Þjóðviljinn - 07.04.1983, Blaðsíða 10
10 SÍÐA — ÞJÓÐVILJINN Fimmtudagur 7. aprfl 1983
Opið hÚS í
kosningamiðstöð
Alþýðubandalagið á Seltjarnarnesi og 1. deild Alþýðu-
bandalagsins í Reykjavík gangast fyrir opnu húsi í
kosningamiðstöð Alþýðubandalagsins að Hverfis-
götu 105, fimmtudaginn 7. apríl kl. 20.30.
Gestir kvöldsins: Elsa Kristjánsdóttir og Svava Jak-
obsdóttir.
tlndirbúningsnefndin
ÚTBOÐ =|=
Tilboð óskast í að leggja hitaveitu í Selás 6.
áfanga fyrir Hitaveitu Reykjavíkur. Útboðs-
gögn eru afhent á skrifstofu vorri Fríkirkju-
vegi 3 Reykjavík, gegn 3000 kr. skilatrygg-
ingu. Tilboðin verða opnuð á sama stað mið-
vikudaginn 20. apríl 1983 kl. 11 fyrir hádegi.
INNKAUPASTOFNUN REYKJAVIKURBORGAR
Frikirkjuvegi 3 - Simi 25800
Sex prestaköll
laus til umsóknar
Að venju auglýsir Biskup íslands á vordögum
þau prestaköll sem þjónað er af settum
prestum svo og prestaköll sem laus hafa orð-
ið vegna mannaskipta. Nú eru auglýst fimm
prestaköll laus til umsóknar auk embættis
farprests. Umsóknarfrestur er til 30. apríl
1983.
1. DJÚPAVOGSPRESTAKALL
í AUSTFJARÐAPRÓFASTSDÆMI
Þar hefur séra Jón ísfeld annast þjónustu L
vetur sem settur prestur, eftir að séra Trausti
Pétursson fékk lausn frá embætti vegna
aldurs. í prestakallinu eru fjórar sóknir,
Djúpavogs- Beruness- Berufjarðar og Hofs-
sóknir.
Prestakallið veitist frá 1. júní.
2. HÓLMAVÍKURPRESTAKALL,
HÚNAVATNSPRÓFASTSDÆMI
Þar eru fimm sóknir Kaldrananess-
Drangsness- Staðar- Hólmavíkur- og Kolla-
fjarðarsóknir. Er sr. Andrés Ólafsson lét af
prestsstarfi eftir áratuga þjónustu í presta-
kallinu, hefur sr. Ingólfur Astmarsson gegnt
þar þjónustu sem settur prestur. Prestakallið
veitist frá 1. júlí.
3. HRÍSEYJARPRESTAKALL,
EYJAFJARÐARPRÓFASTSDÆMI
Þar hefur þjónað um skeið sr. Sigurður Arn-
grímsson sem vígðist þangað sem settur
prestur. Ásamt Hríseyjarsókn er Stærri Ár-
skógssókn í prestakallinu sem veitist frá 1.
júní.
4. SAUÐLAUKSDALSPRESTAKALL í
BARÐASTRANDARPRÓFASTSDÆMI
Þetta prestakall hefur verið prestslaust um
skeið en nýtur nágrannaþjónustu prófastsins
sr. Þórarins Þór. í því eru Sauðlauksdals-,
Saurbæjar- Brjánslækjar- Haga- og Breiða-
víkursóknir. Það veitist frá 1. júní.
5. MÆLIFELLSPRESTAKALL
í SKAGAFJARÐARPRÓFASTSDÆMI
Sr. Ágúst Sigurðsson sem þar hefur þjónað
undanfarið hefur nú verið skipaður prestur
íslendinga í Danmörku. í prestakallinu sem
veitist frá 15. júní eru fjórar sóknir, Mælifells-
Reykja- Goðdala og Arbæjarsóknir.
6. EMBÆTTI FARPRESTS
ÞJÓÐKIRKJUNNAR
er einnig laust til umsóknar. Því hefur gegnt
sr. Jón Ragnarsson sem nú hefur verið kjör-
inn sóknarprestur í Bolungarvík. Embætti
farprests veitist frá 1. maí.
Sigurmundur Gíslason
fyrrverandi deildarstjóri
Fœddur 22. febrúar 1913 - %
Dáinn 29. mars 1983 m I
í dag kveðjum við Sigurmund
Gíslason, fyrrverandi deildarstjóra
við tollgæsíuna í Reykjavík.
Sigurmundur var fæddur 22.
febrúar 1913, sonur Gísla
Guðmundssonar, verkstjóra hjá
Reykjavíkurborg, og konu hans
Guðrúnar Einarsdóttur.
Veturinn 1930-31 var hann við
nám í Héraðsskólanum að Laugar-
vatni. Hann lauk kennaraprófi frá
Kennaraskóla fslands vorið 1933.
Sama vor eða þann 10. maí hóf
Sigurmundur störf við tollgæsluna í
Reykjavík, þá tvítugur að aldri.
Með ráðningu Sigurmundar og
starfsfélaga hans, Sigurðar heitins
Sigurbjörnssonar, hófst nýr þáttur
í starfssviði tollgæslu hérlendis.
Það var upphafið að starfsemi
deildar, sem í daglegu tali er nefnd
vöruskoðun.
Þegar tímar liðu, skiptust störf-
in. Vörur eru fluttar á milli landa
ýmist í frakt eða pósti. Sigurmund-
ur gerðist yfirmaður tollafgreiðslu í
pósti. Um áratugi stjórnaði hann
þeirri deild tollgæslunnar. Starfið.
tók ekki til Reykjavíkur einnar,
heldur til landsins alls.
Örari samgöngum landa á milli
fylgdi fjölþjóðleg samvinna í tolla-
málum, m.a. i flokkun vara. Sigur-
mundur var á meðal þeirra fyrstu,
sem falið var að kynnast flokkun-
arreglum Tollsamvinnuráðsins, en
það var stofnað af Efnahags- og
framfarastofnun Evrópu árið 1950.
í þessu skyni dvaldi Sigurmund-
ur ásamt tveimur starfsfélögum
öðrum um tíma í Danmörku síðla
árs 1962. Ný tollskrá, sem grund-
völluð var á flokkunarreglum Toll-
samvinnuráðsins, var samþykkt á
Alþingi vorið 1963.
Sigurmundur var á meðal þeirra,
sem tóku að sér að leiðbeina öðr-
um starfsfélögum í notkun hinna
nýju reglna. Hann var einnig á
meðal fyrstu kennara við Tollskóla
ríkisins.
Störf Sigurmundar í þágu toll-
gæslunnar kröfðust bæði reynslu
og þekkingar. Traust stjórn, virðu-
leg framganga og ljúfmannlegt við-
mót hans í starfi, skipuðu honum
um langan aldur virðingarsess á
meðal kunnugra, jafnt utan stofn-
unar sem innan.
Mörg eru þau vandamál, sem
Sigurmundur leysti af festu og ör-
yggi hins reynda tollmanns. Sá sem
þessar línur ritar minnist með
þakklæti leiðbeininga hans og vin-
áttu, sem aldrei bar skugga á.
Nú er að baki nærfellt hálfrar
aldar farsæll starfsferill. Á sjötugs-
afmæli Sigurmundar 22. febrúar sl.
lýsti hann fyrir gestum sínum
starfsaðstöðunni, sem þeir frum-
herjarnir áttu við að búa í byrjun.
Sú lýsing var bæði fræðandi og
eftirminnileg.
Um síðustu áramót sagði Sigur-
mundur deildarstjórastarfinu
lausu, þá á sjötugasta aldursári.
Hann vann þó áfram hluta úr degi.
Sigurmundur varð' frumherji á
öðru sviði á meðal tollvarða. Þann
8. desember 1935 af Tollvarðafélag
íslands stofnað. Stofnendur voru
13 tollverðir í Reykjavík og var
Sigurmundur þeirra á meðal. Af
þessum 13stofnendum eru lOfalln-
ir frá en 3 hættir störfum fyrir
aldurs sakir.
Sigurmundur var alla tíð virkur í
félagsstarfi Tollvarðafélagsins og
oft kjörinn til trúnaðarstarfa fyrir
það. Hann var félagslyndur að
eðlisfari og vildi treysta samtaka-
mátt manna í baráttunni fyrir góð-
um málum og réttlæti á vettvangi
samfélagsins.
Söngrödd hafði Sigurmundur
góða. Hann var lengi virkur kórfé-
lagi í Fóstbræðrum og var vinsæll
og virtur á meðal kórfélaga.
Um miðjan sl. mánuð lagðist
Sigurmundur á Borgarspítalann.
Þar andaðist hann að morgni 29.
mars.
Með Sigurmundi Gíslasyni er
horfinn af sjónarsviði mikilhæfur
drengskaparmaður, sem tollverðir
munu lengi minnast með virðingu
og þakklæti.
Við vottum eftirlifandi eigin-
konu hans, frú Sæunni Friðjóns-
dóttur, börnum þeirra, Úlfi, Stef-
áni Gísla og Margréti Rún, svo og
öðru skyldfólki dýpstu samúð.
Jón Mýrdal.
Hörður Askelsson
heldur orgeltónleika á
Akureyri og í Köln
Hörður Áskelsson orgelleikari
heldur tónleika í Akureyrarkirkju í
kvöld, fimmtudag kl. 20.30.
Á efnisskránni vcrða verk eftir
Cesar Franck, Oliver Messiacn,
Pál ísólfsson, Þorkel Sigurbjörns-
son og flytjandann, Hörð
Áskelsson.
Hörður hefur þegið boð um að
halda tónléika við Postulakirkjuna
í Köln í Þýskalandi og leikur hann
þar sömu tónverkin og á Akureyri
einni viku síðar.
Orgel Akureyrarkirkju er
stærsta pípuorgel landsins og
kemst næst þeini orgelum, sem
Hörður mun leika á í Þýskalandi.
Það, og að Hörður er fæddur og
uppalinn á Akureyri, ræður vali á
Akureyrarkirkju fyrir tónleikana.
Á þeim fjórum aðaltónleikum,
sem organistum er boðið að halda í
Þýskalandi, leika auk Harðar þeir
Rudolf Heinemann og Michael
Schneider, báðir heimsþekktir.
Það er því mikill heiður fyrir Hörð
að hafa fengið þetta tilboð frá
Köln.
Hörður hóf orgelnám við Tón-
listarskólann á Akureyri, hjá Gígju
Kjartansdóttur, lauk tónkennara-
prófi við Tónlistarskólann í
Reykjavík og ári síðar B-lokaprófi
í orgelleik. Var Marteinn Hunger
Friðriksson kennari hans þar. Síð-
an stundaði Hörður framhaldsnám
við tónlistarháskólann í Dússeldorf
í Þýskalandi og lauk þaðan æðsta
prófi í kirkjutónlist og orgelleik
vorið 1981, og með hæsta vitnis-
burði, sem veittur er við skólann,
meðaleinkunn A úr öllum grein-
um. Hörður starfaði svo eitt ár við
helstu tónlistarkirkjuna í Dússel-
dorf, Neanderkirkjuna, og auk
einleiks á orgel flutti hann þar sem
stjórnandi nokkur stór verk fyrir
kór og hljómsveit.
Hörður er nú organisti við Hall-
grímskirkju og var aðalhvatamað-
Hörður Áskelsson í Diisseldorf
1981.
ur áð stofnun listvinafélags við
kirkjuna, sem stendur að flutningi
og sýningu kirkjulegrar listar.
Þá hefur hann og stofnað mót-
ettukór við kirkjuna, sem flutt hef-
ur tónlist við ýmis tækifæri. Hann
hefur verið aðstoðarstjórnandi
Pólýfónkórsins og var aðalstjórn-
andi hans á síðustu jólatónleikum.
Hann hélt orgeltónleika í boði
dómkirkjunnar í Þrándheimi á
tónlistarhátíð þar árið 1982 og lék á
Spáni á sl. sumri. -mhg
Tónleikar í meimingar-
íniðstöðinni í Breiðholti
Jónas Ingimundarson píanó-
lcikari, Gunnar Björnsson selló-
leikari og Ágústa Ágústsdóttir sópr-
ansöngkona halda tónleika í menn-
ingarmiðstöðinni í Breiðholti í
kvöld, fimmtudag.
Hefjast tónleikarnir kl. 21. í
menningarmiðstöðinni í Breiðholti
hefur skapast ný og bætt aðstaða
fyrir tónlistarmenn á Reykjavíkur-
svæðinu.
Á sunnudaginn mun svo Kamm-
ersveit Reykjavíkur halda tónleika
í menningarmiðstöðinni. Fleiri
tónleikar eru fyrirhugaðir í apríl-
mánuði.
Jónas Ingimundarson píanóleikari.