Þjóðviljinn - 03.02.1988, Blaðsíða 10

Þjóðviljinn - 03.02.1988, Blaðsíða 10
Auglýsing Athygli söluskattsgreiðenda er vakin á því að 20% álag fellur á söluskatt vegna desember- mánaðar sé hann ekki greiddur í síðasta lagi hinn 3. febrúar nk. Fjármálaráðuneytið, 1. febrúar 1988. Styrkur til háskólanáms á Ítalíu ítölsk stjórnvöld bjóða fram styrk handa fslendingum til náms á Ítalíu á háskólaárinu 1988-89. Styrkirnir eru einkum ætlaðir til framhalds- náms eða rannsókna við háskóla eða náms við listaháskóla. Styrkf- járhæðin nemur 600.000 lírum á mánuði. Umsóknum, ásamt tilskildum fylgiskjölum, skal komið til mennta- málaráðuneytisins, Hverfisgötu 6, 150 Reykjavík, fyrir 25. febrúar n.k. á sérstökum eyðublöðum, sem þar fást. Menntamálaráðuneytið, 1. febrúar 1988 Laus staða Staða lektors í alþjóðastjórnmálum við félagsvísindadeild Háskóla (slands er laus til umsóknar. Kennslu- og rannsóknasvið verður almenn greining á alþjóðastjórnmálum og þróun íslenskra utanrík- ismála. Laun samkvæmt launakerfi starfsmanna ríkisins. Umsóknir ásamt rækilegri skýrslu um vísindastörf umsækjenda, ritsmíðar og rannsóknir, svo og námsferil og störf, skulu sendar menntamálaráðuneytinu, Hverfisgötu 6, 150 Reykjavík fyrir 10. mars 1988. Menntamálaráðuneytið, 2. febrúar 1988 þiÓÐyiLIINN Happdrœtti Þjóðviljans Vinningsnúmer Vinningar í happdrætti Þjóðviijans komu á þessi númer: 1. Subaru Justy bifreið frá Ingvari Helgasyni hf., að verðmæti 370 þús. kr. kom á miða nr. 26410. 2. -4. Island PC tölvur frá Aco hf., að verðmæti 65 þús. kr. hver, komu á miða nr 5138, nr. 23415 og 29928. 5.-6. Ferðavinningarfrá Samvinnuferðum Landsýn hf., að verðmæti 50 þús. kr. hvor, komu á miða nr. 6705 og nr. 10896. 7.-8. Húsbúnaður frá Borgarhúsgögnum hf., að verðmæti 30 þús. kr. hvor, kom á miða nr. 12225 og nr. 22477. 9.-10. Vöruúttekt frá Japis, að verðmæti 40 þús. kr. hvor, kom á miða nr. 15596 og nr. 25764. 11. Sjónvarp frá Sjónvarpsmiðstöðinni hf., að verð- mæti 50 þús. kr. kom á miða nr. 19201. 12-14. Ritvélar frá Borgarfelli hf., að verðmæti 25 þús. kr. hver, komu á miða nr. 13063, nr. 15385 og nr. 16924. 15.-24. Bókaúttekt frá bókaforlagi Máls og menn- ingar, að verðmæti 7 þús. kr. hver, kom á miða nr. 2150, nr. 3264, nr. 5185, nr. 10588, nr. 18990, nr. 23819, nr. 24083, nr. 27245, nr. 28560 og nr. 28884. 25.-29. Bókaúttekt frá bókaforlaginu Svart á hvítu, að verðmæti 5 þús. kr. hver, kom á miða nr. 9780, nr. 14956, nr. 16671, nr. 19020 og nr. 30124. 30.-34. Vöruúttekt frá Nýjabæ, að verðmæti 5 þús. kr. hver, kom á miða nr. nr. 3699, nr. 8364, nr. 24557, nr. 25219 og nr. 27175. Vinningshafar geta snúið sér til skrifstofu Þjóð- viijans, Síðumúla 6, til að vitja vinninga sinna. Þjóðviljinn þakkar stuðningsmönnum sínum fyrir góð viðbrögð við sölu happdrættismiðanna og umboðs- mönnum happdrættisins um land allt fyrirþeirra fram- lag. Barnabílstóll - bílpúði - belti! Notar barnið þitt öryggisbúnað í bílnum? mÍUMFERÐAR Uráð ERLENDAR FRÉTTIR Sovétríkin Malenkov látinn Georgy Malenkov var ekki jarðsettur með jafn glœsilegum hœtti og maðurinn er hann þjónaði og ekki er þess getið að nokkur hafigengið fram hjá líkbörum hans Félagi Georgy Malenkov er ekki lengur á meðal vor. A mánudag bárust þær fréttir vest- ur yfir tjald að hann hefði andast í fyrra mánuði, 86 ára að aldri, og verið jarðsunginn í kyrrþey. Félagi Malenkov var um langt árabil stoð og stytta Jósefs Stalíns en hann sat alllengi við stjórnvöl- inn í Sovétríkjunum. Þegar Stalín lést varð hann um skeið forsætis- ráðherra. Þjóðviljinn greinir frá skipun hans í það embætti sama dag og hann greinir frá láti Stal- íns, eða nánar tiltekið þann 7.mars árið 1953. Um Malenkov er þar farið þessum orðum: „Georgi Maxímílíanovitsj Malenkoff, hinn nýi forsætisráð- herra Sovétríkjanna, er 51 árs gamall. Hann gekk í Rauða her- inn 1919 og í kommúnistaflokk- inn 1920. Hann gekk í tæknihá- skólann í Moskva 1922-1925. Síð- an gerðist hann starfsmaður miðstjórnar kommúnistaflokks- ins og gegndi þar ýmsum störf- um, var m.a. um tíma einn af rit- urum Stalíns. Árið 1941 tók Malenkoff sæti í landvarnanefndinni og var falin yfirstjórn skriðdrekaframleiðsl- unnar og síðar flugvélafram- leiðslunnar og þótti leysa þau við- fangsefni af hendi með miklum ágætum. Árið 1944 varð hann þjóðfulltrúi frelsuðu héraðanna og hafði eftir það á hendi yfir- stjórn endurreisnar hins stríðs- eydda hluta Sovétríkjanna. Árið 1946 tók Malenkoff sæti í stjórnmálanefnd miðstjórnar kommúnistaflokksins og sama ár varð hann varaforsætisráðherra. Hann flutti skýrslu miðstjórnar á 19.þingi kommúnistaflokksins í haust.“ En Malenkov var ekki einn um hituna, hugur Nikitas nokkurs Krústjovs stóð einnig til æðstu metorða. Þeir félagar tóku hönd- um saman strax fyrstu vikurnar eftir lát Stalíns og komu hinum valdamikla yfirmanni leynilög- reglunnar, Lavrenty Bería, fyrir kattarnef. Enda ekki seinna vænna þar eð Bería hafði í fjölda- mörg ár verið alveg sérstakur óvinur alþýðu manna í Sovétríkj- unum og auk þess erindreki út- lendinga. En fljótlega hófst kapphlaup þessara tveggja ágætismanna um vegtyllur og leiðsögn öreiganna. í september árið 1953 mátti vera ljóst að Krústjov hafði bæði tögl og hagldir í flokknum því þá var hann útnefndur fyrsti ritari. Ágreiningur Malenkovs og Krústjovs jókst jafnt og þétt. Þeir deildu um landbúnaðarmál og iðnað, flokksmál og kerfismál. Það var sama hvar borið var nið- ur, hvarvetna krafðist Malenkov gætni og hófsemdar og varaði við því að menn rösuðu um ráð fram. En enginn má við margnum. í febrúarmánuði árið 1955 sá Mal- enkov þann kost vænstan að láta af embætti forsætisráðherra. Hann var snimmhendis leystur af hólmi af Nikolai Bulganin. Þrátt fyrir þennan ósigur sat Malenkov áfram í stjórnmála- nefnd flokksins ásamt ýmsum öðrum gömlum þjónum Stalíns, en þeirra meðal voru Vyacheslav Molotov og Lazar Kaganovich. Krústjov hélt því síðar fram að þessir þrír hefðu gert allt er í þeirra valdi stóð til þess að bregða fæti fyrir tilraunir sínar til þess að hverfa af braut stalín- ismans og brydda uppá nýjung- um. Á tuttugasta þingi Kommún- istaflokks Sovétríkjanna hélt Krústjov hina frægu leyniræðu sína. I henni er engin fjöður dreg- in yfir þá staðreynd að Jósef Stal- ín var hinn versti fantur og fúl- menni. Ræða þessi hefur enn þann dag í dag ekki verið birt gerskum almenningi. Míkhael Gorbatsjov, núver- andi bóndi í Kreml, hefur við ýms tækifæri borið lof á þá umbóta- viðleytni er Krústjov og félagar hans sýndu á þessum tíma. Þre- menningarnir Malenkov, Mo- lotov og Kaganovich kunnu hins- vegar ekki að meta nýmælin. I júnímánuði áríð 1957 sáu þeir sér leik á borði. Með ráðsnilld og fortölum tókst þeim að vinna meirihluta framkvæmdanefndar- innar á sitt band um að steypa Krústjov af stóli. I sovéska kommúnistaflokkn- um er ein stofnun æðri fram- kvæmdanefnd miðstjórnarinnar en það er vitaskuld miðstjórnin sjálf. En þegar þörf er á skjótum viðbrögðum getur verið tíma- frekt að hóa henni saman þar eð fulltrúar búa á víð og dreif um hin víðlendu Sovétríki. En Georgy Zhukov varnar- málaráðherra og marskálkur, stríðshetja Sovétmanna númer eitt úr „Föðurlandsstríðinu mikla,“ bjó yfir tveim eigin- leikum er nú komu Krústjov til bjargar. í fyrsta lagi var hann andsnúinn Malenkov, Molotov og Kaganovich. í öðru lagi var hann þrautgóður á raunastund. Zhukov lét flytja gervalla miðstjórnina til Moskvu með herflugvélum þar sem hún efndi í skyndi til neyðarfundar og hnekkti ákvörðunum fram- kvæmdanefndarinnar. Hermt er að marskálkurinn hafi auk þessa látið skriðdrekasveitir vera í við- bragðsstöðu við hlið höfuðborg- arinnar. Enn hafði Krústjov skotið Malenkov ref fyrir rass. í Þjóðviljanum var greint frá því þann 4.júlí árið 1957 að Mal- enkov, Molotov og Kaganovich hafi verið vikið úr forystu komm- únistaflokksins ásamt þáverandi utanríkisráðherra, Dimitry Shep- ilov. Daginn eftir greinir blaðið frá því að þeir hafi verið sviptir öllum ráðherraembættum og vegtyllum öðrum. Blaðið endursegir hluta álykt- unar miðstjórnar flokksins um mál þremenninganna. „í ályktun miðstjómarinnar segir, að flokk- urinn hafi unnið kappsamlega að því að bæta lífskjör fólksins, færa flokksstarfssemina aftur í lenín- ískt horf, útrýma lögleysum, styr- kja tengslin milli fjöldans og flokksins, efla sósíalistískt lýð- ræði í Sovétríkjunum, grunn- múra vináttu meðal sovétþjóð- anna og draga úr viðsjám í al- þjóðamálum til að tryggja varan- legan frið. Á öllum þessum svið- um hafi miklu verið áorkað, eins og allir sovétborgarar viti. Samt hafi andflokkslegur hópur þeirra Molotoffs, Malenkoffs og Kag- anovitsj beitt sér gegn stefnu flokksins." Menn er leggjast gegn ágætum hlutum eiga ekkert gott skilið. Þremenningarnir voru reknir úr flokknum og fengu skömm í hatt- inn fyrir unnin störf. Molotov fékk að vísu uppreisn æru að hluta þegar hann fékk inngöngu í flokkinn á nýjan leik á ofanverð- um valdadögum Leoníds Brésn- evs. Hann lést í fyrra. Spesíalistar Reuters telja Kaganovich hins- vegar enn í tölu lifenda, að sögn þeirra þreyir hann elli sína flest- um gleymdur/ einhversstaðar í Moskvuborg. Óvíst erhvorthann fylgdi Malenkov sökunaut og vopnabróður sínum til grafar, Reuter/ÞjóðviIjinn/-ks. 10 SÍÐA - ÞJÓÐVILJINN Mlðvikudagur 3. febrúar 1988

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.