Þjóðviljinn - 31.05.1972, Blaðsíða 2

2. SIÐA — ÞJÓÐVILJINN— Miðvikudagur 31. mai 1972
Það stendur mikið til á Islandi í sumar. Og það,
sem hæst mun bera, er listahátíðin, sem hefst
nk. sunnudag, og heimsmeistaraeinvígi í s'kák
milli þeirra Bobby Fischers og Boris Spasskýs.
Og þótt Laugardalshöllin þyki fullgóð fyrir
íþróttamenn, þá þykir hún ekki nógu góð fyrir
slíka atburði sem þessa, og því er þar allt á ferð
og flugi þessa dagana.
Sér klefar
með öllum
þægindum
fyrir hvorn
skákmann
Þarna í Laugardalshöllinni
vinna nú handverkmenn baki
brotnu við breytingar og lag-
færingar, eða þá nýsmíði. Þeg-
H ar okkur bar þarna að garði í
11 fyrradag, vou menn frá Glugga-
smiðjunni að setja rennihurðir
fyrir gluggagaflana frægu, til að
útiloka birtuna að utan.
Magnús Þorvaldsson verkstj. i
Gluggasmiðjunni sagði okkur,' að
þeir hefðu einnig unnið við að
setja þessar rennihurðir upp fyr-
ir síðustu liscahátíð. Það áttu
nú víst að koma festingar fyrir
þessar hurðir, þannig að hægt
væri að renna þeim til og frá,
en þær hafa ekki komið ennþá,
svo við verðuim að festa þetta
upp án þeirra, sagði Magnús.
Uppi á annarri hæð unnu
menn við að rífa niður bráða-
birgðaskilrúm, 9em sett voru
upp fyrir mörgum árum, en nú
á að ganga þarna frá fyrir fram-
tíðina, setja hurðir fyrir inngang-
inn á áhorfendasætin og fleira.
— Það er gert til að einangra
betur, þannig að enginn hávaði
berist inn á sviðið til skákmann-
anna þegar einvígið hefst, sagði
Gunnar Guðmannsson fram-
kvæmdastjóri hússins. Gunnar
sagði okkur einnig, að útbúnir
yrðu sérklefar, með öllum þæg-
indum, á sviðinu fyrir keppend-
ur til að hvíla sig í, meðan ein-
vígið stasði yfir. Þá verður sen-
an teppalögð, svo fótatak trufli
ekki, en 9kákmennirnir verða
ekki einangraðir frá keppend-
um, svo ég er hræddur um að
umferð þeirra eigi eítir að trufla
eitthvað, en þetta er gert sam-
kvæmt ósk Fischers, sagði Gunn-
ar.
Gunnar sagði að engin Ijósa-
Magnús Þorvaldsson
tafla yrði sett upp eins og talað
hefði verið um. — Hins vegar
verða settir upp básar niðri í
anddyri, þar sem skákmenn
munu skýra skákirnar og verður
þar sýnt af myndsegulbandi frá
skákborði snillinganna.
— Nú, húsið verður allt mál-
að að utan, bæði veggir og þak,
sagði Gunnar, og ýmsar smá-
lagfæringar auk þess, sem lok-
ið verður við ýmislegt sem ekki
hefur verið gert á undanförnum
ámm, svo sem einangrunina og
hurðirnar fyrir áhorfendasvæðið
uppi á 2. hæð.
Það er sem sagt greinilegt,
að mikið soendur til, enda ekki
á hverju ári sem beztu skák-
menn heims halda hér einvígi og
það um heimsmeistaratitilinn,
nú og ekki er það heldur á
hverju ári, sem fremstu lista-
menn heims á sviði tónlistar,
drepa hér niður fæti og túlka
list sína, svo það er kannski ekki
að undra þótt menn taki við sér.
—S.dór
Pétur
saltaði
komma*
rœflana
Keflavík, 23. 5. 72.
Kæri Bæjarpóstur.
Tilefni þess, að ég sezt núnið-
ur og skrifa þér, er þáttur, sem
ég var að horfa á í sjónvarpinu
áðan.
Hann heitir Ólík sjónarmið.
Þar kom fram maður, sem
ég tel héðan í frá tvímælalaust
mesta mann íslands á þessari
öld; hann heitir Pétur Guðjóns-
son.
Þeir voru að tala um stríðið
í Viet-Nam, hann og aðstoðar-
maður hans, sem heitir Jón, og
svo tvær áróðursbuLlur frá
heimskommúnismanum.
Ég get ekki orða bundizt af
hrifningu á Pétri, hann sallaði
kommaræflana algjörlega, kom
fram með áður óþekktar stað-
reyndir um Viet-Nam stríðið,
svo árasðarnir fóru allir í panik
og bara göptu.
Svo rak hann þá algjörlega á
stampinn í herfræðinni; kunni
skil á alls konar byssum, sprengj-
um og eldflaugum til að bombi-
dera með, og fullt af tölum, al-
veg eins og Nixon.
Kommarnir voru að reyna að
komast upp með moðreyk og
blaður, en hann brýndi bara
raustina og talaði þá alveg í
hel, fljúgandi mælskur á léttri,
auðskildri íslenzku, líkri þeirri,
sem almennt er töluð hér í
Keflavík. Já, ég segi fyrir mig;
hvert hans orð var í tíma talað,
og nú er ég loks búin að fá
nokkra innsýn í þetta Viet-Nam
stríð.
Til dæmis vissi ég ekki fyrr
en í kvöld, þegar Pétur sagði
það, að loftárásum hefði verið
hætt á Viet-Nam fyrir 4—5 ár-
um; helvítis kommarnir hjá
Ríkisútvarpinu eru alltaf að tala
um einhverjar loftárásir þar.
(Enda stilli ég núorðið alltaf á
Kanann til að heyra fréttirnar.
Þær eru svo afskaplega litaðar
hjá Ríkisútvarpinu, síðan komm-
arnir tóku við stjórn).
Já, og mér fannst það vel
gert að upplýsa okkur íslendinga
um, að þessir tveir kommar, sem
voru þarna, væru að reyna að
æsa Vestur-Þjóðverja í stríð við
Austur-Þjóðverja, og væru meira
að segja búnir að gefa þeim
leyfi til að byrja.
Hann Jón, sem var þarna með
Pétri, var líka ágætur. Minnti
mig soldið á strák úr Heimdalli,
sem ég þekkti einu sinni. (Hann
hét líka Jón; sniðugtl).
Mér fannst það alveg rétt hjá
Jóni að vera ekkert að pexa,
heldur segja bara já, þegar ann-
ar komminn fór að halda því
fram, að allur heimurinn væri
eitt svæði. Samt vita allir, að
það er tóm tjara. T. d. Keflavík,
Ameríka og Grikkland eru eitt
svæði, og Rússland, Viet-Nam
og Kína annað, svo eitthvað sé
nefnt.
Mér finnst að íslendingar
ættu að hylla Pétur, já og
kannski Jón líka, fyrir að þora
að segja okkur sannleikann,
grímulausan. Og Kanarnir ættu
bara að ráða þá strax í The U.
S. Navy, og senda þá til Viet-
Nam. Þá myndu þessir hug-
lausu Vietkongar Ieggja á flótta
eins og skot, og allir heims-
kommúnistarnir með þeim.
Með þökk fyrir birtinguna.
Ein af beisnum.