Dagur - 15.02.1992, Qupperneq 4

4 - DAGUR - Laugardagur 15. febrúar 1992
ÚTGEFANDI: DAGSPRENT HF.
SKRIFSTOFUR: STRANDGATA 31, PÓSTHÓLF 58, AKUREYRI,
SÍMI: 96-24222 • SÍMFAX: 96-27639
ÁSKRIFT KR. 1200 Á MÁNUÐI • LAUSASÖLUVERÐ KR. 110
GRUNNVERÐ DÁLKSENTIMNETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
UMSJÓNARMAUR HELGARBLAÐS: STEFÁN SÆMUNDSSON
BLAÐAMENN: INGIBJÖRG MAGNÚSDÓTTIR (Húsavíkvs. 96-41585),
JÓHANN ÓLAFUR HALLDÓRSSON, JÓN HAUKUR BRYNJÓLFSSON (íþróttir),
ÓLI G. JÓHANNSSON, ÓSKAR ÞÓR HALLDÓRSSON, SKÚLI BJÖRN GUNNARS-
SON (Sauðárkróki vs. 95-35960, fax 95-36130), STEFÁN SÆMUNDSSON,
ÞÓRÐUR INGIMARSSON, LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI: HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
Ásdís kemur til
Akureyrar í dag
Hátíðarsamkoma verður á
Akureyrarflugvelli í dag en
þá mun Ásdís koma frá
Amsterdam. Ásdís þessi er
ný Fokker 50 vél, sú fyrsta
af fjórum sem Flugleiðir
kaupa til að endurnýja vél-
arnar í innanlandsfluginu.
Allar vélarnar koma til
landsins á fyrri hluta þessa
árs. Nýju Fokker vélinni
verður gefið nafn á Akur-
eyrarflugvelli og hefur fjöl-
mörgum verið boðið til mót-
tökuathafnarinnar, enda
verið að fagna stórum
áfanga. Yfirmenn Flugleiða
og samgöngumála verða
viðstaddir svo og bæjar-
stjóri Akureyrar.
Þetta eru vissulega mikil
tímamót í samgöngumálum
þjóðarinnar og Flugleiðir
ráðast í mikla fjárfestingu
með því að kaupa fjórar nýj-
ar og fullkomnar flugvélar.
Þær munu leysa eldri vélar
af hólmi í innanlandsflug-
inu, en gömlu Fokker vél-
arnar hafa reynst ákaflega
vel. Þær voru hins vegar
orðnar mjög viðhaldsfrekar
og dýrar í rekstri og að
nokkru leyti komnar úr takt
við tímann.
Nýju vélarnar eru mun
sparneytnari en þær gömlu,
hraðfleygari og á allan hátt
hagkvæmari í rekstri. Endur-
nýjunin hefur því sparnað í
för með sér, þegar til lengri
tíma er litið, þótt hún sé
vissulega kostnaðarsöm.
Fokker 50 vélarnar eru
hljóðlátari og rúmbetri en
gömlu F-27 og ættu farþeg-
ar strax að verða varir við
stóraukin þægindi, en oft
var kvartað yfir hávaða,
þrengslum og titringi í
gömlu vélunum.
Flugleiðir hafa endurnýj-
að farkost sinn í millilanda-
fluginu og með nýjum vél-
um í innanlandsfluginu
verður félagið með einn
yngsta flugflota í Evrópu og
þótt víðar væri leitað. Koma
Ásdísar til Akureyrar í dag
er því liður í stórum áfanga
í sögu félagsins, áfanga
sem mörgum finnst ótrú-
legur miðað við að hér er
um að ræða lítið flugfélag í
fámennu landi.
Það er engin tilviljun að
fyrsta Fokker 50 vélin kem-
ur beint til Akureyrar frá
Amsterdam og verður gefið
nafn við hátíðlega athöfn á
Akureyrarflugvelli. Flug-
samgöngur milli Akureyrar
og Reykjavíkur eiga sér
langa sögu og segja má að
Akureyri sé vagga Flug-
leiða því þar var Flugfélag
íslands stofnað á sínum
tíma. Auk þess mun þessi
tiltekna vél, Ásdís, fyrst og
fremst sinna áætlunarflugi
milli Akureyrar og Reykja-
víkur.
Ekki þarf að minna á það
hve landsmenn eru háðir
skjótum og öruggum sam-
göngum í loft, á láði og legi.
Þeir sjá samgöngubót í nýj-
um Fokker vélum Flugleiða
og því er ástæða fyrir lands-
menn alla að fagna í dag.
SS
Öðruvísi mér áður brá
Stefán Þór Sæmundsson
Brenglað veruleikaskyn valdhafanna
- eða er þetta bara kerlingavæl og kommabaul?
Á íslandi búa sæmilega vitibornir menn, þokkalega
menntaðir og allduglegir. Nokkrir skara fram úr
eins og gengur og gerist en ekki er nein ástæða til að
blása sig út af þjóðarrembingi af J)eim sökum. Öðr-
um vegnar ekki eins vel í lífinu. A erfiðum stundum
stendur fólkið saman, safnar fötum handa Kúrdum
og vinnur ýmis góðverk, annars hamast hver í sínu
horni, tortrygginn á svip, og reynir að skara eld að
sinni köku. Þetta er allt saman ofur eðlilegt, gott og
blessað, mannlegt og býsna bærilegt.
Hitt finnst mér óeðlilegt, og raunar óskiljanlegt,
að þjóðin skiptist í tvo hópa og er hvor með sitt
veruleikaskyn. Þá er ég ekki að tala um hina sígildu
skiptingu í ríka og fátæka eða hægri menn og
vinstri, heldur ríkisstjórnina og fylgismenn hennar
annars vegar og fólkið í landinu hins vegar. Þessir
mjög svo misstóru hópar hafa afskaplega mismun-
andi raunveruleikaskyn. Skal það nú skýrt nánar.
Vil ekki trúa mannvonskuskýringunni
Það er engum morgunblöðum um það að fletta að
það sem í daglegu tali kallast aðgerðir ríkisstjórnar-
innar er í rauninni aðför að fólkinu í landinu. í
fyrstu hélt ég að þarna væru á ferðinni róttækar
sparnaðarráðstafanir, þjóðinni til heilla, en fljót-
lega fylltist ég vantrú og snerist á sveif með þeim
sem töldu hreina mannvonsku ráða gjörðum hátt-
virtrar ríkisstjórnar. Aðrar skýringar voru varla til-
tækar á því hvers vegna hún vildi láta námsmenn,
sjúklinga, aldraða og barnafólk fylla í fjárlagagatið.
En nú er ég líka búinn að missa trúna á mann-
vonskuskýringunni.
Eftir því sem talsmenn stjórnarflokkanna opna
munninn oftar verð ég sífellt sannfærðari um að
þeir lifa í öðrum heimi en almenningur í landinu og
að raunveruleikaskyn þeirra er stórkostlega
brenglað. Nefni ég nokkur dæmi.
Sighvatur Björgvinsson kannast ekki við að hann
sé að leggja nýjar og auknar álögur á þá sem þurfa
á lyfjum eða læknishjálp að halda. Samt verður allur
almenningur var við að pyngja þeirra léttist. En
Sighvatur kannast ekki við það. Þetta hefur marg-
oft komið fram á fundum. Hann sér bara einhverjar
milljónir renna í ríkissjóð.
Að keyra yfír mann og annan
Áfram með dæmin. Geir Haarde sagði í Þingsjár-
þætti Sjónvarpsins á dögunum að hann kannaðist
ekki við auknar álögur á þá sem minna mega sín.
Hins vegar talaði hann um að stjórnarflokkarnir
hefðu meirihluta til að koma hinum og þessum mál-
um í gegn. Já, ekkert múður, bara keyra málin í
gegn í krafti meirihlutans.
„Ef menn sýna mótþróa verðum við einfaidlega
að keyra yfir þá,“ sagði flokksbróðir Geirs, sjálfur
Halldór Blöndal, á baráttufundi sjálfstæðismanna á
Húsavík. Hreinskilni ráðherrans er aðdáunarverð.
Þetta er einmitt línan sem stjórnin vinnur eftir; að
keyra yfir menn. Boðskapurinn kemur líka fram
hjá Davíð Oddssyni, Jóni Baldvin Hannibalssyni og
fleirum, þótt orðalagið sé eitthvað heflaðra en hjá
Blöndal.
Sum sé, ríkisstjórnin kannast ekki við það að hún
sé að ráðast á velferðarkerfið og leggja auknar
byrðar á almenning. Hún afgreiðir allar mótbárur
sem kerlingavæl, kommabaul og framsóknarfret og
vill keyra yfir lýðinn. Skera skólana, skeyta ekki
um aldraða, refsa foreldrum, ráðast að námsmönn-
um, hirta sjúklinga, höggva fatlaða, svíkja kjósend-
ur, svipta oss atvinnu. Og auðvitað má ekki hækka
launin.
Talnaflóð og verndað umhverfí
forréttindahópa
Jæja, ég má ekki vera allt of ósanngjarn í garð
stjórnarinnar og ekki var ætlunin að falla í gryfju
bölmóðsins eða að lesa upp úr slagorðabók
Ögmundar, sem Sighvatur hefur svo mikið talað
um. Eflaust eru margir ágætir einstaklingar í röðum
stjórnarliða en þeir þyrftu að kynnast þeim veru-
leika sem almenningur býr við, rífa sig upp úr talna-
flóðinu og vernduðu umhverfi forréttindahópa.
Eflaust væri best ef stjórn og stjórnarandstaða
gætu unnið saman og af heilindum með hag fólksins
í landinu að leiðarljósi. Séra Pálmi Matthíasson
ræddi um þetta á Rás 2 og tók bæjarstjórn Akureyr-
ar sem dæmi, en þar unnu minnihluti og meirihluti
saman að gerð fjárhagsáætlunar og var hún sam-
þykkt samhljóða.
En það er þetta með veruleikaskynið og forrétt-
indahópana. Atvinnuleysi er skyndilega orðið mik-
ið vandamál hér á landi og ekki mun ástandið batna
ef skólar fara að vísa nemendum frá í stórum stíl.
Þessi þróun verður að skrifast á stefnu ríkisstjórn-
arinnar og brenglað raunveruleikaskyn. Stundar-
hagsmunir eru settir ofar langtímamarkmiðum.
Þetta er því miður framtíðarsýn þorra almenn-
ings: Kröpp kjör og atvinnuleysi. En það má ekki
krukka í þá sem hafa 200 þúsund krónur og upp í 1
milljón í mánaðartekjur. Jú, vegna mikils þrýstings
hafa stjórnarliðar séð sig tilneydda til að minnast
aðeins á hátekjuskattinn og hver er niðurstaðan?
Ja, hátekjuskattur gæfi ríkissjóði ekki nema 2 millj-
arða og jrað er bara brot af vandanum sem er 15
milljarðar!
Þannig er málið afgreitt af stjórnarliðum. Ekki
nema 2 milljarðar. En hvað þá með 180 milljónirn-
ar í grunnskólanum, 200 milljónirnar hér og 300
þar, milljónirnar sem efnalítill almenningur verður
að reiða af hendi? Hefði ekki mátt nota þessa 2
milljarða frá efnafólkinu og draga t.d. úr niður-
skurðinum í skólakerfinu í staðinn?
Nei, þetta getur ekki verið hrein og klár mann-
vonska. Þetta hlýtur að vera brenglun.