Þjóðviljinn - 01.06.1986, Page 16

w
MEÐÞDMULAGI
ATKVÆÐASEÐILL
í sönglagakeppni Reykjavikurborgar
Hafíð atkvæðaseðilinn við hendina þegar lögin verða flutt
í Sjónvarpinu í kvöld.
Gefið aðeins einu lagi atkvæði með því að setja X
í rammann fyrir framan nafn lagsins.
□ BÆRINNMINN
(Björgvin Halldórsson syngur)
□ BREYTIR BORG UM SVBP
(Helga Möller syngur)
□ HÚNREYKJAVÍK
(Björgvin og Helga syngja)
□ SAMVISKAN
(Björgvin syngur)
□ UNGA REYKJAVÍK
(Helga syngur)
Póstleggið atkvæðaseðilinn í allra síðasta lagi
á hádegi miðvikudaginn 4. júní.
Utanáskrift: Söngvakeppni Reykjavíkurborgar
Austurstræti 16,101 Reykjavík
Innritun í framhalds-
skóla í Reykjavík
Tekið verður á móti umsóknum um námsvist í
framhaldsskóla í Reykjavík dagana 2. og 3. júní
næstkomandi í Miðbæjarskólanum í Reykja-
vík, Fríkirkjuvegi 1, kl. 9.00-18.00 báða dagana.
Umsókn skal fylgja Ijósrit eða staðfest afrit af
prófskírteini. í Miðbæjarskólanum verða jafn-
framt veittar upplýsingar um þá framhaldsskóla,
sem sækja á um þar, en þeir eru:
Ármúlaskóli, (bóknámssvið, viðskiptasvið, heil-
brigðis- og uppeldissvið).
Fjölbrautaskólinn í Breiðholti.
Iðnskólinn í Reykjavík.
Kvennaskólinn í Reykjavík, (uppeldissvið).
Menntaskólinn við Flamrahlíð.
Menntaskólinn í Reykjavík.
Menntaskólinn við Sund.
Réttarholtsskóli (fornám).
Verslunarskóli íslands.
Vélskóli íslands.
Þeir sem ætla að sækja um námsvist í ofan-
greinda framhaldsskóla eru því hvattir til að
leggja inn umsókn sína í Miðbæjarskólanum 2.
og 3. júní næstkomandi.
Félagsmálaráðuneytið óskar eftir að taka á leigu
1200-1500 fermetra húsnæði á höfuðborgar-
svæðinu fyrir starfsemi Greiningar- og ráðgjafar-
stöð ríkisins.
Húsnæðið þarf að hafa gott aðgengi fyrir fatlaða.
Tilboð sendist félagsmálaráðuneytinu Arnarhvoli
fyrir 15. júní n.k.
Nánari upplýsingar veittar í fél-
agsmálaráðuneytinu í síma 25265.
J: Hafnarfjörður
-4^- - tæknistörf
Hafnarfjarðarbær óskar að ráða menn til sumar-
starfa 1986 við mælingar og önnur tæknistörf.
Nánari uppl. veitir undirritaður á skrifstofunni
Strandgötu 6 og í síma 53444.
Bæjarverkfræðingur
Perla
Reykjavíkur
„Og þó hefur mér skilist, að núverandi yfirvöldum borgarinnar hafi dottið í hug
að skemma þetta umhverfi á sjálfu afmælisári borgarinnar. Hugmynd þeirra er
að láta reisa stórhýsi á horni Tjarnargötu og Vonarstrætis..." segir Jón Óskar í
grein sinni.
Fyrir eitthvað um hundrað
árum blöskraði Sigurði málara
smekkleysi þeirra íslendinga sem
þá bjuggu í Reykjavík, og var þó
ekki á miklu von, þar sem hér var
ekki annað en þorp í mótun og
íbúarnir flestir sveitamenn. En
hann sá fyrir sér þá borg sem úr
því þorpi mundi verða, þar sem í
því voru þá þegar helstu embætt-
isbústaðir landsins, og því rann
honum til rifja sóðaskapurinn og
ringulreiðin, svo að hann hellti úr
skálum reiði sinnar yfir smekk-
leysingjana.
Ekkert af því sem Sigurður lét
sér detta í hug í byltingarkennd-
um skipulagsdraumum sínum
varð að veruleika. En þótt lítið
mark væri tekið á Sigurði, var
smám saman farið að leggja til
atlögu við sóðaskapinn. Skíta-
haugarnir hurfu af Austurvelli,
umhverfi tjarnarinnar var lagfært
og beggja megin við hana að
austan og vestan risu fegurstu hús
Reykjavíkur á þeirri tíð, þegar
Reykjavík var að vaxa hægt upp
úr því að vera þorp og í það að
verða snotur smábær, og eftir því
sem þessi smábær óx fóru menn
að skipuleggja og byggja heilu
göíurnar með húsum í fúnkísstíl
nýja tímans, þegar breytingar ný-
rrar tækni voru að ryðja sér til
rúms, og allt var það að sjálf-
sögðu úr járnbentri steinsteypu.
Það hróflaði þó ekkert við um-
hverfi tjamarinnar, þar sem flest
húsin voru úr timbri og gæddu
umhverfið þokka sígildrar fe-
gurðar. Og enn eru þar einhver
fegurstu hús borgarinnar.
Fyrir þá sök, að þetta fékk að
vera í friði, af því að enginn
hljómgrunnur var hjá ráða-
mönnum og almenningi fyrir því
að gerbreyta slíku umhverfi með
stórbyggingum, eiga Reykvíking-
ar perlu sem trúlega á fáa sína
líka í heiminum. Þessi perla er
tjörnin í Reykjavík og umhverfi
hennar.
Það er unaðslegt að ganga
meðfram tjörninni í góðviðri og
horfa á fuglalífið og oft virði ég
fyrir mér húsin í kring og undrast
fegurð þeirra og þokka (jafnvel
þótt Oddfellowhúsið sé dálítil
skemmd í umhverfinu) og ég
hugsa með mér: Hversu margar
höfuðborgir heimsins geta státað
af slíku náttúrusvæði mannlífs og
fugla inni í miðri borg, og þó
skammt frá sjó? Hvar er sú borg,
að fólk geti farið með börn sín
ofan að fallegri tjörn til að gefa
fuglum allt árið um kring, þar
sem sífellt er ofurlítil vök í einu
horninu, þótt tjörnin sé annars ísi
lögð, og rétt við hornið er gamalt
leikhús Reykvíkinga, skemmti-
lega yfirlætislaust, en við hinn
enda þeirrar sömu tjarnar er
garður og tré og blóm, en kríur
fljúga stanslaust yfir á sumrum og
eiga sér egg og unga í hólmum?
Þessa perlu verða Reykvíking-
ar að vernda. Hana má alls ekki
skemma. Og þó hefur mér skilist,
að núverandi yfirvöldum borgar-
innar hafi dottið í hug að skemma
þetta umhverfi á sjálfu afmælisári
borgarinnar. Hugmynd þeirra er
að láta reisa stórhýsi á horni
Tjarnargötu og Vonarstrætis (þar
sem nú er gamalt og fallegt timb-
urhús) og kalla þannig aukna um-
ferð að þessu friðsæla horni, en
stórspilla jafnframt svip þeirrar
fögru umgerðar Tjarnarinnar
sem fengið hefur til þessa að vera
óáreitt og ætti raunar að vera
vernduð með friðarlögum, svo
engar framkvæmdir megi þar
verða nema með samþykki
nefndar sem til þess væri sett að
vernda þetta umhverfi, og yrði að
gera almenningi fulla grein fyrir
þeim aðgerðum sem kynnu að
vera nauðsynlegar til viðhalds og
þrifnaðar. En hugmynd um stór-
hýsi við tjörnina hlýtur að vera
arfleifð frá afar slæmum og hé-
gómlegum hugmyndum fýrri tíð-
Jón Óskar
skrifar
ar manna um ráðhús á þessu
svæði, enda skilst mér að þetta
stórhýsi eigi að heita ráðhús. Því
fór betur, að slíkt hús var aldrei
byggt, en ef menn vilja byggja
slíkt hús nú á dögum, ætti að vera
sjálfsagt að byggja það í „nýja
miðbænum", sem svo er kallað-
ur, eða á einhverjum þeim stað,
þar sem nóg svæði er fyrir bíla og
byggingin verður ekki til að stór-
spilla því umhverfi sem fyrir er.
Reykvíkingar hljóta að rísa til
varnar, svo að hér verði ekki
hneyksli á afmælisári. Hver eru
nú félög þau eða samtök sem hafa
kjörið sér það hlutverk að vernda
gamlan svip Reykjavíkur? Eru
þau klumsa? Það væri mikil
hneisa fyrir núlifandi kynslóð
Reykjavíkur, ef umgerð tjarnar-
innar yrði spillt vegna skorts á
víðsýni og smekkvísi. En
Reykvíkingar skulu minnast
þess, að það hefur verið merki-
lega harðsótt að koma í veg fyrir
spjöll á gömlum hverfum borgar-
innar, spjöll sem eru ekki ung-
lingum að kenna, heldur full-
orðnu fólki sem haft hefur vald til
að ganga í berhögg við óskir íbú-
anna. Einungis með harðfylgi
tókst að bjarga þeirri skemmti-
legu götumynd í hjarta borgar-
innar sem nefnd hefur verið
Bernhöftstorfan. En það tókst
ekki að bjarga Landakotstúninu.
Þar voru ný hús og stór byggð á
bak við katólsku kirkjuna í stíl
sem er ekki í samræmi við neitt í
umhverfinu og fer hörmulega
með afstöðu kirkju og umhverfis
hennar, en auk þess hafa fleiri
spjöll verið unnin á túninu sam-
kvæmt þeirri stefnu að bflar skuli
hafa betur en grasið í baráttunni
um slíka bletti borgarinnar. Það
tókst ekki heldur að bjarga Fjala-
kettinum, en landsmenn fengu að
horfa á arkítekt í sjónvarpinu og
þar var sýnt hvernig hann fór að
því að horfa á húsið og hann sagði
Reykvíkingum, að það væri ljótt.
Og nú hefur verið lögð fram til-
laga um miðbæinn, þar sem lagt
er til að klessa háum húsum hvar
sem hægt er að finna þeim stað.
Hvergi má sjá á auðan blett. Og
ein síðasta tillagan er að hafa bfl-
ageymslu undir Austurvelli, en
einhvernveginn þyrfti að vera
hægt að komast niður í þá
geymslu, og það táknar einfald-
lega ljótt op sem spilla mundi
þessu merka umhverfi, þar sem
Reykvíkingar hafa lifað marga
hátíðarstund sem tengist sjálf-
stæðisbaráttu þjóðarinnar. Mál
er að linni. Mál er að Reykvíking-
ar taki höndum saman og verji
gömlu Reykjavík fyrir falsspá-
mönnum og niðurrifsmönnum.
Herferðinni gegn fegurð
Reykjavíkur verður að linna og
umfram allt verða forystumenn
borgarinnar að láta perlu hennar
í friði.
16 SfÐA - ÞJÓÐVILJINN Sunnudagur 1. júní 1986