Þjóðviljinn - 28.12.1985, Blaðsíða 19

ÍÞRÓTTIR
s
Island-Danmörk
Danimir
gleymdu
Sigurði!
Einbeittu sér að Kristjáni og Sigurður
jafnaði með skoti langt utanaf velli á
síðustu sekúndu. Köflóttur leikur en
spennandi. Leikið á Akranesi í dag og í
Höllinni annað kvöld
„Það var greinilegt að Danirnir
hugsuðu bara um að stöðva
Kristján svo ég kallaði í Óttar og
bað hann að senda á mig. Það var
óhemju sætt að skora þarna og
jafna,“ sagði Sigurður Gunnars-
son hetja íslenska landsliðsins í
samtali við Þjóðviljann í gær-
kvöldi. Hann skoraði jöfnunar-
mark íslands gegn Danmörku í
Laugardalshöllinni á allra síðustu
stundu 20-20. ísland fékk auka-
kast utanvið punktalínu þegar 4
sekúndur voru eftir. Þorgils Ótt-
ar Mathiesen bjó sig undir að
senda á Kristján Arason og Dan-
irnir bjuggu sig undir að stöðva
hann. En Óttar blekkti þá með
því að senda á Sigurð sem óvald-
aður til hliðar, hann þrumaði á
markið, vel utan við punktalínu
og í bláhorninu hafnaði boltinn.
Leikur sem virtist tapaður endaði
með jafntefli og Sigurði var að
vonum vel fagnað.
Leikurinn í gærkvöldi var köfl-
óttur. Talsverð harka var í hon-
um, Danir léku geysiharða vörn
og tóku mesta broddinn úr sókn-
arleik íslenska liðsins á löngum
köflum. „Þeir voru grófir, héngu
mikið í okkur og við misstum yfir-
vegunina í sóknarleiknum,“ sagði
Þorgils Óttar.
Fyrstu 15 mínúturnar voru
mjög slakar af íslands hálfu. Lið-
ið skoraði aðeins 2 mörk gegn 5,
og það þó Danir væru alls í 8 mín-
útur utan vallar á þessum kafla.
Fimmta mark sitt gerðu þeir
tveimur mönnum færri. Á
15.mínútu var Klaus Sletting
Jensen rekinn útaf fyrir fullt og
allt fyrir að stöðva Pál Ólafsson
óþyrmilega í hraðaupphlaupi.
Uppúr því kom mjög góður kafli
hjá íslenska liðinu, það breytti
stöðunni úr 2-5 í 9-6 á átta mínút-
um. Þarna skiluðu sér þrjú hraða-
upphlaup og Páll fór á kostum.
En Danir settu loksins fyrirliðann
Morten Stig Christensen inná og
hann átti drjúgan þátt í að
minnka muninn i 9-8 fyrir hlé.
Fyrstu 10 mínútur seinni hálf-
leiks voru svipaðar fyrsta korteri
leiksins. Þorgils Óttar kom ís-
landi að vísu í 10-8 en Morten Stig
sá öðrum fremur til þess að Danir
breyttu stöðunni í 11-13 sér í hag
á skömmum tíma. Steinar Birgis-
son fékk að líta rauða spjaldið
fyrir samskonar brot og Klaus
Sletting fyrr og rétt á eftir var
Gjöls-Andersen útilokaður fyrir
sína þriðju brottvísun. ísland
jafnaði 13-13 og síðan komst liðið
yfir 17-16. Þarna fór Kristján
hamförum og það var ekki fyrr en
Danir tóku hann úr umferð að
þeir sneru leiknum sér í hag á ný.
Eftir 18-17 fyrir ísland komu þrjú
dönsk mörk í röð, 18-20, og Dan-
ir fengu færi á að gera endanlega
útum leikinn. En heilladísirnar
voru með íslenska liðinu og 1,56
mín. fyrir leikslok skoraði Þorgils
Óttar glæsilega af línunni eftir
sendingu Páls, 19-20. Möguleiki
á ný, en hann virtist úr sögunni
þegar Sörensen varði frá Kristj-
áni úr hraðaupphlaupi mínútu
síðar. En ísland náði boltanum
enn á ný, Danir virtust þó ætla að
ná að verjast til sigurs en þeir sáu
ekki við Sigurði — 20-20.
Það er ekki hægt að segja að
íslenska liðið hafi leikið vel, til
þess var það of köflótt. Vinstra
megin vantaði skyttu, Atli og Al-
freð fjarri góðu gamni, og Sigurð-
ur náði sér ekki á strik í þeirri
stöðu. Kristján, Páll og Þorgils
Óttar áttu allir góðan leik. Krist-
ján kraftmikill og ógnandi, Páll
alltaf jafn lunkinn og óútreiknan-
legur fyrir varnir mótherjanna og
Þorgils Óttar vann mjög vel úr
því sem inná línuna barst. Hins-
vegar var sóknarleikurinn í heild
stirður og í vörninni mynduðust
oft ljótar glufur. Kristján Sig-
mundsson og Ellert Vigfússon
náðu sér ekki á strik í markinu,
Kristján tók samt nokkra bolta
vel.
Samanburður við leikina við
Vestur-Þýskaland og Spán? Dan-
ir leika öðruvísi handknattleik,
léttari og meira fyrir augað. „Erf-
iðara að leika gegn þeim en hin-
um tveimur,“ sagði Þorgils Óttar.
Morten Stig, Erik Veje Rasmuss-
en, Michael Fenger og Jan Erik
Röpstorff eru allt stórgóðir leik-
menn sem erfitt er að verjast, sér-
staklega í því frjálsa spili sem ein-
kennir danska handboltann.
Mörk íslands: Kristján Arason 5, Páll
Ólafsson 5, Þorgils Óttar Mathiesen 4, Sig-
urðurGunnarsson 3, Bjarni Guðmundsson
2 og Guðmundur Guðmundsson 1.
Mörk Danmerkur: Morten Stig Christ-
ensen 5, Michael Fenger 5, Erik Veje
Rasmussen 3, Kjeld Nielsen 3(2v), Jan
Erik Röpstorff 2, Hans Hattesen 1 og Jörg-
en Gluver 1.
{ dag kl. 13.30 mætast þjóðirn-
ar aðnýju, á Akranesi. Það vekur
upp fjögurra ára gamlar minning-
ar síðan ísland sigraði þar 32-21 í
einstökum leik. „Það verður tæp-
lega endurtekið en við reynum,
maður skyldi aldrei segja aldrei.
Það verður líka án efa mikil
spenna í Höllinni á sunnudags-
kvöldið,“ sagði Þorbjörn Jensson
fyrirliði. Sá leikur hefst kl.20 og
er sá þriðji og síðasti í þessari
jólaheimsókn Dana. Allt stefnir í
tvo hörkuleiki í viðbót, for-
smekkurinn að því sást vel í gær-
kvöldi.
—VS
Sigurður Gunnarsson reynir fyrir sér gegn sterkri vörn Dana. Hann kom henni skemmtilega á óvart á örlagastundu,
þá komu Danirnir ekki svona vörnum við. Mynd: E.ÓI.
VERKAMANNABÚSTAÐIR
í REYKJAVÍK
SUÐURLANDSBRAUT 30. REYKJAVÍK
Umsóknir
Stjórn verkamannabústaða í Reykjavík óskar eftir umsóknum um kaup
á 108 tveggja tilfjögra herbergja íbúðum, sem eru í byggingu í Grafar-
vogi í Reykjavík.
Ennfremur er óskað eftir umsóknum um u.þ.b. 100 eldri íbúðir sem
koma til endursölu síðari hluta árs 1986 og fyrri hluta árs 1987. Um
ráðstöfun, verð og greiðsluskilmála þessara íbúðagilda lögnr. 60/1984.
Umsóknareyðublöð verða afhent á skrifstofu V.B. Suðurlandsbraut 30,
frá mánudeginum 6. janúar 1986, og verða þar einnig veittar allar
almennar upplýsingar. Skrifstofan er opin mánudaga -föstudaga kl. 9 -
12 og 13 - 16. Umsóknum skal skila eigi síðar en 7. febr. 1986.
Stjórn Verkamannabústaða í Reykjavík.