Dagur - 23.12.1993, Side 4

4 - DAGUR - Fimmtudagur 23. desember 1993
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 60, AKUREYRI, SÍMI: 96-24222
ÁSKRIFT KR. M. VSK. 1400 Á MÁNUÐI
LAUSASÖLUVERÐ M. VSK. KR. 125
GRUNNVERÐ DÁLKSENTIMETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
GEIR A. GUÐSTEINSSON, HALLDÓR ARINBJARNARSON (íþróttir),
INGIBJÖRG MAGNÚSDÓTTIR (Húsavik vs. 96-41585, fax 96-42285),
JÓHANN ÓLAFUR HALLDÓRSSON, ÓSKAR ÞÓR HALLDÓRSSON,
STEFÁN SÆMUNDSSON, ÞÓRÐUR INGIMARSSON
LJÓSMYNDARI: ROBYN ANNE REDMAN
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRIMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 96-27639
Hrikalegt áfall fyrir
atvinnulíf Mývatnssveitar
Eins og greint hefur verið frá í Degi hefur öllum
starfsmönnum Kísiliðjunnar í Mývatnssveit, 55 að
tölu, verið sagt upp störfum frá og með næstu ára-
mótum. Fyrir liggur að einungis hluti þeirra verður
endurráðinn og a.m.k. 13 úr hópnum standa uppi
atvinnulausir þegar uppsagnarfrestur er liðinn.
Fram hefur komið að forsvarsmenn verksmiðjunn-
ar telja þessi óyndisúrræði nauðsynleg til að mæta
samfelldum samdrætti í framleiðslu og sölu á kísil-
gúr á undangengnum þremur árum.
Kísiliðjan er langstærsti atvinnuveitandinn í Mý-
vatnssveit. Til marks um það má nefna að verk-
smiðjan skapar Skútustaðahreppi um þriðjung
tekna hans og minnkandi umsvif fyrirtækisins hafa
því bein og veruleg áhrif á fjárhag sveitarfélagsins.
Atvinnumissir 13 manna er síðan enn þyngra áfall
fyrir sveitarfélagið og atvinnulíf sveitarinnar í heild
sinni, að ekki sé minnst á persónulega hagi þeirra
sem í hlut eiga. Atvinnumissir 13 starfsmanna í
hinu tiltölulega fámenna samfélagi í Mývatnssveit
samsvarar því að nálægt 2.300 Reykvíkingar missi
vinnu sína í einu vetfangi. Og það sem verra er;
þeir hafa ekki að öðrum störfum að hverfa á svæð-
inu.
í þessu sambandi má ennfremur minna á að
margir Mývetningar hafa atvinnu sína af ferða-
þjónustu yfir sumartímann. í þeim hópi eru konur í
miklum meirihluta. Margar þeirra eru hins vegar
að mestu án launaðrar vinnu aðra mánuði ársins.
Með öðrum orðum: atvinnuleysi hefur verið viðvar-
andi í Mývatnssveit á veturna undanfarin ár, eink-
anlega hjá konum. í mörgum tilfellum er um að
ræða eiginkonur starfsmanna í Kísiliðjunni. Ekki
hefur horft til hreinna vandræða vegna þessa fyrr
en nú, því yfirleitt hefur annað hjónanna haft
vinnu og heimilið því ekki í sárri þröng. Þetta kann
að breytast nú eftir síðustu ótíðindi þar eystra.
Allt þetta ber að hafa í huga þegar sá vandi er
metinn sem um er að ræða í atvinnumálum Mý-
vetninga.
Ódýr líftrygging
Giftursamleg björgun fjögurra manna fjölskyldu á
Húsavík úr brennandi íbúðarhúsi fyrr í vikunni hef-
ur vakið mikla athygli. Fram hefur komið að hjónin
vöknuðu við hávaðann frá reykskynjara í íbúðinni
og komust naumlega út úr alelda húsinu með tvö
ung börn sín. Ekki þarf að spyrja hver raunin hefði
orðið ef reykskynjarans hefði ekki notið við og ljóst
að hann bjargaði lífi allrar fjölskyldunnar.
Nú fer í hönd sá tími þegar kertaljós loga víða á
heimilum svo og ýmsar ljósaskreytingar sem í
mörgum tilfellum eru ótraustar út frá eldvarna-
sjónarmiði. Því er full ástæða til að hvetja þá lands-
menn, sem ekki hafa reykskynjara í híbýlum sín-
um, að fá sér slíkt tæki án tafar og koma því í
gagnið áður en jólahátíðin gengur í garð. Ódýrari
og öruggari líftrygging er ekki í boði og enginn
veit hvenær og hvar hennar verður þörf næst. BB.
Ráðhústorg á Akureyri -
stærsti jólatrésfótur
Undirritaður er ekki innfæddur
Akureyringur, en hefur átt mik-
inn hluta starfsævi sinnar hér og
hefur gengið um Ráðhústorgið af
og til í tuttugu og sex ár.
A þeim tíma breyttist torgið lítið
fyrstu tuttugu og þrjú árin. A sumrin
voru bekkimir meó óþægilegu bök-
unum mikið notaðir, - maður settist
þarna stundum í nokkrar mínútur að
tala við kunningjana sem maður
mætti. A grasblettinum innan girð-
ingarinnar voru beð þar sem stúlkur
í garðyrkjunni plöntuðu litríkum
blómum. Svo setti Pétur Bjamason
upp pylsuvagn sem auðgaði lífið dá-
lítið og einhver snaggaralegur Suð-
urlandabúi, sem mig minnir að hafi
heitið Cosimo, fór að selja ávexti á
sumrin. Það var líka til þess að lífga
upp á mannlífið.
Þetta torg var ekki heimsfrægt en
samt dálítið notalegt. Fyllibyttur
áttu þaó meira aó segja til að
leggjast á grasblettinn til þess að
sofa úr sér. Það tilheyrði mannlífinu
við torgið.
Tímiendurbóta
Svona torg ganga úr sér. Gatan var
oróin sigin, leiðslur famar að bila,
gangstéttarhellurnar orönar skældar
og kominn var tími til að taka til
hendinni og laga torgið. Og bæjar-
stjórnin ákvað að gera á því breyt-
ingar.
Þaó var nú aldeilis í lagi að end-
urbæta og e.t.v. breyta einhverju
Pétur Jósefsson.
sem betur mátti fara. Og nú stóð
mikið til. Efnt var til samkeppni
meóal arkitekta um nýja hönnun á
torginu og nýtt útlit.
En böggull fylgdi skammrifi.
Einnig þurfti að hanna Skátagilió og
var ákveðið að láta bæði verkefnin
fylgjast að, þ.e. samkeppnisaóilar
skyldu skila inn teikningum að báó-
um verkefnum. Hér var um að ræöa
í eðli sínu tvö gjörólík verkefni en
þau skyldu nú samt dæmast saman.
Sá sem samkeppnina vann skyldi
hljóta bæói verkefnin. (Þetta er nú
eins og hvert annað klúður. Hvers
vegna skyldi sami aðili endilega
vera með bestu tillögumar að báö-
um verkefnum?) Sá sem hannaði
Ráðhústorgið fyrir breytingarnar miklu. „Þetta torg var ekki heimsfrægt cn
samt dálítið notalegt. Fyilibyttur áttu það meira að segja tii að lcggjast á
grasblettinn til þess að sofa úr sér. Það tilheyrði mannlítinu við torgið,“
segir Pétur Jósefsson m.a. í grein sinni.
íheimi?
tröppu- og stigamannvirkið í Skáta-
gilinu með þeim hætti að ásættan-
legt þótti, hann fékk eining verkefn-
ið á torginu, en sú tillaga var meó
þeim hætti að segja má að síðan hafi
torgið verið mannautt.
Grárra en allt grátt
Torgið er grárra en allt sem grátt er,
vetur, sumar, vor og haust. Stallað
er það að nokkru - líklega til þess
að unnt sé að stilla þar upp karlakór.
Bekkir baklausir og svo gríðarlega
óþægilegir að jafnvel fílhraustir,
ástfangnir piltar eiga í basli með að
haldast þar við hvað þá eldra fólk
sem þykir Ijúft að setjast dálitla
stund og virða fyrir sér mannlífið.
En mannlífið er horfið. Á góð-
viórisdögum spranga ungar stúlkur
ekki lengur um og blikka strákana í
bílunum sem óku hringinn í kring-
um torgið. Þess í stað er komin
hlykkjótt akbraut aó austanveróu,
vörðuð stórhættulegum járnstautum
sem helst virðast þjóna þeim til-
gangi að skemma fyrir manni bílinn.
Svona jámstautar eru vafalaust
brúklegir við beina akbraut í eina átt
og þá sæmilega rúmt um bílana, en
þetta cru endemis gaddar sem réttast
væri að fjarlægja. Hve margir bæj-
arbúar hafa nú þegar skemmt bíla
sína á þessum jámfleinum? Er beðið
eftir slysum á fólki?
Mannafæla
Auðugt mannlíf gefur torginu gildi.
Umferóin skapar mannlíf. Grátt
torgið fælir fólkið í burtu. Eg kann-
ast ekki vió nokkurn mann sem þyk-
ir torgið bctra nú en það var áður.
Ég held að flestum þyki það miklu
verra og ég held líka að þurfi að
gjörbreyta þessu torgi eða búa til
nýtt sem ckki er fjandsamlegt
manneskjunni og laðar til sín fólk á
öllum aldri, nteð dálitlu grasi og
gróóri og bekkjum sem hægt er aó
sitja á. Kannski má líka selja þar
fisk og kartöflur.
Mér skilst að þetta nýja torg hafi
verið ægilega dýrt. Það getur vel
verið en samt finnst mér það vont.
En kannski getur það komist í
Heimsnictabók Guinness sem
stærsti jólatrésfótur í heimi.
Pétur Jósefsson.
Höfundur er sölustjóri Fasteigna- og skipasölu
Noróurlands.
Millifyrirsagnir eru blaósins.
LESENDAHORN IÐ
Dlþefiandi siður
Nú er að verða liðinn sá tími að
húsmæður fari hamfömm um heimili
sín í hreingemingum og tiltekt ýmiss
konar.
Gardínur voru teknar niður og
gluggar gerðir hreinir ásamt veggj-
um, sumir máluðu kannski híbýli sín.
Viðraó var allt á heimilinu sem hægt
var til þess að fá í það ferskan ilm.
SKÁK
Svo kemur Þorláksmessudagur
með þeim sió að borða úldinn fisk og
þegar búið er aö sjóða hann í híbýl-
um manna þá er öll þessi mikla fyrir-
höfn til einskis.
Aó fólk skuli gera þetta aðeins til
þess aó borða nokkra bita af úldnum
fiski er furðulegt! Þessi ótrúlegi
óþefur bítur sig fastan í allt innan-
stokks og cru þá veggir og loft með-
talið.
Forfeður okkar áttu ekki salt, þess
vegna urðu þeir að verka fiskinn
svona. Svo þegar til viðbótar er soð-
inn siginn fiskur nokkrum sinnum á
ári á heimilunum þá er þessi lykt
viðvarandi.
Brynjólfur Brynjólfsson.
Skákfélag Akureyrar:
Hörð keppni eldri og yngri manna
- tvö mót milli jóla og nýárs
Síðastliðinn sunnudag gekkst
Skákfélag Akureyrar fyrir ný-
stárlegu móti. Þar leiddu saman
hesta sína sveitir eldri og yngri
skákmanna og var skiptingin
miðuð við 30 ára aldurinn.
Tefld var sexföld umferö á 13
borðum. Menn tefldu við sama mót-
herjann í skákunum sex. Umhugs-
unartíminn var breytilegur, fyrst
voru 20 mín. á keppanda, síðan 15,
þá tvær skákir á 10 mín. og Ioks
tvær á 5 mínútum.
I fyrstu umferð var jafnt 6,5:6,5.
I annarri umferð varð aftur jafnt
6,5:6.5. En nú styttist umhugsunar-
tíminn jafnt og þétt og um leið fór
heldur betur að halla á þá eldri (og
þroskaðri). I þriðju umferó hlutu
yngri mennirnir 10 v. gegn 3 og í
ijóróu umferð 9:4. Þeir ungu slepptu
ekki takinu og unnu 10,5:2,5 í
fimmtu umferð og 7:6 í sjöttu um-
ferð. Lokatölur uróu 49,5 v. gegn
28,5 yngri skákmönnum í vil.
Gestur Einarsson og Sveinn
Pálsson fengu flesta vinninga eóa 6
hvor. Keppnin þótti takast vel og
var hin besta skemmtun. Albert Sig-
urðsson var skákstjóri.
Næstu mót á vegum Skákfélags
Akureyrar eru Jólahraðskákmótið
þriðjudaginn 28. desember kl. 20 og
Hverfakeppnin fimmtudaginn 30.
desember kl. 19.30. SS