Dagur - 06.12.1990, Blaðsíða 2

2 - DAGUR - Fimmtudagur 6. desember 1990
Lokið við gerð grjótvarnar í Dalvíkurhöfn:
Hér hefiir verið unnið gott verk
- segir Sigtryggur Benediktsson á Hafnamálastofnun
Framkvæmdum við gerð grjót-
varnar í Dalvíkurhöfn lauk um
helgina, eins og greint var frá í |
Degi sl. laugardag. Sigtryggur
Benediktsson á Hafnamála-
stofnun segir að mjög vel hafi
til tekist og grjótvörnin beri
heimamönnum vitni um gott
skipulag og mikinn dug.
Grjótvörnin er mikið mann-
virki. í hana hafa farið um 30
þúsund rúmmetrar af efni, sem
Ihefur verið tekið úr landi Sauða-
ness norðan Dalvíkur. Heildar-
kostnaður við verkið nemur um
30 milljónum króna.
Um framkvæmdir sá Jarðverk
hf. á Dalvík, en auk þess unnu
bílstjórar í Bílstjórafélaginu
Múla að þeim.
Sjálfur grjótvarnargarðurinn er
280 metrar á lengd. Byrjað var á
verkinu í lok júlí og að því hefur
síðan verið unnið nótt sem nýtan
dag. Fimm bílar unnu að jafnaði
við að keyra efni í höfnina auk
annarra vinnuvéla.
Athafnasvæðið sem myndast
hefur vestan grjótvarnarinnar er
um 19 þúsund fermetrar að
jstærð. Ekki liggur fyrir hvenær
!fyllt verður upp í það, en aukin
umferð kaupskipa um Dalvíkur-
höfn kallar á að í uppfyllinguna
verði ráðist sem alira fyrst. Þá er
laðkallandi að byggja brimvörn í
aust-suð-austur í framhaldi af
grjótvörninni. Hvenær það verð-
ur unnt veltur á fjárveitingavald-
inu. óþh
Kampakátir verktakar og fulltrúi Hafnamálastofnunar að afloknu góðu
verki. Frá vinstri Jón Hreinsson, frá Jarðverki hf., Friðgeir Hjaltalín, frá
Grundarfirði, sem aðstoðaði Jarðverksmenn á síðari stigum verksins, Hall-
grímur Hreinsson, frá Jarðverki hf. og Sigtryggur Benediktsson frá Hafna-
málastofnun. . Myndin óþh
Forseti íslands, frú Vigdís Finnbogadóttir:
Aflienti Skógrækt ríkisins stórgjafir
sem borist hafa erlendis frá
Forseti íslands, frú Vigdís
Finnbogadóttir, afhenti Skóg-
rækt ríkisins stórgjafir í gær,
sem forseta hafa borist utan-
lands frá og eru framlög til
skógræktar á íslandi. Koivisto
Finnlandsforseti færöi forseta
íslands 5 kg af lerkifræi er for-
seti var á ferö í Finnlandi í okt.
sl. og komið hefur fram í
fréttum.
Samkvæmt upplýsingum sem
forsetaskrifstofan hefur aflað sér
munu væntanlega allt að 250.000
trjáplöntur vaxa af fræjunum og
mynda veglegan íslenskan skóg
þegar fram líða stundir. Pá hafa
Lionsmenn á norðurslóðum í
Finnlandi hafið söfnun á birki-
fræjum, sem færð verða íslend-
ingum í framhaldi af gjöf Finn-
landsforseta.
í tilefni stórafmælis forseta
íslands 15. apríl sl. barst rausnar-
leg gjöf frá hinum virta Ekenás
skógtækniskóla í Finnlandi en
gjöfin fól í sér tvo námsstyrki fyr-
ir íslendinga til 4-5 ára náms í
skógtæknifræðum og ná styrkirn-
ir bæði til skólagjalds og uppi-
halds meðan á námi stendur.
Islensku styrkþegarnir munu
hefja nám við skólann næsta
haust.
Nokkru eftir opinbera heim-
sókn Mitterrands, forseta Frakk-
lands, til íslands sl. sumar barst
forseta íslands skeyti frá Frakk-
landi, þar sem Mitterrand til-
kynnti um gjöf til forseta, 74
birkitré í tilefni af eigin afmæli,
eitt tré fyrir hvert ár. Trén verða
gróðursett í Vinaskógi í Þingvalla-
sveit.
Frá Japan hafa borist höfðing-
legar peningagjafir sem ætlaðar
eru til skógræktarátaks hér á
landi. Alls nema þessar peninga-
gjafir frá Japan vel yfir hálfri
milljón íslenskra króna og eiga
þær að renna til skógræktarinnar
í Vinaskógi.
Fj árhagsáætlun Ólafsfj arð arbæj ar:
Miniiihliilinn hafði áður
samþykkt breytingamar
Bjarni Kr. Grímsson, bæjar-
stjóri í Ólafsflrði, segir að bók-
un minnihluta bæjarstjórnar
Ólafsfjarðar um fjárhagsáætl-
un, sem Dagur greindi frá sl.
laugardag, skjóti nckkuð
skökku við.
Bjarni segir að minnihlutinn
hafi verið búinn að samþykkja
breytingar á fjárhagsáætlun á
hinum og þessum fundum. „Á
þessum sama fundi og minnihlut-
inn lagði fram umrædda bókun
samþykkti öll bæjarstjórnin, þar
með taldir fulltrúar minnihlut-
ans, þessar breytingar," sagði
Bjarni. óþh
jÞessi mynd er tckin af norðurgarði í norður yfir grjótvörnina, sem er alis 280
• metrar á lengd. Þar sem nú er sjór, innan grjótvarnarinnar, vonast menn
Itil að verði fyllt upp áður en langt um líður og athafnarými Dalvikurhafnar
aukist þannig til muna.
I inyndast hefur gríðarstórt rými vestan grjótvarnarinnar. Þeir sem vel til
Iþekkja segja nauðsynlegt að byggja brimvarnargarð áfram í austur (lengst til
Ihsegri á myndinni) og koma þannig í veg fyrir ölduhreyfingu inn í Dalvíkur-
jhöfn.
Léttsteypan í Mývatnssveit:
Salan verið að lífgast
undanfama mánuði
„Það gengur ágætlcga hjá okk-
ur og hefur verið mikið að gera
| undanfarið, þó að það sé að vísu
að minnka aftur því við vorum
að afgreiða stóra pöntun af
holsteini og milliveggjahellum
i til Keflavíkur,“ sagði Grétar
Asgeirsson, verkstjóri hjá
Léttsteypunni hf. í Mývatns-
sveit.
Tveir menn vinna nú við fram-
leiðsluna hjá Léttsteypunni, auk
skrifstofumanns í hálfri stöðu.
„Við erum bjartsýnni á framtíð-
ina en við höfum verið undan-
farna mánuði því salan virðist
vera að lífgast,“ sagði Ásgeir,
aðspurður um framtíðina.
Asgeir reiknar með að um jóla-
dagana verði smá viðgerðarstopp
hjá fyrirtækinu. Með hækkandi
sól á nýju ári verður farið að
hugsa fyrir sumrinu og móta grill-
kolin sem fyrirtækið framleiðir.
Aðspurður sagði Ásgeir að allt
væri í biðstöðu með framleiðslu á
grillsteini til útflutnings sem að-
eins hefur verið reynd hjá fyrir-
tækinu. Til að hægt væri að fara
út í þá framleiðslu þyrfti að
kaupa mótunarvél og er það tölu-
verð fjárfesting. IM
Kjörbúð KEA, Sunnuhlíð
Vörukynning
föstudaginn 7. desember frá kl. 15.-19. og
laugardaginn 8. desember frá kl. 11.-16.
Rauðvínslegið lambalæri frá Kjarnafæði,
kynningarverð kr. 798.- kg.
Tilboð: Kjúklingur og franskar kr. 870.- kr.
Kjöitwð KEA, Sunuhlíð
Kjörbuð KEA, Sunnuhlíð
Mikið úrval:
Á salatbarnum, í ostaborðinu,
í kjötborðinu og á ávaxta- og
grænmetistorginu.
Opið til kl. 20.00 öll kvöld - Lokað sunnudaga
Kjöriiúð KEA, Sunnuhlíð