Þjóðviljinn - 11.09.1986, Blaðsíða 15

ÍÞRÓTflR
Jool Bats markvörður Frakka í vandræðum eftir hornspyrnu, aðþrengdur af eigin varnarmönnum og Sævari Jónssyni (6). Péfur Pétursson lenqst til hæqri
Mynd: E.Ol.
Ísland-Frakkland
Rós í hnappagatið!
Jafntefli gegn Evrópumeisturunum - einhver bestu úrslit í
íslenskri knattspyrnusögu. Verðskuldað þóttnaumt vœri í lokin
íslensk knattspyrna fékk rauða
rós í hnappagatið í gær. Það er
varla hægt að biðja um betri byrj-
un í Evrópukeppni landsliða -
stig tekið af sjálfum Evrópu-
meisturunum í fyrsta leik, og það
verðskuldað. Munurinn á liðun-
um var ótrúlega lítill og leikað-
ferð Sigfrieds Held landsliðsþjálf-
ara gekk upp. íslensku leikmenn-
irnir náðu ekki í þetta stig með
stífri varnarknattspyrnu - þeir
vörðust vel og léku skynsamlega
og yfirvegað. íslenska landsliðið
hefur burði til að standast þeim
bestu snúning, það sást enn og
aftur á Laugardalsvcllinum í gær-
kvöldi.
Leikurinn var lengst af í
jafnvægi og liðin sóttu til skiptis.
Á nokkrum köflum náðu Frakk-
ar að pressa talsvert en gekk
mjög illa að skapa sér færi og í
fyrri hálfleiknum var íslenska lið-
ið hættulegra. Arnór Guðjohn-
sen skaut yfir franska markið rétt
utan markteigs á 5. mínútu eftir
góðan undirbúning Ásgeirs Sig-
urvinssonar og Péturs Péturs-
sonar á vinstra vængnum. Á 15.
mínútu sendi Ragnar Margeirs-
son fyrir markið, Omar Torfason
skallaði á Arnór sem skaut í varn-
armann og í horn. „Ég hefði getað
skorað með smá heppni, boltinn
hefði farið á erfiðan stað fyrir
markvörðinn ef hann hefði ekki
breytt stefnu,“ sagði Arnór.
En besta færið kom á 22. mín-
útu þegar Arnór tók hornspyrnu
og Sævar Jónsson skaut framhjá
af markteig. Ragnar var við bolt-
ann líka og þeir Sævar virtust
setja hvor annan úr jafnvægi.
Joel Bats markvörður var kom-
inn útúr markinu og allt opið.
Frakkar áttu eitt umtalsvert
færi í hálfleiknum. Bernard
Genghini komst í skotfæri á 14.
mínútu eftir nett spil og Bjarni
Sigurðsson varði skot hans naum-
lega í horn. „Þetta var erfitt skot,
hann var í góðu færi inni í
teignum en ég tók réttan séns,“
sagði Bjarni.
Seinni hálfleikur þróaðist svip-
að. Frakkar náðu af og til nokk-
urri pressu en íslenska liðið náði
alltaf að vinna sig útúr henni og
loka öllum leiðum. Aftur voru ís-
lensku marktækifærin hættulegri,
Ásgeir Sigurvinsson átti hörku-
skot á 51. mín. sem Joel Bats
varði og rétt á eftir gómaði Bats
boltann af tám Péturs Péturs-
sonar á síðustu stundu. Á 71.
mín. átti Ásgeir glæsisendingu
innfyrir vörnina á Arnór sem virt-
ist ætla að sleppa í gegn en hinn 19
ára gamli nýliði, Basile Boli, náði
að elta hann uppi og loka hann af
á snyrtilegan hátt.
Mótspyrnan fór sífellt meira í
skapið á Frökkunum og
Vercrysse slapp vel með gult
spjald þegar línuvörður sá hann
hrækja á íslenskan leikmann. Sig-
urður Jónsson skallaði yfir mark
Frakka eftir hornspyrnu Ásgeirs
á 77. mín. en strax í næstu sókn
kom fyrsta hættulega færi Frakka
í hálfleiknum. Fernandez náði
góðu skoti rétt utan vítateigs en
Bjarni varði vel. Mínútu síðar
komst Genghini í opið færi en
skaut yfir.
Arnór Guðjohnsen var nálægt
því að tryggja íslandi sigur á 79.
mín. Hann og Sigurður Jónsson
spiluðu sig fallega í gegnum
miðja vörnina, Arnór slapp inní
'vítateiginn en renndi boltanum
naumlega framhjá Bats og stöng-
inni fjær. Bats varð að hlaupa út-
fyrir vítateiginn tveimur mínút-
um síðar til að bægja hættunni frá
eftir góða sendingu Ásgeirs
innfyrir vörnina.
En í lokin mátti ekki miklu
muna að Frakkar næðu að knýja
fram sigur í örvæntingarfullum
lokatilraunum sínum. „Þegar við
sáum að lítið var eftir kom svipuð
staða upp í hugann, og í leikjum
sem við höfum tapað á síðustu
mínútunum. Við þorðum ekki að
taka áhættu og við það opnuðust
leiðir fyrir Frakkana,“ sagði Atli
Eðvaldsson fyrirliði. Sævar Jóns-
son bjargaði á síðustu stundu í
horn þegar hár bolti fór afturfyrir
vörnina og á allra síðustu mínút-
unni slapp ísland með skrekkinn.
Vercruysse fékk boltann á mark-
teig, markið virtist blasa við hon-
um, en hann var lengi að athafna
sig, Gunnar Gíslason náði að
hirða boltann og bægja hættunni
frá. Rétt á eftir var flautað af -
Frakkarnir gengu niðurlútir og
sárir af leikvelli og margir þeirra
neituðu að taka í hendur íslensku
leikmannana í leikslok.
„Þetta er stór stund fyrir okk-
ur, ég er mjög ánægður með úr-
slitin. Baráttan var góð í liðinu,
allir lögðu á sig það sem þurfti, og
eftir færum hefðum við getað
unnið leikinn. Það var ekki að sjá
að við værum að leika við sjálfa
Evrópumeistarana,“ sagði Ás-
geir Sigurvinsson.
Vörn íslenska liðsins stóð sig
mjög vel í leiknum. Gunnar
Gíslason, Sævar Jónsson og Ág-
úst Már Jónsson voru sterkir og
samhentir og unnu flest návígi
gegn frönsku sóknarmönnunum.
„Ég er mjög ánægður með hvern-
ig vörnin lék fyrir framan mig,
hún datt aðeins niður um miðjan
seinni hálfleik en það tókst að
hnýta hana saman aftur. Þetta
var alveg eins leikur og gegn
Skotum og Spánverjum í fyrra,
nema nú kom stigið. Þetta gefur
okkur mikið sjálfstraust,“ sagði
Bjarni Sigurðsson markvörður.
Vörnin fékk líka góðan stuðn-
ing. Sigurður Jónsson og Atli Eð-
valdsson léku sem nokkurs konar
bakverðir og Ómar Torfason var
rétt framan við vörnina. Ragnar
og Ásgeir komu einnig vel til
baka og með þessu tókst íslenska
liðinu að loka á miðjuspil Frakk-
anna, þeim tókst sárasjaldan að
finna leiðir til að senda á fram-
herjana. „Vinnslan á miðjunni
var númer eitt og réð mestu um
úrslitin. Þetta er ekki uppáhalds-
staðan mín á vellinum en mér er
sama hvar ég spila i landsleikjum
- maður er að spila fyrir íslands
hönd og það skiptir mestu máli,“
sagði Sigurður Jónsson.
„Við lékum þennan leik af
skynsemi og sú mikla reynsla sem
þetta lið býr orðið yfir hefur
mikið að segja. Sigi Held trúði því
aidrei virkilega að við gætum
þetta - og hann er hamingjusam-
asti maðurinn hérna í kvöld,“
sagði Atli Eðvaldsson, sem byrj-
ar vel sem fyrirliði.
Það er ósanngjarnt að tína til
einstaka leikmenn, allt liðið lék
vel, en að öðrum ólöstuðum áttu
Ragnar Margeirsson og Ásgeir
Sigurvinsson bestan leik. Þeir
réðu ríkjum á löngum köflum á
miðjunni og að leika slíkt gegn
mótherjum á borð við Tigana og
Fernandez segir sína sögu. En
það sem mestu máli skipti var að
það var samheldið og samstillt lið
sem náði þessum úrslitum, ekki
nokkrir einstaklingar. Heilsteypt
liðsheild með gott vald á nýrri
leikaðferð - stig gegn sjálfum
Evrópumeisturunum og ótrúlega
stutt í sigur. Þetta er árangur og
úrslit sem jafnast á við það besta
til þessa í íslenskri knattspyrnu-
sögu.
Ísland-Frakkland
Leikurinn
í tölum
Laugardalsvöllur 10. september
ísland 0
Frakkland 0
Dómari: Alan Ferguson (Skotlandi)
Áhorfendur: 13,758
Island: Bjarni Sigurðsson - Gunnar
Gíslason, Ágúst Már Jónsson, Sævar
Jónsson - Sigurður Jónsson, Ómar Torfa-
son, Ragnar Margeirsson, Ásgeir Sigur-
vinsson, Atli Eðvaldsson - Arnór Guð-
johnsen, Pétur Pétursson.
Frakkland: Joel Bats - William Ayache,
Manuel Amoros, Basile Boli, Patrick Batt-
iston - Phillippe Vercruysse, Jean Tigana,
Luiz Fernandez, Bernard Genghini -
Yannick Stopyra, Stephane Paille.
Gul spjöld: Pétur Pétursson (54. mín),
William Ayache (56.), Phillippe Vercrysse
(65.), Manuel Amoros (89.)
Bjarni Sigurðsson - 2 erfið skot
varin, 1 auðvelt. 7 góð úthlaup, 1
slæmt úthlaup.
Gunnar Gíslason - 16 góðar
sendingar, 2 slæmar. Vann bolta
17 sinnum, tapaði 2svar.
Ágúst Már Jónsson - 11 góðar
sendingar, 4 slæmar. Vann bolta
22svar, tapaði 5 sinnum.
Sævar Jónsson - 20 góðar
sendingar, 5 slæmar. Vann bolta
18 sinnum, tapaði 5 sinnum. Eitt
skot á mark, framhjá.
Sigurður Jónsson - 14 góðar
sendingar, 4 slæmar. Vann bolta
6 sinnum, tapaði 1 sinni. Einn
skalli á mark, yfir.
Omar Torfason - 7 góðar send-
ingar, 5 slæmar. Vann bolta 7
sinnum, tapaði aldrei.
Ragnar Margeirsson - 8 góðar
sendingar, 3 slæmar. Vann bolta
9 sinnum, tapaði 1 sinni.
Ásgeir Sigurvinsson - 22 góðar
sendingar, 5 slæmar. Vann bolta
11 sinnum, tapaði 4 sinnum. Eitt
skot á mark, varið.
Atli Eðvaldsson - 12 góðar
sendingar, 4 slæmar. Vann bolta
12 sinnum, tapaði aldrei. Einn
skalli á mark, varinn.
Arnór Guðjohnsen - 11 góðar
sendingar, 4 slæmar. Vann bolta
4 sinnum, tapaði 1 sinni. Þrjú
skot á mark, 2 framhjá og eitt
yfir.
Pétur Pétursson - 10 góðar
sendingar, 5 slæmar. Vann bolta
6 sinnum, tapaði 2svar.
Franska liðið átti 12 skot eða
skalla á mark, 10 framhjá, 2 var-
in. lsland átti 6 skot, 3 framhjá, 1
varið af varnarmanni, 2 af mark-
manni.
Island fékk 6 hornspyrnur,
Frakkland 6.
Dæmdar voru 24 aukaspyrnur
á ísland fyrir brot, 17 á Frakk-
land.
Islensku sóknarmennirnir voru
5 sinnum dæmdir rangstæðir,
þeir frönsku aldrei.
-Ibe/VS
Evrópukeppnin
Stórsigur
Rúmena
Rúmenar, með 8 Evrópumeistara
frá Steua innanborðs, burstuðu
Austurríkismenn 4-0 í 1. riðli Evrópu-
keppni landsliða f knattspyrnu í gær-
kvöldi.
Finnland og Wales gerðu jafntefli,
1-1, í 6. riðli og í 7. riðli voru tvö
jafntefli. Belgar og írar skildu jafnir f
Brussel, 2-2, og þar jafnaði Liam Bra-
dy fyrir íra úr vftaspyrnu á síðustu
mínútu. Skotar og Búlgarir gerðu 0-0
jafntefli í Glasgow.
í vináttuleikjum unnu Svíar Eng-
lendinga 1-0 í Stokkhólmi og Danir
unnu Austur-Þjóðverja 1-0 í Leipzig.
-VS/Reuter
-VS
Fimmtudagur 11. september 1986 ÞJÓÐVILJINN - SÍÐA 15