Þjóðviljinn - 03.01.1975, Blaðsíða 1

djoðviuinn
Föstudagur 3. ianúar 1975 — 40. árg. 1. tbl.
Samdráttur í sölu
en ekki í innflutningi
Risastórar pantanir af heimilistækjum, sérstaklega frystikistum,
seldust ekki fyrir jólin. Hið sama má segja um hilana. Tekið hefur fyrir
sölu þeirra i bili og eru nii mikil vandræði i vörugeymslum, þar sem
ótollafgreidd heimiiistæki og bflar taka upp gifurlegt rými. Þjóðviljinn
kannaði þetta mál og eru niðurstöðurnar birtar á siðu 3.
Loðnu-
verð
ekki enn
ákveðið
Að sögn Sveins Finns-
sonar hjá verðlagsráði
sjávarútvegsins/ hefur enn
ekki náðst samkomulag
um verð á loðnu á komandi
vertíð. Nefnd sú sem um
loðnuverð fjallar hefur
haldið nokkra fundi að
undanförnu og hefur
heldur miðað í áttina að
sögn Sveins. Ekki vildi
hann þó neinu spá um
hvenær verðákvörðunar-
innar væri að vænta. Ekki
þarf, samkvæmt lögum, að
vera búið að ákveða loðnu-
verð fyrir áramót eins og
annað fiskverð.
—S.dór
Fœddist í
10.000
feta hœð
Á gamlársdag skeði
það að 12 marka drengur,
49 sm. langur var i þenn-
an heim bor-
inn.Hjúkrunarkonurnar á
Landspítalanum kalla
drenginn sína á milli ein-
faldlega ,,Loft“ enda
ekki nema von því sá litli
kom í heiminn i 10.000
feta hæð í farþega-
flutningavél frá Vængj-
um.
Við höfðum samband
við móðurina, Kristjönu
Höskuldsdóttur, og
spurðum hana um þessa
sérstæðu flugferð henn-
ar.
,,Sá litli hafði látið biða eftir
sér nokkuð lengi”, sagði
Kristjána, ” og þess vegna var
ákveðið að flytja mig til
Reykjavikur. Ég er búsett á
Ólafsvik og þaðan er um 50
minútna flug. Með mér i flug-
vélinni fór eiginmaðurinn og
ljósmóðir og tóku þau á móti
barninu i þvi að við flugum yfir
Akranes.”
— Og ykkur heilsast vel?
— Já já, alveg prýðilega.
Væntanlega hefur verið erfitt að
taka á móti barninu við svo
frumstæð skilyrði, en einhvern
veginn gekk þetta ailt saman.
Annars man ég nú litið eftir
þessari flugferð, hvað þá að ég
viti nákvæmlega staðar-
ákvörðun á fæðingarstaðnum.
Maður var svo sem ekkert að
skima mikið út um gluggana!
— Ætlarðu að skira barnið
skv. uppástungum hjúkrunar-
kvennanna?
— Ég veit ekki, — pabbinn er
eitthvað á móti þvi held ég.
—gsp
Heimilin
eru full
rafvædd
Nú seljast aðeins
,nýjar uppfinn ingar’
Til að forvitnast um sölu á
heimilistækjum á liðnu ári var
haft samband við Gunnar
Gunnarsson skrifstofustjóra hjá
Heimilistækjum s/f. Hann sagði
að sér virtist heimilin að mestu
mettuð af rafmagnstækjum og á
siðasta ári og þá einkum fyrir
jólin hefði langmest selst af nýj-
um tækjum, þ.e. minútugrilli
sjálfvirkri kaffikönnu og öðru
þess háttar.
,,Það eru svona tiskuvörur
sem koma upp á hverju ári og
ég get sagt þér t.d. að við seld-
um fyrir jólin um 500 kaffivélar
á 5 dögum.”
— Hvað um „frystikistu-
vandamálið”?
— Ég held að það sé eðlileg af-
leiðing þess, sem gerst hefur
undanfarið. Um leið og einn fór
að græða á innflutningi frysti-
Framhald á 11. siðu.
Yfir 10
miljónir í
Norðfjarðar-
söfnun
Uiðlega 10 miljónir höfðu sið-
degis i gær safnast vegna snjó-
flóðanna á Neskaupstað.
Heildartalan var i gær 10.
213.215 kr. cn forsvarsmenn snjó-
flóðasöfnunarinnar vissu um
vcrulegar fjárhæðir sem væntan-
legar voru, einkum af Austur-
landi, Akureyri og Húsavik.
Margir hafa verið rausna-
legir jafnvel gefið eina miljón
króna, en i gær nefndi snjóflóða-
söfnun nokkra aðila sem hafa
bæst i þann hóp sem gefið hafa 100
þúsund krónur. Þeir eru: Bátarn-
ir Gunnar og Snæfugl á Reyðar-
firði, Rotary-klúbbur Kópavogs,
Skiparadió h.f. i Reykjavik,
Ve r kf r æð is t of a Sigurðar
Thoroddsen i Reykjavik og Lýsi
h.f. i Reykjavik.
Norðfirðingafélagið tekur við
framlcgum i snjóflóðasöfnun á
giróreikning '90004 og
Hjálparstofnun kirkjunnar og
Rauði krossinn hafa númerin
90003 og 20003.
—GG
Neskaupstaður:
Hópar gagnfræðaskóla-
nema í Neskaupstað vinna
nú að uppgreftri eftir snjó-
flóðin. I gær var unnið við
að grafa upp loðnumjölið i
Fiskvinnslunni, og búist
við að þvi verki lyki þá um
kvöldið eöa í dag.
Komið hefur til tals að gefa
nemendum fri einhverja daga
næstu viku, svo þeir geti hjálpað
til við hreinsunina á flóða-
svæðunum.
Engir aðkomumenn munu nú
vinna að björgunarstörfum i
Skólaböm hjálpa til
Matsmenn vœntanlegir að meta heildartjónið
— Viðlagasjóður aðili að endurreisnarstefnu
Neskaupstað, en von mun á
járniðnaðarmönnum austur á
næstunni til að huga að vélum
fiskvinnslunnar.
Togarinn Bjartur fór á veiðar i
gærmorgun. Barði i gærkvöldi og
Börkur fer væntanlega fljótlega.
Skipin taka is á Eskifirði, en
munu væntanlega landa afla i
Neskaupstað, þar sem fiskurinn
verður unninn i salt.
Neskaupstaður hefur verið
einangraður nú um margra daga
skeið. Fjöldi manns biður eftir
flugfari suður, en einhverjir hala
þó komist með snjóbil yfir Odd-
skarð og þannig til Egilsstaða.
Björgunarstörf lágu niðri yfir
áramótin meðan norðfirðingar
hvildu sig ögn eftir ósköpin sem
yfir þá gengu um hátiðina.
Eins og fram hefur komið i
fréttum, hefur Viðlagasjóði verið
falið að vera sá aðili islenska
rikisins, sem semur við yfirvöld i
Neskaupstað um samstarf við
endurreisnina og jafnframt hefur
verið valin nefnd þriggja þing-
manna Austurlands til að vera
tengiliður milli Viðlagasjóðs og
bæjary firvalda eystra. 1
nefndinni eru Lúðvik Jósepsson,
Sverrir Hermannsson og Tómas
Arnason. GG