Þjóðviljinn - 14.10.1976, Blaðsíða 2

2 SÍÐA — ÞJÓÐVILJINN Fimmtudagur 14. október 1976
Skrifið
eða
hringið.
Sími: 17500
Ádrepa úr
Mývatnssveit
Garði við Mývatn, 3/10 1976.
1 Þjóðviljanum, dagsettum 30.
sept. sl. , rakst ég á klausu,
sem vakti athygli mina og varð
til þess, að mig langar til að
koma hér nokkrum athuga-
semdum á framfæri.
1 klausu þessari var sagt frá
nýrri „bók” eftir Dag Sigurðar-
son. (Þvi miður kann ég ekkert
betra orð en ,,bók” yfir umrætt
verk, þótt slíkt orö sé vafalaust
til á einhverju finu máli). Þaö,
sem einkum vakti athygli mina i
umræddri grein, var lýsingin á
listaverkinu. Það er, að sögn 23
cm. á lengd og 4,5 sm. á breidd
og þvi stysta „verk” höfundar
til þessa. Óskandi væri aö sú
þróun listsköpunar Dags héldi
áfram, svo fljótlega yrði von i
að umfang listaverka hans færi
ekki yfir 0,0 sm á nokkurn veg.
Tveggja nafna var getiö á
„verkinu”, „Fagurskinna” eða
„meövituð andarteppa”, og ku
upplagið vera geymt I vösum
höfundarins, „þar sem hann
stikar yfir islenska jörö”, eins
og stendur svo glæsilega orðað i
klausunni. Ennfremur var
þarna getið annars andlegs af-
kvæmis þessa merka manns,
sem heitir „Meðvituð breikkun
á raskati” og er liklega heldur
breiöara en þetta nýja Verk,
eftir nafninu að dæma. Raskat
trúi ég muni þýða rassgat, enda
ekki óliklegt, þar sem staður sá
virðist vera hinsta skjól stein-
geldra listamanna, eftir þvi að
dæma, hve fast þeir halda sig
við þann stað i alls kyns list-
sköpun, og vilja ekki þaðan
víkja séu þeir eitt sinn þangaö
komnir.
Annars var ekki aðalatriöið
að ræða um fiflalæti Dags
Sigurðarsonar, — þau eru flest-
um kunn, sem orðið hafa á vegi
hans, þar sem hann stikar yfir
islenska jörð með hvita druslu
fyrir ásjónunni, og býður sam-
borgurum upp á nýjustu
viðburði i raskatslist. Ég læt
félagsfræðingum og öðrum
slikum eftir að skilgreina slikt
uppátæki, sem raunar eru ekki
svo fágæt meðal ungs fólks úr
Dags stétt.
Frá- Mývatni.
Erindi mitt var einkum það,
að spyrja á hvern hátt málgagni
alþýðunnar, (sósialisma,
verkalýðshreyfingar og þjóð-
frelsis) sé hagur i þvi að eyða
plássi og fyrhöfn i að birta
annað eins og það, sem þarna
var birt. Er „list” þessa manns
á einhvern hátt i þágu t.d.
sósialisma eða verkalýös? Er
verkalýðurinn álitinn svo and-
lega geldur, að hann geti fundið
til einhverar samkenndar með
svona trúðslátum? Ef þaö er
álit forráðamanna Þjóöviljans,
þá er þeim eins gott að setja
annan haus á blaðið. Það eina,
sem venjulegt alþýðufólk finnur
til, gagnvart þessari tegund
„listar”, er innileg fyrirlitning á
þeim veslings mönnum, sem
selt hafa þá hæfileika, er þeir
e.t.v. höfðu á sölutorgi kapi-
talismans, og spila þar trúðs-
hlutverkið, sem húsbændurnir
vilja sjá og heyra.
Vilji Þjóðviljinn kalla sig
málgagn alþýðu á einhvern
hátt, bæri honum fremur að
eyða blaðrými slnu I eitthvaö
annað og þarfara en að útmála
kapitaliskan sora,— af nógu er
að taka, sem kemur alþýðu
þessa lands, meira viö en svona
lagað. Reiknið bara út hve
margar linur úr t.d. Rauða
kverinu kæmust fyrir i plássinu,
sem fór undir Dag.
Stefanla Þorgrimsdóttir,
(venjuleg húsmóðir)
Frá nyrstu byggðum
á Ströndum
Sauöfjárslátrun er nú langt
komið hér hjá okkur. Ég býst
við að við Ijúkum henni i
þessari viku, sagði Gunnsteinn
Gislason, kaupfélagsstjóri i
Norðurfirði á Ströndum, er
blaðið ræddi við hann s.l.
þriðjudag.
Við byrjuðum að slátra 22.-
sept. Dilkar reynast nokkuð vel.
Ég veit að visu ekki ennþá um
meðalvigt á þeim i haust en ég
held, að vigtin komi til meö að
verða svipuð og i fyrra, a.m.k.
hef ég ekki trú á að þaö muni
miklu. Hún var 17.2 kg. i fyrra
og er þá að sjálfsögðu átt við
meðalvigt. Ég held, aö þetta
verði að teljast allgóð vigt þegar
þess er gætt að mikill meirihluti
af þessum dilkum eru
tvilembingar. Flokkunin á
kjötinu er llka góð. Það á að
heita allt 1. ti. kjöt. Þaö
heyrir til undantekninga ef
skrokkur fer i annan flokk og
það er þá gjarnan fyrir einhvern
áverka, mar eða þvi um likt Ég
býst við að við slátrum svona
3500 kindum I haust. Þetta er nú
aðeins fé úr einum hreppi,
Árneshreppi, eða frá Djúpuvik
og noröur til Ingólfsfjarðar. Við
erum hér eingöngu með sauöfé.
Kýr eru bara svona til heimilis-
þarfa.
Bændur hafa hinsvegar
nokkurn stuðning af sjófangi,
sérstaklega er það grásleppu-
veiðin og hún er raunar eina
sjávargagnið en um hana
munar lika talsvert. Grásleppu-
veiðin var nú samt engan
veginn með besta móti i vor en
hún er samt mjög mikil
búbót. Kaupfél. sér um sölu á
töluvert miklu af g'rásleppu-
hrognum en ýmsir selja samt
„privat”-mönnum. Ég held að
við höfum fengið eitthvað um
300 tunnur til sölu i vor en svo er
liklega nærri annaö eins, sem
selt er meö öðrum hætti.
Svo er það náttúrlega rekinn.
Það rak nú að visu ekki mikið i
vetur en það eru margir, sem
áttu viö frá þessum betri
rekaárum. Það hefur nú verið
eitthvaö dræmara með markað
fyrir rekaviðinn I sumar en
stundum áður en hann selst nú
samt alltaf. Meirihlutinn af
viðnum er rifinn niður i
girðingarstaura en svo nota
menn hann lika i byggingar
fyrir sjálfa sig.
Nú, varp er hér lfka á
nokkrum bæjum. Það er i
Arnesi og i Ófeigsfirði er mikið
varp og svo á Dröngum og
Drangavik en þeir bæir eru nú
eiginlega báðir i eyði. Rekinn
þar er hinsvegar nytjaður af
þeim, sem eiga jarðirnar. Þeir
koma heim og nytja hlunnindin.
Svo hefur verið mjög mikið
um byggingaframkvæmdir hér
i hreppnum i sumar. Það er
búið að byggja mikiö af svo-
nefndum flatgryfjum, til
votheysverkunar. Menn eru hér
með mikla votheysverkun og
hafa þá notað geymslur meö
eldra sniði, gryfjur og turna en
menn byggja yfirleitt flat-
gryfjur búna. Það mun vera
búið að byggja hér I sumar 9 eða
10 flatgryfjur. Verið er að
byggja fjárhús i Bæ, sem
meiningin er að reyna að ljúka
við i haust og einnig er verið að
byggja fjárhús i Litlu-Avik. Þá
var fjárhúsbyggingu lokið á
Felli i vor. Ibúðarhúsabygging-
ar eru hinsvegar hér engar nú.
Steinhús eru á flestum bæjum
en þau eru yfirleitt orðin nokkuö
gömul og þvi ekki sem hentug-
ust, miðað við nútimakröfur.
Margir kvarta undan tiðar-
farinu i sumar en ég vil nú
segja, að hér norður frá hafi
verið frekar góð tið. Það voru
hreint ekki mikil úrfelli. Að visu
var enginn heyþurrkur töluvert
langan tlma, skúraveður en
ekki mikil úrkoma. Það var
eiginlega vinnuveður upp á
hvern dag og þessir óþurrkar
hömluðu þeim ekkert, sem
Drangaskörð
heyja i votheysgeymslur.
Veðrið var mun verra sunnar á
Ströndunum. Þaö er þurrkur
hér noröurfrá i suðvestan-
áttinni. Nú og siðan I ágúst
hefur veriö alveg með
eindæmum góö tiö. Það lá við,
að þurrkar væru orðnir of miklir
hér I haust, vár að byrja að bera
á vatnsskorti. Hinsvegar hefur
verið hér dálitil úrkoma upp á
siðkastiö svo að úr vatns-
skortinum hefur nú greiðst.
Samgöngur eru hér góöar yfir
sumarmánuðina. Það má heita,
að vegur sé kominn á hvern bæ
en þeir vilja nú teppast yfir
veturinn. Reynt er samt að
halda þeim opnum að vetrinum,
ef ekki eru þvi meiri snjóalög.l
sumar var lagöur vegur i
Ófeigsfirði. Menn fara núorðið
litið á milli bæja sjóleiðis. Það
hefur minnkað mikið.
Og ekki má gleyma þvi, aö við
höfum hér orðið flugferðir. Það
er flogið til Gjögurs tvisvar I
viku og að þvi er feykimikil
samgöngubót. Flugfélagiö
Vængir annast þessa þjónustu.
Hún má með engu móti falla
niður. Þetta hafa verið góðir
flugmenn og flugið hefur gengið
áfallalaust hjá þeim.
Nefna má og, að verið er að
rannsaka Hvalsá og Rjúkandi,
með virkjunarmöguleika i
huga. Þessar ár koma sin úr
hverri áttinni en sameinast svo
og falla I einu lagi niður i
Ofeigsfjörð. Þær þykja álitleg-
ar til virkjunar. Það var sett
niður mælistöð við þær I sumar
en annars eru athuganir búnar
að fara þarna fram i tvö ár.
Hvort nokkurntima verður
virkjað þarna eða ekki, það skal
ég ekki segja um en að þvi er nú
samt verið að huga. Við höfum
ekki rafmagn frá samveitu en
hinsvegar eru hér heimilis-
rafstöðvar. Verið er nú að vinna
að linulagningu frá Hólmavik og
hérnorður hreppinn. Búið er að
setja niður staura hér um alla
sveitina og ég held, aö þaö eigi
nú að fara að strengja virinn á
þá, svo við vonumst nú til þess
aö fara aö fá glætu. Fyrirhugað
var aö þessu verki yrði lokið i
haust en ég er nú hálf hræddur
um að það takist ekki úr þessu.
Allt virðist þetta hinsvegar vera
á góðri leiö og við erum ánægð
meö það.
Og nú verður þess ekki lengur
vart að fólk hyggi á brottför
héðan. Það er miklu heldur á
hinn veginn. Ungt fólk héðan úr
byggðarlaginu er t.d. að hefja
búskap á tveimur býlum hér
núna, sem komin voru I eyði.
—-mhg
Umsjón: Magnús H. Gíslason