Þjóðviljinn - 14.01.1988, Blaðsíða 2

-SPURNINGIN—
Spurt í Grafarvoginum
Óttast þú mengunarslys frá
Áburðarverksmiðjunni?
Magnús Sigurðsson
matsveinn:
Ég óttast ekki að svo verði. Ég
læt hverjum degi nægja sína
þjáningu.
Kristín Jónsdóttir
húsmóðir:
Mér er það efst í huga að á stutt-
um tíma hefur komið þrisvar sinn-
um upp eldur í verksmiðjum. Það
á hiklaust að flytja verksmiðjuna
burt og það er hneyksli að það
hafi tekið 2 ár að komast að þeirri
niðurstöðu sem nú liggur fyrir.
I
Geir Ólafsson
nemi:
Það gera það allir. Mér finnst að
það eigi að flytja verksmiðjuna
burtu því ef það verður slys veld-
ur það fyrirsjáanlega miklum
hörmungum.
Bjarni Gíslason
bifreiðarstjóri
Nei, það held ég ekki. Ég treysti
þessum mönnum sem stjórna.
Sigurður Pálsson
múrari:
Ég er ekki hræddur við það, nei.
Þeir geta líka gripið til varúðar-
ráðstafana.
FRETTIR
Hœkkanir
Verðlagseftirlit hert
Jón Sigurðsson viðskiptaráðherra: Verðlagsráð og Verðlagsstofnun skirristekki við aðfrysta
álagningu efbrögð eru að þvíað verslunin hækki álagningarprósentuna
Tíðar verðkannanir og mikil
upplýsingamiðiun er dag-
skipun viðskiptaráðherra tii
verðiagseftirlits og Verðlags-
stofnunar, til að fylgjast með
verðbreytingum þeim sem fylgja í
kjöifar uppstokkunar á toilum,
vörugjöldum, söluskatti og niður-
greiðsium, sem tóku gildi um ára-
mótin.
Jón Sigurðsson boðaði til
blaðamannafundar í gær ásamt
nokkrum samstarfsmönnum sín-
um og sagði að fullnaðarmyndar
af þessu máli væri ekki að vænta
fyrr en eftir nokkrar vikur, en
kvað mikilvægt að verðlagsþró-
uninni yrði veitt strangt aðhald á
næstunni. Heitir ríkisstjórnin á
verðlagsyfirvöld að skirrast ekki
við að frysta álagningu, ef brögð
eru að því að verslunin hækki
álagningarprósentu sína.
Verðlagsráð fundar í dag eða á
morgun og fjallar þá um fram-
kvæmdina, en ekki er í ráði að
fjölga starfsmönnum Verðlags-
stofnunar af þessu tilefni.
Georg Ólafsson verðlagsstjóri
sagði að hér væri á ferðinni breytt
pólitísk stefnumörkun í takmark-
aðan tíma, en samkvæmt stjórn-
arsáttmálanum á samkeppnin að
sjá sem mest um þessa hluti.
- Það hefur komið skýrt fram í
máli ýmissa forvígismanna versl-
unarinnar að þeir telji nýafstaðn-
ar breytingar þarflegar; nú er
mælst til þess að verðbreytingar
þeirra verði í samræmi við tolla
og skatta, sagði Jón Sigurðsson.
Þá sagði hann tolla- og skatta-
Fyrsti íslenski róbótinn
Sá fyrsti sem er hannaður og smíðaður hér á landi
Fyrsti ísienski iðnróbótinn hef-
ur verið tekinn í notkun hjá
ísienska álfélaginu hf. í
Straumsvík. Hann er hannaður
af Jóni Hjaltalín Magnússyni
verkfræðingi, en smíðaður hjá
Landssmiðjunni. Hann kostaði
4,5 miljónir króna.
í frétt frá álverinu segir að
hann hafi verið sérstaklega hann-
aður fyrir ÍS AL, en hlutverk hans
er að setja um 200 þúsund ál-
kraga á skautgaffla verksmizj-
unnar á hverju ári. Þetta verk,
Verkaskiptingin
Veröur skoðuð betur
Verkaskipting ríkis og sveitarfélaga aftur til umfjöllunar
félagsmálanefndar
Akveðið hefur verið að félags-
málanefnd neðri deiidar fái
frumvarp ríkisstjórnarinnar um
verkaskiptingu ríkis og sveitarfé-
iaga aftur til umfjöllunar og að þá
verði leitað álits ýmissa aðila sem
ekki gafst tími til áður þar sem
stefnt hafði verið að því að frum-
varpið yrði að lögum áður en
þingheimur færi í frí.
Nú er ljóst að frumvarpið nær
ekki fram að ganga fyrir helgi og
því fór Alexander Stefánsson,
formaður félagsmáladeildar
neðri deildar, fram á þetta þegar
halda átti áfram annarri umræðu
um frumvarpið í deildinni í gær.
Kristín Einarsdóttir greindi þá
frá því að minnihluti nefndarinn-
ar hefði óskað þess að málið yrði
sent til umsagnar sveitarstjórna
en fengið þau svör að ekki gæfist
tími til þess. Nú hefðu hins vegar
orðið veðrabrigði til hins betra og
fagnaði hún því. Hjörleifur Gutt-
ormsson sagði þetta óvanalega
málsmeðferð en þrátt fyrir það
bæri að fagna þessu, enda hefði
málið verið mjög illa undirbúið.
- Sáf
breytingarnar til þess gerðar að
treysta fjárhagslega undirstöðu
velferðarríkisins og skattkerfis-
ins. Þessar breytingar verða
vinsælasta mál ríkisstjórnarinnar
þegar tímar líða, þrátt fyrir við-
kvæman umþóttunartíma nú,
sagði hann. HS
Happdrœtti
Sá stóri
trekkir
Fólk spilar í happdrættum í
von um stóran vinning, þótt hinir
smærri séu líka kærkomnir, sagði
Jóhannes Helgason forstjóri
Happdrættis Háskólans, en nýtt
happdrættisár er nú að fara af
stað.
Jóhannes sagði að stóru vinn-
ingarnir væru ekki mikill hluti af
veltunni, en alls greiðir happ-
drættið tæplega 1400 milljónir í
vinninga á árinu samkvæmt vinn-
ingaskrá.
Að sögn Jóhannesar hefur
endurnýjun gengið ágætlega, og
gat hann ekki merkt að mýmarg-
ar nýjungar í happdrættismálum
þjóðarinnar skertu hlut Happ-
drættis Háskólans.
300 krónur kostar nú að endur-
nýja venjulegan miða á mánuði,
1500 krónur trompmiða og 2700
krónur númerið allt. HS
Forráðamenn álversins í Sraumsvík með fyrsta íslenska róbótinn í baksýn. Hann er fyrsti róbótinn sem hannaður er og
smíðaður hér á landi. Mynd: E.ÓI.
Álverið
sem þykir einhæft og leiðigjarnt
fyrir starfsmenn, hefur verið unn-
ið af einum manni hverju sinni,
en á tvískiptum vöktum. Það
lætur því nærri að með tilkomu
róbótsins sparist um tvö og hálft
ársverk. grh
Ráðstefna
Uppeldismal
Rannsóknastofnun uppeidis-
mála boðar til ráðstefnu um
rannsóknir á móðurmáli í skóla-
starfi á morgun og stendur hún
fram á laugardag.
Ráðstefnan verður haldin að
Borgartúni 6, Reykjavík og hefst
kl. 16.
Megintilgangur ráðstefnunnar
er að kynna íslenskar rannsóknir
er tengjast móðurmálskennslu í
skólum og opna umræðu um gildi
rannsókna fyrir skólastarf í
landinu.
Auk yfirlitserinda um mál-
vöndun í grunnskólum og ís-
lenskukennslu í framhalds-
skólum verða kynntar rannsóknir
á framburði, frásögn, fleirtölu-
myndun hjá börnum, ritun, stafs-
etningu, lestri og lesskilningi.
Fyrirlesarar verða: Sigríður Þ.
Valgeirsdóttir prófessor, Guð-
mundurB. Kristmundsson skóla-
stjóri, Baldur Hafstað M.A.,
Indriði Gíslasondósent, Kristján
Árnason dósent, Höskuldur Þrá-
insson prófessor, Hrafnhildur
RagnarsdóttirXektor, BaldurSig-
urðsson M.A., Steingrímur
Þórðarson menntaskólakennari,
Guðni Olgeirsson námsstjóri,
Þóra Kristinsdóttir, lektor og Jón
Torfi Jónasson dósent.
Öllu áhugafólki um móður-
málskennslu er boðin þátttaka í
ráðstefnunni.
2 SÍÐA - ÞJÓÐVILJINN Flmmtudagur 14. janúar 1988