Þjóðviljinn - 16.03.1976, Blaðsíða 3
Þriðjudagur 16. mars 1976 ÞJÓÐVILJINN — SÍÐA :i
Astmögur þjóðarinnar borinn til grafar. Fremstur likburðarmanna gengur Búi Arland (Valgarð
Runólfsson). Til hiiðar stendur Ugla (Sigriður Karlsdóttir) með blómvöndinn frá organistanum og
trétöskuna á leið upp á Skólavörðustig að leysa út „sinn mann”. Mynd: Ragna.
i kvöld, þriðjudaginn 16.
mars, kl. 21 frumsýna Leikfélag
Selfoss og Leikfélag Hveragerð-
is leikritið Atómstöðina eftir
Halldór Laxness i Selfossbiói.
Leikstjóri er Steinunn
Jóhannesdóttir og leikmynd
gerir Gylfi Gislason. Þetta er
annað verkefni leikstjórans og
leikmyndateiknarans fyrir
austan fjall. t fyrra unnu þau
saman að sviðsetningu leikrits-
ins „Sjö stelpur” á Selfossi.
Atómstöðin er annað verkefni
beggja leikfélaganna i vetur og
er þetta i þriðja sinn, sem þau
setja leikrit á sviö sameigin-
lega. Hin fyrri voru Skugga-
sveinn og Skálholt, og þóttu þær
sýningar eftirminnilegar.
Við þessa sviðsetningu hefur
verið stuðst við leikgerð
Atómstöðvarinnar eins og hún
var flutt i Iðnó, en með leyfi höf-
Þriðja verkefnið
sem leikfélögin
í Hveragerði og
á Selfossi
setja upp
sameiginlega
undar hefur hún verið stytt og
sum atriði felld úr, en bætt inn i
öðrum i samræmi við texta
skáldsögunnar.
Leikarar i Atómstöðinni eru
17 bæði frá Hveragerði og
Selfossi, Uglu leikur Sigriður
Karlsdóttir, Búa Arland
Valgarð Runólfsson, frú Árland
Heiðdis Gunnarsdóttir og
Organistann leikur Sigurgeir
Hilmar Friðþjófsson.
Aðrir leikarar eru Margrét
Asgeirsdóttir, Friðrik Friðriks-
son, Steindór Gestson, Hreinn S.
Hákonarson, Sólveig Ragnars-
dóttir, Þórður Kristjánsson,
Guðrún Sæmundsdóttir, Kristin
Steinþórsdóttir, Helgi
Finnlaugsson, Axel Magnússon,
Ketill Högnason, Pétur Péturs-
son og Kristin Jóhannesdóttir.
Framkvæmdastjóri leikfélag-
anna fyrir sýninguna á
Atómstöðinni er Helgi Finn-
laugsson.
Atómstöðin verðurnæstsýnd i
Selfossbiói á fimmtudag. Siðar
eru ráðgerðar sýningar i
Hveragerði og viðar á
Suðurlandi.
Að tafli i Skákstofunni: Margeir Pétursson og Helgi Ólafsson, Guðmundur Ágústsson og Magnús
Sæmundsson i baksýn. Ólafur H. Ólafsson, Asgeir Asgeirsson og Gunnar Gunnarsson. forsetí Skáksam-
bands isiands horfa á viðureign þeirra.
Guðmundur vann fyrsta
mótið í „Skákstofunni”
Opnuð hefur verið „Skákstofa”
að llagamel 67 i Reykjavik, þar
scm skákáhugamönnum gefst
kostur á að tylla sér niður og
rabba yfir kaffibolla eða svala-
drykk saman um áhugamálið eða
tefla skák.
1 tilefni þess að stofan var opn-
uð stefndi timaritið „Skák” sam-
an á laugardaginn nokkrum af
bestu skákmönnum þjóðarinnar
til hraðskákmóts.
Úrslit mótsins urðu þau, að
Guðmundur Sigurjónsson varð
hlutskarpastur með 10 vinninga
af 11 mögulegum. i öðru til þriðja
sæti urðu þeir Friðrik Ólafsson og
Ingi R. Jóhannsson með 8 1/1 v.
Fjórði varð Helgi Ólafsson með 7
v. Fimmti og sjötti urðu Ingvar
Ásmundsson og Margeir Péturs-
son með 5 1/2 v. Sjöundi varð
Bragi Halldórsson með 5 v. 1
áttunda og niunda sæti urðu
Magnús Sólmundarson og
Gunnar Gunnarsson með 4 1/2 v.,
en aðrir fengu minna.
Hugmyndin er sú, að slik mót
fari þarna fram öðru hvoru.
Aðstaða er fyrir allt að 16
manns til að tefla i „Skákstof-
■unni”, og jafnframt klúbbstarf-
seminni erætlunin að veita fólki á
öllum aldri kost á námskeiðum
þar i skák, þar sem okkar hæfustu
skákmeistarar verða leiðbein-
endur. — Þeir sem áhuga hafa á
námskeiðunum, geta snúið sér til
timaritsins Skák og kynnt sér
fyrirkomulagið.
I,,Skákstofunni”ertilsölu flest
það, sem að skák lýtur, töfl,
klukkur, bækur o.fl.
Landhelgisgœslan:
Rólegt á
miðunum
29 togarar
voru hér við
ólöglegar
veiðar i gœr
Að sögn Jóns Magnússonar,
blaðafulltrúa landhelgisgæslunn-
ar, var allt rólegt á miðunum i
gær. 29 togarar voru þar fyrir
austan land, á Hvalbakssvæðinu,
ásamt verndarskipum og þremur
islenskum varðskipum. Erfitt var
fyrir togarana að stunda veiðar
vegna veðurs.
Vaxandi taugaspennu gætir nú
hjá bresku veiðiþjófunum og
áhöfnum freigátnanna. Togara-
skipstjórarnir eru reiðir yfir-
mönnum herskipanna vegna þess
að þeir geta ekki varið þá fyrir
klippingum varðskipanna og má
segja að mjög illt sé þarna i milli.
Þarofan á bætist svo að veiði hef-
ur veriðmjög treg hjá togurunum
og þeir mega ekki flytja sig
vestur fyrir landið. Freigáturnar
treysta sér ekki til að vernda
togarana eins vel þar, vegna þess
að fyrir vestan landið er skipa-
umferð mun meiri en á þvi svæði
sem skipin halda sig nú á. Auk
þess er isingarhætta þar mun
meiri ef veður kólnar.
Þá kemur það nú æ betur i ljós
að bresku sjómennirnir eru orðn-
ir þreyttir á þvi að geta ekki leit-
að landvars þegar illa viðrar.
Þess i stað verða þeir að halda sjó
á hverju sem gengur. Varðskipin
geta hinsvegar leitað landvars
hvenær sem vont veður gerir, en
siðan koma varðskipsmenn
óþreyttir á miðin um leið og lægir
og byrja að angra bretana. Þetta
er farið að fara mjög i taugar
bæði togarasjómannanna og
sjómannanna á herskipunum að
sögn fréttamanna um borð i
bresku freigátunum. —S.dór.
Magnús
Kjartansson
á góðum
batavegi
Sem kunnugt er hefur
Magnús Kjartansson,
alþingismaður legið á sjúkra-
húsi siðast liöið hálft ár, en
hannvar lagður inn á Borgar-
spitalann i september vegna
sjúkdóms, sem reyndist vera
heilahimnubólga.
Þjóðviljinn getur nú glatt
lesendur sina og alla þá fjöl-
mörgu, sem spurt hafa um
liðan Magnúsar, með þvi að
skýra frá þvi að heilsa hans er
nú á góðum batavegi, og
læknar telja að hann muni ná
fullri heilsu á ný, ef svo fer
fram sem nú horfir.
Undanfarnar vikur hefur
Magnús Kjartansson dvalist á
endurhæfingardeild Borgar-
spitalans en þó heima um
helgar. Væntum við þess, að
Magnús Kjartansson verði
kominn til starfa á ný áður en
þessu ári lýkur, og sendum
honum hlýjar kveðjur fyrir
hönd félaga og vina um land
allt.
Göngudeild
Göngudeild fyrir psonasis- og
exemsjúklinga hefur nú verið
opnuð að Heilsuverndarstöðinni
við Barónsstig i Revkjavfk.
Göngudeildin er opin frá 9 til 12
alla daga vikunnar nema laugar-
daga og sunnudaga. i ráði er að
hún verði opin til kl. 13. Til þess
að fá ineðhöndlum á deildinni,
þurfa sjúklingar i fyrsta sinn að
frantvisa tilvisun frá húðsjúk-
dómalækni, og eftir það að
hringja ogpanta sér tima milli kl.
9 og 12.
Yfirlæknir á deildinni er
Hannes Þórarinsson og ennfrem-
ur starfar þar Sæmundur
Kjartansson. sérfræðingur i
húðsjúkdómum.
Heilsuverndarstöðin, sem legg-
ur til húsnæðið, hefur ráðið hjúkr-
unarkonu til þessara starfa,
Heigu Vigfúsdóttur. Þar starfar
einnig, ef með þarf, Guðrún Liija
Þorkelsdóttir hjúkrunarkona.
Geta sjúklingarnir fengið þar
ljósböð, og þeir sem þess þurfa,
ennfremur böð.
Samskonar deild var opnuð á
húðsjúkdómadeild Landspitalans
ioktóber s.l., ogerhún þegar orð-
in fullnýtt og getur ekki sinnt
fleirum að sinni.
Framhald á bls. 14.
A myndinni eru talið frá vinstri: Asgeir Gunnarsson, fyrrv. formaöur
SPOEX, Hörður Asgeirsson fyrsti formaður SPOEX, Baldvin Sigurðs-
son, núverandi formaður SPOEX, Theódór Lilliendahl, i stjórn
SPOEX, Hannes Þórarinsson yfirlæknir. Ilelga Vigfúsdóttir,
hjúkrunarkona deildarinnar og Guðrún Lilja Þorkelsdóttir. hjúkrunar-
kona.