Dagur - 05.08.1992, Blaðsíða 5

Miðvikudagur 5. ágúst 1992 - DAGUR - 5
»
&
„Engin sátt getur orðið
um þessa niðurstöðu“
- segir Halldór Ásgrímsson, alþingismaður og
fyrrverandi sjávarútvegsráðherra um ákvörðun
ríkisstjórnarinnar um aflaheimildir á næsta fiskveiðiári
Sanikvæmt útreikningum Sjáv-
arútvegsráðuneytisins verður
heildaraflamark á næsta físk-
veiðiári 408.637 tonn í stað
429.948 tonna á yfirstandandi
fískveiðiári. Samdrátturinn er
því 4,96% á milli áranna. Ef sú
leið hefði verið farin að úthluta
aflaheimildum Hagræðingar-
sjóðs eins og sjávarútvegsráð-
herra lagði til hefði heildar-
aflamark orðið 420.506 tonn
og skerðingin á milli fískveiði-
áranna aðeins orðið 2,20%.
Skerðingin kemur einnig mjög
misjafnlega niður eftir lands-
hlutum. Aflaskerðingin verður
mest á Vestfjörðum eða alls
8,81% á meðan skerðing á
Suðurlandi verður aðeins
0,20% og 0,59% í Reykjavík.
Næst mest skerðing verður á
Norðurlandi eystra eða 7,44%
og aflaskerðing á Vesturlandi
verður 7,14%. Þá missa íbúar
Norðurlands vestra 6,47% af
sjávarafla sínum og Austfirðing-
ar 6,25%. Ef aflaheimildum
Hagræðingarsjóðs hefði verið
deilt út í réttum hlutföllum við
aflamagn hvers landshluta
hefðu aflaheimildir í Reykja-
vík aukist um 3,56% og 3,03%
á Suðurlandi en þar vega Vest-
mannaeyjar að sjálfsögðu
þyngst.
Halldór Ásgrímsson, alþingis-
maður og fyrrverandi sjávar-
útvegsráðherra, sagði að niður-
stöður ákvörðunar ríkisstjórnar-
innar þýddu aflaaukningu all-
margra skipa - þeirra skipa sem
hefðu mestan hluta fiskveiði-
kvóta síns í öðrum tegundum en
þorski á meðan afli dragist saman
hjá öðrum. Þetta þýði því mikla
misskiptingu á aflaheimildum á
milli byggðarlaga þar sem Suður-
og Suðvesturland fari best út úr
hlutunum á móti verulegri skerð-
ingu annarsstaðar á landinu.
Engin sátt gæti því orðið um
þessa niðurstöðu og ótrúlegt að
þeir sem að ákvörðuninni stóðu
hafi í raun gert sér grein fyrir
hver áhrif hennar myndu verða.
í bókun frá fundi ríkisstjórnar-
innar segir að ríkisstjórnin sam-
þykki að fela Byggðastofnun að
gera rækilega athugun á áhrifuin
þorskbrests á einstök byggðariög
og svæði og vinna álitsgerð um
þær ráðstafanir sem mögulegar
séu til að milda það áfall sem af
þorskbresti leiðir. Halldór
Ásgrímsson sagði að Byggða-
stofnun hefði enga möguleika til
þess að styrkja þá aðila eða svæði
sem mest hafi misst og benti á að
hún réði ekki yfir Hagræðingar-
sjóði. Hlutverk hans hafi nánast
verið eyðilagt með lagabreytingu
á síðastliðnum vetri og í greinar-
gerð með lagabreytingunni hafi
verið vísað til þess að Byggða-
stofnun eigi að taka við hlutverki
hans þótt hún hafi enga getu til
þess.
„Mér sýnist að búið sé að úti-
loka notkun Hagræðingarsjóðs til
jöfnunar og forsætisráðherra hef-
ur nú Iýst því yfir að hann segi af
sér ef einhverjar þvinganir komi
utan af landi í þá átt að málefni
sjóðsins verði tekin upp að nýju.
Því sé því ég enga aðra leið en að
hann standi við þau orð og fari
frá. Einnig er ljóst að illt er orðið
á milli einstakra manna innan
ríkisstjórnarinnar vegna þessa
máls. Margar raddir heyrist nú úr
herbúðum stjórnarliðsins þótt lít-
ið sé um samhljóm þeirra í milli
og söngurinn ekki áheyrilegur,"
sagði Halldór Ásgrímsson.
Halldór sagði ennfremur að
þjóðin standi nú frammi fyrir
mjög einkennilegu ástandi. Sú
staða sé komin upp að ekkert
samband hafi verið haft við full-
trúa þeirra aðila sem annist rekst-
ur atvinnufyrirtækja í sjávarút-
vegi og því sýnt að þau eigi engin
önnur úrræði en að bindast sam-
tökum til að krefja ríkisstjórnina
um sanngjarna niðurstöðu í fisk-
veiðimálunum. Tölur um afla-
skerðingu og mismun á milli ein-
stakra útvegsaðila og byggðarlaga
séu of sláandi til þess að ekkert
verði að gert. Eðlilega sé útkom-
an verst á Vestfjörðum og
norðanverðu landinu sem komi
til vegna þess að þorskurinn hafi
verið stærra hlutfall af heildarafla
í þessum landshlutum en á Suð-
ur- og Suðvesturlandi.
Hvað þátt sjávarútvegsráð-
herra varðar sagði Halldór
Ásgrímsson að hann hafi tekið
þann kostinn að sitja áfram en
spurningin sé eftir sem áður sú
hvort þingmenn Sjálfstæðis-
flokksins af landsbyggðinni sætti
sig við þau málalok sem nú liggi
fyrir gagnvart einstökum byggð-
arlögum. Þeir eigi eftir að kynna
umbjóðendum sínum þessar
breytingar sem hafi vafalaust
margt við þær að athuga.
„Matthías Bjarnason hefur
sagt að hann ætli að láta á það
reyna hvort breytingar náist
fram. Hann hefur þó áður gefið
slíkar yfirlýsingar en verið barinn
niður af forystusveit þingflokks-
ins með forsætisráðherra í broddi
fylkingar,“ sagði Halldór
Ásgrímsson. Um þátt Alþýðu-
flokksins í þessum „sumarleikj-
um“ ríkisstjórnarinnar sagði
Halldór að alþýðuflokksmenn
væru alltof uppteknir af því að
selja veiðiheimildir og skipti þá
engu máli við hvaða ástand væri
að eiga í þjóðfélaginu. Þeir gætu
undir engum kringumstæðum
vikið frá því „prinsippi“. Halldór
varpaði síðan þeirri spurningu
fram á hvern hátt ætti að selja
hluti sem enginn gæti borgað fyr-
ir og kvaðst ekki sjá á hvern hátt
sjávarútvegurinn gæti tekið á sig
nýjar álögur í dag. Hugsanlega
væru til einstök vel rekin fyrir-
tæki í sjávarútvegi sem skilað
gætu einhverju í ríkissjóð með
þeim hætti en langflest útgerðar-
fyrirtæki í landinu hefðu enga
aðstöðu til þess eins og málum sé
komið í dag.
Halldór lagði áherslu á að nú
yrði að efla framleiðni og verð-
mætasköpun í landinu í stað
hinnar stöðugu umræðu um sam-
drátt á öllum sviðum. Hún gerði
ekkert annað en auka á það von-
leysi sem nú væri farið að skjóta
Halldór Asgrímsson.
rótum og vaxa í landinu og
mundi fyrirsjáanlega aukast að
mun í flestum landshlutum vegna
ákvarðana ríkisstjórnarinnar í
fiskveiðimálunum ef ekkert verði
að gert til þess að milda skerðing-
una og jafna hana á milli byggða.
ÞI
Einingarfélagar
Ferð aldraðra Einingarfélaga verður farin laug-
ardaginn 15. ágúst nk.
Farið verður frá Alþýðuhúsinu Skipagötu 14 kl.
9.00.
Ekið verður út með Eyjafirði um Ólafsfjörð að
Hólum í Hjaltadal og snæddur þar hádegisverð-
ur.
Þaðan verður haldið til Sauðárkróks og litast
þar um. Frá Sauðárkróki verður farið að Goð-
dölum í Vesturdal með viðkomu á Glaumbæ,
Varmahlíð og e.t.v. fleiri stöðum.
Frá Goðdölum verður síðan haldið heim á leið
um Öxnadalsheiði.
Fargjald er kr. 1000 og skráning í ferðina er
til 13. ágúst.
Ferðanefnd.
»
►