af þeim breytingum sem eru að
eiga sér stað innan Evrópu-
bandalagsins.
Endurskoðun skattlagningar
atvinnufyrirtækja og peninga-
stofnana er í samræmi við loforð
sem ríkisstjórnin gaf í tengslum
við kjarasamninga. Nefndin mun
hafa samráð við fulltrúa atvinnu-
líísins og peningastofnana um
þessa endurskoðun og mun efna
til sérstakra viðræðna við samtök
vinnuveitenda og launafólks.
Formaður nefndarinnar er
Magnús Pétursson, ráðuneytis-
stjóri í fjármálaráðaneytinu.
Aðrir nefndarmenn eru:
Bolli Þór Bollason, skrifstofu-
stjóri, fjármálaráðuneyti; Eyjólf-
ur Sverrisson forstöðumaður,
Þjóðhagsstofnun; Garðar Valdi-
marsson, ríkisskattstjóri; Már
Guömundsson, efnahagsráðgjafi
fjármálaráðherra og Snorri
Olsen, skrifstofustjóri, fjármála-
ráðuneyti. Friðleifur Jóhannsson
viðskiptafræðingur verður starfs-
maður nefndarinnar.
Handritasýning
opnuð í Ámagarði
Mánudaginn 18. júní sl. var
opnuð í Arnagarði í Reykjavík
handritasýning á vcgum Stofn-
unar Árna Magnússonar.
Á sýningunni er úrval handrita
sem afhent hafa verið hingað
heim frá Danmörku á undanförn-
um árum. Þar á meðal er eitt
merkasta handrit Snorra-Eddu,
Konungsbók. Af öðrum handrit-
um má nefna Staðarhólsbók
Grágásar frá lokum þjóðveldis-
aldar, Jónsbók frá upphafi 14.
aldar, eitt aðalhandrit Stjórnar
og Oddabók Njálu, sem er ineð
merkilegustu skinnhandritum
þcirrar sögu. Að auki eru sýnd
brot úr Lárentíus sögu biskups og
pappírshandrit Nikulásar sögu
erkibiskups, Jóns sögu helga
Ögmundarsonar og Þorláks helga
Þórhallssonar.
Sýningin verður opin alla virka
daga í sumar fram til 1. septem-
ber, á milli kl. 14 og 16. Á sunnu-
dögum verður lokað.