Þjóðviljinn - 11.03.1986, Síða 7

Krafta-
verkið
í gær
Enginnfarþegi néflugfólk slasaðist
og engin bifreið var á Suðurgötunni
þegar Fokkervélin hœtti við
flugtak, rann útafflugbrautinni og
yfir Suðurgötuna
Það verður ekki flokkað undir annað en krafta-
verk að ekki fór verr en raun varð á þegar Fokker-vél
Flugleiða með 41 farþega innanborðs varð að hætta
við flugtak og rann útaf flugbrautarendanum og yfir
aðra akrein Suðurgötunnar.
Enginn, sem um borð í vélinni var slasaðist og
engin bifreið var á Suðurgötunni þegar vélin rann
yfir hana. Varla hefði þurft að spyrja að leikslokum
ef t.d. Skerjafjarðarvagninn hefði verið þarna á ferð
á þessu augnabliki. Vélin sjálf er aftur á móti svo
mikið skemmd að vafamál er talið að borgi sig að
gera við hana.
Trúlega vekur þetta óhapp enn á ný upp deilur um
staðsetningu Reykjavíkurflugvallar. Þær deilur hafa
staðið yfir í mörg ár. Andstæðingar flugvallarstæðis-
ins hafa einmitt bent á hættuna af því hve byggð og
umferð bifreiða er nálægt flugvellinum.
Myndirnar hér á síðunni, sem E.Ól. ljósmyndari
Þjóðviljans tók í gær, segja meira en mörg orð um
atburðinn og það hvað hefði getað gerst ef bifreið
hefði verið á Suðurgötunni þegar óhappið varð.
-S.dór
Vélin liggur þvert yfir aðra akrein
á Suðurgötunni, en sem betur fer
var engin bifreið þarna á ferðinni
þegar óhapþið átti sér stað
(Ljósm. E.ÓI.).
Lögregla og slökkvilið Reykjavík-
urflugvallar höfðu viðbúnað þeg-
ar byrjað var að undirbúa flutning
vélarinnar.
Búið að slá stroffu um nef vélar-
innar og hún færð burtu.
. / *
pfcfi* FLUGLElÐtR
Þriðjudagur 11. mars 1986 ' MÓÐVILJINN — SÍÐA 7