Þjóðviljinn - 05.07.1987, Blaðsíða 18

KROSSGÁTA NR. 575
Setjið réttastafi íreitina hérfyrirneðan. Þeirmynda þábæjar-
nafn. Sendu þetta nafn sem lausn á krossgátunni til Þjóðvilj-
ans, Síðumúla 6a, Reykjavík, merkt: „Krossgátanr. 575“.
Skilafrestur er þrjár vikur. Verðlaunin verða send til vinnings-
hafa.
Stafirnir mynda íslenskt orð eða mjög kunnugleg erlend heiti hvort se.n lesið er
lárétt eða lóðrétt.
Hver stafur hefur sitt númer og galdurinn við lausn gátunnar er sá að finna
staflykilinn. Eitt orð er gefið og á það að vera næg hjálp því með því eru gefnir
stafir í allmörgum orðum. Það eru því eðlilegustu vinnubrögðin að setja þessa
stafi í hvern sinn reit eftir því sem tölurnar segja til um. Einnig er rétt að taka
fram að í þessari krossgátu er gerður skýr greinarmunur á grönnum sérhljóða
og breiðum, t.d: getur a aldrei komið í stað á qða öfugt.
Birna Jóhannesdóttir hlaut verðlaun fyrir krossgátu númer 572. Lykil-
orðið var Snæbjörg. Hún fær senda bókina Ólíkar persónur eftir
Þórberg Þórðarson.
AÁBDÐEÉFGHIÍJKLMNOÓPRSTUÚVXYÝÞ/EÖ
7 22 6 1H 15 Z(q n y

Verðlaunin fyrir krossgátuna að
þessu sinni er Mislitt mannlíf eftir
Guðmund L. Friöfinnsson. Örn
og örlygur gáfu út.
SKÝRT OG SKORINORT:
BRIDGE
Slök útkoma í góðu
móti
Norðurlandamóti yngri spilara,
sem haldið var í Hrafnagilsskóla í
Eyjafirði í síðustu viku, lauk með
sigri Norðmanna. Liðið var skipað
þekktum landsliðsspilurum og bar
höfuð og herðar yfir andstæðinga
sína.
Frammistaða okkar manna hefur
víst ekki farið framhjá íslensku
bridgeáhugafólki. Liðin tvö verm-
du botnsætin. Um yngra liðið er það
að segja, að framtíðin er þeirra og
mót sem þetta gefur þeim aukinn
skilning á gildi undirstöðuatriða
íþróttarinnar. Um eldra liðið giltu
önnur lögmál. Ákveðnarvonirvoru
bundnar við það lið en í megin-
atriðum má segja að flest þau atriði
hafi brugðist. Um ástæður skal ekki
fjölyrt hér og nú, en það má ljóst
vera, bæði fyrir þá sem skipuðu
þetta lið og hina sem bera hitann og
þungann af undirbúningi móta sem
NM og EM í þessum keppnisflokki,
að það er ekki sjálfsagður hlutur að
vera með, einungis til að vera með.
Spilarar verða að gera kröfur til
sjálfs síns, fyrr geta þeir ekki gert
kröfur til annarra.
Það má ekki skiljast svo við þetta
mót, að ekki sé getið frammistöðu
þeirra sem stóðu í eldlínunni fyrir
norðan, í mótsstjórninni og undir-
búningi. Þeirra Agnars, Sigmundar
Cecils, Gunnars, Péturs, Guð-
mundar og Stefáns og Tryggva, auk
eflaust margra annarra (ekki má
gleyma Sofffu). Fyrir utan
Norðmanna-sigur, voru þau hinir
eiginlegu sigurvegarar, sökum góðs
undirbúnings og vinnuframlags.
Hafi hópurinn þökk fyrir.
Þar kom að því að óvænt úrslit
sæju dagsins ljós í Bikarkeppni
Bridgesambandsins. Sveit Al-
mennra trygginga í Reykjavík sig-
raði sveit Pólaris í 1. umferð og
mætir næst sveit Halldórs Tryggva-
sonar Sauðárkróki. Sveit Sigurðar
B. Þorsteinssonar Reykjavík sig-
raði naumlega sveit Heimis Hjart-
arsonar Keflavík í 1. umferð og
mætir sveit Atlantik í 2. umferð.
Þarmeð lauklcikjumí 1. umferð. 2.
umferð skal spilast fyrir helgina 19.
júlí. Dregið verður í 3. umferð í
næstu viku.
Látlaus aðsókn er í Sumarbridge
1987, sem spilaður er á hverjum
þriðjudegi og fimmtudegi að Sig-
túni 9. Síðasta þriðjudag mættu um
120 manns til spilamennsku, sem
þýðir að meðalþátttaka á viku er vel
yfir 200 manns. Þessi góða aðsókn
(þrátt fyrir eindæma veðurblíðu,
sem ætla má að dragi eitthvað úr
aðsókn) sýnir okkur að bridgespila-
mennskan er stöðugt í sókn og sí-
fellt bætast við ný andlit. Er ekki
nema gott eitt um það að segja.
Raunar er það umhugsunarefni
hvort ekki sé grundvöllur fyrir
frjálsri spilamennsku (óháð öllum
skipulögðum félagsskap) yfir
vetrartímann einnig. Sama form og
á spilakvöldum Sumarbridge. Slíka
spilamennsku má nefna „Vetrar-
bridge“.
Philip Morris Evrópubikar-
keppni sveita 1987 verður haldin í
haust, með svipuðu formi og á síð-
asta ári. Þátttökuþjóðum verðúr
skipt í 5 „grúppur" og komast sigur-
vegarar úr hverjum hópi í úrslit. Úr-
slitin verða síðan spiluð í Kaup-
mannahöfn í endaðan mars 1988.
Ef að líkum lætur mun Bridgesam-
bandsstjórn ákveða að verða með,
og væntanlega mun þá sveit bikar-
meistara BSI 1987 verða fulltrúi ís-
lands í ár.
Danir unnu þessa keppni á síð-
asta keppnistímabili og kom sá
sigur mörgum á óvart.
Næsta bókapöntun BSÍ til USA
verður gerð í haust. Ef einhverjir
ÓLAFUR
LÁRUSSON
hafa óskir um sérstakar bækur sem
þeir vilja komast yfir í leiðinni, geta
þeir hinir sömu haft samband við
skrifstofur BSÍ. Bækurnar sem
þannig fást verða seldar á kostnað-
arverði.
- Slakt gengi yngri liðanna okk-
ar á NM í Eyjafirði í síðustu viku,
vekur þær spurningar hvort ekki sé
tímabært að leggja meira upp úr
unglingastarfinu en gert hefur ver-
ið. Eitt spor í þá átt gæti verið þátt-
taka pkkar í árlegum unglingabúð-
um, sem Evrópusambandið í sam-,
vinnu við Hollenska hugaríþrótta-
sambandið gengst fyrir. Ef við lítum
á þátttakendur í þessum búðum síð-
ustu árin, kemur í ljós að flestir af
yngri spilurum nútímans sem skara
fram úr, hafa einmitt verið þátttak-
endur í þessu starfi. Hinir sem
aldrei hafa verið með í þessu, írar
og aðrir, hjakka í sama farinu og
eru ánægðir með meðalárangur.
Hvernig væri að taka á þessum mál-
um og hefja markvisst uppbygging-
arstarf?
Og viðbót við Bikarkeppni BSÍ.
Sveit Sigurðar B. Þorsteinssonar
sigraði sveit Atlantik næsta
auðveldlega í 2. umferð og er þar-
með komin í 3. umferð.
Friðum hvali og framsóknarmenn!
I
HalldórÁsgrímsson erþjóðhetja.
Hann lætur nefnilega enga út-
lenska skrattakolla vaða yfir sig.
Hann gefur skít í einhverja skeg-
gjaða lubba sem þykjast ætla að
bjarga heiminum. HalldórÁs-
grímsson veit að það er hvalur í
sjónum.
Og hann ætlar að veiða hval-
inn.
II
UndirritaðurSnati hefuraldrei
haft neina sérstaka samúð með
sálarlífi hvala; ekki frekar en
sauðkindum eða alíhænsnum,
enda er það fyrirtaks matur. Og
það er svosem ekkert tiltökumál
þótt dýrategund sé étin upþ til
agna. Það er nóg af sauðkind-
inni. Svo mikið að það verður að
keyra með fjallalömbin á
hauganaístórumstíl.
En HalldórÁsgrímsson er
þjóðhetja af því hann hef ur orðið
sér athlægis í útlöndum.
Og það er ekki nógu gott mál.
III
Umhverfisverndarsinnar hafa því
miður stundum á réttu að standa.
Það viðurkennist að þeir höfðu
rangt fyrir sér þegar þeir fullyrtu
aðframsóknarmenn væru í al-
varlegri útrýmingarhættu fyrir
síðustu kosningar. Það kom á
daginn við stofntalningu að það
var nóg til af framsóknar-
mönnum.
Þvímiður.
En svonaerlífið.
IV
HalldórÁsgrímsson heldursjálf-
sagt að það sé eins með hvalina
og framsóknarmennina. Þeirskili
sér alltaf. Og þessvegna allt í lagi
útrýma þeim nokkrum sinn-
um.
Þessvegna lætur hann útlend-
ingana hafa það óþvegið þegar
þeir ætla að hafa vit fyrir honum.
Halldóri sárnaði við Ameríkana
þegar þeir ætluðu að beita ís-
lendinga hörðu. Og þetta kallar
maðurvinisína, sagði Dóri sárog
fullyrti að langt um liði áður en um
heiltgreri. HalldórÁsgrímsson er
semsagt langt kominn með að
eyðileggja hið vinsamlega sam-
starf Bandaríkjanna og íslands.
Allirsanniríslendingarhljóta
að mótmæla. Það er Ijótt að móð-
ga vini sína. Og verða þjóðhetja
fyrír bragðið!
V
í útlenskum blöðum eru menn
hvattirtil að hætta að kaupa ís-
lenskt. Þjóðinni er stillt upp sem
blóöþyrstum, ósiðmenntuðum
eskimóu m. Það er að vísu hið
besta mál og alveg hárrétt að
auki.
En undirritaðan Snata tæki
sárt ef kindakjötsmarkaðir okkar í
Svíþjóð lokuðust; ef Kanar hættu
að borða hringormana okkar og
við yrðum að keyra allt heila
klabbiðáhaugana.
Ekki lifum við á Halldóri Ás-
grímssyni til eilífðar þótt hann sé
þétturávelli.
Halldór Ásgrímsson er mis-
skilinn stjórnmálamaður. Vegna
þess að hann glottir eins og Oli
Jó, er að austan eins og Villi á
Brekku og í Framsóknarflokkn-
um eins og Denni - þá halda allir
að hann sé geníal pólitíkus.
Það erekki rétt. HalldórÁs-
grímsson er stórlega ofmetinn af
því hann hlær að útlendingum.
VI
HalldórÁsgrímsson hefurstefnt
samstarfi lýðræöisþjóðanna í
miklahættu. Þaraðauki ætlar
hann að útrýma hvölum, sém síð-
an þarf að keyra á haugana af því
enginn þorirað kaupa.
Hann hefur beðið þjóðina að
éta meiri hval. Hvalkjöt í hvert
mál. Þjóðin verði að sameinast
gegn útlendingum og sýna þeim
að við gefumst ekki upp. Étum
frekar sjálf allt gumsiö en að láta
okkursegjast.
Halldór Ásgrímson er semsagt
þjóðhetja.
Og hvernig væri þá að flytja
hanntilútlanda?
Með því væru tveimur dýrateg-
undum gefin grið: Hvölum og
framsóknarmönnum.

18 SÍÐA - ÞJÓÐVILJINN Sunnudagur 5. júlí 1987