Þjóðviljinn - 03.12.1986, Blaðsíða 5
Umsjón:
Magnús H.
Gíslason
Eiðfaxi
Höfum
við
gengið
til
góðs?
Hestamenn svara
spurningum um árang-
ur hrossarœktarinnar
undanfarin ár
„Vertu rólegur, vinur," gæti Birkir Þorkelsson verið að hvísla
Síðasta tbl. Eiðfaxa, sem okkur
hefur borist er hið níunda í röð-
inni á þessu ári. Forystugreinina
skrifar Hjalti Jón Sveinsson.
Ræðir hann þar m.a. um hrossa-
ræktina og árangur af henni,
landsmótið, reiðkennslu o.fl.
Hjalti Jón skrifar einnig um
sýningu á ísienskum hestum í
Bandríkjunum, en þar hafa
eigendur íslenskra hesta stofnað
með sér félag. Vel má vera að
markaður fyrir íslensk hross opn-
ist þar vestra og kynni veigamikið
spor að vera stigið í þá átt með
þátttöku í þessari sýningu. Og
enn er Hjalti Jón á ferð og ræðir
við Jón Guðmundsson frá Eiríks-
stöðum um góðhestadóma eink-
um með hliðsjón af síðasta land-
smóti, en Jón er kunnur og gam-
alreyndur gæðingadómari. Eru
ábendingar Jóns og athugaemdir
hinar athyglisverðustu, eins og
vænta mátti. Þá svara nokkrir
kunnir hestamenn spurningunni:
„Hefur okkur miðað áfram“ (í
hrossaræktinni). Þessu megin-
atriði tengjast svo spurningar
eins og þessari: Eru minni eða
meiri framfarir milli mótanna
1982 og 1986 en 1978 og 1982?
Finnst þér eitthvað vanta - voru
hryssurnar síðri eða betri en áður
- ellegar stóðhestarnir? Þarf að
breyta fyrirkomulagi úrtöku- og
ræktunarsýninga? Hvar eru stóð-
hestarnir t.d. frá Hólum, Fjalla-
Blesa félaginu, Skugafélaginu
o.s.frv.? Hafa reiðhestakostir
aukist á kostnað sköpulags? Þeir,
sem þessum spurningum svara
eru: Kári Arnórsson Reykjavík,
Ólöf Guðbrandsdóttir Nýja-bæ
Borgarfirði, Jóhanna B. Ingólfs-
dóttir Hrafnkelsstöðum, Árnes-
sýslu, Grétar Geirsson Hólum
Hjaltadal, Sigurborg Jónsdóttir
Báreksstöðum Borgarfirði og
Bergur Haraldsson Kópavogi.
Þá á Hjalti Jón langt og fróð-
legt viðtal við þann þekkta hesta-
mann Reyni Aðalsteinsson á Sig-
mundarstöðum. Segir Reynir þar
Hvanneyri
Tvö nemendahús
fyrir næstu áramót
Verið er nú að koma upp á
Hvanneyri tveimur bústöðum
fyrir nemendur Búsvísindadeild-
arinnar. Möguleikar á þeirri
framkvæmd opnuðust með hin-
um nýju lögum um Húsnæðis-
stofnun rfldsins, þar sem gert er
ráð fyrir að Byggingasjóður
verkamanna annist m.a. lán-
veitingar til félagslegra íbúða-
bygginga.
Meðal þeirra bygginga eru t.d.
leiguíbúðir, sem byggðar eru af
sveitarfélögum, stofnunum á
þeirra vegum, félagasamtökum
eða ríkinu og ætlunin er að leigja
öldruðum, öryrkjum eða náms-
fólki, gegn vægu gjaldi.
Hvanneyringar ákváðu að
grípa það færi, sem þarna gafst,
og mynduðu sjálfseignarstofnun.
Að henni standa Bændaskólinn,
Nemendafélag Búvísindadeildar
og Nemendasamband deildar-
innar, þ.e. eldri nemendur.
Sjálfseiginarstofnunin sér um
byggingu bústaðanna og rekstur.
Húsnæðisstofnun samþykkti
lán til tveggja bústaða. Nema þau
85% stofnkostnaðar. Lánstíminn
er 31 ár. Þetta eru einingahús á
steyptum grunni, frá Loftorku í
Borgarnesi. Grunnflötur hvors
húss er 225 ferm. í hvoru þeirra
er 45 ferm. íbúð auk fimm ein-
staklingsherbergja, með klósetti,
sturtu, sameiginlegri borðstofu
og eldhúsi. Gert er ráð fyrir því
að fyrri bústaðurinn verði fullbú-
inn snemma á næsta ári og hinn
síðar á árinu.
Yfir sumartímann þegar nem-
endur þurfa ekki húsanna með,
er hugmyndin að þau verði notuð
fyrir gesti, og kæmu þá til við-
bótar heimavistinni í skólahús-
inu. Þau auðvelda möguleika til
ýmiss konar ráðstefnuhalds á
Hvanneyri. Gætu og komið sér
vel fyrir erlenda gesti eða fræði-
menn, sem vildu búa um stund á
staðnum.
Óþarfi er að það liggi í iáginni,
að Magnús B. Jónsson, fyrrver-
andi skólastjóri á Hvanneyri, átti
drjúgan þátt í því að hrinda þess-
ari nytjahugmynd í framkvæmd.
Tvennt er það einkum, sem
knýr á um byggingu þessara bú-
staða. í fyrsta lagi þröngbýli í
heimavistinni, þar sem Búvísind-
adeildarmenn hafa verið til
þessa, ásamt öðrum nemendum
skólans. f annan stað hafa nem-
endur deildarinnar nokkra sér-
stöðu um sumt. Nám þeirra tekur
fjögurár. Þeireru aðjafnaði eldri
en aðrir nemendur, sumir jafnvel
fjölskyldumenn. Það er því tví-
mælalaust bæði eðlilegt og hag-
kvæmt að þeir geti búið útaf fyrir
sig. Hinir nyju nemendabústaðir
koma því til með að bæta úr ótví-
ræðri þörf.
- mhg
frá reynslu sinni og störfum við
hestamennskuna, sem hann hef-
ur stundað allt frá 16 ára aldri. Þá
víkur hann og að ýmsu, sem hann
telur að horfi til verri vegar í he-
stamennskunni og gagnrýnir það
tæpitungulaust.
Ólafur B. Schram á Marbakka
á Álftanesi segir frá hringferð um
landið, sem hann fór á hestum í
sumar, ásamt tveimur félögum
sínum. Greint er frá Norðurland-
amótinu í Finnlandi og meistar-
amótinu í Þýskalandi, sem bæði
voru haldin í sumar. Ótaldar eru
svo ýmsar smærri fréttir.
- mhg
Aðalfundur
Ferðaþjónustu bænda
verður haldinn á Hótel Sögu laugardaginn 6. des-
ember kl. 14.
Venjuleg aðalfundarstörf og lagabreytingar.
Stjórnin.
Þjóðviljinn
- Keflavík
Umboðsmann í Keflavík vantar aðstoðarmann-
eskju.
Nauðsynlegt er að viðkomandi hafi ökutæki til
umráða.
Upplýsingar hjá Guðríði í síma 92-2882.
Óskað er eftir tilboðum í saumaskap á starfsmanna-
fatnaði, jökkum og buxum, v/Ríkisspítalanna. Útboðs-
gögn eru afhent á skrifstofu vorri. Tilboð verða opnuð
kl. 11.00 f.h. föstudaginn 19. des. n.k.
Menntamálaráðuneytið,
28. nóvember 1986.
________________________________________________
INNKAUPASTOFNUN RÍKISINS
Borgartúni 7, sími 26844
*r
2
#
*is\*