Dagur - 18.12.1992, Blaðsíða 15

Föstudagur 18. desember 1992 - DAGUR - 15
ÍÞRÓTTIR
Halldór Arinbjarnarson
Bikarkeppnin í handbolta og körfubolta:
í lcikhléi verður m.a. boðið upp á troðslusýningu. Þar verður m.a. gaman að
fylgjast með „körfuspjaldabananum“ Damon Lopez.
Úthlutað úr Afreks- og styrktar-
sjóði Akureyrar 30. desember nk.
Miðvikudaginn 30. desember
næstkomandi fer fram úthlut-
un úr Afreks- og styrktarsjóði
Akureyrar fyrir yfirstandandi
ár. Þar verða annars vegar
veittar viðurkenningar og fjár-
styrkir til einstaklinga, félaga
og fclagasamtaka sem þótt
hafa skarað fram úr á sviði
íþrótta- og tómstundamála á
árinu, að mati stjórnar
sjóðsins. Hins vegar verður
öllum félögum og einstakling-
um á Akureyri, sem unnið
hafa til íslandsmeistaratitils á
árinu, veittur „íslandsmeist-
arapeningur“ til eignar.
íþrótta- og tómstundaráð
Akureyrar sendi fyrir nokkru
bréf til forsvarsmanna allra
félagasamtaka á Akureyri þar
sem þeir voru hvattir til að gera
grein fyrir starfsemi síns félags á
árinu og árangri einstakra
félagsmanna í Islandsmótum.
Enn vantar nokkuð á að tilkynn-
ingar hafi borist frá öllum félögun-
um og eru hlutaðeigandi aðilar
beðnir að gera skil nú þegar. Til-
kynningarnar skal senda til skrif-
stofu íþrótta- og tómstundaráðs
Akureyrar, Strandgötu 19 b.
Úthlutun úr Afreks- og styrkt-
arsjóði Akureyrar fer sem fyrr
segir fram miðvikudaginn 30.
desember. Athöfnin fer fram á
Hótel KEA á Akureyri og hefst
kl. 16.00 síðdegis. Hún er ætluð
öllum þeim einstaklingum sem
hljóta styrki og viðurkenningar
úr sjóðinum, svo og formanni
eða einum fulltrúa frá hverju
félagi. Nánari upplýsingar veitir
Hermann Sigtryggsson, fram-
kvæmdastjóri íþrótta- og tóm-
stundaráðs í síma 22722.
Tveir leikir á dagskrá í kvöld
I kvöld stendur til að klára 8
liða úrslit í bikarkeppninni í
handknattleik og körfuknatt-
Ieik. Veðrið hefur svo sannar-
lega sett margt úr skorðum og
nú eru þessir bikarleikir orðnir
nær viku á eftir áætlun. Von-
andi tekst að klára báða Ieik-
- tekst loks að klára 8 liða úrslitin?
ina í kvöld, svo leikmenn kom-
ist í jólafrí með góðri sam-
visku.
Þeir leikir sem hér um ræðir
eru viðureign KA og Hauka í
handbolta og Tindastóls og ÍBK í
körfubolta kvenna. Á miðviku-
dagskvöldið tókst sem kunnugt
Þrymur og USVH
með fullt hús
Einni umferð er nú lokið í
keppni 2. deildar karla í körfu-
bolta. Keppnisfyrirkomulagið
er með þeim hætti að liðunum
er skipt í riðla eftir landshlut-
um og keppt með fjölliðafyr-
irkomulagi. Leiknar eru 3
umferðir og efsta lið riðilsins
fer áfram í úrslitakeppni. í
Norðurlandsriðli eru Þrymur
og USVH með fullt hús stiga
eftir 1. umferðina.
í Norðurlandsriðli eru 7 lið.
Þrymur frá Sauðárkróki, USAH,
USVH, Völsungur, Laugar,
UMF Svarfdæla og Glóðafeykir
úr Skagafirði. Vegna fjölda lið-
anna geta ekki allir keppt við alla
á hverju fjölliðamóti, heldur leik-
ur hvert lið 4 leiki á 2 dögum.
Úrslit í 1. umferð, sem leikin var
á Sauðárkróki, urðu þessi:
Þrymur-UMFS 69:61
USAH-Völsungur 63:42
Laugar-USVH 45:80
Þrymur-Glóðafeykir 100:40
USAH-UMFS 50:45
USVH-Völsungur 88:34
Laugar-Glóðafeykir 85:43
Þrymur-USAH 53:47
USVH-UMFS 82:35
Glóðafeykir-Völsungur 35:79
Laugar-Þrymur 41:103
USAH-USVH 43:60
UMFS-Glóðafeykir 64:30
Laugar-Völsungur frestað
Eftir þessa umferð eru því
Þrymur og USVH með fullt hús
stiga, en USVH er með betra
stigahlutfall. Næsta fjölliðamót
verður líkast til í febrúar en
endanleg staðsetning er ekki
fengin. Lið undir merkjum KS
mun keppa í Reykjavíkurriðli á
næsta móti. Liðið, sem er að
mestu skipað mönnum búsettum
í Reykjavík, kemur í stað Vík-
verja sem ekki mætti til leiks
síðast.
er að ljúka leik Tindastóls og
Njarðvíkur í bikarkeppni KKI.
Með sigri í þeim leik tryggðu
strákarnir í Tindastól sér rétt til
að leika í undanúrslitum og nú er
að sjá hvort hin liðin 2 leika það
eftir.
KA vann Hauka á heimavelli
nú fyrir skömmu og hafa að sjálf-
sögðu sett stefnuna á sigur í þess-
um leik einnig. Haukar virðast
vera í uppsveiflu um þessar
mundir. Um það vitnar öruggur
sigur þeirra á Selfyssingum á
miðvikudagskvöldið. ÍBK er
ósigrað í 1. deild kvenna í körfu-
knattleik, en hið unga lið Tinda-
stóls hefur sífellt verið að koma á
óvart í vetur. Það er því best að
spyrja að leikslokum.
Spurningin er hvort hinum hárprúðu leikmönnum KA tekst að komast
undanúrslit bikarkeppninnar.
Takið þátt í valinu á íþrótta-
manni Norðurlands 1992
Samkvæmt venju mun Dagur
standa fyrir vali á íþróttamanni
Norðurlands. Er þetta gert í
samvinnu við lesendur blaðsins
og þeir því hvattir til að senda
inn svarseðilinn hér að neðan.
Dregið verður úr innsendum
seðlum og fær sá hinn sami
vegleg verðlaun sem verslunin
Radíónaust Geislagötu 14
gefur. Þau verða kynnt í næsta
blaði.
Lesendur skrifa 5 nöfn á seðil-
Einstakt tækifæri til þess að sjá frábæran körfubolta:
Útlendingarnir leika listir sínar
Eins og greint var frá í Degi í
gær verður í kvöld boðið upp á
sannkallaða körfuboltaveislu í
íþróttahöllinni á Akureyri. Þá
leikur úrvalslið erlendra leik-
manna gegn Norðurlands-
úrvali.
Sjálfur leikurinn hefst kl. 20.00
og þar verður léttleikinn að sjálf-
sögðu í fyrirrúmi. í leikhléi verð-
ur troðslukeppni og 3 stiga
skotsýning. Milli kl. 16 og 18 í
dag verða leikmenn útlendinga-
úrvalsins, sem hlotið hefur nafnið
Nike-liðið, staddir í versluninni
Sportver á Akureyri. Til Akureyr-
ar kemur liðið frá Sauðárkróki
þar sem það verður fyrr í dag,
bæði í Skagfirðingabúð og í
íþróttahúsinu. Ferðin er farin til
styrktar íslenska landsliðinu í
körfuknattleik. Fólk er hvatt til
að mæta þar sem þetta er kjörið
tækifæri til að sjá þessa sterku
leikmenn leika listir sínar. Hér
fylgir síðan listi með nöfnum
leikmannanna ásamt aldri, hæð
og þyngd.
Larry Houser, KR. 25/2.05/105
John Rhodes, Haukum. 27/2.07/105
Jonathan Bow, ÍBK. 26/1.96/105
John Taft, Val. 24/1.86/95
Ronday Robinson, Njarðv. 25/1.98/105
Damon Lopez, Snæfelli. 24/2.05/105
David Grissom, UBK. 28/2.00/95
Terrance Acoz, ÍA. 23/2.05/105
Liðstóri er Franc Booker og
þjálfari Erlendur Eysteinsson.
inn og senda hann síðan til
blaðsins. Skilafrestur er til 8.
janúar, en fólk er hvatt til að
bregðast fljótt við. Gjaldgengir í
kjörinu eru þeir sem stunda
íþrótt sína á Norðurlandi og
Norðlendingar sem stunda íþrótt
sína annars staðar. Stefnt er að
því að afhenda verðlaunin þann
16. janúar nk.
íþróttamaður
Norðurlands 1992
Nafn íþróttamanns:
íþróttagrein:
Nafn:
Sími:
Heimilisfang:
Sendist til: íþróttamaður Norðurlands 1992
B.t. Dagur, Strandgötu 31,600 Akureyri
Skilafrestur er til 8. janúar 1993.