Þjóðviljinn - 24.11.1984, Síða 4

LEIÐARI
Svissneskir konfektmolar
íslenska ríkisstjórnin er ekki buröug þessa
dagana. í sjónvarpsumræðunni í fyrrakvöld
kom í Ijós, að þrátt fyrir allan gorgeirinn er stjórn-
in veik í sessi, hún nýtur ekki lengur meirihlutaf-
ylgis kjósenda og efinn meðal stjórnarliðsins á
þingi nagar og nagar. í hjarta sínu eru margir
stjórnarþingmenn orðnir stjórnarandstæðingar
og hafa megnustu fyrirlitningu á ríkisstjórninni
og stefnu hennar. Gat einhverskilið Eyjólf Konr-
áð Jónsson sem svo að hann væri að styðja
ríkisstjórnina? í umræðunni töluðu þeirekki Ing-
var Gíslason, Stefán Valgeirsson og Páll Pét-
ursson. í þeim eru of margar ærlegar taugar til
að þeir geti heilshugar stutt verstu ríkisstjórn frá
lýðveldisstofnun.
Þarsem ríkisstjórnin var ekki í vörn í umræð-
unni í fyrrakvöld þar var hún á flótta. í stefnu-
ræðu forsætisráðherra kom nánast ekkert ann-
að fram en áform ríkisstjórnarinnar um að
skerða kaupmáttinn enn frekar. Engin stefnu-
breyting er boðuð frá hugmyndafræði nýfrjáls-
hyggiunnar sem þessi ríkisstjórn hefur tileinkað
sér. Afram á að verja hina ríku: Verslunarráðið,
Vinnuveitendasambandið, félag frjálshyggju-
manna, - þetta eru ærnar og kýrnar sem ríkis-
stjórnin hefurstríðalið og mun stríðala, svo lengi
sem hún hefur tóm til.
Hagsmunagæsla ríkisstjórnarinnar fyrir ofs-
tækisfulla hægri klúbba í Sjálfstæðisflokknum
og Framsóknarsukkið í SÍS og milliliðunum er
áfram kjölfesta stjórnarinnar samkvæmt stefnu-
ræðu forsætisráðherra. Þar ríkti lognmollan,:
kyrrstaðan, deyfðin og eymdin. Forsætisráð-
herra hafði uppi veikar varnir fyrir gengisfel-
lingum og kaupráni ríkisstjórnarinnar með því
að kenna þjóðinni um aðfarir ríkisstjórnarinnar.
En öll þau orð féllu dauð úr munni hans niður á
pontuna í þinghúsinu. Fyrir utan stóð fólk í
þögulli mótmælastöðu með blys í hendi. Fólkið
mótmælir ríkisstjórninni.
Þorsteinn Pálsson þingmaður af Suðurlandi
fékk að tala í sjónvarpsumræðunni og ekki
leyndi sér í máli hans, að ríkisstjórnin væri kom-
in á flótta undan þjóðinni. Þorsteinn hafði það til
málanna að leggja að biðja stjórnarandstöðuna
um að vera með í úttekt á tekjuskiptingu í
þjóðfélaginu. Sennilega hefur Sjálfstæðisflokk-
urinn uppgötvað að það eru tvær þjóðir í landinu
og hann þekkir ekki þá fjölmennari nema af
afspurn. Hins vegar hefði stjórninni verið nær
að gera úttekt á tekjuskiptingunni áður en hún
greip til þess ráðs að standa fyrir gífurlegum
fjármagnstilfærslum frá launafólki og fram-
leiðsluatvinnuvegum til fyrirtækjanna og fjárm-
agnsejgendanna. Engu að síður er tilboð Þor-
steins heiðarleg viðurkenning á uppgjöf ríkis-
stjórnarinnar í efnahagsmálum.
Málflutningur Bandalags Jafnaðarmanna og
Kvennalistans olli nokkrum vonbrigðum meðal
annarra stjórnarandstæðinga, þar sem þessir
flokkar virðast á köflum gleyma því hvers konar
ríkisstjórn situr að völdum í landinu. Þingmenn-
irnir mættu gjarna skreppa út fyrir veggi alþing-
ishússins og kynnast því hvernig almennt
launafólk hefur það.
Að sama skapi var fagnaðarefni að heyra í
fuíltrúum Alþýðuflokksins sem virðast óðum
vera að segja skilið við viðreisnarrómantíkina
og horfast í augu við þann félagslega veruleika
að launafólk gerir kröfu til þess að málstaður
þess sé varinn á þingi.
Þingmenn Alþýðubandalagsins, Ragnar Arn-
alds, Guðrún Helgadóttir og Geir Gunnarsson
fluttu ríkisstjórninni þann reiðilestur sem hún á
margfaldlega skilið. í einfaldri dæmisögu sýndi
Geir Gunnarsson fram á að ríkisstjórnin rekur
atvinnustefnu sem er vinnandi íslenskri þjóð
fjarstæðukennd og jafnvel hlægileg. Meðan
framleiðsluatvinnuvegir eins og sjávarútvegur
sem allt efnahagslífið hvílir á er að berjast í
bökkum, er hlaðið undir verslunarbúlur í
Reykjavík sem selja þarflaust bras. Þannig hef-
ur verið opnuð búla í Reykjavík sem flytur inn
með flugfrakt handunnið konfekt frá Sviss. Úti-
bú verður opnað á næstunni. Hins vegar er
verið að selja lífsbjörgina, togara á uppboði víða
um land. Hver vill þiggja konfektmolann, hand-
unninn frá Sviss úr lófa Steingríms Hermanns-
sonar?
DJOÐVIUINN
Málgagn sósíalisma, þjóðfrelsis
og verkalýðshreyfingar
Útgefartdi: Útgáfufólag Þjóðviljans.
Rit8tjórar: Ámi Bergmann, össur Skarphóðinsson.
Rltstjórnarfulltrúi: Oskar Guðmundsson.
Fróttastjóri: Valþór Hlöðversson.
Blaðamenn: Álfheiður Ingadóttir, Ásdís Pórhallsdóttir, Guðjón Friðriksson,
Jóna Pálsdóttir, Lúðvík Geirsson, Magnús H. Gíslason, Mörður Árnason,
Ólafur Gíslason, Sigurdór Sigurdórsson, Víðir Sigurðsson (íþróttir).
Ljósmyndlr: Atli Arason, Einar Karlsson.
Otlft og hönnun: Filip Franksson, Þröstur Haraldsson.
Handrlta- og prófarkalestur: Andrea Jónsdóttir, Elías Mar.
Framkvæmdastjóri: Guðrún Guðmundsdóttir.
Skrif8tofu8tjóri: Jóhannes Harðarson.
Auglýsingastjóri: Ragnheiður Óladóttir.
Auglýsingar: Anna Guðjónsdóttir, Margrót Guðmundsdóttir.
Afgrelðslustjóri: Baldur Jónasson.
Afgreiðsla: Bára Sigurðardóttir, Kristín Pótursdóttir.
Simavaralo: Ásdís Kristinsdóttir, Sigríður Kristjánsdóttir.
Húsmæöur: Bergljót Guðjónsdóttir, Ólöf Húnfjörð.
Innheimtumenn: Brynjólfur Vilhjálmsson, Ólafur Björnsson.
Útkeyrsla, afgreiðsia, auglýsingar, ritstjórn:
Siðumúla 6, Reykjavík, sími 81333.
Umbrot og setning: Prentsmiðja Pjóðviljans hf.
Prentun: Blaðaprent hf.
Verð í lausasölu: 22 kr.
Sunnudagsverð: 25 kr.
Áskriftarverð á mánuði: 275 kr.
4 SÍÐA - ÞJÓÐVILJINN Laugardagur 24. nóvember 1984