Dagur - 17.12.1992, Blaðsíða 6

6 - DAGUR - Fimmtudagur 17. desember 1992
Jólaglögg
Okkar eigin kryddblanda
ásamt leiðbeiningum
(°friin. Starfsfólk Sáp^
- segja Sólveig Tryggvadóttir og Guðbjörg Inga Guðmundsdóttir
Fenris III og Leikhópurinn Saga á Akureyri:
I kafaldsfjúki á myrku desemberkvöldi fyrir framan Dynheima að aflokinni
æflngu. Leikstjórinn Sigurþór Albert Heimisson fyrir miðju í hópi Fenris-
leikara. Myndir: ój
Fenris nefnist sameiginlegt
verkefni norræna unglinga-
leikhópa, sem er nú í undir-
búningi í þriðja sinn. Það var
árið 1985 sem Fenris var útfært
í fyrsta sinn, þá af fjórum ungl-
ingaleikhópum og afrakstur
samvinnunnar það ár var sýnd-
ur á íslandi, í Færeyjum, Sví-
þjóð og Danmörku. Samvinn-
an gaf svo góða raun að ákveð-
ið var að færa út kvíarnar og
endurtaka verkefnið. Þrjú ár
voru tekin í undirbúning og
sumarið 1989 heimsóttu 100
ungir áhugaleikarar 6 Norður-
lönd með stórsýningu sem
heillaði ótal áhorfendur. Nú er
Fenris 3 í undirbúningi og það
verður sumarið 1993, sem á
annað hundrað ungra leik-
húsmanna frá öllum Norður-
löndunum ferðast um löndin
með afrakstur gjöfullar og
kreijandi samvinnu. Verkefn-
isstjóri Fenris 3 er Margrét
Pétursdóttir, leikari og leik-
stjóri, og fer frumsýningin
fram á íslandi um mitt næsta
sumar.
Öll árin hefur Leikhópurinn
Saga frá Akureyri tekið þátt í
Fenris og er svo einnig nú. Hóp-
urinn hefur unnið af kappi og
ætíð staðið sig með prýði, skipu-
lag og öll útfærsla á verkefninu
hefur verið til fyrirmyndar.

bhh
Sunnudaginn 20. desember nk. býður íslandsbanki öllum ungum
viðskiptavinum sínum á „litlu jólin ' með Óskari og Emmu.
Skemmtunin hefst kl. 14.00 og er haldin í Sjallanum.
Miðar verða afhentir í útibúum bankans
í Skipagötu og Hrísalundi
mm
og gilda þeir einnig sem
happdrættismiðar.
Dagskrá:
Jólasaga,
Óskar og Emma,
Jólasveinar,
dregið í
happdrættinu,
dansað í kringum
jólatré.
Munið
að sækja
miðana
Kolbrún Halldórsdóttir, fram-
kvæmdastjóri Bandalags íslenskra
leikfélaga segir, að það sé
íslensku áhugaleikhúsi mjög til
framdráttar þegar ungt áhuga-
samt leikhúsfólk kynni sig jafn
vel og Saga hefur gert. „Þess
vegna er það ákaflega þýðing-
armikið að hópnum sé gert það
kleift að vera með nú sem áður.
Einnig er það ómetanlegt fyrir
félagsstarf unglinga að gefinn sé
kostur á vinnu á borð við Fenris.
Það er ósk Bandalags íslenskra
leikfélaga að hópnum verði vel
tekið þar sem leita þarf stuðnings
við fjármögnun verkefnisins og
að enn einu sinni fái ísland að
hýsa þá ungu kraftmiklu áhuga-
leikara sem standa að Fenris
verkefninu,“ segir Kolbrún.
Sigurþór Albert Heimisson, er
leiðbeinandi þeirra unglinga sem
taka þátt í Fenris 3. Sigurþór er
fastráðinn leikari við Leikfélag
Akureyrar. „Við hófum æfingar
fyrir hart nær tveimur mánuðum.
Við erum að glíma við spuna-
verkefni út frá hugmyndum
krakkanna um það þema sem
ákveðið var í upphafi fyrir alla
leikhópana sex. Grunnhugmynd-
irnar fjölluðu um ótta, við hvað
ungmenni eru hrædd. Smátt og
smátt varð breyting á, þannig að
fjallað er um samskipti fólks,
samskipti fólks og náttúru og þá
einnig fólk í stríði. Nú f desem-
ber erum við að vinna út litla
leikþætti sem teknir verða upp á
myndband. Slíkt hið sama verður
gert hjá hinum þátttakendunum
og þá er komið að leikritaskáldinu
að fella saman í eina heild fram-
lag leikhópanna sex. Við munum
síðan æfa grimmt til vors, en þá
hefst lokaundirbúningurinn.
Frumsýningin er um mitt sumar,“
segir Sigurþór Heimisson.
Sólveig Tryggvadóttir og
Guðjörg Inga Guðmundsdóttir
eru í Fenrisráði. Þær stöllur segja
starfið mikið og að í leikhóp
Sögu, sem tengist Fenris-verk-
efninu, séu 17 ungmenni á aldrin-
um 16 til 20 ára.
„Við hófum undirbúning fyrir
ári og starfið á hug okkar allan.
Dagana 14., 15. og 16. desember
verða teknar upp þrjár senur á
myndband og þær felldar inn í
heildarmyndina. Áfram verður
æft til páska, en þá fer hópurinn
út til Humlebæk í Danmörku til
samæfinga. Erlendu leikhóparnir
koma til Akureyrar í byrjun júlí
og frumsýnt verður í Iþrótta-
skemmunni á Akureyri 9. júlí.
Fimmtánda júlí höldum við af
stað með Norrænu til Noregs. í
Nyttedal verður sýning strax við
komuna til Noregs. Þann 22.
verður sýnt í Sala í Svíþjóð og
viku síðar í Humlebæk í Dan-
mörku. Til íslands verðum við
Akureyringarnir komnir 10.
ágúst.
Já, við æfum hér í Dynheim-
um. Aðstaðan er sem best verður
á kosið. Við sem stöndum í eld-
línunni höfum nokkrar fjárhags-
áhyggjur. Menntamálaráðuneyt-
ið ætlar að styrkja okkur með 75
þúsund króna framlagi, sem er
aðeins brot af því sem við reikn-
uðum með. Við sóttum um 450
þúsund. Bæjarstjórn Akureyrar
mun á næstu dögum fjalla um
styrkveitingu til leikhópsins Sögu
vegna Fenris-verkefnisins. Við
eigum von á að ráðamenn Akur-
eyrarbæjar verði rausnarlegri, en
ráðamenn menningarmála í
Reykjavík. Við fáum styrk frá
Bandalagi íslenskra leikfélaga og
Norðurlandaráði, sem ekki veitir
af, því framkvæmdaratriði sem
lúta að okkur hér á Akureyri eru
fjárfrek. Á næstu dögum munum
við leita til fyrirtækja á Akureyri
um fjárstuðning og vonum að
okkur verði vel tekið. Jafnframt
leitum við eftir fjölskyldum sem
vilja ljá okkur lið á sumri kom-
andi þ.e. að hýsa þátttakendur
frá Norðurlöndunum í hálfan
rnánuð," segja þær stöllur Sól-
veig Tryggvadóttir og Guðbjörg
Inga Guðmundsdóttir. ój
Guðbjörg Inga Guðmundsdóttir og Sólveig Tryggvadóttir eru í Fenrisráði.
Fenris 3 er viðamikið verkefni og í mörg horn er að líta. Þær stöllur heita á
fyrirtæki á Akureyri að koma til hjálpar með fjárframlögum til Leikhópsins
Sögu. „Margt smátt gerir eitt stórt“.
Munið að gefa
smáfuglunum
„Við höfiun fjárhagsáhyggjur“