Þjóðviljinn - 29.07.1987, Síða 10

Vinstriskæruliðar við æfingar. Átök þeirra og stjórnarhersins teljast ekki lengur til tíðinda.
Kólombía
Blóð, blóð,
blóð...
í föðurlandi Gabriel García Márquez er
enginn óhultur um lífsitt. Þar eruframin
11 þúsund morð á ári hverju
í Kólombíu er mannslífíð vegið
og léttvægt fundið. Þar hefur ara-
grúi manna það helst fyrir stafni
að murka lífið úr náunganum og
kennir margra grasa í þeim efn-
um. Dauðasveitir hers og örygg-
islögreglu leggja vinstrimenn í
einelti, „réttlætishópar“ myrða
homma og vændiskonur, skæru-
liðar vega hermenn stjórnarinnar
og leigumorðingjar moldríkra
kókaínbaróna sýna öllum banatil-
ræði sem ógna veldi þeirra og má
þá einu gilda hvort í hlut eiga ráð-
herrar, hæstaréttardómarar eða
blaðamenn.
Þar í landi búa ríkustu glæpa-
menn heims, kókaínbarónarnir
svonefndu, sem eru það loðnir
um lófana að þeir gátu gert ríkis-
stjórninni svohljóðandi tilboð
árið 1984: Ef þið hættið að amast
við okkur þá skulum við greiða
erlendar skuldir nkisins. Kól-
ombíska ríkið skuldar erlendum
lánardrottnum 13 miljarða
bandankjadala!
Sexfaldir Kanar
í Kólombíu eru 11 þúsund
menn myrtir eða vegnir í átökum
á ári hverju sem er sex sinnum
meira en í Bandaríkjunum en þar
í landi kalla menn ekki allt ömmu
sína í þeim efnum. Til hliðsjónar
má geta þess að þegnar Banda-
ríkjanna eru um 240 miljónir tals-
ins en íbúar Kólombíu á að giska
30 miljónir.
Gerrœði, gerrœði
Og ofbeldið færist í vöxt. „Lög-
leysur og geðþótta „réttlæti“ hafa
leyst réttarkerfið af hólmi og
landið virðist vera að sökkva oní
blóðfen," sagði fyrrum utanríkis-
ráðherra landsins, Alfredo Vasq-
uez, á mannréttindaráðstefnu í
höfuðborginni Bogota fyrir
skemmstu og tóku margir í sama
streng.
Borgarastríð er
barnaleikur...
Enginn kippir sér lengur upp
við það þótt fréttir berist af
mannfalli í átökum vinstriskæru-
liða og stjórnarhers. Þann 16.
júní sátu uppreisnarmenn fyrir
hersveit og felldu 27 dáta á einu
bretti en það þótti vart sæta tíð-
indum. f þrjátíu ár hafa slíkar
skærur verið daglegt brauð og
menn minnast enn tímabils sam-
felldra borgarastyrjalda, „La vi-
olencia“, sem lauk ekki fyrr en á
sjötta áratugnum og kostaði að
minnsta kosti 200 þúsund
mannslíf. Kólombíski rithöfund-
urinn og nóbelsverðlaunahafinn
Gabriel García Márquez veitir
mönnum innsýn í þetta ofbeldis-
þrungna tímabil í meistaraverki
sínu „Hundrað ára einsemd."
...samanborið við
morðœðið
En Kólombíumenn hafa
áhyggjur af öðru en hinum hefð-
bundnu vopnaviðskiptum skæru-
liða og hers. Óbreyttir þegnar eru
æ oftar myrtir af einkaböðlum
ýmiss konar hafi þeir „röng“ við-
horf, horn í síðu glæpamanna eða
fara einfaldlega í taugar einhvers
sem á byssu.
Vinstrimenn: myrtir
Meira en 400 félagar eða
stuðningsmenn hinnar vinstri-
sinnuðu Þjóðareiningar (UP)
hafa verið myrtir frá því samtökin
voru stofnuð fyrir tveim árum og
blandast fáum hugur um að
dauðasveitir hers og öryggis-
sveita hafi staðið þar að verki.
UP hreppti 23 sæti á þjóðþingi
landsins í kosningunum árið 1985
og á fulltrúa í yfir 300 sveita- og
bæjastjórnum. Frambjóðandi
UP í forsetakjörinu í fyrra, Jaime
Pardo Leal, kveður hægri öfga-
menn staðráðnari en nokkru
sinni fyrr í því að ganga milli bols
og höfuðs á hverjum einasta fé-
laga samtakanna og segir 25 hafa
verið myrta það sem af er júlí-
mánuði.
deildar lögreglunnar, öryggis-
fulltrúi ríkisflugfélagsins Avianca
og tveir kunnir blaðamenn sem
beitt höfðu sér fyrir hertri baráttu
gegn eiturlyfjaframleiðslu.
I janúar sýndu þessir glæpa-
kóngar hvers þeir eru megnugir.
Leigumorðingi skaut fyrrum
dómsmálaráðherra Kólombíu,
Enrique Parejo, í Búdapest og
slasaði hann alvarlega. Parejo
hafði getið sér orð fyrir baráttu
sína gegn eiturlyfjaframleiðend-
um og margsinnis fengið lífláts-
hótanir. Hann lét af embætti þeg-
ar hann var skipaður sendiherra í
Ungverjalandi þar sem hann var
talinn öruggur um líf sitt!
„Þeir hafa sýnt og sannað að
enginn mannlegur máttur getur
verndað borgarana fyrir útsend-
urum þeirra. Ríkisstjórnin er
vanmegna, allir eru vanmegna,“
segir dómari einn, Lancheros að
nafni.
Hann fullyrðir að sérhver lög-
maður eða dómari sem segi kóka-
ínbarónunum stríð á hendur
undirriti með því sinn eigin
dauðadóm. Lancheros kveður 70
dómara og lögfræðinga hafa ver-
ið myrta af þessum sökum á um-
liðnum fjórum árum.
Sömdu ríkisstjórn og
kókaínframleiðendur?
Hið eina sem eiturlyfjafram-
leiðendunum stóð einhver stugg-
ur af var fyrrnefndur milliríkja-
samningur Kólombíu og Banda-
ríkjanna frá árinu 1979 um fram-
sal stórtækra glæpamanna. Sem
áður getur buðust þeir til að
greiða allar erlendar skuldir Kól-
ombíu gegn því að stjórnvöld
riftu samningnum. Þetta var árið
1984 og þá sat önnur ríkisstjórn
að völdum en nú.
Þann tólfta júní síðastliðinn
gerist síðan það að sá úrskurður
er kveðinn upp að formgalli sé á
samningnum auk þess sem hann
brjóti í bága við stjórnarskrá
landsins. Þá voru liðin átta ár frá
gildistöku hans! Fyrir vikið
sluppu 70 glæpamenn með
skrekkinn en svo einkennilega
vildi til að fáeinum vikum síðar
fór ríkisstjórn Kólombíu þess á
leit við helstu lánardrottna sína
að þeir hæfu viðræður við hana
um skuldamálin! -ks.
Carlos Lehder fyrrum kókaínbarón.
Þeir hefna sín grimmilega og enginn
er óhultur.
„Morðingjarnir eru úr röðum
hers og lögreglu og fyrir vikið er
aldrei neinn handtekinn eða
ákærður fyrir þessa glæpi,“ segir
Leal.
Fyrir nokkru kom út skýrsla á
vegum kaþólsku kirkjunnar í
Kólombíu. Þar segir: „Nú er svo
komið að hver og einn telur sig
umkominn þess að taka lög og
rétt í sínar hendur. Sveitir vopn-
aðra glæpamanna og morðingja
sem tengjast hernum vaða uppi
undir því yfirskyni að þeir séu að
„hreinsa til í þjóðfélaginu“ án
þess að þurfa nokkru sinni að
standa ábyrgð gerða sinna fram-
mi fyrir dómstólum."
Hommar og
vœndiskonur: myrt
Einhver hópur sálsjúkra
manna sem nefna sig „Réttlætis-
hópinn" hefur tekið sér fyrir
hendur að „hreinsa þjóðfélagið“
og myrða þeir unnvörpum alla
homma, vændiskonur, betlara og
flækinga sem þeir komast í færi
við. Að sögn mannréttindasam-
taka í Kólombíu urðu hvorki
fleiri né færri en 1,500 íbúar borg-
arinnar Cali þessum vitfirringum
að bráð í fyrra. Engar tölur eru til
um hryðjuverk þessa hóps um
land allt á síðasta ári en menn
geta getið sér til um það því íbúar
Cali eru aðeins um fimm og hálft
prósent kólombísku þjóðarinnar.
Virgilio Barco forseti. Samdi hann við
kókaínframleiðendur?
Dómarar og
lögmenn: myrtir
Kókaínbarónarnir hafa urmul
leigumorðingja á sínum snærum
og vfla ekkert fyrir sér ef þeim
finnst sér ógnað. Þegar Virgilio
Barco var kjörinn forseti hét
hann því að skera upp herör gegn
þessum stórauðuga óþjóðalýð. í
fyrstu lét hann ekki standa við
orðin tóm en nú virðist hann vera
að heykjast á baráttunni við óvin
sem hefur sýnt og sannað að eng-
inn getur verið óhultur, hversu
háttsettur sem hann er í Kólomb-
íu.
Þann 4. febrúar síðastliðinn
réðust sveitir úr eiturlyfjadeild
lögreglunnar til inngöngu í höf-
uðstöðvar Carlosar nokkurs Leh-
ders á stórbýli nærri bænum Me-
dellin. Lehder þessi var einn um-
svifamesti kókaínbarón Kólomb-
íu. Hann varsnimmhendis fluttur
flugleiðis til Flórída í Bandaríkj-
unum og framseldur þarlendum
yfirvöldum samkvæmt milliríkj-
asamningi frá árinu 1979.
Flýtirinn á sér mjög eðlilegar
skýringar, yfirvöld óttuðust að
einkaher „barónsins" og mútu-
þegar innan lögreglunnar myndu
frelsa hann ef nokkur dráttur yrði
á framsalinu.
Á síðasta ári hefur mikill fjöldi
manna fallið fyrir hendi böðla
kókaínrisanna. Þar á meðal eru
hæstaréttardómari, sakadómari,
fyrrum yfirmaður eiturlyfja-
10 SÍÐA - ÞJÓÐVILJINN Miðvikudagur 29. júlí 1987