Dagur - 30.10.1993, Blaðsíða 18
18 - DAGUR - Laugardagur 30. október 1993
POPP
Rokkabilly
Á sjötta áratugnum þegar blús-
inn strangt tiltekið saman með
takti (Rhythm & Blues) fór í
eina sæng með kántríinu varð
rokk og rólið til, eitt merkasta
og áhrifamesta menningarfyrir-
brigði tuttugustu aldar. Einn
angi rokk og rólsins, sem e.t.v.
er sá hreinasti og beinasti þess
er rokkabillyið. Þ.e. rokk með
hillbilly svip, en hillbilly er sú
tónlist sem rætur á að rekja til
uppsveita Bandaríkjanna. Þar
og í fleiri sveitum Ameríku á
líka Blágrasið, Bluegrasstón-
listin, sem á margan hátt er
skyld hillbillyinu, upptök sín.
Saman ásamt fleiri áhrifum víð-
ar að hafa svo bluegrassið og
hillbillyið myndað þá tónlistar-
stefnu sem í almennu tali er
kölluð kántrítónlist, Country &
Western. Um leið og sagt er að
rokkabillyið sé e.t.v. hreinasta
og beinasta andlit rokksins má
kannski líka segja að vart hafi
meira gleði og glaums fyrirbæri
þekkst. Því halda a.m.k. margir
vel miðaldra Ameríkanar fram
að rokkabillyið sé hið eina og
sanna og má sjálfsagt færa
-með
gild rök fyrir því. Það er líka
Ijóst að margar af allraskær-
ustu stjörnum rokksins tengd-
ust rokkabillyinu í lengri eða
skemmri tíma, á einn eða ann-
an hátt. Er nóg í því sambandi
að nefna Elvis Presley, Jerry
Lee Lewis, Bill Haley, Carl
Perkins og Eddie Cochran. Allt
skærar stjörnur sem enn lifa,
þótt reyndar þrír þessara
manna hafi legið í gröf sinni í
mörg ár.
Hér á íslandi hafa menn
auðvitað eins og annars staðar
hrifist af rokki sjötta áratugarins
og leikið sér að slögurum þess,
samanber sveitatilbúning á
borð viö HLH annars vegar,
sem var helst á mjúku nótun-
um, en svo hins vegar sveitir á
borð við Langa Sela og
skuggana, sem sköpuðu sína
eigin músík í anda gamla
rokksins, stundum m.a.s. í
góðum rokkabillyanda.
í sumar kvaddi hins vegar
svo sú sveit, eða öllu heldur
það band sem beint kennir sig
viö rokkabilly, Rokkabillyband
Reykjavíkur, sér loks hljóðs á
plötu, en það hefur starfað
með hléum um nokkura ára
skeið án þess að gefa eitthvað
út. Nefnist plata bandsins, sem
er tríó skipað þeim Tómasi
Tómassyni söngvara og gítar-
leikara, Birni Valdimarssyni
kontrabassaleikara og Jóhanni
Hjörleifssyni trommuleikara,
„læf og er eins og nafnið gefur
til kynna tónleikaplata, tekin
upp á Gauki á stöng. Er um
ósvikna gleði/partíplötu að
ræða og það bara nokkuð
góða. Spreyta þeir félagar sig
ásamt hjálparkokkum á mörg-
■^Andrea Gylfadóttir ásamt
Tómasi Tómassyni söngvara og
gítarieikara Rokkabillybands
Reykjavíkur.
um af þekktari rokkslögurum
sjötta áratugarins í rokkabilly-
stíl auk annarra sem skyld geta
talist. Þar á meðal eru See you
later aligator og Shake rattl’n
roll sem fræg urðu í flutningi
Biil Haley og Summertime blu-
es og C’mon every body frá
Eddie Cochran. Lög sem eru
sígild. En einnig eru þarna lög
eins og Call me the breeze eftir
J J Cale, Devil in disguise sem
Presley gerði ódauðlegt eins
og svo margt annað og svo
Mercedes Benz lagið hennar
Janis Joplin, sem Andrea
Gylfadóttir túlkar af snilld. Þetta
er því ekki alveg hrein rokka-
billyplata hjá Rokkabillyband-
inu, en það skemmir nú samt
ekki fyrir. Er hún hispurslaus
áskorun um að láta allan
drunga lönd og leið. Þess í
stað. „Komdu í partí með
Rokkabillybandinu."
Útgáfuúttekt
- á því helsta í jólaútgáfunni
Eins og menn muna var
íslensk tónlistarútgáfa
mikil að vöxtum og
blómleg í sumar. Bar
þar ekki hvað síst á framtaki
ýmissa einstaklinga og hljóm-
sveita, sem gáfu út á eigin veg-
um, eða í samstarfi sín á milli
með bara þó nokkuð góðum
árangri. Nú þegar jólaútgáfan
er að bresta á, sem í heildina
virðist ekki ætla að dragast
mikið saman þrátt fyrir grósk-
una í sumar, er slíkt „einka-
framtak" áfram áberandi og
verður ekki annað sagt en að
það veki góð viðbrögð og at-
hygli. Á það a.m.k. við um
plötur ungu trúbadoranna
tveggja sem nú kveða sér
hljóðs, þeirra Orra Harðarson-
ar, Drög að heimkomu og Har-
aldar Reynissonar, Undir
hömrunum háu, en þær hafa
greinilega náð eyrum landans
af útvarpsspilun aó dæma.
Eldri garpar sem eru að góðu
kunnir eins og Hörður Torfa-
son, Rúnar Þór, Rafn Jónsson
trommari með meiru, Pétur
Stefánsson & Co o.fl. eru svo
einnig með plötur á eigin veg-
um að ógleymdum KK með
sína plötu í samvinnu við
Magnús Eiríksson og Stefáni
Hilmarssyni með plötuna Líf.
Er flestum þessara platna dreift
af JAPIS, sem einnig kemur
vió sögu í endurútgáfu á plötu
með Purki Pilnikk. Var Einar
Örn Sykurmoli í fararbroddi
þeirrar hljómsveitar eins og
kunnugt er.
Útgáfufyrirtækin tvö Spor og
Skífan eru svo með ýmislegt á
boðstólnum sem nú er komið
út eða kemur út á næstu vik-
um. Vill svo skemmtilega til að
bæði fyrirtækin eru með nær
sama fjölda titla eða 19, af nýj-
um smíðum hljómsveita og ein-
staklinga, endurútgáfum,
safnplötum og plötum sérstak-
lega ætluðum til jólanna. Eru
þar flestir titlarnir safnplötur
og/eða endurútgáfur. Má meó-
al þessara titla nefna meðal
annarra frá Skífunni safnplötu
með flestum vinsælustu lögum
Stuómanna, sem svo einnig
mun innihalda einhver ný lög.
Heyrðu 2, með nýjum lögum
frá SSSól, Vinum vors og
blóma, Sigríði Guðnadóttur og
kvennasveitinni Yrju, í bland
vió safn erlendra laga. Sveita-
sæla sömuleiðis númer 2 með
völdum slögurum. Þá endurút-
gefur Skífan svo m.a.
jólaplötuna Friðarjól. Það sem
hins vegar hæst ber í útgáfunni
hjá Skífunni er annars vegar ný
plata Bubba Lífið er Ijúft og
hins vegar plata Ný danskrar,
•4 Jef Biack Joe sendir frá sér
sína aðra plötu nú fyrir jólln.
Bíða unglingarnir eflaust
spenntir eftir henni.
sem enn hefur ekki hlotió nafn
þegar þetta er ritað. Af plötum
Spors má einnig búast við að
tvær veki hvað mesta athygli.
Plötur Jet Black Joe og
Todmobile, Spillt. Er að því
sagt er í tilviki Todmobile um
svanasöng aó ræða aó
minnsta kosti í bili. Einnig
koma frá Spor ný plata með
Mezzoforte sem kallast Day-
break og safnplata með bestu
lögum Mannakorns. Eiga þess-
ar tvær hljómsveitir það sam-
eiginlegt að hafa legió í dvala
um hríð, þannig að ætla má að
einhverjir gleðjist yfir plötunum.
Meðal annarra af safnplötum
Spors má nefna Bítla og
blómabörn, safn hippa- og
bítlatímabilslaga. Ástin er, með
hugljúfum söngvum.
Dansplötuna Reif í strompinn
og Ýkt stöff, sem verður blanda
5-7 íslenskra laga og einhverra
erlendra.
Ur ýmsum áttum
Hann Bryan Adams, sem síó-
ast gerði hreinlega allt brjál-
að með laginu Everything I do, I
do it for you í bíómyndinni Robin
Hood fyrir rúmu ári, er nú aftur
kominn á fulla ferð með ýmis
járn í eldinum. Kom út nýtt lag
með honum fyrr í mánuðinum
sem nefnist Please forgive me,
sem verður annað tveggja nýrra
aukalaga á safnplötu með hans
vinsælustu lögum er kemur út nú
eftir helgina. Verða á henni með
nýju lögunum samtals 15 lög, en
meóal annarra auk Everything I
do, verða gullkorn eins og
Summer of 69, Cuts like a knife,
Kids wanna rock og It’s only lo-
ve, sem Kanadamaðurinn söng
með Tinu Turner, á plötunni. Auk
þess svo að vera að sinna þess-
ari nýju safnplötu hefur Adams
átt nokkuð sérstakt samstarf að
undanförnu við tvo aðra heims-
fræga tónlistarmenn, þá Sting og
Rod Stewart. Þeir flytja nefnilega
nýtt lag saman fyrir enn eina
kvikmyndaútgáfuna af sögunni
frægu um Skytturnar þrjár eftir
Alexander Dumas, sem Disney
er að framleiða. Ber lagið nafnið
All for love og er tekið sérstak-
lega fram að það sé það eina
sem þeir þrír ætli að kyrja sam-
an. Um frekara samstarf sé ekki
að ræða.
önkrokkararnir mjög svo vin-
sælu Red hot chili peppers
hafa eins og fram hefur komið
hér á síðunni átt nokkuð erfitt
uppdráttar síóustu mánuði, m.a.
vegna samstarfsörðugleika og
mannabreytinga þess vegna,
þannig að á tímabili var líf hljóm-
sveitarinnar talið í hættu. Ekki fór
þó svo að hljómsveitin færi yfir-
um vegna þessara erfiðleika, en
þaó er víst óhætt að segja að
hún hafi slegið öll met í gítarleik-
araumskiptum á hremninga-
skeiðinu. A tæpum tveimur síð-
ustu árum hafa nefnilega þrír gít-
arleikarar komió en síðan farió
aftur úr hljómsveitinni. Eru þetta
þeir John Frusciante, Ark Mars-
hall og nú síðast Jesse Tobias,
sem aðeins entist í tæpan mán-
uð. Sá nýjasti, hvað sem hann
nú endist lengi, er Dave Na-
varro, sem áður var með Jane’s
addiction.
Margt smátt...
• Söngvari Ugly Kid Joe, hann
Whitfield Crane, var nú fyrir
skömmu sýknaður af ákæru um
að hafa barið gæslumann á tón-
leikum hljómsveitarinnar í borg-
inni Columbus, Ohio, í sumar.
Sýndi myndband sem lagt var
fram að söngvarinn var saklaus
og hafði yfir höfuð ekki hvatt til
ofbeldis eins og líka var haldið
fram. Crane fékk aftur á móti
^ lce-T er aftur kominn af stað
með Body count.
ABryan Adams er með mörg
jám í eldinum þessa dagana.
sekt fyrir að láta miður fögur orð
falla á tónleikunum...
• lce-T og kraftrokkssveitin
hans Body count, sem eins og
kunnugt er umturnuðu öllu í Los
Angeles með Cop Killer, eru nú
komin af stað á ný og ætla m.a.
að heimsækja Breta í desember.
Kemur þá út af því tilefni endur-
hljóðblöndun af laginu That’s
how l’m livin með hljómsveitinni
og væntanlega fylgir svo eitt-
hvað nýtt í kjölfarió ef aó líkum
lætur...
• Red hot chili peppers, Mega-
deth, Anthrax, Nirvana, Primus
og Aerosmith, eru meðal þeirra
sem leggja til áður óútgefin lög á
plötu í tengslum við teiknimynda-
seríu um fígúrurnar Beavis og
Buthead. Er það MTV sjónvarps-
stöðin sem stendur fyrir gerð
þessarar teiknimyndaseríu.
Kemur platan út í næsta mán-
uói...