Þjóðviljinn - 14.01.1986, Síða 15

FRETTIR
Reykjavík
Skautaiökun að leggjast af?
Ekki ætlað krónu til bœttrar aðstöðu á
fjárhagsáœtlun í ár. Meirihluti íþróttaráðs
felldi tillöguAB um 5 miljónir til að útbúa
strax skautasvell á Reykjavíkurtjörn og víðar
um bœinn. Framlög til íþróttamála hækka
aðeins um 1% á milli ára.
Eftir að Melavöllurinn var rif-
inn hefur nær engin aðstaða
verið til skautaíþrótta í Reykjavík
og verða borgarbúar að fara upp
á Hafravatn, Rauðavatn eða Víf-
ilsstaðavatn til að komast á al-
mennilegt svell. Óttast menn að
skautaíþróttin sé að leggjast af í
borginni og benda á að erfítt sé
orðið að fínna verslun í bænum
sem selji skauta.
„Það er greinilega enginn vilji
til að bæta þetta ástand", sagði
Tryggvi Þór Aðalsteinsson, full-
trúi AB í íþróttaráði í gær eftir að
meirihluti ráðsins felldi tillögu
hans um 5 miljón króna fjár-
veitingu til að bæta strax aðstöðu
til skautaíþrótta í borginni, þar á
meðal á Reykjavíkurtjörn.
„Prátt fyrir eindæma veður-
blíðu, gott frost og stillur í vetur
hefur svellið á Tjörninni verið
nær ónothæft í vetur“, sagði
Tryggvi, enda hefur það aldrei
verið hreinsað og lýsing er nær
engin. Milli jóla og nýárs sagði
formaður íþróttaráðs í sjónvarps-
fréttum að úr þessu yrði bætt
strax um næstu helgi en auðvitað
hefur ekkert verið gert enda eng-
ar fjárveitingar til kaupa á
nauðsynlegum tækjum. Hug-
myndir um vélfryst svell við
Hólabrekkuskóla, sem áætlað er
að kosta muni 10 miljónir eru
heldur hvergi á framkvæmda-
áætlun núna“.
Framlög Reykjavíkurborgar til
íþróttamála hækka aðeins um 490
þúsund króna á milli ára eða um
rúmlega 1%. I fyrra var varið
tæpri 41 miljón til íþrótta-
mannvirkja en 1986 er fyrirhugað
að borgin verji aðeins 41,4 milj-
ónum til þessa málaflokks af
eigin fé. Til viðbótar koma svo
framlög frá ríki og nágranna-
sveitarfélögum eins og í fyrra.
íþróttaráð fjallaði í gær um
fjárveitingar til þessara mála og
felldi þar tillögu frá AB um 9
miljón króna hækkun sem hefði
jafngilt 23% hækkun á milli ára.
Ætlunin er að ljúka við ýmsar
framkvæmdir sem hafa verið
lengi í gangi, svo sem böð og bún-
ingsklefa við sundlaugina í
Laugardal, þjónustumiðstöð og
stólalyftuna í Bláfjöllum og end-
anlegan frágang á gervigrasinu
sem tekur til sín 5,2 miljónir á
þessu ári.
Tannheilsa
Færri skemmdar
Tannskcmmdum fer fækkandi
hjá skólabörnum í Reykjavík.
Samkvæmt yfirliti yfír meðaltal
skemmdra, útdreginna, eða
fylltra fullorðinstanna í 6-15 ára
börnum í grunnskólum Reykja-
víkur á árunum 1980 tii 84 sem
birt er í nýútkominni ársskýrslu
heilbrigðisráðs borgarinnar kem-
ur í ljós að tannskemmdum fer
fækkandi í öllum aldurshópum á
þessum tíma nema hjá elstu börn-
unum.
Skólaárið 1980-81 voru að
meðaltali 1.25 skemmd, útdregin
eða fyllt fullorðinstönn í 6 ára
bömum en hafði fækkað í 0,83
skóiaárið 1983-84.
-íg-
„Ég er ekki á móti því að ljúka
þessum verkum“, sagði
Tryggvi", en hér er um raunlækk-
un að ræða og ekki byrjað á
neinni nýframkvæmd. Tillagan
um 23% hækkun fól í sér 4 milj-
ónir í gufuböð í Sundlaug Vestur-
bæjar og 5 miljónir til að bæta
aðstöðu til skautaiðkana. Það
þýðir ekki að segja eins og for-
maður íþróttaráðs að skautaí-
þróttin hafi orðið undir í sam-
keppni við aðrar íþróttagreinar.
Aðstaðan kallar á iðkun og
bæjarbragurinn er fátæklegri um
vetur þegar hvergi er hægt að
komast á skauta“.
-ÁI
Það er af sem áður var að Tjörnin iði af lífi yfir vetrartímann enda hefur svellið
ekki verið hreinsað og önnur skautaaðstaða er ekki í bænum eftir að Melavöllu-
rinn var rifinn. Ljósm. eik. 28. des. 1978.
Kísilmálmur
Fundað með
Rio Tinto
Fyrstu eiginlegu viðræður ís-
lenskra stjórnvalda við forráða-
menn alþjóðasamstcypunnar Rio
Tinto Zinc um hugsanlega þátt-
töku fyrirtækisins i byggingu og
rekstri Kísilmálmverksmiðju á
Reyðarfirði, fara fram í London í
þessari viku.
í sérstakri viðræðunefnd sem
iðnaðarráðherra hefur skipað
eiga sæti þeir: Birgir ísleifur
Gunnarsson, Axel Gíslason,
Geir Haarde, Guðmundur G.
Þórarinsson og Halldór J.
Kristjánsson.
Það er dótturfyrirtæki Rio
Tinto sem heitir Rio Tinto Zinc
Metal sem hefur hug á eigna-
raðild að Kísilmálmverksmiðj-
unni og hafa forráðamenn fyrir-
tækisins lýst því yfir að einungis
meirihlutaeign þeirra komi til
greina.
Að sögn Geirs Gunnlaugs-
sonar framkvæmdastjóra Kísil-
málmvinnslunnar er ráðgert að
þessar samningaviðræður geti
tekið allt að 6-9 mánuði en engar
framkvæmdir eru fyrirhugaðar á
verksmiðjusvæðinu fyrr en ljóst
er um endanlega niðurstöðu við-
ræðna. -»g-
I EVROPU 1986
Sjónvarpið minnir á samkeppni um gerð sönglags til þátttöku í
Söngvakeppni sjónvarpsstöðva í Evrópu 1986. Vakin er athygli á að
skilafrestur hefur verið framlengdur til 25. janúar nk.
Lagið má hvorki hafa komið út áður né verið flutt í útvarpi eða sjón-
varpi. Það má ekki taka nema þrjár mínútur í flutningi. Frumsaminn
texti á íslensku skal fylgja.
Laginu skal skilað á nótum fyrir eitt hljóðfæri. Hljóðsnælda má fylgja.
Nótur, texti og snælda skulu aðeins merkt heiti lagsins. Nafn og
heimilisfang höfunda fylgi með í lokuðu umslagi merktu heiti lagsins.
Hver höfundur getur sent inn fleiri en eitt lag. Lögin skulu þá send
inn aðskilin og merkt eins og fyrr sagði. Sjónvarpið ábyrgist nafn-
leynd.
Undanúrslit fara fram í Reykjavík 15. mars í beinni sjónvarpsútsend-
ingu, en lokakeppnin fer fram í Bergen 3. mai 1986 og verður sjón-
varpað víða um heim.
Einungis er keppt um lag, ekki flutning eða flytjendur.
Sjónvarpið áskilur sér allan rétt til að ráða flutningi lagsins ef til kem-
ur þ.e. útsetningu, flytjendum, hljómsveit, stjórnanda og allri sviðs-
setningu.
Dómnefnd velur úr innsendum lögum til þátttöku í undanúrslitum.
Verðlaun verða 200 þúsund krónur fyrir verðlaunalagið og ferð fyrir
höfunda lags og texta til Bergen á úrslitakeppnina 3. maí 1986. Séu
höfundar tveir eða fleiri skiptast verðlaunin milli þeirra eins og
úthlutunarreglur STEFS segja til um.
Skilyrði fyrir þátttöku lags er að útgáfuréttur þess sé ekki bundinn
fyrirfram, heldur sé samningsatriði milli sjónvarpsins og höfunda,
enda er sjónvarpið eigandi þeirrar útsetningar og útfærslu sem gerð
er á vegum þess og keppir til úrslita.
Lög skulu hafa borist sjónvarpinu eða verið póstlögð fyrir 25. janúar
1986.
Nánari upplýsingar eru veittar í síma 84428.
utanáskrift: Ríkisútvarpið - Sjónvarp-Söngvakeppni
Laugavegi 176, 105 Reykjavík