Þjóðviljinn - 16.04.1987, Blaðsíða 18

Með páskabros á vör
Páskafríið, lengsta frí vetrarins, er að byrja. Það
erjafnfrmtfyrstafríið okkarsíðan um jól og í
kjölfar þess koma dagar eins og sumardagurinn
fyrsti, verkalýðsdagurinn, fyrsti maí og fleiri slík-
ir sem við getum hlakkaðtil.
Áður voru páskarnir fjölskylduhátíð líkt og jólin.
Fjölskyldan kom saman við veisluborð og
gjarnan varfariðti! kirkju.
Við könnuðum iítillega hvort þessir siðir okkar
íslendinga hefðu breyst með nýjum tímum og
spurðum fólk að því hvað það ætlaði að gera í
páskafríinu.
Svör þess fara hér á eftir.
Gleðilegapáska!
Helena Jónsdóttir og Hrafnkell Tulini-
us.
Á skíði
Þau eru aö koma úr sund-
lauginni í Breiðholti.
Hún heitir Helena Jónsdóttir,
22 ára frá Vestmannaeyjum og
vinnur sem tölvari hjá Krabba-
meinsfélaginu. Hann heitir
Hrafnkell Tulinius, 23 ára frá Ak-
ureyri og vinnur við
rannsóknarstörf hjá Málun hf.
Þau hafa búið í Reykjavík í 3 ár
og finnst það ágætt en stundum
erilsamt.
„Fara á skíði,“ svara þau sam-
tímis. „Við vorum að koma úr
Bláfjöllum í dag. Við förum á
skfði hvenær sem við getum,“
segir Hrafnkell. „Um páskana
förum við annaðhvort í Bláfjöll
eða norður á Akureyri. Það er
ekki alveg ákveðið."
Á.M.E.
Guðmundur Snorrason
Róast með
aldrinum
Guðmundur Snorrason fulltrúi
á Keflavíkurflugvelli:
„Ég er ekki búinn að ákveða
hvað ég ætla að gera við tímann í
fríinu.
Maður hefur róast svo með
aldrinum. Áður var ég mikið í
félagsmálum og þá liðu engir
páskar svo að ekki væri farið í
ferðir yfir páskahelgina, t.d. í
Þórsmörk.
Núorðið held ég páskana oftast
hátíðlega með því að kaupa
páskaegg fyrir systkinabörnin og
skrepp a.m.k. til Hveragerðis
frekar en að gera ekki neitt.“
SM
Ég œtla
að telja
kindurnar
Mæðginin Emilía 29 ára og
Eyvindur 5 ára voru á Laugaveg-
inum á leið í Þjóðleikhúsið að
kaupa miða á Rympu á rusla-
haugnum.
„Við ætlum til Lilju ömmu í
Vestmannaeyjum um páskana,”
sagði Eyvindur.
„Við fljúgum á miðvikudag
fyrir páska,” sagði Emilía. „Og
ég hef mörgum sinnum komið í
flugvéi áður, mér finnst það ægi-
lega gaman og ég er ekkert
hræddur,” heyrðist í Eyvindi
litla.
Hvers vegna til Eyja?
„Svo ég geti fengið páskagjöf-
ina mína. Svo ætlum við í ferm-
ingarveislu til frænda okkar. Mér
finnst líka svo gaman að fara upp
á fjöll með afa Gylfa og ég ætla að
telja kindurnar hans og ég á al-
vöru kíki og ætla að fara með
hann og skoða kindurnar með
honum. Og svo ætla ég líka að
skoða fuglana í fjallinu.”
En Emilía svarar: „Ég ætla að
láta stjana við mig, mér finnst
það svo gott. Frí eru aldrei nógu
löng fyrir mig.” E.K.
Emilía og Eyvindur
Á alveg
œðislegum
aldri
SofTía Óskarsdóttir er á „alveg
æðislegum aldri” eins og hún orð-
aði það, eða 53 ára og vinnur við
verslunarstörf. „Ef maðurinn
minn fær frí ætlum við í sumar-
bústaðinn okkar í Grímsnesinu
og vera þar. Þetta verður 5 daga
frí og ég vona bara að veðrið
verði gott. Við förum á okkar
eigin bíl og tökum litla voffann
okkar með. Svo koma alltaf gest-
ir - um síðustu páska vorum við
með fullt af gestum. Þetta er ansi
gaman, alltaf góður andi.”
Soffía ætlar að láta sér líða vel,
slappa af og eins og hún sagði:
„klippa trén mín, kíkja ofan í
jörðina og athuga hvort ekki sé
hægt að fara að setja lauka í potta
og undirbúa fyrir sumarið. Það er
alveg dásamlegt að vera þarna í
Grímsnesinu í góðu veðri og ég
fer alltaf ef ég kemst, það er svo
gott að vera laus við ysinn og þy-
sinn í bænum.” E.K.
Soffía Óskarsdóttir
Auðvitað
borða
póskaegg
„Ég veit ekki hvað ég ætla að
gera,“ sagði Gunnar Már Krist-
jánsson 5 ára Vestmannaeyingur,
leika mér við Hauk vin minn. Ég
fer til Akureyrar um páskana -
heimsækja fullt af frændum og
frænkum á Akureyri og ömmu
mína. Ég fer í fermingarveislu hjá
Hjedda frænda mínum. Ég hef
oft farið til Akureyrar. Ég fer á
þotu ef það verður snjór, borða
svo auðvitað páskaegg og
nammi. Ég á fimm fótbolta en
gleymdi þeim öllum heima.
Haukur vinur minn segir að Jesús
hafi verið krossfestur á páskun-
um. ÁS
Gunnar Már Kristjánsson
Gönguferðir
kringum
Rauðavatn
Hárgreiðslustofan var tóm,
viðskiptavinir dagsins allir famir
til síns heima. Bára Kemp hár-
greiðslumeistari settist í einn stó-
linn og slakaði á eftir erilsaman
dag.
„Ég ætla að slappa af og hvíla
lúin bein. Tíminn fyrir páska er
mjög erfiður vegna ferminganna.
Ég bý nærri Rauðavatni. Þar er
kjörið svæði til langra göngu-
ferða. Ég stefni að því að ganga
mikið um páskana. Einnig hjól-
um við mikið, sonur minn og ég,
við njótum okkar svo sannarlega
úti í náttúrunni."
Bára sagðist einnig stunda
Bára Kemp.
skíði en ekki ætla í fjöllin um
þessa páska. Hún vill vera í betra
formi til skíðaiðkana.
„Páskarnir hjá okkur líða yfir-
leitt í kyrrð og ró. Við borðum
góðan mat hittum vini og kunn-
ingja sem óneitanlega em van-
ræktir vegna tímaskorts."
Fiskimennska
er mínar
œr og kýr
Karl Leví Jóhannesson lífeyris-
þegi og trillukarl:
„Ætli maður geri nokkuð ann-
að en dunda í bátnum, já og gjóa
augunum á sjónvarp og í blöðin.“
Báturinn, Helga Péturs, stóð á
þurru fyrir neðan Slippinn í
Reykjavík og við hann var Karl
Leví að nostra. Helga er smíðuð
af Karli Leví og syni hans og hún
var tekin í notkun 1980.
„Maður átti báta í gamla daga
fyrir vestan. Ég var á togurum á
stríðsámnum og síðan á sfldar-
bátunum meðan þeir voru og
hétu en mig vantaði réttindi. I
þrettán ár var ég hjá Garða-
Héðni.
Fiskimennskan er mínar ær og
kýr - maður er fæddur með þess-
um ósköpum. Báturinn fer á flot
fyrir páskana. Nei, ég veiði ekki
um páskana, skömmtunarstjór-
inn, Halldór Ásgrímsson bannar
það. Já, það er meiningin í sumar
að vera við þetta ef heilsan leyfir.
Þetta er heilsusamlegt. Ég fer á
færi, það er enginn fiskur í net svo
maður fer ekki á þau. Nei ég er
ekkert að þenja mig til annarra
Ianda, Mallorkapeningarnir mín-
ir liggja í bátnum. Allur minn frí-
tími hefur farið í bátinn.“
Karl Leví Jóhannesson ellilífeyrisþegi
og trillukarl.
Magnús Sigurðsson verkfræðingur
hjá IBM.
Förum ó
gönguskíði
Magnús Sigurðsson verkfræð-
ingur hjá IBM:
„Ef ég geri eitthvað sérstakt þá
fer ég upp í fjöllin á gönguskíði.
Við emm með ungabarn og ger-
um eitthvað sem hentar okkur
öllum.“
Magnús var á ferð í Heiðmörk-
inni fyrsta daginn eftir langt
kuldakast og rok í byrjun aprfl.
Hann var að viðra tvo hunda, 12
ára gamlan Labrador og 6 ára
Golden Retriever.
„Eftir vinnuna við skrifborðið
er gott að eiga gönguferð í vænd-
um með hundana. Þá verður að
viðra minnst klukkutíma á dag.
Það kostar vinnu að hafa hund.
Yngri hundurinn, Bangsa, á ég
sjálfur og hann kemur með í
skíðaferðimar. „Bangsinn" fylgir
okkur fast eftir en stundum fer
hann styttri rannsóknarferðir út
fyrir brautina. En það er ekki
vandamál að fá gæslu fyrir hann
ef við fömm eitthvað að heiman,
t.d. í sumarfríum. Þetta er svo
gott grey.“
Pétur Ágúst.
Guð býr
í fjöllunum
Pétur Ágúst 4ra ára, hitti ég á
Austurvelli.
Hvað em páskar?
„Það em bara nokkrir dagar.“
Áf hverju eru páskar?
„Af því ég á afmæli, nei Jesú-
barnið á afmæli þá.“
Er Jesúbarnið til?
„Það er til.“
Hvar á það heima?
„Hjá Guði.“
Hvar á hann heima?
„í fjöllunum."
Hvað ætlar þú að gera um pá-
skana?
„Ég ætla að fá mér páskaegg.“
K.M.S.
18 SÍÐA - ÞJÓÐVILJINN PÁSKAR 1987