Þjóðviljinn - 16.12.1987, Qupperneq 1

Ratsjárstöövarnar
Aronskan í f járlögum
Rekstur ratsjárstöðva áfjárlögum. Hækkar úr20 milljónum í 309 milljónir á milli
ára. Bandaríkjaher borgar. Steingrímur J. Sigfússon: Með þessu er verið að
viðurkenna ákveðið aronskuhlutverk
Aronskunni hefur verið laumað
inn í fjárlög íslenska ríkisins.
Undir utanríkisráðuneytinu í A-
hluta frumvarpsins er liður sem
kallast ratsjárstöðvar, rekstur.
Liður þessi skaut fyrst upp kollin-
um á fjárlögum ársins í ár og
hljóðaði þá upp á rúmar 20
milljónir.
í fjárlögum fyrir næsta ár er
þessi liður kominn í tæpar 309
milljónir króna. Liður þessi kem-
ur hinsvegar ekki niður á skatt-
greiðendum því tekjur íslenska
ríkisins af ratsjárstöðvunum,
greiddar af Bandaríkjamönnum,
er upp á sömu krónu og útgjöld-
in.
„Með því að ráðstafa þessu
sem íslensku fé er verið að viður-
kenna ákveðið aronskuhlutverk
ríkissjóðs," sagði Steingrímur J.
Sigfússon í gær, en Steingrímur
bar fram breytingatillögu við
fjárlögin þar sem lagt var til að
þessi liður fjárlaga yrði lagður
niður. Tillagan var felld, en þing-
menn Alþýðubandalags og
Kvennalista studdu hana.
Steingrímur sagði að þetta væri
afleiðing af þeim skollaleik sem
hafður hefði verið um þessi
mannvirki, sem væru okkur ís-
lendingum óviðkomandi. Þarna
væri verið að útbúa hernaðar-
mannvirki í neytendaumbúðir.
„Hér streyma framlög Banda-
ríkjahers inn og út af fjárlögum
og mismunurinn er núll. Þetta
kemur íslensku þjóðinni álíka
mikið við og þetta núll. Hér er
um að ræða nýmæli sem ég tel
algjörlega fráleitt. Megum við
ekki alveg eins eiga von á því að
rekstur herstöðvarinnar verði
færður á fjárlög,“ sagði
Steingrímur.
Önnur breytingatillaga frá
Steingrími og fleiri þingmönnum
Alþýðubandalags, um að fram-
lög til Atlantshafsbandalagsins
yrðu minnkuð úr 13,5 milljónum
í eitt þúsund krónur var einnig
felld með 36 atkvæðum gegn 8
atkvæðum Alþýðubandalags.
-Sáf
Sjá bls. 2
8 dagar
til jóla
að er djöfulinn ekkert að gera
og svona er þetta búið að vera
í allan vetur. Við sitjum hér á
fclgunum og teljum á okkur tærn-
ar í aðgerðaleysinu, sagði Axel
Örlygsson, starfsmaður hjá
Gúmmívinnustofunni í Skipholt-
inu í samtali við Þjóðviljann í
gær.
Þessi einstæði snjólausi vetur
fer misvel í menn, en óhætt er að
fullyrða að fáar starfsstéttir hér á
landi fara jafn illa út úr honum
sem vinna á hjólbarðaverkstæð-
um hér í bæ. Engin sala á hjól-
börðum, enginn skiptir yfir á
nagladekk og yfirhöfuð ekkert að
gera og dagurinn er lengi að líða.
Að sögn Axels, sem er búinn
að vinna á hjólbarðaverkstæði í
tvö ár er þetta versta árið sem
komið hefur. Sömu sögu hafði
Benedikt Jónatansson, starfs-
maður hjá Barðanum í Súðar-
vogi, að segja. Þar hefur ekkert
verið að gera í allan vetur og eng-
in sala. Benedikt sagði að fyrir-
huguð tollalækkun á hjólbörðum
um 20% eftir áramót hefði líka
sitt að segja og taldi hann að fólk
biði eftir tollalækkunum og nýja
verðinu eftir áramótin.
Jóhannes Vilhjálmsson, fram-
kvæmdastjóri Gúmmíkarlanna,
var einna bjartsýnastur á vetur-
inn og sagði að það væri þokka-
legt að gera hjá þeim en þrátt
fyrir það kæmi snjóleysið illa nið-
ur á starfsemi fyrirtækisins. Þessi
vetur er sá lakasti af þeim fjórum
sem hann hefur starfað í bransan-
um. En Jóhannes sagði ennfrem-
ur að þetta væri mjög svo
sveiflukennd atvinnugrein og við
því væri ekkert að gera né segja.
Aðeins að vona að eitthvað birti
til áður en veturinn væri allur.
grh
Umönnun
Svörtum
dagmæðrum
fækkar
Bergur Felixson: Mikil
vöntun á dagmœðrum í
gömlu hverfunum.
Framboðið á dagmæðrum er
afskaplega misjafnt eftir
hverfum. I gömlu hverfunum er
þetta miklu erfíðara viðfangs en í
hinum nýrri, sagði Bergur Felix-
son, framkvæmdastjóri Dagvist-
ar barna.
í haust hefur verið töluverð
ásókn í pláss dagmæðra, meiri en
hægt hefur verið að anna, sagði
Bergur.
Nú eru starfandi um 350 dag-
mæður í Reykjavík, og er það
svipaður fjöldi og undanfarin
haust að sögn Bergs. Hann segir
að þó sé á það að líta á þenslutím-
um sem þessum að auðvelt sé að
verða sér úti um vinnu, og því sé
líklegt að margar konur kjósi að
vinna utan heimilis, enda sé dag-
mæðrastarfið einangrað starf.
Selma Júlíusdóttir, formaður
Samtaka dagmæðra, sagði að-
spurð að dagmæðrum þeim sem
ekki væru á skrá hefði fækkað
mjög að undanförnu. „Við vitum
um eitt og eitt tilfelli og það er til
vansa,“ sagði Selma, „en nú er
starfandi nefnd á vegum mennta-
málaráðuneytisins sem á að
semja tillögur að lögum og reglu-
gerðum gagnvart dagmæðrum.
Nefndin lýkur störfum fljótlega á
næsta ári, og við bindum miklar
vonir við störf hennar.“ Hæsti
taxti dagmæðra fyrir átta stunda
gæslu með fullu fæði er nú um
þrettán þúsund krónur á mánuði.
Laun samkvæmt þessum taxta fá
þær dagmæður sem hafa annað
tveggja lokið tveimur námskeið-
um á vegum Námsflokka Reykja-
víkur sem Samtök dagmæðra og
Dagvist barna standa einnig að,
eða lokið einu námskeiði og hafa
níu ára starfsreynslu.
Áætlað er að kostnaður við
hvert barn á dagheimilum borg-
arinnar nemi um 24,000 krónum
á mánuði. HS
„Við sitjum hér á felgunum og teljum á okkur tærnar." Þrír aðgerðalitlir í Gúmmívinnustofunni: Axel Örlygsson, Þorgeir Einarsson og Sturla Pétursson.
(Mynd: Sig).
Hjólbarðar
Verkstæðin á felgunum
Ekkert að gera á verkstæðunum. Engin sala á hjólbörðum og enginn skiptiryfir á nagladekk.
Ástœðan snjóleysið ogfyrirhuguð tollalœkkun á hjólbörðum