Þjóðviljinn - 10.10.1987, Blaðsíða 4

_______________IEHDAR1___________
Þýðing Reykjavíkurfundarins
íslandsbúar kærir litu upp forviða fyrir ári, allt í
einu voru oddvitar risaveldanna komnir inn á
gafl hjá okkur og gerðu sig líklega til að leysa
heimsvandann. Allir sem vettlingi gátu valdið
ruku af stað með leigusölu, minjagripaútgáfu og
alla aðra þjónustu, ráðherrar voru drjúgir og
leyndardómsfullir og allir blaðasnápar veltu
vöngum yfir fréttum jafnt sem fréttaskorti sólar-
hringinn allan.
Einsog menn muna varfundur þeirra Gorbat-
sjovs og Reagans mjög dramatískur- lokaþátt-
urinn dróst á langinn og eftirvænting komst upp
fyrir suðumark: kannski gerist loks eitthvað í
þeim afvopnunarmálum sem löngu höfðu
hjakkað í sama fari? Þar á eftir komu átakanleg
vonbrigði: héðan fóru höfðingjarnir án þess að
gera með sér samkomulag. En þá þegar vildu
menn samt meta þennan fund mikils og fram-
vinda mála hefur síðan orðið sú, að það mat
sýnist fullkomlega réttmætt.
Fyrir Reykjavíkurfund voru spár um árangur
næsta hógværar. Menn gerðu ráð fyrir því að
rætt yrði um viðfangsefni þarnæsta fundar
leiðtoganna og kannski samið um afmarkaðan
áfanga í afvopnunarmálum svo sem til að sýna
heiminum eitthvað áþreifanlegt. Sem fyrr segir
og menn muna var þetta ekki gert. Aftur á móti
varð annað upp á teningnum sem hefur dregið
merkilegan slóða á eftir sér: Þeir Reagan og
Gorbatsjov lögðu á sitt samningaborð miklu
djarfari og róttækari hugmyndirum niðurskurð á
kjarnorkuvígbúnaði og jafnvel útrýmingu hans
síðar meir en nokkur hafði búist við. Það mátti
jafnvel heyra hér og þar hljóð úr horni um að
Reagan hafi látið snúa á sig, þvæla sér miklu
lengra en hans „haukar“ í Pentagon vildu eða
þá herstjórar Nató. En sama var: í Reykjavík
urðu, eins og margir taka fram nú um stundir,
þáttaskil einskonar. Andrúmsloft allt batnaði
milli risaveldanna, en hafði verið mjög stirt á
næstliðnum misserum. Það kom skriður á um-
ræður um einstaka þætti eftirlits með vígbúnaði
og niðurskurð á honum - sem hefur m.a. leitt til
þess að samkomulag um niðurrif meðaldrægra
eldflauga er komið í höfn eða svo gott sem.
íslendingar töldu sig að vonum hafa orðið
fyrir mikilli sögulegri heppni með því að eiga
kost á að skjóta húsi yfir slíkan fund. Menn vissu
sem var að með fundinum fengi landið gífurlega
kynningu í sjónvarpsstöðvum heimsins - og
vorum við minnt á það í syrpu úr bandarískum
fréttaþáttum sem sjónvarpið sýndi á
fimmtudagskvöldið. Þessir landkynningar-
möguleikar urðu til þess að margir fengu glýju í
augun og bjuggu sig til að taka óstöðvandi
straumi ferðamanna og ráðstefnugesta, en
gleymdu því, að sjónvarpsauglýsing hefur ekki
áhrif nema skamma stund í senn eins og dæmi
sanna.
Það komu líka upp hugmyndir, sem verið er
að viðra öðru hvoru, um að með fundi þeirra
Reagans og Gorbatsjovs hafi skapast gott for-
dæmi um að gera ísland, sem ekki á eigin her,
að meginvettvangi friðar- og sáttaumleitana.
Slíkar hugmyndir eru góðra gjalda verðar - en
spurt er: hvað þarf til að þær eigi möguleika á að
sjá veruleikans Ijós? Ólafur Ragnar Grímsson
segir í viðtali við Þjóðviljann í gær, að það sé
gæfa fyrir íslendinga að nafn landsins og höfu-
ðborgarinnar skuli vera orðið tákn raunhæfra
vona um afvopnun og heim án kjarnorkuvopna.
„En,“ bætti hann við, „það er þessvegna mikil-
vægt að við sýnum í verki að við viljum rísa undir
þessari frægð með því að hætta að leyfa aukna
hervæðingu í okkar eigin landi og gerast í stað-
inn frumkvöðlar að afvopnun hjá okkur sjálfum
og í hafinu umhverfis okkur.“
áb
LJOSOPIÐ
Mynd: Sigurður Mar
þlÖÐVILIINN
Málgagn sósíalisma, þjóðfrelsis
og verkalýðshreyfingar
Útgofandl: Útgáfufélag Þjóðviljans.
Rltstjórar: Ámi Bergmann, Þráinn Bertelsson, össur
Skarphéðinsson.
Fréttastjórl: Lúðvík Geirsson.
Blaðamenn: GarðarGuðjónsson, Guðmundur RúnarHeiðarsson, .
Hrafn Jökulsson, HjörleifurSveinbjömsson, IngunnÁsdísardóttir,
Kristín Ólafsdóttir, Kristófer Svavarsson, Logi Ðergmann Eiðsson
(íþróttir), Magnús H. Gíslason, Mörður Ámason, ÓlafurGíslason,
Ragnar Karisson, SigurðurÁ. Friðþjófsson, Stefán Ásgrimsson, Vil-
borg Davíðsdóttir, Yngvi Kjartansson (Akureyri).
Handrlta- og prófarkalaatur: Elías Mar, Hildur Finnsdóttir.
LJ ósmyndarar: Einar Ólason, Sigurður Mar Halldórsson.
Utlltateiknarar: Sœvar Guðbjömsson, GarðarSigváldason.
Margrét Magnúsdóttir
Framkvæmdastjóri: Guðrún Guðmundsdóttir.
Skrifatofuatjóri: Jóhannes Haröarson.
Skrlfstofa: Guðrún Guðvarðardóttir, Kristín Pétursdóttir.
Auglýalngaatjórl: Siaríður Hanna Sigurbjörnsdóttir.
Auglýaingar: Unnur Ágústsdóttir, Olga Clausen, Guðmunda Krist*
insdóttir.
Slmvarala: Hanna Ólafsdóttir, Sigriður Kristjánsdóttir.
Bflatjórl: Jóna Sigurdórsdóttir.
Útbrolð8lu- og afgrelðslustjóri: HörðurOddfríðarson.
Afgreiðsla: Bára Sigurðardóttir, Hrefna Magnúsdóttir.
Innheimtumenn: Brynjólfur Vilhjálmsson, OlafurBjörnsson.
Útkeyrsla, afgreiðsla, ritstjórn:
Síöumúla 6, Reykjavík, sfmi 681333.
Auglýsingar: Sfðumúla 6, sfmar 681331 og 681310.
Umbrotog setning: Prentsmlðja Þjóövlljans hf.
Prentun: Blaðaprent hf.
Verð f lausasölu: 55 kr.
Helgarblöð: 65 kr.
Áakrlftarverð á mánuðl: 600 kr.
4 SÍÐA - ÞJÓÐVILJINNj Laugardagur 10. október 1987