Þjóðviljinn - 10.02.1988, Blaðsíða 16

’
1 .•
'
Aðalsími
681333
Kvöldsími
681348
Helgarsími
681663
þJÓOVIUINN
Mlðvikudagur 10. febrúar 1988 32. tölublað 53. árgangur
Sparisjóösvextir
qg yfindráttur
á tékkareikningum
SAMVINNUBANKI
ISLANDS HF
■ ■ Kringlan
Oryggisverðir hætta
Öryggismiðstöðin sf.: Enn ósamið við Dagsbrún. Lífeyrissjóðs- og
stéttarfélagsgjald dregið aflaunum, en ekki er vitað um viðtakanda.
Orlofekki borgað. Fimm öryggisverðir á förum
Samkvæmt heimildum Þjóð-
viljans hefur Öryggismiðstöð-
in sf. í Kringlunni ekki enn skrif-
að undir samning við verka-
mannafélagið Dagsbrún, þrátt
fyrir að slíkur samningur hafí
verið tilbúinn til undirritunar frá
því snemma í vetur. Engu að
síður dregur fyrirtækið lífeyris-
sjóðsgjald og stéttarfélagsgjald af
launum öryggisvarðanna, en
borgar þeim ekkert orlof, sem þó
ber að greiða, samkvæmt lögum,
10,17% ofan á allar launatekjur.
Mikill órói er því þessa dagana
meðal öryggisvarða í Kringlunni
og hafa nú þegar fimm þeirra sagt
upp störfum og eru á förum á
næstu dögum og um næstu mán-
aðamót. Þegar starfsmennirnir
bera upp kvartanir við forráða-
menn fyrirtækisins, er þeim sagt
að hypja sig séu þeir ekki ánægðir
með starfið og vinnuaðstöðuna.
Öryggisverðirnir hafa ekki far-
ið á brunamálanámskeið og hafa
ekki verið upplýstir um hvar
brunatjöld Kringlunnar eru, ef
eldur kynni að koma upp í versl-
unarmiðstöðinni. Það situr því
allt svo til við það sama frá því í
vetur, þegar trúnaðarmaður ör-
yggisvarðanna var rekinn sam-
stundis eftir að hafa farið þess á
leit að starfsþjálfun þeirra yrði
aukin og bætt til þess að þeir gætu
unnið sitt starf sómasamlega.
Að sögn Kjartans Scheving,
eiganda Öryggismiðstöðvarinnar
sf., hefur ekki verið skrifað undir
samning við Dagsbrún vegna
þess að þeir bíði eftir niðurstöð-
um komandi kjarasamninga!
Ekki vildi Kjartan segja Þjóðvilj-
anum til hvaða lífeyrissjóðs, né
stéttarfélags, fyrirtæki hans
greiddi það sem tekið er af
iaunum öryggisvarðanna, og um
ógreitt orlof kannaðist hann ekk-
ert við.
-grh
1
Siðadómur
Útvarpsmenn
út úr dómnum
I kjölfar úrskurðar siðareglu-
nefndar Blaðamannafélagsins um
fréttaflutning Ríkisútvarpsins af
Tangenmálinu svokallaða fyrr í
vetur hafa tveir af fréttamönnum
útvarpsins, sem áttu sæti í nefn-
dinni, sagt sig úr henni, þeir Frið-
rik Páll Jónsson varafréttastjóri
og Atli Rúnar Halldórsson frétta-
maður sem er varamaður í nefn-
dinni.
Samkvæmt heimildum Þjóð-
viljans er mikil óánægja meðal
starfsmanna á fréttadeild útvarps
með þá ákvörðun siðanefndar að
fella dóm yfir allri fréttadeildinni
og líta fréttamenn þar svo á að
þeim sé ekki fært að svo komnu
máli að skipa sæti í siðanefnd.
-Sáf.
Landhelgisgœslan
Margt leynist í sjónum
umhverfis landið
Handbók
stríðstól
Tundurdufl, djúpsprengjur,
eldflaugasprengjur, hand-
sprengjur og ýmis önnur hættuleg
vígatól, auk torkennilegra hluta
sem oft rekur á fjörur landsins, er
umfjöllunarefni í nýútkominni
bók sem sprengjueyðingardeild
Landhelgisgæslunnar hefur gefíð
út.
„Stríðstól og aðrir hættulegir
hlutir“ er yfirskrift bókarinnar,
en hún er einkum ætluð skip-
stjórnarmönnum íslenskra fiski-
skipa og lögregluyfirvöldum til
leiðbeiningar um meðferð hættu-
legra hluta eða vopna.
f bókinni er greint frá þeim
sprengjum og hættulegum hlut-
um sem komið hafa í veiðarfæri
skipa á undanförnum árum, sést
á reki við ísland eða rekið á
fjörur.
Af upptalningu í bókinni er
ljóst að ýmislegt fleira leynist í
sjónum og undirdjúpunum um-
hverfis landið en matfiskur og
krabbadýr.
-Jg-
Krakkarnir í Álfftamýrarskóla voru óvenjukát í skóianum í gær
enda starfsdagur og margt skemmtilegt við að vera. Þessar stelpur voru í óða
önn að mála veggspjöld þegar Ijósmyndari Þjóðviljans leit þar inn Þær heita: fr.
v. Anna, Helga og Gerður. Mynd - Sig.
Borgarráð
Tilboð opnuð í Völundarlóð
Steintak bauð hæst, 77,7miljónir. Dögun hf. bauð mest ílóðÁrna
Jónssonar við Laugaveg, 32 miljónir
fundi borgarráðs f gær voru
íbúðarhúsnæðis samkvæmt
opnuð tilboð um byggingu skipulagi á Völundarlóðinní við
Kjarnorkuvopnalaus Norðurlönd
Viðræður í Moskvu
Pingmannanefnd um kjarnorkuvopnalaus Norðurlönd þiggur boð Ryzhkovs.
Hyggst einnig fara til Washington
| gær lauk í Stokkhólmi fundi
þingmannanefndar um kjarn-
orkuvopnalaus Norðurlönd. Af
íslands hálfu sátu fundinn Svavar
Gestsson frá Alþýðubandalaginu,
Páll Pétursson frá Framsóknar-
flokki og Eiður Guðnason frá Al-
þýðuflokki. Fulltrúi frá Kvenna-
listanum sat ekki fund nefndar-
innar að þessu sinni.
Að loknum nefndarfundi upp-
lýsti Anker Jörgensen formaður
nefndarinnar blaðamenn um að
nefndin hefði ákveðið að þiggja
boð Ryzhkovs forsætisráðherra
Sovétríkjanna um að koma til
Moskva síðar á þessu ári og eiga
þar viðræður við þingmenn.
Fram kom og að nefndin stefndi
að því að eiga einnig viðræður við
þingmenn í Washington.
Jörgensen sagði að innan tíðar
yrði efnt til almenns þingmanna-
fundar um kjarnorkuvopnalaus
Norðurlönd. Siíkur fundur var
haldinn 1. desember í Kaup-
mannahöfn og sátu hann fulltrúar
frá nær öllum þingflokkum á
þjóðþingum Norðurlanda.
ÓP
Skúlagötu. Hæsta tilboð átti
Steintak hf., 77,7 mUjónir króna
og næst kom Ós hf. með 67,3 milj-
ónir. Til að sleppa á sléttu þurfti
borgin að fá 57 miljónir, en hún
kcypti lóðina á sfnum tíma. Borg-
in hagnast því um 20 miljónir á
útboðinu.
Þá voru einnig opnuð tilboð
um byggingu á lóð Árna Jóns-
sonar við Laugaveg og átti byg-
gingarfélagið Dögun hæsta boð,
32 miljónir króna, en næst kom
Asparás hf. með 28,1 miljón.
Borgarráð samþykkti einnig á
fundi sínum í gær að veita 250
þúsund króna fjárstuðning til
Jafnréttisráðs Reykjavíkur til að
styrkja þátttöku reykvískra
kvenna í Norræna kvennaþinginu
sem haldið verður í Osló á þessu
ári.
Einnig var samþykkt að setja
upp umferðarljós á þremur nýj-
um stöðum í borginni í sumar.
Þau verða sett upp við gatnamót
Sætúns og Kringlumýrarbrautar,
Rauðarárstíg, og Hverfisgötu og
við gatnamót Eiríksgötu og Bar-
ónsstígs.
Þá krafðist minnihlutinn þess
og lét bóka að fá að sjá útboðs-
gögn og tilboð vegna fyrsta hluta
ráðhússbyggingarinnar við
Tjörnina. Við útboðið var valinn
hópur verktaka til að bjóða í
þennan fyrsta áfanga byggingar-
innar, en stjórnarandstaðan hef-
ur hvorki fengið að sjá útboð-
sgögnin né þau tilboð sem bárust.
Innan borgarkerfisins herma
sagnir að þeir einir hafi fengið að
vera með, eru vanir að vinna í
vatni! -grh