Dagur - 05.07.1990, Blaðsíða 12

Mikil vinna við rækju-
vinnslu á Kópaskeri
Rækjuvinnslan Grefla hf. á
Kópaskeri hefur haft nægjan-
legt hráefni til vinnslu síðan í
byrjun aprflmánaðar, og fyrir-
sjáanlegt er nægjanlegt hráefni
fram á haustdaga.
Þrír rækjubátar hafa landað
afla sínum hjá Greflu hf.,
Atlanúpur frá Raufarhöfn, Dag-
fari frá Húsavík og Sjöfn 2. frá
Bakkafirði. Verksmiðjan hefur
fengið um 30 tonn á viku til
vinnslu sem er í það mesta miðað
við starfsmannafjölda og vinnu-
tíma.
12 til 15 manns vinna þar að
jafnaði, og er vinnutími frá kl.
átta á morgnana til sjö á kvöldin,
stundum lengur.
Aflann hafa rækjubátarnir
aðallega verið að fá norður og
austur af Grímsey og norður af
Melrakkasléttu, en á þessum
tíma eru margir bátar á rækju-
slóðinni. GG
Akureyri:
30 miUjóna króna
gjaldþrot Raforku hf.
I gærmorgun var haldinn
skiptafundur í þrotabúi
Raforku hf. á Akureyri. Fyrir-
tækið var úrskurðað gjald-
þrota 20. mars sl.
Arnar Sigfússon, skiptaráð-
andi, segir að lýstar kröfur í búið
séu rúmar 30 milljónir króna.
Kröfuhafar eru 27 talsins. Lítið
sem ekkert fæst greitt upp í lýstar
kröfur, því eignir þrotabúsins eru
næstum því engar.
Skiptaráðandi segir að málinu
muni ljúka innan skamms. Hús-
eign Raforku hf. við Glerárgötu
var boðin upp og seld á nauðung-
aruppboði í janúar, og var búið
að skipta andvirði eignarinnar
milli veðhafa áður en til gjald-
þrotaskipta kom. Umrædd hús-
eign var aðaleign fyrirtækisins.
Raforka hf. rak um langt árabil
verslun, viðgerðarþjónustu og
lampagerð á Akureyri, auk þess
sem fyrirtækið hafði með hönd-
um verktakastarfsemi. EHB
Slippstöðin hf. Akureyri:
Lokað verður í þrjár
vikur vegna sumarleyfa
Slippstöðin hf, á Akureyri
verður lokuð vegna sumarleyfa
starfsmanna frá 16. júlí til 6.
ágúst.
Sigurður Ringsted, forstjóri,
segir að þrátt fyrir þessa lokun
verði ákveðin starfsemi í gangi,
því unnið verður við tvö skip
þennan tíma. Það eru Tálknfirð-
ingur og Jón Vídalín. „Við lok-
um opinberlega, skrifstofu og
skiptiborði verður lokað, en unn-
ið verður við þessi tvö skip í frí-
inu. Að öðru leyti fara menn í
sumarfrí eins og verið hefur,“
segir Sigurður.
Að sögn Sigurðar er ekkert að
frétta af tilboðum í smíði Vest-
mannaeyjaferju, útboðsfrestur
rennur út 20. júlí. EHB

í ' *
Mikill manntjöldi fylgist af athygli með gæðingakeppninni á Landsmótinu á Vindheimamelum í Skagalirði.
Mynd: SBG
Landsmót hestamanna:
Fiirnn þúsund manns á Melunum
- mikill Qöldi útlendinga
Alltaf fjölgar á Landsmóti
hestamanna á Vindheimamel-
um, í gær voru þar á fimmta
þúsund manns og búist er við
því að í dag fjölgi verulega.
Flestir þeir útlcndingar sem
von var á eru nú komnir á
svæðið og mælir því stór hluti
gesta á framandi tungum, en
að sögn starfsfólks hefur samt
enginn stórvægilegur misskiln-
ingur komið upp vegna tjá-
skiptaörðugleika.
Veður hefur verið ágætt það
sem af er mótinu, sólin náð að
brjótast í gegnum skýin á hverj-
um degi. Hitastig hefur samt ver-
ið fremur lágt, enda norðlægar
áttir og f gær var töluverður vind-
ur sem næddi um gesti. Allt geng-
ur vel fyrir sig og hafa að sögn
öryggisgæslumanna ekki orðið
nein teljandi óhöpp það sem af
er.
í gærkvöld komu margir þeir
hópar sem fóru ríðandi á mótið.
Á ýmsu hefur samt gengið hjá
sumum þeirra, einn villtist og
annar týndi nokkrum hestum,
enda hefur verið þoka á heiðum
síðustu daga.
í gær var haldið áfram með
dóma á kynbótahrossum. Stóð-
hestar voru dæmdir og byrjað að
dæma hryssur. Einnig var í gangi,
á aðalvellinu, keppni í B-flokki
gæðinga og þegar búið var að
dæma 60 fyrstu af 90 voru tíu
efstu gæðingarnir þessir: Pjakkur
frá Torfunesi, S-Þing. með 8.67,
Ögri frá Strönd, Rang. og Frúar-
jarpur frá Grund, Borgarfirði
með 8.61, Háleggur frá Kjartan-
skoti með 8.54, Sikill frá Stóra-
Hofi og Drangur frá Dröngum,
Snæf. með 8.48, Flosi frá Hjalta-
stöðum með 8.47, Hnokki frá
Voðmúlastöðum, Rang. með
8.46 og Biskup frá Ólafsvöllum,
Skeiðum og Atgeir frá Skipanesi
með 8.44.
í dag hófst dagskráin klukkan
9.00 og eru allir þrír vellirnir í
notkun. Síðustu kynbóta-
hryssurnar verða dæmdar,
keppni fer fram í A-flokki gæð-
inga og unglingar, eldri flokkur,
kemur fyrir dóm. í kvöld fer síð-
an fram forkeppni úrvalstöltara.
Dagskrá morgundagsins byrjar
klukkan 9.00 með unglingum
yngri og sýningu og kynningu á
kynbótahrossum. Klukkan 16.00
verða síðan undanrásir kapp-
reiða. Alþjóðlcg keppni 5 gangur
hefst klukkan 18.30 og alþjóðleg
keppni 4 gangur klukkan 19.45.
SBG
Undirbúningsvinna vegna álvers í Eyjafirði:
Malarnámur í grennd við Dysnes
og Árskógssand kortlagðar
- möguleikar á vatnsöflun fyrir hugsanlegt álver skoðaðir
Halldór Pétursson, jarð-
fræðingur hjá Náttúrufræði-
stofnun Norðurlands, hefur
stundað rannsóknir fyrir Iðn-
þróunarfélag Eyjafjarðar í
tengslum við hugsanlega bygg-
ingu áivers í Eyjafírði. Halldór
hefur m.a. kortlagt staði sem
henta vel fyrir malarnám og
athugaö möguleika á vatnsöfl-
un, bæði fyrir Dysnes og
Arskógssand. Hann hefur nú
skilað þessum gögnum til Iðn-
þróunarfélagsins.
Sigurður P. Sigmundsson,
framkvæmdastjóri Iðnþróunar-
félagsins, sagði að þessar rann-
sóknir væru að nokkru leyti við-
bót við framkomnar staðarvals-
upplýsingar og einnig grunnupp-
lýsingar fyrir Árskógssand, en
þær upplýsingar voru ekki fyrir
hendi þegar menn fóru að líta
hýru auga þangað.
„Nú vitum við betur hvar hugs-
anlegar malarnámur eru. Petta er
spurning um fjarlægð frá Dysnesi
og Árskógssandi, gæði malarinn-
ar og staðsetningu slíkra náma,
en þær geta þess vegna verið í
landi einhvers bónda og ekki
aðgengilegar," sagði Sigurður, en
ef af byggingu álvers í Eyjafirði
verður er ljóst að gífurlegt magn
af möl þarf í höfnina og hús-
grunna.
Sigurður sagði að Halldór
hefði einnig kannað vatnsöfl-
unarmöguleika og metið þær
upplýsingar sem þegar lágu fyrir
út frá þörfum hugsanlegs álvers.
Iðnþróunarfélagið hefur síðan
farið yfir þessar upplýsingar og
látið Atlantsálsmönnum í té
helstu niðurstöður, enda vilja
þeir fá svör við öllum spurning-
um sem tengjast staðsetningu
álvers.
Sigurður sagði að vissulega
væri ekki hörgull á möl og vatni í
Eyjafirði, en þessi efni væru mis-
jafnlega aðgengileg og menn
vildu hafa þessi atriði á hreinu.
„Árskógssandur var ekkert
kannaður að ráði á sínum tíma
þannig að við höfum verið að búa
til grunnupplýsingar um þann
stað. Halldór hefur líka sett á
blað þverskurðinn af þeim jarð-
vegi sem kom upp þegar holur
voru grafnar í Páímholtsmýrinni.
Það skiptir miklu máli að við vit-
um hvernig samsetningin á jarð-
veginum er og við höfum nú nán-
ari upplýsingar um hana. Öll
þessi vinna miðast að því að hafa
nákvæmari upplýsingar tiltækar,“
sagði Sigurður. SS
Esso-mót KA:
Um 800 manns
komatil
bæjarins
„Búast iná við að í tcngslum
við þetta mót komi 7-800
manns til bæjarins.
Aðkomnir keppendur og
fararstjórar eru um 600 tals-
ins og við bætast heimaliðin
frá KA og Þór,“ sagði
Gunnar Kárason hjá KA en
í dag hefst á Akureyri fjöl-
mennt knattspvrnumót,
árlegt ESSO-mót KA.
Þetta er í fjórða skipti sem
þetta mót cr haldið á Akureyri
en í því taka þátt knattspyrnu-
menn úr 5. flokki. Keppendur
og fararstjórar gista í Lundar-
skóla og í kennslustofum í
íþróttahöllinni og má segja að
umfang þessa móts sé nú orðið
meira cn ætlað var í upphafi.
Gunnar segir að spilaðir verði
52 leikir á KA-svæðinu í dag
og á morgun en 48 á laugar-
daginn. Síödegis þann dag
verður mótinu slitið og verð-
iaun afhent. Boltinn fær því að
rúlla hressilega hjá ungu kyn-
slóðinni um helgina. JOH