Þjóðviljinn - 28.07.1983, Side 10

10 SÍÐA - ÞJÓÐVILJINN Fimmtudagur 28. júlí 1983
Verslunar-
mannahelgin
Óöum líður að mestu ferðahelgi ársins er landsmenn fylla
tanka farskjóta sinna og halda útum hvippinn og hvappinn til
að sleikja í sig síðustu leifarnar af sumrinu áður en haustið
gengur í garð. Þeir sem engin eiga farartækin láta ekki deigan
síga heldur stíga uppí næstu rútu og bruna útí lífið og náttúr-
una. Leiðir ferðaglaðra íslendinga liggja í allar áttir, sumir
halda á fjöll á vit trölla og huldufólks, en aðrir hreiðra um sig í
notalegum bústað við tæra tjörn. Einnig er til í dæminu að
menn njóti kyrrðarinnar í borg og bæ, en algengast er að
yngri kynslóðin skelli sér á útisamkomu. Til að auðvelda
henni valið höfum við gert smá samantekt á því helsta sem
við er að vera um verslunarmannahelgina 1983.
Austurland:
Atlavík ’83
Atlavíkursamkoma Ungmenna-
og íþróttasambands Austurlands
verður haldin um verslunarmanna-
helgina samkvæmt venju. Eru
mótsgestir hvattir til að skemmta
sér án áfengis og boðið er uppá
vandaða dagskrá. Flosi Ólafsson
leikari verður heiðursgestur sam-
komunnar og Stuðmenn og Grýl-
urnar munu endurtaka leikina frá í
fyrra, en þá spiluðu þau samkom-
ugesti uppúr skónum.
Hátíðin hefst á föstudagskvöld
með tónleikum Samkórs lögreglu-
félagsins, sem er tónleikagrúppa
frá Neskaupstað, en síðan taka
Stuömenn og Grýlur upp dans-
þráðinn frá síðustu samkomu. Á
laugardag er vönduð íþróttadag-
skrá sem samkomugestir geta tekið
þátt í undir stjórn Hermanns Níels-
sonar. Einnig fara fram undanúr -
slití Hljómsveitakeppni þar sem
valin verður „efnilegasta hljóm-
sveitin ’83“ og hafa þegar um 15
sveitir skráð sig. Um kvöldið
treður Þursaflokkurinn upp og
heldur tónleika en umhverfist síð-
an í Stuðmenn og leika þá fyrir
dansi ásamt Grýlum. Á miðnætti
verður tendraður varðeldur og
skotið upp flugeldum. Á sunnudag
er sérstök fjölskyldudagskrá sem
Flosi Ólafsson kynnir. Grýlurnar
koma fram í eitt af síðustu skiptum
í núverandi mynd, Sigurður og
Randver skemmta, sýnt verður
fallhlífastökk og karate. Þá fara
fram úrslit í Hljómsveitakeppni og
Samkór lögreglufélagsins lætur í
sér heyra á ný. Um kvöldið er svo
lokadansleikur samkomunnar og
enn eru það Stuðmenn og Grýlur
sem halda uppi fjörinu og ætti eng-
um að leiðast í þeirra návist.
Aðgöngumiðaverð er 900 kr.
fýrir alla dagana, 800 kr. frá laugar-
dagsmorgni fram á sunnudag og
500 kr. frá sunnudagsmorgni.
Tjaldstæði eru góð í Atlavík og
náttúrufegurð mikil og eindæma
veðurblíða hefur leikið við
Austfirðinga í allt sumar. Stans-
lausar sætaferðir verða frá Sölu-
skálanum á Egilsstöðum inní Atla-
vík alla dagana.
- áþj
Þjórsárdalur:
Gaukurinn ’83
Um verslunarmannahelgina
verður haldin útisamkoma í Þjórs-
árdal. Ber hún heitið Gaukurinn
”83 og er kennd við Gauk nokkurn
Trandilsson sem bjó á Stöng í
Þjórsárdal og getið er að nokkru í
Njálu. Það eru Héraðssambandið
Skarphéðinn og Ungmennasam-
band Kjalarnesþings sem standa að
samkomunni og er hún iiður í fjár-
öflunarleið félaganna fyrir 18.
landsmót UMFÍ, sem haldið verður
í Keflavík og Njarðvík næsta sum-
ar.
Margt verður sér til gamans gert
á Gauknum. Útidansleikir verða
föstudags-, laugardags- og sunnu-
dagskvöld og einnig verður
skemmtidagskrá bæði á laugardag
og sunnudag. Hljómsveitirnar
Kaktus, Deild 1, Kikk og Lótus
halda uppi fjörinu og verður dans-
að á tveimur pöllum.
Á laugardeginum verður fjöl-
breytt dagskrá. Hljómleikar verða
eftir hádegi og samtímis fer fram
sérstök leikjadagskrá annars stað-
ar á svæðinu. Fulltrúi Suðurlands á
Heimsmeistarakeppnina í diskó-
dansi verður valinn og leikflokkur-
inn Svart og sykurlaust verður á
ferð og flugi um svæðið í karneval-
stemmningu.
Sérstök hátíðardagskrá verður á
sunnudag þar sem Jóhannes Sig-
mundsson fyrrverandi formaður
HSK er heiðursgestur og boðið er
uppá fjölbreytt skemmtiatriði.
Magnús Þór Sigmundsson leikur og
syngur, Laddi og Jörundur berja
lóminn og Svart og sykurlaust setur
upp tvær leiksýningar. Ef veður
leyfir er von á svifflugu sem dreifa
mun karamellum yfir svæðið auk
þess að sýna listir sínar. Fleira
verður til skemmtunar, svo sem
karatesýning, jazzsportflokkurinn
leikur listir sínar og einnig verður
reynt að halda fyrsta íslandsmótið í
frisbíkasti.
Aðgangseyrir á samkomuna er
800 kr. fyrir allan tímann og
ókeypis er fyrir börn 12 ára og
yngri. Næg og góð tjaldstæði í fall-
egu umhverfi eru á staðnum og
hreinlætisaðstaða er til fyrirmynd-
ar. Sætaferðir eru alla dagana frá
Reykjavík og Selfossi á vegum
Landleiða.
Lagið tekið i góða veðrinu í Atlavík í fyrra. Ef fer sem horfir verður samkoman í ár ekki síðri. Mynd: - áþj.
ÚtíEyjum...
Þjóðhátíð
Vestmannaeyja
Þjóðhátíð verður veiyu sam-
kvæmt í Vestmannaeyjum um
verslunarmannahelgina. Hefst hún
kl. 13.30 á föstudag og er boðið
uppá fjölbreytt skemmtiatriði.
Fyrir yngstu kynslóðina verður
kassabílarallí og Brúðuleikhúsið
verður með tvær sýningar. Þá
verða barnaböll alla dagana.
Kvöldvökur verða að vanda og
brekkusöngur og brenna á Fjósa-
kletti. Eyjamenn verða sjálfum sér
samkvæmir og sýna landkröbbum
bjargsig og hátíðardagskrá verður
á sunnudag.
Meðal skemmtikrafta á Þjóðhá-
tíð verða hljómsveitirnar Galdra-
karlar, Qmen 7 Tappi tíkarrass.
Einnig koma fram Þórskabarett,
Seafunk corp., Hallbjörn kántrí-
söngvari, Þórður og Bryndís ásamt
Guðmundi Jónssyni, Hannesi Sig-
fússyni og mörgum fleiri. Dansað
verður á tveim pöllum öll kvöldin
fram eftir nótt og er aðgangseyrir á
Þjóðhátíð litlar 700 krónur.
Til Eyja liggur leiðin með flugi
eða Herjólfi frá Þorlákshöfn og eru
sætaferðir þangað frá Reykjavík.
-áþj
Friðun hafsvæða
Vissir þú:
að á meðan friðarhreyfingar í
Evrópu mótmæla uppsetn-
ingu 572 nýrra eldflauga á
meginlandinu, á að koma fyrir
milli 3 og 4 þúsund slíkum
eldflaugum á kafbátum á
Norður-Atlantshafinu.
að yfir 18 mánaða tímabil voru
skráð yfur 100 „slys“ hjá
Bandaríkjamönnum ein-
göngu þar sem kjarnorku-
vopn komu við sögu.
að einungis 1 slys gæti stofnað
fiskimiðum og lífsafkomu okk-
ar í stórhættu.
Friðargangan ’83
Friðarhópur kvenna
ÍSHA
Við neitum að láta tortíma okkur og
börnum okkar!
Göngum með friði og gegn gjör-
eyðingu: ÁÐUR EN ÞAÐ VERÐUR OF
SEINT
-áþj.