Þjóðviljinn - 02.04.1975, Síða 2

2 SÍÐA — ÞJÓÐVILJINN Miövikudagur 2. april 1975.
Minning
Bogi Ragnar
Eyjólfsson
bátsmaður
Fœddur 16.10. 1909
dáinn 17.3. 1975
Bogi Ragnar Eyjólfsson er
allur. — Þegar vinur skilur viö
hrannast minningarnar upp hjá
öllum þeim sem höfðu samskipti
við hann.
Það var að áliðnum ævidegi
Boga Ragnars að við kynntumst.
Hann kom á heimili okkar hjóna
hress að vanda. Frásagnargáfa
hans heillaði mig, enda hefur
roskinn maður frá mörgu að
segja, sem við hin yngri höfum
ánægju af að heyra Þannig getur
öldungurinn lokið upp fyrir manni
liðinni tfö.
Samræðurnar voru ávallt
liflegar, kryddaðar spaugilegum
atvikum úr daglegu lifi. Einkum
hafði ég gaman af að heyra sjó-
ferðasögurnar. I þessu efni kippti
i kynið, þvi annálað var hve faöir
Boga, Eyjólfur frá Dröngum, átti
auövelt með að segja frá. Mér
kom oftar en einu sinni I hug að
gaman væri að festa á blað frá-
sagir Boga, en aldrei varð þó af
þvi. Það er skaði að frásagnar-
listin er á undanhaldi. Mér hefur
alla tið þótt mikið til um menn,
sem eiga auövelt með aö segja frá
og sjá broslegar hliðar llfsins.
Þeir lyfta tilverunni upp úr
hversdagsleikanum.
Þó má hafa sömu orð um líf
Boga og Eyjólfur, faðir hans,
haföi um sitt eigið Hf, aö hann hafi
veriö „kaldur á köflum”. Faðir
hans var, eins og áður sagði,
Eyjólfur Stefánsson frá
Dröngum, en móðir Boga hét
Jensfna Kristín Jónsdóttir, hálf-
systir Sr. Þorleifs á Skinnastað.
Oft var hart I ári að Dröngum á
Skógarströnd og urðu þau hjón að
bregöa búi árið 1920 og fjöl-
skyldan flutti til Hafnarfjarðar.
Eftirlifandi alsystkini Boga
Ragnars eru Sigurborg Eyjólfs-
dóttir gift Guðleifi Bjarnasyni
slmvirkja, Magnús Eyjólfsson
stöðvarstjóri pósts og síma I
Hafnarfirði, kvæntur Þórunni
Flygering. Látin alsystkini eru
Ingimundur Eyjólfsson, prent-
myndagerðarmaður, sem var
kvæntur Svövu Tómasdóttur, og
Stefán Eyjólfsson, skósmiður,
sem lést í vetur. Stefán var
kvæntur Guðrúnu Pálsdóttur.
Svava og Guðrún eru einnig
báðar látnar. Eftirlifandi hálf-
systur Boga Ragnars eru
Sigrlður, Jóhanna, Friðbjörg og
Salbjörg Eyjólfsdætur. Eyjólfur
átti þær með fyrri konu sinni
Sigríöi Friöriksdóttur.
Mér býður i grun að hörð lífs-
barátta á Dröngum hafi mótað
skapgerð Boga I bernsku. Bogi
Ragnar var vandvirkur elju-
maður til vinnu og gaf aldrei eftir
Ibaráttunni fyrir daglegu brauði,
enda vissi hann vel hve hörð
hún var. Þetta hefur efl. átt rikan
þátt I því að skapa hjá honum
sterka réttlætiskennd, og hann
talaði ávallt máli litilmagnans.
Ég hygg, að þegar Bogi Ragnar
leit til baka yfir farinn veg, þá
hafi honum fundist það heimili og
þauböm sem hann átti með Elínu
Bjamadóttur, mikilli sómakonu,
vera stærsti sólargeislinn I lífi
slnu. Svo fór að þau skildu eftir
langan búskap, en oft heyrði ég
hann tala um hamingjudaga fjöl-
skyldunnar. Börn Ellnar og Boga
eru Hrafnhildur gift Jóni Hilmari
Alfreðssyni, lækni, Edda Björk,
gift Ólafi Oddi Jónssyni, Jenna
Kristin gift Gunnari Erni
Jónssyni, kennara, Bjarni,
aðalbókari, á Húsavlk kvæntur
Þórunni Sigurðardóttur og Ingi
Bogi, trúlofaður Hallgerði Bjarn-
héðinsdóttur, en þau verða bæði
stúdentar I vor. Einnig gekk Bogi
Guðrúnu Ragnarsdóttur I föður-
stað, en hún er gift Gústaf
Jakobssyni bifreiðarstjóra.
Ég minnist með þakklæti hve
dyggilega Bogi studdi okkur
hjónin, er við vorum að koma
okkur fyrir i ibúð þeirri sem við
keyptum. Þannig vildi hann fá að
sýna hug sinn I verki. Annars var
Bogi dulur um sina hagi. Hann
hafði I seinni tið oft á orði að
styðja Inga sinn I tilefni af stúd-
entsprófinu. Það hefði orðið hon-
um óblandin ánægja að sjá Inga
Boga setja upp hvíta kollinn á-
samt unnustu sinni.
En „hinn slyngi sláttumaður”
sá fyrir þvi að svo varð ekki.
Dauða Boga Ragnars bar brátt
að. Hann gekk með kransæða-
kvilla, sem hann talaði þó aldrei
um. Raunir sinar bar hann
hljóður. Aðalsmerki hans var að
standa einn og óstuddur það er
eftir var, eins og klettur úr sæ.
Þannig er skaphöfn sjómannsins.
Bogi Ragnar stundaði sjóinn mest
alla tíð og mörg hin síðari ár var
hann bátsmaður hjá Landhelgis-
gæslunni. Bogi talaði af hlýju um
þetta starf og hann ræddi um þau
skip sem hann var á eins og
maður sem talar um vini sína.
Einkum var honum Ægir gamli
minnistæður. Þannig munum við
einnig varðveita minninguna um
bátsmanninn á Ægi gamla. Nú
tilheyra þeir báðir endurminn-
ingunni, en bátsmaðurinn er
genginn „i Guðs síns gleðisal”.
Blessuð sé minning hans.
Ólafur Oddur Jónsson
Fyrir fermingarnar
Jakkar, buxur, peysur og skyrtur
í glæsilegu úrvali
Póstsendum um allt land
Laugavegi 71
Simi 20141
Skákþing Islands
Fjórir efstir
og jafnir
í landsliðsflokki
Slðasta umferð I Landsliðs-
flokki á skákþingi islands var
tefld á annan I páskum. Fyrir
umferðina var JúIIus Friðjóns-
son efstur með 7 v. Hann haföi
hvitt gegn Helga ólafssyni sem
var með 6.5 v. Eftir að Júllus
hafði haft frumkvæðið alla
skákina tók hann jafntefli með
þráskák enda var timinn orðinn
naumur. Haukur Angantýsson,
Björn Þorsteinsson og Margeir
Pétursson unnu allir sinar skák-
ir og náðu þar með Júllusi.
Lokastaðan varð þessi:
1-4. JúIIus Friðjónssson, Björn
Þorsteinsson, Haukur Angan-
týsson og Margeir Pétursson 7.5
v.
5. Helgi Ólafsson 7 v.
6. Ómar Jónsson 6.5 v.
7. Jónas Þorvaldsson 5.5 v.
8-9. Bragi Halldórss.
Ásgeir Ásbjörnss. 4v.
10. Gunnar Finnlaugsson 3.5 v.
og biðskák
11. Jón Þ. Þór 2.5 v. og biðskák.
12. Frank Herlufsen 2 v.
Frammistaða Björns og
Hauks kom fáum á óvart. Fyrir-
fram var búist við að þeir yrðu I
efstu sætunum. Július kom hins
vegar verulega á óvart með á-
gætri taflmennsku. Hann hafði
forystuna seinni hluta mótsins
og virtist tefla af mestu öryggi
keppenda. Árangur Margeirs er
frábær. Hann teflir nú I fyrsta
sinn I landsliði og er aðeins 15
ára gamall. Hann er örugglega
mesta skákmannsefni sem
komið hefur fram slðan Guð-
mundur Sigurjónsson sló i gegn
fyrir 10 árum. Þessir fjórir
munu tefla um titilinn skák-
meistari Islands 1975.
I 5. sæti varð Helgi Ólafsson.
Helgi er 18 ára gamall nýliði i
landsliði og er árangur hans
mjög góður. Sama má segja um
jafnaldra hans Ómar Jónsson
sem varðí 6. sæti. Frammistaða
þessara ungu skákmanna er
mjög uppörvandi fyrir aðra og
vekur þær vonir að Islendingar
skipi sér I forystusveit Norður-
landanna I náinni framtfð.
1 meistaraflokki er keppninni
ekki að fullu lokið þegar þetta er
ritað. Biðskákir eru ótefldar úr
slöustu umferð. Staða efstu
manna er þessi:
1. Helgi Þorleifss. 7v.
2-3. Þórir ólafss. 6.5v
og biðskák
Haraldur Haraldss. 6.5v
og biðskák
4-6 ögm. Kristinss. 6v
og biðskák
Björn Halldórss. 6v
og biðskák
Þröstur Bergmann 6v
og biðskák
Bjöm Halldórsson er sagður
hafa betri stöðu I biðskák sinni
gegn Þresti Bergmann og Þórir
Ólafsson betra gegn Haraldi
Haraldssyni. Tveir efstu menn
vinna sér þátttökurétt i landsliði
næsta ár. Telja verður líklegt að
Þórir ólafsson verði annar
þeirra en þeir Helgi Þorleifsson,
Björn Halldórsson og ögmund-
ur Kristinsson gætu orðið jafnir
I 2.-4. sæti.
í I. flokki er Daði Jónsson
efstur að loknum öllum sínum
skákum með 7.5 v. Jón Gunnar
Ottósson er með 7 v. og biðskák.
Bragi Valgeirsson með 6 v.
1 II. flokki varð Einar
Valdimarsson efstur með 7.5 v. i
9 skákum. Jóhann Hermanns-
son er næstur með 6 v. og bið-
skák.
1 kvennaflokki er lokið 7 um-
ferðum af 9. Guðlaug Þorsteins-
dóttir hefur forystuna með 6 v. I
2. sæti eru jafnar Ólöf Þráins-
dóttir og Birna Norðdal með 5 v.
1 meistaraflokki tefldu nú ó-
venju margir. Þar á meðal voru
margir skákmenn sem talið var
að væru hættir að iðka skák. Má
þar nefna Kára Sólmundarson
meðal annarra. Hann stóð sig
vel I keppninni þótt hann tapaði
þeirri skák sem hér fer á eftir.
Hvltt: Kári Sólmundarson
Svart: ögmundur Kristinsson
1. d4 Rf6
2. C4 g6
3. Rc3 Bg7
4. g3 c5
5. Rf3 cxd
6. Rxd Rc6
7. Bg2 RxR
8. DxR 0-0
9. Be3 d6
10. Ddl Be6
11. Da4 Rg4
12. Bcl Bxc3
13. bxc3 Dc7
14. 0-0 Bxc4
15. Bxb7 Dxb7
16. Dxc4 Re5
17. Dh4 Db5
18. Dxe7 Dxe2
19. Be3 Hae8
20. Dxa7 Rxf3
21. Kg2 He5
22. Bf4 Hh5
23. g4 Rh4
24. Kh3 Df3
25. Bg3 Dg2
Mát. Jón G. Briem.
Um Iðnólýðræði
örnólfur Árnason!!
Fimmtudaginn 27. mars
(Skírdag) er I Þjóðviljanum lítill
dálkur skrifaður af þér. Hann
hefur yfirskriftina „Iðnó-
lýðræði”. Stjórn L.R. hafði
daginn áður leiðrétt umsögn þína
hér I blaðinu um skipulag á stjórn
leikhússins. I svari þinu stendur
þetta: „En haldið þið — að það
rlki fullkomið lýðræði hjá L.R.?
Ef þið trúið þvi, þá skuluð þið,
réttkjörin stjórn félagsins sýna
lýðræði I verki. Ég sé nefnilega
ekki betur en að tveir ykkar séu
einu leikararnir af tæplega 30
manna hópi I 3 slðustu árgöngum
leiklistarskóla L.R. sem fengið
hafa fasta ráðningu i Iðnó.” „Ég
sé nefnilega ekki betur!” —-
Þarna gefur þú órnólfur I skyn að
Jón Hjartarson og Þorsteinn
Gunnarsson hafi misnotað
aðstöðusína I stjórn L.R. og ráðið
sjálfa sig á fastan samning hjá
félaginu. Þetta eru lúalegar
dylgjur. Jón Hjartarson var
kominn á samning hjá L.R. áður -
en hann tók sæti I stjórn félagsins
Aftur á móti átti Þorsteinn Gunn-
arsson sæti I stjórn félagsins áður
en hann réðst á fastan samning
hjá þvl. En ég þori að fullyrða,
örnólfur, að það hefur ekki verið
vegna setu hans i leikhúsráðinu
sem þáverandi leikhússtjóri L.R.
Sveinn Einarsson réði Þorstein á
samning við húsið. örnólfur, hvað
eiga svona dylgjur að þýða!? Ég
sé ekki votta fyrir heilindum i
svona skrifum.
Haustið 1973 opnaðist nýr
samningur hjá Þjóðleikhúsinu,
nýttsamningsform á B-samningi.
Þannig að þar bættust 12 fast-
ráðnir leikarar við húsið. Um
áramótin 73-74 gat svo L.R. ráðið
7 leikara á samskonar samning. í
lok klausu þinnar stendur: —
„hefði ekki Iðnólýðræðið getað
haft pláss fyrir einhverja fleiri
unga leikara t.d. einhverja þeirra
úr ykkar hópi, sem sneru baki við
Iðnólýðræðinu, og eru nú fast-
ráðnir við annað leikhús — ”.
örnólfur, það eru þrlr leikarar
sem hér er um að ræða.
Guðmundur Magnússon, Anna
Kristin Amgrimsdóttir og Helga
Jónsdóttir. Þau voru öll ráðin á B-
samning Þjóðleikhússins haustið
1973. En L.R. réði leikara á B-
samning um áramótin þar á eftir.
Ertu að tala um að L.R. hefði átt
að hvetja þessa leikara til að rifta
samningum við Þjóðleikhúsið?
Hefði það bjargað lýðræði
félagsins? örnólfur, þvíhvetur þú
ekki leikhúsin til dáða I sambandi
við ráðningar á þeim leikurum
ungum og gömlum sem enga
samninga hafa! Væri það ekki
lýðræðislegt?
Og að lokum þetta. Hvað veist
þú um lýðræðið I Leikfélagi
Reykjavíkur? Þú ert ekki i þvi
félagi. Veistu yfirleitt nokkuð um
hvað þú ert að tala?
Með von um að sjá ekki meira
af svona skrifum.
Kjartan Ragnarsson