Þjóðviljinn - 16.05.1984, Blaðsíða 1

DJÚÐVHISNN
Útilokar Seltjarn-
arnesræða Friðriks
Sophussonar þá Þor-
stein Pálsson frá ráð-
herradómi?
Sjá 5
maí
miðvikudagur
109. tölublað
49. árgangur
Rannsóknar-
lögreglan
annast
, ^samninga6 6
í nauðgunar-
málunum
„Þess eru dæmi að rannsóknarlögreglan hafi í nauðg-
unarmálum milligöngu um „sættir“, sem svo eru kallað-
ar, þegar hinn ákærði býður konunni fé fyrir að draga
kæruna til baka. Við vitum um dæmi, þar sem konu
voru boðnar 15 þúsund krónur fyrir að draga kæru til
baka og í fjölmiðlum lítur málið þá út eins og konan hafi
viðurkennt að mökin hafi verið með hennar vilja.
Þess eru líka dæmi að konu hafi verið nauðgað af
fjórum mönnum, henni misþyrmt og hún rænd, en
vegna þess að hún hafði bragðað áfengi var henni vísað
frá sjúkrahúsi. Þetta gerðist úti á landi og varð hún að
fara alla leið til Reykjavíkur til að leita læknis. Þessa
konu hef ég verið með í meðferð og hún hefur aldrei náð
sér síðan. Þetta gerðist fyrir réttu ári“, sagði Þuríður
Jónsdóttir deildarfélagsráðgjafi á Landspítalanum í
viðtali við blaðið í gær.
Hún sagði að nauðgun væri slíkt áfall að fengju konur ekki
stuðning frá upphafi væru miklar líkur á að þær gæfust upp og
drægju kæruna til baka.
„Margar konur guggna eftir læknisskoðunina. Læknir, sem
rannsóknarlögreglan oftast vísar á, hefur spurt þessar konur
spurninga sem koma málinu ekkert við og gefið síðan frá sér
vottorð sem eru svo niðurlægjandi fyrir konurnar að þær gefast
upp á að halda málinu til streitu.“
Þuríður, sem hefur unnið sem félagsráðgjafi í Kanada, sagði að
þar væru félagsráðgjafar á neyðarvakt í nauðgunartilvikum og
síðan viðstaddar yfirheyrslur. Hún sagði að þegar hún hefði haft
afskipti af slíkum málum hér, hafi það oftast komið konum að
miklu gagni, því þær vissu sjaldnast um rétt sinn til að neita að
svara óviðkomandi, persónulegum spurningum lækna eða lög-
reglumanna. Til dæmis sagðist hún ekki sjá hvers vegna kven-
læknir spyrði um áfengisneyslu konunnar, þar sem það réttlæti á
engan hátt afbrot mannsins, né breytti eðli brotsins, sem væri fyrst
og síðast ofbeldisbrot. þs
Sjá einnig aðrar fréttir og viðtöl
-bls. 6 og 7
Greiðslan 15.000 kr. - og nauðgarinn sleppur!
Félagsmálaráðherra kokgleypti allar stóru yfirlýsingarnar um Búseta
Seldí rétt Búseta fyrír Mangómálið
• Háðung Framsóknar alger, sagði Svavar Gestsson
• Hlutskipti ráðherra dapurlegt, sagði Jóhanna Sig-
urðardóttir
• Þykir miður hvernig til tókst, sagði Stefán
Valgeirsson
„Það er verið að pína
hæstvirtanfélags-
málaráðherra og málið er
rekið alveg þversum ofan í
kokið á honum. Hann á
sjálfur eftir að greiða at-
kvæði með lagabreytingu
sem fellir hans eigin skiln-
ing á frumvarpinu. Já því-
lík reisn, þvílíkreisn",
sagði Svavar Gestsson
m.a. í umræðum um
húsnæðisfrumvarpið á
þingi í fyrrakvöld þar sem
stjórnarflokkarnir tóku
höndum saman undirfor-
ystu formanns Sjálfstæð-
isflokksins og felldu öll
ákvæði ervarðarétt
byggingarsamvinnufé-
lagsins Búsetatil lánafyr-
irgreiðslu í félagslega
íbúðarkerfinu á brott úr
frumvarpinu.
Alexander Stefánsson félags-
málaráðherra seldi sannfæringu
sína varðandi rétt Búseta fyrir
Mangó-málið þar sem fjármálaráð-
herra hefur fallið frá innheimtu
söluskatts og vörugjalds gegn því
að hafin verði sala að nýju á kókó-
mjólk, mangósopa og jóga á 20%
lægra verði en áður.
Beygður í duftið
Svavar Gestsson sagði að háðung
Framsóknarflokksins væri orðin al-
ger í þessu máli, hann hefði verið
beygður í duftið af íhaldinu og það
hefði verið hreinlegra fyrir Þor-
stein Pálsson sem flutti tillöguna
um að afmá Búseta úr lögunum að
orða hana á þann veg að „neðri
deild alþingis samþykkti að beygja
hæstv. félagsmálaráðherra og
hafna skilningi hans á lögum um
félagslegrar íbúðabyggingar."
Jóhanna Sigurðardóttir sagði að
félagsmálaráðherra hefði látið
kúga sig og hlutskipti hans væri
dapurlegt.
Ekki svikið
neinnl
Félagsmálaráðherra sagði það
hámark ósvífninnar að menn væru
að saka hann um að svíkja fólk og
draga það á asnaeyrunum. Hann
hefði aldrei breytt þeirri skoðun
sinni að Búseti ætti rétt til þessara
lána, en það hefði verið „stórkost-
legur ábyrgðarhluti" að stöðva
húsnæðisfrumvarpið vegna deilu
stjórnarflokkanna og því hefði
hann fallist á þessa málamiðlun frá
formanni Sjálfstæðisflokksins.
Yrði síðan „auðna að ráða“ hvort
tækist að útbúa frumvarp fyrir
næsta þing um réttarstöðu Búseta.
Stefán Valgeirsson sagði að deilu
stjórnarflokkanna hefði ekki verið
hægt að leysa nema með þessu móti
og sér þætti það mjög miður hvern-
ig til hefði tekist og væri undrandi á
afstöðu Sjálfstæðisflokksins í þessu
máli. -Ig.
Olympíuleikarnir í New York
Sovétmeim með!
14 Íslendingar
lágmarki fyrir
Olympíuleika
fatlaðra
Sovétmenn verða með í fyrsta sínn á Olympíuleikum fatlaðra,
sagði Arnór Pétursson formaður Oiympíunefndar íþróttasam-
bands fatlaðra en Olyrapíuleikarnir verða háðir í New York
16.-30. júní næstkomandi.
Amór kvað um 40 þjóðir hafa þegar tilkynnt þátttöku á
leikunum og væru þar á meðal margar Austur-Evrópuþjóðir
sem aldrei áður hafa verið með. Þetta er í 7. sinn sem Olympíu-
leikar fatlaðra eru háðir.
Arnór Pétursson kvað 14 íslendinga þegar hafa náð lágmarki
því sem Heimsnefnd Olympíuleikana hefur sett, en auk þess
væru 4 til viðbótar líklegir til að ná lágmarkinu. -óg